Lawa a wúlu-bɔlen 10:3 - LAWA A BOO SONBORE

³ Muizu tɔ́n pɛ Aarɔn nɛ: kɛ lɛ a lɛa nɛ, Dɛnaa Lawa tɔ́n boo da á pɛ kɛnɛn: Min mɛnɛn bɛ́ n mɔrɛ ma ganaa, man li, bɛn nə maa Lawabaa kɛ dɔ̃, man li máa ǹ ma guguru kɔ zaman kɛ tumaa yɔrɔ-a. Aarɔn nə n lɛ da boo-n wa.

LAWA A BOO SONBORE 2011

³ Muizu tɔ́n pɛ Aarɔn nɛ: kɛ lɛ a lɛa nɛ, Dɛnaa Lawa tɔ́n boo da á pɛ kɛnɛn: Min mɛnɛn bɛ́ n mɔrɛ ma ganaa, man li, bɛn nə maa Lawabaa kɛ dɔ̃, man li máa ǹ ma guguru kɔ zaman kɛ tumaa yɔrɔ-a. Aarɔn nə n lɛ da boo-n wa.

Lawa a wúlu-bɔlen 10:3 Iomraidhean Croise

Siin Giala 18:25

Zɛ̀rɛbaãnaa laanka zɛ̀rɛdɛnaa nə n dɛ kun? Haayii dɛ! N din mɛn bɛ́ kiri kuri kanaa minbuiinin tumaa la, n ba re kuri ka peperebaa-n wa?»

Zɔbu 2:10

Ǹ zuũ lɛ tɔ́n a lɛ si: «Ma n boo diɛ ka baãnaa bɛ́ lɔn. Nsɛ mà lɔn! Lawa bǐɛ̃ baa wɔsɛn manɛ, wɔ bɛ si. Bɛ̀ a baraa-n kəni, wɔ nə n piã ka bɛ nɛ?» Bɛa sii lɛ tumaa gɔ́ɔ̃ nɛ, Zɔbu nə n lɛ bũ á boo basaã kɔn da wa.

Loen 119:120

Man nyɛ́ɛ biɛ n nɛ, ma gɔ̀nɔn nə́ bìn diɛ. N sii yɔrɔ bɔ ǹ boon lɛn man nyɛ́ɛ diɛ ma ganaa.

Loen 148:14

Á wusoo á pàã kɔ a minin la, Izirayeli nɛnyaanan lɛn, bɛa tɔrɔ kɛ lɛ mɔrɛɛ nɛ a ganaa. Bɛ lɛ nɛ, ǹ tumaa tá loe loe a tɔ boe ne. Aleluya, ka Dɛnaa Lawa tɔ bɔ!

Loen 39:10

Sisia kəni, masɛ nə́ n lɛ tã, ma a n lɛ buĩ doo wa. A giala, n din nə die n wɔ nyɛɛ.

Loen 39:9

Ma si maa sii baraan kɛn la, n nyan ma kɔ baãnaanan kɛn la, ǹ sɔ kɔ ma-a wa.

Loen 46:10

A n zia nyɛɛ yǎa tán lɛ-doa ganaa, a n sa yiɛ, a sɛmiɛ̃ yiɛ, a goóro tã.

Loen 89:7

Dɛnaa Lawa, die n ka n bɛ́ lɔn, lon gɔ́ɔ̃ nɛ? Die n kɔnboe ka Dɛnaa Lawa nɛ lawan bii?

Loen 93:5

Dɛnaa Lawa, n din a dí-pɛn lɛn ba n bɔyɛɛ wa. N din a kion lɛ n bǎã sonbore lɛa, yǎa duduu.

Bɔ bɛ̀rɛbaa nɛ 14:17

Ma á re toɛ Ezipti minin lɛn too kaka kɔ, màn mɛn bɛ́ toɛ, ǹ wɔ mu lɛ li ka kio. Má tɔn ma din tɔ bɔ ǹ sii zɛnaa Faarahɔn ganaa, ka a ziabaa ǹ mànan tumaa nɛ, a wotoron ne, ka a sùi lɛ-kũlin ni.

