Lawa a wúlu-bɔlen 12:7 - LAWA A BOO SONBORE

⁷ Wúlu-bɔle lɛ bɛa mànan lɛn nyaa Lawa nɛ ǹ sii zɛnaa kɔn yɛ ka Lawa nɛ ǹ kion kɛ yɔrɔ-a. Bɛ̀ wúlu-bɔle lɛ gɔ̀ bɔma-a ǹ landa zɛnaa a lɛa, a nɛ yɛ ǹ gɔ̀ á die n boe a ganaa. Bɛ̀ lɔ nɛginin hinlaa nɛlɔ yɛ, landa mɛn bɛ́ a tan a wɔ paǹ li, a din lɛ n ka bɛ nɛ.

LAWA A BOO SONBORE 2011

⁷ Wúlu-bɔle lɛ bɛa mànan lɛn nyaa Lawa nɛ ǹ sii zɛnaa kɔn yɛ ka Lawa nɛ ǹ kion kɛ yɔrɔ-a. Bɛ̀ wúlu-bɔle lɛ gɔ̀ bɔma-a ǹ landa zɛnaa a lɛa, a nɛ yɛ ǹ gɔ̀ á die n boe a ganaa. Bɛ̀ lɔ nɛginin hinlaa nɛlɔ yɛ, landa mɛn bɛ́ a tan a wɔ paǹ li, a din lɛ n ka bɛ nɛ.

Lawa a wúlu-bɔlen 12:7 Iomraidhean Croise

Zɔbu 1:5

Bɛ̀ zɔ́n lɛ kiɛ̃, Zɔbu na a nɛnyaanan lɛn bíi, bɛ̀ a *gɔ̀ bɔ ǹ ganaa. A n yui baayɛlɛ yiisoone, bɛ̀ a tɔɔ dɛ a tã lenlen, a didie a wúlu bɔ nɛ. Zɔbu na á goã zɛnɛɛ miɛ̃ biikoo tumaa li. A giala a na á goã taasɛ, mà kɔntan asɛ a nɛnyaanan lɛn nə́ sii baraa zɛnaa, hinlaa ǹ nə́ wɔ Lawa gasɛ nɛ ka ǹ taasiɛ nɛ.

Zɔbu 14:4

Die n boe la a màn *yoreen bɔ màn gɔgɔrɛ nɛ? Bɛa dɛnaa din banban.

Lawa a wúlu-bɔlen 1:4

Dɛnaa Lawa bɛ́ re lɛ koe tɔɔ mɛn lɛ ganaa wúlu màn tiɛ̃ lɛa, ǹ dɛnaa die a n gɔn da bɛ lɛ mìi ni, a sii baraa sawaa ǹ wúlu màn lɛa.

Lawa a wúlu-bɔlen 12:6

Bɛ̀ a gɔ̀ bɔma-a ǹ lɛawaan lɛn lɛ pã, tà nɛginin hinlaa nɛlɔ na á yɛ, a da lɛ̀ goon sère nɛ kɔ Lawa a wúlu-bɔle la, *wúlu màn tiɛ̃ lɛa, ka zɛrɛkantoan hinlaa wuruun ni, a bɛ baa sii baraa sawaa ǹ wúlu màn lɛa, kɔn yɛ ka Lawa nɛ ǹ kion kɛ a kiɛnlɛ-a.

Lawa a wúlu-bɔlen 12:8

Bɛ̀ wɔrɔ ba lɔ lɛ gɔn á n doe sère nɛ ganaa wa, a wuruun màn paa hinlaa zɛrɛkantoan màn paa kũ, a goon baa wúlu màn tiɛ̃ lɛa, a goon baa sii baraa sawaa ǹ wúlu màn lɛa. Bɛ̀ wúlu-bɔle lɛ gɔ̀ bɔma-a ǹ landa zɛnaa a lɛa, a gɔ̀ na á n bɔ a ganaa.

