Lawa a wúlu-bɔlen 11:44 - LAWA A BOO SONBORE

⁴⁴ A giala, masɛ Dɛnaa Lawa din nə kaa Lawa lɛa. A bɛ́ miɛ̃, ka ka dinin kũ Lawa wɔn lɛa, ka goã yoreene, a giala, masɛ n yoreene. Bɛa màn baaran kɛ lɛ tumaa, tɔ we tán ǹ nɔ̀ la, ka baran gɔ̀ da ka dinin ganaa ka bɛ kɔn nɛ wa.

LAWA A BOO SONBORE 2011

⁴⁴ A giala, masɛ Dɛnaa Lawa din nə kaa Lawa lɛa. A bɛ́ miɛ̃, ka ka dinin kũ Lawa wɔn lɛa, ka goã yoreene, a giala, masɛ n yoreene. Bɛa màn baaran kɛ lɛ tumaa, tɔ we tán ǹ nɔ̀ la, ka baran gɔ̀ da ka dinin ganaa ka bɛ kɔn nɛ wa.

Lawa a wúlu-bɔlen 11:44 Iomraidhean Croise

Loen 99:5

Ka wɔsɛn Dɛnaa Lawa kɛ a golebaa pɛ, ka kaa tán, a gòãn kaa ǹ yoron kɛ li. Sonbore, Dɛnaa Lawa lɛ á siĩni.

Loen 99:9

Ka wɔsɛn Dɛnaa Lawa kɛ a golebaa pɛ. Ka kaa tán, ka n yɔrɔ dia a din a kele sonbore kɛ la. Sonbore, wɔsɛn Dɛnaa Lawa lɛ á siĩni.

Bɔ bɛ̀rɛbaa nɛ 16:12

«Má Izirayeli nɛnyaanan zùũzùũ sii lɛ ma. A pɛ ǹ nɛ kɛnɛn: Wɔlɔ nyin giɛ̃ biikoo li, ǹ tá re siĩ soɛ̃, baayɛlɛ, ǹ tá re màn bii ǹ kã, ǹ tá re doɛ̃ mà ma din Dɛnaa lɛ nə ǹ Lawa lɛa.»

Bɔ bɛ̀rɛbaa nɛ 19:10

Dɛnaa pɛ-n doo: «Wo zaman lɛ li, n na a *yoreen kɔ pelo laanka biɛ̃ nɛ. A pɛ ǹ nɛ, mà ǹ nə ǹ mɔnaan pii,

Bɔ bɛ̀rɛbaa nɛ 20:2

«Ma din nə Dɛnaa lɛa, n Lawa lɛ nɛ, ma soo n ne, má n bɔ Ezipti gána a bɛ̀rɛbaa nɛ:

Bɔ bɛ̀rɛbaa nɛ 22:30

«Ka doamaa nɛ ka goã ma din wɔn lɛa. Bɛ̀ don siĩ baraan nə́ tɔɔ mɛn wɔ̃woɛ̃ kɔn don á gã, ka baran bɛ siĩ sɔ̃ wa. Ka zũ ginin la.»

Bɔ bɛ̀rɛbaa nɛ 23:25

Bɛ̀ ka dí nya kaa Dɛnaa Lawa dinsɔɔ̃ nɛ, ma din kɛ lɛ, ma á re barka we kaa màn-bii ni ka kaa mu ni. Ma á re ka kanbiɛ busu ganaa.

Bɔ bɛ̀rɛbaa nɛ 6:7

Ma á re ǹ sii, ǹ goã ma din a zaman lɛa, ma dɔ goã ǹ dɔn Lawa lɛa. Ǹ tá re doɛ̃, mà ma din Dɛnaa lɛ nə ǹ Lawa lɛa, Lawa mɛn bɛ́ ǹ boe Ezipti minin nɔmaa ǹ dín li.

Izayii 43:3

A giala, masɛ Dɛnaa Lawa nə n Lawa lɛa. Ma din Izirayeli a Lawa sonbore nə n kirisibaali lɛa. Má Ezipti kɔ n nyin giɔ̀mɔ lɛa, má Etiopii laanka Sabaa kɔ n dòo lɛa.

Izayii 51:15

Sɛnɛ, masɛ nə n Lawa, Dɛnaa Lawa lɛa. Ma din nə bìn diɛ yìsi mu gole ganaa, ma mu yoo wole da ginii ganaa. Ma tɔ n Dɛnaa Lawa Pàãyiidɛnaa.

Lawa a wúlu-bɔlen 10:3

Muizu tɔ́n pɛ Aarɔn nɛ: kɛ lɛ a lɛa nɛ, Dɛnaa Lawa tɔ́n boo da á pɛ kɛnɛn: Min mɛnɛn bɛ́ n mɔrɛ ma ganaa, man li, bɛn nə maa Lawabaa kɛ dɔ̃, man li máa ǹ ma guguru kɔ zaman kɛ tumaa yɔrɔ-a. Aarɔn nə n lɛ da boo-n wa.

Lawa a wúlu-bɔlen 11:43

Bɛa màn baaran kɛ lɛ tumaa tɔ we tán, ka baran ka dinin zaãbaa ka bɛ kɔn nɛ wa, ka baran toa ǹ mɛ ka ganaa, ka gɔ̀ da ka dinin ganaa wa.

