Lawa a wúlu-bɔlen 11:2 - LAWA A BOO SONBORE

² Ka pɛ Izirayeli minin lɛn manɛ: màn yiikoonaa mɛn tumaa bɛ́ tán la, ǹ nə́ boe la ǹ ná a siĩ soɛ̃, bɛn man ka kɛn nɛ:

LAWA A BOO SONBORE 2011

² Ka pɛ Izirayeli minin lɛn manɛ: màn yiikoonaa mɛn tumaa bɛ́ tán la, ǹ nə́ boe la ǹ ná a siĩ soɛ̃, bɛn man ka kɛn nɛ:

Lawa a wúlu-bɔlen 11:2 Iomraidhean Croise

Ezekieli 4:14

Má tɔ́n a lɛ si má pɛ: «E! Dɛnaa Lawa, ma tɔn *gɔ̀ da ma din-a duduu wa. A saa maa nɛnyaanbaa waáraa ganaa a da kaa pelo lɛ, bɛ̀ màn mɛn gã a din li hinlaa don mànan man nə́ dɛ, máa ma bin bɛa siĩ sɔ̃ duduu wa, ma bin siĩ gɔgɔrɛ kɔn wɔ ma lɛ-n wa.»

Lawa a wúlu-bɔlen 11:1

Dɛnaa Lawa boo da Muizu laanka Aarɔn nɛ, á pɛ ǹ nɛ:

Lawa a wúlu-bɔlen 11:11

Ka baran toa ka bɛn wɔ ka lɛ-n wa. Ka doamaa bie ka ǹ siĩ sɔ̃ wa, ka nyan toa min dɔ din gɔn mɛ ǹ gere-a wa.

Lawa a wúlu-bɔlen 11:13

Bàanan bii, ka doamaa bɛ́ ka bie ka ǹ mɛnɛn sɔ̃ wa, ǹ mɛnɛn siĩ doamaa bɛ́ a bie a wɔ ka lɛ-n wa, bɛn man ka kɛn nɛ: giogialatã-a nɛ, dənsə ne, kɔ̀ mu la ǹ lòn ne,

Lawa a wúlu-bɔlen 11:21

Sɛnɛ, ǹ mɛnɛn bɛ́ tɔ we ǹ gòon sii la, ǹ pasan dɔn nə́ ǹ tan, ǹ nə́ parɛ ǹ nɛ tán, ka tá boe la ka bɛn sɔ̃:

Lawa a wúlu-bɔlen 11:29

Màn baaran mɛn tumaa bɛ́ tɔ we tán la, ka doamaa nɛ ka ga kɛn ganaa màn gɔgɔrɛn lɛa: sulu ni, kɛ́n nɛ,

Lawa a wúlu-bɔlen 11:3

ǹ mɛnɛn gòon tɔn bii bɛ́ diɛ nɛ, ǹ nə́ ǹ màn-bii baɛ̃ ǹ gɔ́ɔ̃ nɛ, bɛ̀ ǹ timəə la ǹ sɔ̃, ka tá boe la ka bɛn sɔ̃.

Lawa a wúlu-bɔlen 11:34

Bɛ̀ ka bɛa gì màn lɛ a mu kaa màn-bii mɛn ganaa, bɛ dɔ nə n bɔyɛɛ a gɔgɔrɛ kɔ. Ta a mànan dan nə mu lɛa, min nə́ boe la á n mii, a dɔ nə n bɔyɛɛ a màn gɔgɔrɛ baa, haalɛ ta a n màn woo màn nɛ.

Lawa a wúlu-bɔlen 11:39

Tɔɔn mɛnɛn bɛ́ ǹ tá boe la ǹ nə ǹ siĩ sɔ̃, bɛ̀ bɛ mɛn gã, yǎa min nə n gɔn da a gere ganaa, bɛa dɛnaa n goɛ̃ gɔ̀dɛnaa lɛa yǎa wasa woe miɛ̃.

Lawa a wúlu-bɔlen 11:4

Ǹ mɛnɛn lɛn bɛ́ ǹ màn-bii soɛ̃ bɛ̀ ǹ timəə la, sɛnɛ, ǹ gòon tɔ́n bii ná a diɛ-n wa, ǹ mɛnɛn dɔn gòon tɔ́n bii bɛ́ diɛ nɛ, ǹ nə́ ǹ ba ǹ màn-bii soɛ̃ bɛ̀ ǹ timəə la wa, ka doamaa bie ka bɛn sɔ̃ wa: nyɔɔmaa nɛ,

Lawa a wúlu-bɔlen 11:9

Mu li ǹ mànan bii, ka bɛ́ boe la ka ǹ mɛnɛn sɔ̃, bɛn man ka kɛn nɛ: mu li ǹ màn tumaa, kɔ̀ mu li ǹ wɔn laanka tà mu li ǹ wɔn nɛ, mubaa ǹ mànan laanka fɔrɔ bɛ́ ǹ mɛnɛn ganaa, ka á boe la ka bɛn sɔ̃.

Matiə 15:11

Màn mɛn bɛ́ we minbuiin nɛ lɛ-n, bɛ bie a gɔgɔrɛ koe wa. Sɛnɛ, màn mɛn bɛ́ boe a lɛ-n, bɛ lɛ na a gɔgɔrɛ koe.»

Ebrəə 13:9

Ka baran toa ǹ ka yiri sã ka daraa tɔrɔ diin ni wa. A giala, a n siĩni min foo tã kɔ Lawa a bǐɛ̃baa barka nɛ. A baran tã kɔ màn-biin bɔkɔnlɛ gɔn wa. A giala, min mɛnɛn nə n saa bɛn li, ǹ là kɔ́n yɛ a-n wa.

Ebrəə 9:10

Bɛa Lawa guguru kɔ ǹ siin kɛn lɛn man doa-n màn-biin ganaa, ka màn-miin ni, ka zoo a *gɔ̀ bɔmaganaa tɔrɔ gigiã nɛ, Landa wɔ paǹ li. Bɛn man nə́ goã minin yɔrɔ-a siin lɛa, ǹ nə́ goã n zɛnɛɛ, yǎa Lawa din a wusoo a sii tumaa giala kɔ dii lɛa kɛ a biikoo dɔ.