Lawa a wúlu-bɔlen 12:8 - LAWA A BOO SONBORE

⁸ Bɛ̀ wɔrɔ ba lɔ lɛ gɔn á n doe sère nɛ ganaa wa, a wuruun màn paa hinlaa zɛrɛkantoan màn paa kũ, a goon baa wúlu màn tiɛ̃ lɛa, a goon baa sii baraa sawaa ǹ wúlu màn lɛa. Bɛ̀ wúlu-bɔle lɛ gɔ̀ bɔma-a ǹ landa zɛnaa a lɛa, a gɔ̀ na á n bɔ a ganaa.

LAWA A BOO SONBORE 2011

⁸ Bɛ̀ wɔrɔ ba lɔ lɛ gɔn á n doe sère nɛ ganaa wa, a wuruun màn paa hinlaa zɛrɛkantoan màn paa kũ, a goon baa wúlu màn tiɛ̃ lɛa, a goon baa sii baraa sawaa ǹ wúlu màn lɛa. Bɛ̀ wúlu-bɔle lɛ gɔ̀ bɔma-a ǹ landa zɛnaa a lɛa, a gɔ̀ na á n bɔ a ganaa.

Lawa a wúlu-bɔlen 12:8 Iomraidhean Croise

Lawa a wúlu-bɔlen 1:14

Bɛ̀ min nə die bàan biɛ wúlu màn tiɛ̃ lɛa, n Dɛnaa Lawa gɔ nɛ, ǹ dɛnaa doamaa nɛ a da ka wuruun ni, hinlaa ka zɛrɛkantoan nɛ.

Lawa a wúlu-bɔlen 12:7

Wúlu-bɔle lɛ bɛa mànan lɛn nyaa Lawa nɛ ǹ sii zɛnaa kɔn yɛ ka Lawa nɛ ǹ kion kɛ yɔrɔ-a. Bɛ̀ wúlu-bɔle lɛ gɔ̀ bɔma-a ǹ landa zɛnaa a lɛa, a nɛ yɛ ǹ gɔ̀ á die n boe a ganaa. Bɛ̀ lɔ nɛginin hinlaa nɛlɔ yɛ, landa mɛn bɛ́ a tan a wɔ paǹ li, a din lɛ n ka bɛ nɛ.

Lawa a wúlu-bɔlen 13:1

Dɛnaa Lawa boo da Muizu laanka Aarɔn nɛ á pɛ ǹ nɛ:

Lawa a wúlu-bɔlen 14:21

Bɛ̀ màn ba ǹ dɛnaa gɔn, á n boe la á n doe bɛa mànan kɛn lɛn tumaa ganaa wa, a sère nɛ gɔ̀lɔ̀n goon kũ. Ǹ bɛa sère nɛ lɛ a kɔ Lawa la ǹ sii zɛnaa, ǹ baa zɛ̀rɛ si Lawa la ǹ wúlu màn lɛa, màn mɛn bɛ́ toɛ ǹ gɔ̀ bɔma-a ǹ landa zɛnaa bɛa dɛnaa lɛ a lɛa. A wùsu sonbore kilo sɔɔ dinsɔɔ̃ yia ka nyɔɔ nɛ, Lawa gɔ ǹ wɔ lɛa, a bɛ dɔ saa, ka nyɔɔ litiri talɛɛ nɛ.

Lawa a wúlu-bɔlen 14:22

A wuruun paa hinlaa zɛ̀rɛkantoa màn paa kũ, ǹ mɛn a wɔrɔ bɛ́ boe la á yii a gɔn. A goon baa sii baraa sawaa ǹ wúlu màn lɛa, a goon baa wúlu màn tiɛ̃ lɛa.

Lawa a wúlu-bɔlen 15:14

Lɛawaa kiwisibaa ǹ wɔ pinaa, a wuruun màn paa hinlaa zɛrɛkantoan màn paa kũ, a da ǹ kɔ Lawa a wúlu-bɔle la, kɔn yɛ ǹ kion kɛ a kiɛnlɛ-a, Dɛnaa Lawa yɔrɔ-a.

Lawa a wúlu-bɔlen 15:15

Lawa a wúlu-bɔle die a bàanan lɛn goon baa sii baraa sawaa ǹ *wúlu màn lɛa, a ǹ goon baa wúlu màn tiɛ̃ lɛa. Wúlu-bɔle lɛ gɔ̀ bɔma-a ǹ landa zɛnaa bɛa giĩ lɛ a lɛa, kɔn yɛ ka Dɛnaa Lawa nɛ ǹ kion kɛ yɔrɔ-a, a kii mu a da a din li lɛ taman yii.

Lawa a wúlu-bɔlen 15:29

A lɛawaa kiwisibaa ǹ wɔ pinaa, a wuruun màn paa hinlaa zɛrɛkantoan màn paa kũ, a da ǹ kɔ Lawa a wúlu-bɔle la, kɔn yɛ ka Lawa nɛ ǹ kion kɛ a kiɛnlɛ-a.

Lawa a wúlu-bɔlen 4:26

Tɔɔ lɛ a nyɔɔ tumaa, a bɛ tã wúlu bɔ ǹ bǎã kɛ lalan, ka a bɛ́ á barka da Lawa nɛ ǹ wúlu màn lɛ wɔ baa lɔn. Wúlu-bɔle lɛ doamaa nɛ, a goledɛnaa lɛ a sii baraa sawaa ǹ wúlu bɔ miɛ̃, Lawa á die a sii baraa lɛ toɛ nɛ.

Lawa a wúlu-bɔlen 5:11

Bɛ̀ min mɛn dɔ a boe la á doe wuruun màn paa hinlaa zɛrɛkantoan màn paa lɛ ganaa á n koe a sii baraa sawaa ǹ wúlu màn lɛa wa, á boe la dinin a da ka wùsu nɔnɔɔ kilo sii ni, a sii baraa sawaa ǹ wúlu màn lɛa. Sɛnɛ, a baran nyɔɔ kaa li wa, a baran da yon gìĩ kɔɔ̃n da la wa. A giala, sii baraa sawaa ǹ wúlu màn nɛ.

Lawa a wúlu-bɔlen 5:7

Bɛ̀ min mɛn ba boe la, á n doe sère hinlaa bòe ganaa á n koe a sii baraa sawaa ǹ wúlu màn lɛ a wa, á boe la a da wuruun màn paa hinlaa zɛrɛkantoan màn paa kɔ Dɛnaa Lawa la. Goon na a sii baraa sawaa ǹ wúlu màn baa, goon kɛ wúlu màn tiɛ̃ baa.

Matiə 21:12

Bɛ kio, Yezu wɔ Lawa a kion. Min mɛnɛn bɛ́ màn siɛ̃ walan, ǹ mɛnɛn bɛ́ màn pii, á ǹ tumaa loo á ǹ kaa kanaa. Á wɔrɔ lonkɔlen tabalan nyanaa á ǹ lɛ kuməə tán, á zɛrɛkantoan-sãlin dankanan lɛ kuməə tán.

Korɛnti2 8:9

A giala, ka á wɔa Dɛnaa Yezu *Krita a bǐɛ̃baa ǹ gɔn doɛ̃: asɛ mɛn bɛ́ pàãma lɛa, á n din baa doobaa lɛa kaa lɛa, a boo la a kasɛn baa pàãman lɛa, ka a doobaabaa lɛ nɛ.