Lawa a wúlu-bɔlen 18:2

Boo da ka Izirayeli minin lɛn nɛ, n pɛ ǹ nɛ kɛnɛn: masɛ din Dɛnaa Lawa n kaa Lawa lɛa.

Lawa a wúlu-bɔlen 19:10

Bɛ̀ ka kaa *rezɛ̃ da nɛ na, nɛ gogoon mɛn bɛ́ goɛ̃ la, ka baran bɛ na wa, a nɛ mɛn dɔ kaa tán, ka baran bɛ goa wa. Ka bɛ toa doobaan laanka gùlin manɛ. Ma din Dɛnaa Lawa n kaa Lawa lɛa.

Lawa a wúlu-bɔlen 19:2

Boo da ka Izirayeli zaman lɛ tumaa nɛ, n pɛ ǹ nɛ: Ka goã min *yoreen lɛa ka ma dinmaa bɛ́ yoreen lɔn, masɛ Dɛnaa Lawa din nə kaa Lawa lɛa.

Lawa a wúlu-bɔlen 19:3

Kaa min gogoonmaa doamaa nɛ, a na a náa laanka a díi guguru kɔ, a masɛ a susu ǹ piin kɛn tamaa. Masɛ din Dɛnaa Lawa n kaa Lawa lɛa.

Lawa a wúlu-bɔlen 19:4

Ka baran dìn guguru kɔ wa. Ka baran màn nyín zɛnaa, ka bɛ baa kaa Lawa lɛa wa. Masɛ din Dɛnaa Lawa n kaa Lawa lɛa.

Lawa a wúlu-bɔlen 20:26

Ka goã ma din wɔn lɛa yoreene. A giala, Dɛnaa Lawa dinmaa n yoreene. Ma din ni má ka na má ka bɔ kɔn ka tɔrɔ kɔsɔn nɛ, màn mɛn bɛ́ toɛ, ka maa wɔn baa.

Lawa a wúlu-bɔlen 20:7

Ka ka dinin kũ Lawa wɔn lɛa, ka goã *yoreene. A giala, masɛ din Dɛnaa Lawa n kaa Lawa lɛa.

Lawa a wúlu-bɔlen 21:8

Ka Lawa a wúlu-bɔlen lɛn kũ masɛ din wɔn lɛa. A giala, ka bɛ́ die wúlu mànan mɛnɛn koe masɛ la, ǹ dinin lɛn man a sii yɔrɔ boe. Ka ga ǹ ganaa masɛ a minin lɛa. Masɛ Dɛnaa Lawa dinmaa n yoreene. Man má ka dinin Izirayeli minin lɛn dɔn bɔ ma din wɔn lɛa, màn mɛn bɛ́ toɛ, ka goã yoreene.

Amɔɔsi 3:3

Bɛ̀ ń min paa yaa koɛ kun, maǹ nə́ kɔn wɔ ma.

Minin nimi 15:40

Ka bɛ dɔ nɛ, ka tá re n taasɛ ka masɛ a dí-pɛn kɛn tumaa ni ka ǹ lɛ pã, ka goã *yoreene kaa Lawa lɛ wɔn lɛa.

Matiə 5:48

Bɛ lɛ taman yii, ka toa ka lɛ pã ka ka Di Lawa lɛ bɛ́ piɛ̃-n lɔn.

Timəə dí-pɛn 14:2

Kaa Lawa, Dɛnaa Lawa din na á ka bɔ á ka koa a din wɔ lɛa. A din na á ka bɔ tɔrɔ kɔsɔn kɛn tumaa bii kanaa, màn mɛn bɛ́ toɛ, ka a dinsɔɔ̃ gɔn màn baa.

Tesaloniki1 4:7

Lawa bie á wɔ bíi gɔgɔrɛbaa taman yii wa, a na á wɔ bíi yoreenbaa taman yii.

Zozoe 24:19

Zozoe tɔ́n pɛ zaman lɛ nɛ: «Ka nyan toa ka taasɛ mà dí nya Dɛnaa Lawa nɛ n sii nanaa lɛa wa. A giala, a n Lawa *yoreen lɛa, Lawa mɛn bɛ́ a ba li ka kɔsɔ ti asɛ ganaa wa. Kaa piãn sii kɛn laanka kaa sii baraan kɛn nɛ, a die bɛn toɛ ka nɛ wa.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.

Sii-nyaan 22:11

Bɛ̀ min mɛn tá kɔkɔrɔ, bɛ goã kɔkɔrɔ, min mɛn bɛ́ gɔgɔrɛ, bɛ dɔ goã gɔgɔrɛ. Sɛnɛ, min mɛn bɛ́ pepere, bɛ goã pepere, min mɛn dɔ bɛ́ min sonbore lɛa, bɛ dɔ goã min sonbore lɛa.»

Samayeli1 2:2

Dɛnaa Lawa miã banban ka siĩnbaa-n wa. Dɛnaa Lawa kɔsɔ banban, bɛ̀ n din lɛ bie wa. Màn kɔsɔ a wɔ tamaɛ ka wɔa Lawa bɛ́ lɔn wa.

Samayeli1 6:20

Bɛti-Semɛsi minin nə́ pɛ: «Die n die boe la a golee Dɛnaa Lawa yɔrɔ-a, bɛa Lawa *yoreen kɛ lɛ? A n die woe dien li, a n bɔ wɔsɛn li.»