Lawa a wúlu-bɔlen 13:3 - LAWA A BOO SONBORE

³ Lawa a wúlu-bɔle lɛ ga a gɔ̀nɔn lɛ a busu ǹ bǎã ganaa. Busu lɛ bɛa paǹ mɛn ganaa, bɛ̀ bɛa ka nə́ n bɔyaa á n baa fu, bɛ̀ a bǎã wɔ̀lɔ̀ da a gɔ̀nɔn ganaa, gɔ̀nɔn ki busu babaraa nɛ. Bɛ̀ wúlu-bɔle lɛ ga a ganaa á nya lɔn gɔrɔ, a pɛ mà gɔ̀dɛnaa nɛ.

LAWA A BOO SONBORE 2011

³ Lawa a wúlu-bɔle lɛ ga a gɔ̀nɔn lɛ a busu ǹ bǎã ganaa. Busu lɛ bɛa paǹ mɛn ganaa, bɛ̀ bɛa ka nə́ n bɔyaa á n baa fu, bɛ̀ a bǎã wɔ̀lɔ̀ da a gɔ̀nɔn ganaa, gɔ̀nɔn ki busu babaraa nɛ. Bɛ̀ wúlu-bɔle lɛ ga a ganaa á nya lɔn gɔrɔ, a pɛ mà gɔ̀dɛnaa nɛ.

Lawa a wúlu-bɔlen 13:3 Iomraidhean Croise

Siin Giala 13:3

Á n toa gusin a lɛ̀gɔn la, á woo miɛ̃ boɛboɛ yǎa Betɛli. A na a zìã lɛ dɔ bǎã mɛn nɛ lɛlɛ, Betɛli laanka Ayii bii ni, á woo yǎa walan.

Ezekieli 16:30

E! Wàa mɛn foo tãbaa tɔrɔ n ka bɛ nɛ nsɛ lon, n bɛa siin kɛn lɛn tumaa zɛnɛɛ nɛ, kɔrɔbaa nə nsɛ a dí lɛa! Ma din Dɛnaa Lawa a da ǹ boo ne.

Ezekieli 44:23

Màn mɛn bɛ́ Lawa wɔ lɛa, màn mɛn bɛ́ a ba a wɔ lɛa wa, màn *yoreen laanka màn gɔgɔrɛ nɛ, ǹ tá re maa zaman lɛ darɛɛ bɛn bɔkɔnlɛ ganaa.

Ozee 7:9

Tiin manə ǹ kakabaa a là bii, sɛnɛ, ǹ ba doɛ̃ wa. Ǹ mìi ka na á fulu sɛnɛ, ǹ dinin ba doɛ̃ wa.

Lawa a wúlu-bɔlen 10:10

A giala, màn mɛn bɛ́ Lawa wɔ lɛa, màn mɛn bɛ́ a ba a wɔ lɛa wa, ka doamaa nɛ ka boo la ka bɛa bɔkɔnlɛ wɔ, ka boo la ka màn gɔgɔrɛ dɔ laanka màn *yoreen a bɔkɔnlɛ wɔ.

Lawa a wúlu-bɔlen 13:10

Wúlu-bɔle lɛ ga a ganaa. Bɛ̀ gɔ̀nɔn yoo fu tá a paǹ mɛn ganaa, bɛ̀ á ná a gɔ̀nɔn ka dɔ bɔyaa á baa fu, bɛ̀ a gɔ̀nɔn siĩ dɔ nə́ n suĩ á soo kanaa,

Lawa a wúlu-bɔlen 13:2

Bɛ̀ min gɔ̀nɔn paǹ kɔn na á yoo, bɛ̀ á kokore, hinlaa ta a na á n kurəə á fulu, bɛ̀ á gɔ̀nɔn ki busu babaraa kɛ baa ǹ dɛnaa ganaa, ka wo ka ǹ dɛnaa nɛ Lawa a wúlu-bɔle Aarɔn li, hinlaa a tɔrɔ wúlu-bɔlen kɛn goon li.

Lawa a wúlu-bɔlen 13:20

Wúlu-bɔle lɛ ga a busu lɛ ganaa. Bɛ̀ á wɔ̀lɔ̀ da a gɔ̀nɔn ganaa, á ná a ka bɔyaa á baa fu, wúlu-bɔle lɛ pɛ ma gɔ̀dɛnaa nɛ. Gɔ̀nɔn ki busu babaraa nɛ, giɛ mà á soe a boree bǎã lɛ nɛ.

Lawa a wúlu-bɔlen 13:4

Bɛ̀ a gɔ̀nɔn paǹ kɔn na á n kurəə á fulu á n tɛ pii, bɛ̀ a wɔ̀lɔ̀ da a gɔ̀nɔn ganaa wa, bɛ̀ a ka dɔ nə n bɔyaa á n baa fu wa, wúlu-bɔle busulə lɛ da a gɔrɔn lɛawaa sɔbaa gɔ́ɔ̃ nɛ.

Lawa a wúlu-bɔlen 13:8

Wúlu-bɔle lɛ ga a ganaa. Bɛ̀ á woo yǎa màn mɛ a gɔ̀nɔn kokoree lɛ li, haya! A pɛ ma gɔ̀dɛnaa nɛ: Gɔ̀nɔn ki busu babaraa nɛ.