Lawa a wúlu-bɔlen 15:15

Lawa a wúlu-bɔle die a bàanan lɛn goon baa sii baraa sawaa ǹ *wúlu màn lɛa, a ǹ goon baa wúlu màn tiɛ̃ lɛa. Wúlu-bɔle lɛ gɔ̀ bɔma-a ǹ landa zɛnaa bɛa giĩ lɛ a lɛa, kɔn yɛ ka Dɛnaa Lawa nɛ ǹ kion kɛ yɔrɔ-a, a kii mu a da a din li lɛ taman yii.

Lawa a wúlu-bɔlen 4:20

A dii gɔ̀lɔ̀ mɛn dɛ a din a sii baraa taman yii, a bɛ́ á bɛ baa lɔn, a kɛ lɛ dɔ baa miɛ̃. Wúlu-bɔle lɛ doamaa nɛ, a ǹ sii baraa sawaa ǹ wúlu bɔ miɛ̃, Lawa á die ǹ sii baraan toɛ ǹ nɛ.

Lawa a wúlu-bɔlen 4:26

Tɔɔ lɛ a nyɔɔ tumaa, a bɛ tã wúlu bɔ ǹ bǎã kɛ lalan, ka a bɛ́ á barka da Lawa nɛ ǹ wúlu màn lɛ wɔ baa lɔn. Wúlu-bɔle lɛ doamaa nɛ, a goledɛnaa lɛ a sii baraa sawaa ǹ wúlu bɔ miɛ̃, Lawa á die a sii baraa lɛ toɛ nɛ.

Lawa a wúlu-bɔlen 4:31

A tɔɔ lɛ a nyɔɔ tumaa waa, ka a bɛ́ á barka da Lawa nɛ ǹ wúlu màn lɛ wɔ waa lɔn. Wúlu-bɔle lɛ bɛ tã wúlu bɔ ǹ bǎã lɛ nɛ, wúlu màn lɛa, a tɛmaa gìĩ n kɔɔ̃n Dɛnaa Lawa ganaa. Wúlu-bɔle lɛ sii baraa zɛnaali lɛ a sii baraa sawaa ǹ wúlu bɔ miɛ̃, Lawa á die a sii baraa toɛ nɛ.

Lawa a wúlu-bɔlen 4:35

Á tɔɔ lɛ a nyɔɔ tumaa waa, ka ǹ bɛ́ ǹ nə́ barka da Lawa nɛ ǹ sère nɛ lɛ wɔ waa lɔn. Wúlu-bɔle lɛ bɛ tã wúlu bɔ ǹ bǎã lɛ nɛ, kun ka Dɛnaa Lawa gɔ ǹ wɔ kɛ nɛ, bɛ̀ ǹ tã. Wúlu-bɔle lɛ doamaa nɛ a sii baraa zɛnaali a sii baraa sawaa ǹ wúlu bɔ miɛ̃, Lawa á die a sii baraa lɛ toɛ nɛ.

Rɔmu minin 3:23

Min din tumaa zɛ̀rɛdɛnaa baa, Lawa gugurubaa mɛn kɔ ǹ la, bɛ nə́ n si ǹ tumaa la.

Rɔmu minin 3:26

Lawa ná a peperebaa nyaa kanna, min mɛn dɔ bɛ́ golee Yezu li, a n bɛa dɛnaa dɔ biɛ min pepere lɛa.

Korɛnti1 7:14

Bɛ̀ á n baa miɛ̃, giĩ goleemali baãnaa lɛ n Lawa a zaman min biɛ, a lɔ lɛ taman yii, lɔ goleemali baãnaa lɛ dɔ n Lawa a zaman min biɛ, ǹ zuũ lɛ taman yii. Bɛ̀ a n baa miɛ̃ wa, ǹ nɛnyaanan man goɛ̃ ka min kooron bɛ́ lɔn, a da yaa a taãnbaa li, nɛnyaanan lɛn tá boe la, ǹ Lawa a zaman minin baa.

Galaasi minin 3:28

Kanna, Zuifu laanka tɔrɔ kɔsɔ bɔkɔnlɛ banban doo wa. Bɛ̀rɛ laanka tá ma din gɔn wìi a lɛa wole bɔkɔnlɛ banban doo wa. Lɔ laanka giĩ bɔkɔnlɛ banban doo wa. A giala, ka tumaa n màn goon lɛa Yezu Krita wɔ gɔ́ɔ̃ nɛ.