Lawa a wúlu-bɔlen 14:37

A ga sulii bǎã lɛ ganaa. Sulii bǎã mɛn bɛ́ kion lɛ gɔ̀nɔn ganaa, Bɛ̀ a yii n ka a n buu buruu lɛa, hinlaa ka a n tã, bɛ̀ á baa ka a n die wɔ̀lɔ̀ diɛ kion lɛ gɔ̀nɔn ganaa,

Lawa a wúlu-bɔlen 14:54

Landa mɛn bɛ́ a tan, a din nə ka bɛ nɛ, gɔ̀nɔn busu tɔrɔ tumaa laanka kɔ̀n-gɛ̀ wɔ paǹ li,

Lawa a wúlu-bɔlen 14:56

ta gɔ̀nɔn yoo ne, a kokoree ne, ka gɔ̀nɔn paǹ mɛn dɔ bɛ́ á n kurəə á fulu.

Lawa a wúlu-bɔlen 5:3

Gɔ̀ mɛn tumaa bɛ́ n bɔyɛɛ min li, bɛ̀ bɛ tá minbuiin nɛ mɛn ganaa, bɛ̀ min nə́ n gɔn da bɛ ganaa a ná a dɔ̃ wa, bɛ̀ á daa á dɔ̃ ǹ mɛn pinaa, a dɔlɔ na a mìi ni.

Azee 2:11

– Á ke Dɛnaa Lawa Pàãyiidɛnaa n kɛ pii: «Nɔ̀n da Lawa a wúlu-bɔlen kɛn la ka dí-pɛn kɛn nɛ.

Malakii 2:7

Hiĩ, Lawa a wúlu-bɔle a nya ǹ dí n ka Lawa doɛ̃ nɛ, ka a landan tamaa nɛ. Maǹ die nɔ̀n diɛ a din la ka Lawa a dí-pɛn yɔrɔn nɛ. A din ni Dɛnaa Lawa Pàãyiidɛnaa á boo sii á pɛ wole lɛa.

Matiə 16:19

Ma á die lon a kiibaa ǹ bǎã lɛ a goo nɛn koe n la. Bɛ̀ n nə́ n piã ka sii mɛn tumaa-n tán, Lawa dɔ á die n piɛ̃ ka bɛ nɛ, bɛ̀ n lɛ kɔ sii mɛn tumaa ganaa tán, Lawa dɔ á die lɛ koe bɛ ganaa.»

Zaã a sɛ́wɔ 20:23

Bɛ̀ ka min mɛnɛn sii baraan toa ǹ nɛ, Lawa á re bɛa dɛnan sii baraan toɛ ǹ nɛ. Bɛ̀ ka n piã ka min mɛnɛn wɔn toa ǹ nɛ wa, Lawa a re bɛa dɛnan sii baraan toɛ ǹ nɛ wa.»

Nya ǹ dín 20:28

Ka ga ka dinin walan, ka Lawa a minin lɛn dɔn nɛ, Yiri Fu bɛ́ á ka bɔ á ka koa ǹ mɛnɛn nyɛɛnɛ. Lawa din na a sɔmɔ mɛn pii ka a din a Nɛgiĩ mà-n ke, ka goã bɛa lɛduə̃lin lɛa.

Rɔmu minin 7:7

Wɔ ǹ die pii mà wàa kəni? Mà dí-pɛn man màn baraa lɛa? Haayii dɛ! Sɛnɛ, wɔ ǹ wɔ́ sii baraa dɔ̃ dí-pɛn barka nɛ. Bɛ̀ dí-pɛn bie ǹ nə́ pɛ mà «n yii baran bɔ min kɔsɔ gɔn màn kɔn li wa», bɛ̀ wɔ a yii bɔ min kɔsɔ gɔn màn li doɛ̃ sii baraa lɛa wa.

Timote1 1:20

Imenee laanka Alɛksandrə tá kunun ǹ ni. Má bɛn kɔ *Sɛtaan la, màn mɛn bɛ́ toɛ, ǹ dɔ̃, ǹ baran Lawa tɔ ziziɛ̃ wa.

Timote2 3:13

Min babaraan kɛn laanka minin yiri-sãlin kɛn, màn tá re miɛ bɛn baraabaa li. Ǹ tá re min kɔsɔn siɛ̃, ǹ dininmaan dɔn siɛ̃maa nɛ.

Ebrəə 13:7

Ka n yiri kɔ kaa lɛlɛ a nyɛɛnaandɛnan kɛn nɛ, ǹ mɛnɛn nə Lawa a boo lɛ pɛ ka nɛ. Ka ga ǹ tá kanaa a tɔ-wɔ ǹ gɔn kɛ laanka ǹ gɛ̀-wɔ ǹ gɔn kɛ ganaa, ka toa ka ǹ golee Lawa li lɛn zɔɔ̃.

Sii-nyaan 2:23

Ma á re a nɛnyaanan tumaa dii. Ka bɛ nɛ, Lawa a sɔmɔ minin tumaa á re doɛ̃, mà min mɛn bɛ́ minbuiin tumaa a taasiɛn doɛ̃, ka ǹ foo sii duriin ni, mà bɛ n ka masɛ nɛ. Ma á re ka gogoonmaa sarɛɛ, a kɔnpɛ ka a din a sii-zɛnaan nɛ.