Bɔ bɛ̀rɛbaa nɛ 14:4

Lawa mà asɛ á re toɛ Faarahɔn too kaka kɔ, a yoo a ǹ kio loo. Sɛnɛ, mà asɛ á re a din tɔ bɔ ǹ siin zɛnɛɛ Faarahɔn laanka a pàã din tumaa ganaa. Mà Ezipti gána minin tumaa á re doɛ̃, mà asɛ din nə Dɛnaa Lawa lɛa.» Ǹ dɔn nə́ zɛnaa miɛ̃.

Bɔ bɛ̀rɛbaa nɛ 19:22

A laanɛ wúlu-bɔlen mɛnɛn dɔn dinin bɛ́ boe la, ǹ tá n mɔrɛ ma ganaa, ǹ dɔ́n nə *gɔ̀ bɔ ǹ dinin ganaa, màn mɛn bɛ́ toɛ, ma baran yoo ǹ gialaa wa.»

Bɔ bɛ̀rɛbaa nɛ 19:24

Dɛnaa pɛ Muizu ni: «Gisĩ, bɛ kio, n laanka Aarɔn dii. Wúlu-bɔlen kɛn laanka zaman lɛ baran n nanaa ǹ dii, ǹ da masɛ Dɛnaa li wa, màn mɛn bɛ́ toɛ, ma baran yoo ǹ gialaa wa.»

Bɔ bɛ̀rɛbaa nɛ 30:30

Nyɔɔ kaa Aarɔn laanka a nɛgiĩn dɔn ganaa, n nə ǹ bɔ n nə ǹ koa masɛ wɔn lɛa, màn mɛn bɛ́ toɛ, ǹ masɛ a dí nya.

Izayii 39:8

Ezekiasi Izayii lɛ si: «Ń bɛ́ Dɛnaa Lawa a boo mɛn diɛ, boo kɔɔ̃n nɛ.» A n taasɛ mà asɛ a yiikoonaabaa gɔ́ɔ̃ nɛ, mà maǹ die goɛ̃ yii-nyɛɛ laanka là nyantoro la.

Izayii 49:3

Á pɛ ma-n kɛnɛn: «Maa dí-nyali n ka n din ni Izirayeli. Man die maa tɔ golebaa nyɛɛ ka n din ni.»

Izayii 52:11

Kasɛn mɛnɛn bɛ́ Dɛnaa Lawa a wúlu bɔ ǹ mànan guĩ, ka woo, ka wo fufuu! Ka soo ka n bɔ *Baabilonii, ka nyan nə n gɔn da màn gɔ̀dɛnaa kɔn ganaa wa. Ka soo kiwi lɛ nɛ ka n dinin *yoreen kɔ.

Ezekieli 20:41

Ka bɛ́ pɛsiɛ̃-n gánan mɛnɛn nɛ, bɛ̀ má ka waa má ka bɔ tɔrɔ kɔsɔn kɛn bii walan má ka sɔkɔn ǹ mɛn waáraa, ma á re n diɛ ka lɛ sɔnbɔraanɛ, ka nyɔɔ gìĩ kɔɔ̃n kɛ bɛ́ lɔn, a sii n kiɛ ma foo la. Man die bɛ zɛnɛɛ ka nɛ, ma maa Lawa taãnbaa nyaa tɔrɔ kɔsɔn lɛn manɛ.

Ezekieli 28:22

Masɛ Dɛnaa Lawa n kɛ pii: Á ke, nsɛ Sidɔn kiwi kɛ lɛ, ma á die n gialaa. Maa zɛnaa ǹ siin taman yii, minin tá re ma guguru koe Sidɔn kiwi. Ma bɛ́ re dɔlɔn mɛnɛn boe n ganaa, ma maa Lawa sonborebaa kɛ nyaa nɛ, minin tá re doɛ̃ ka bɛ lɛ-n kəni, mà ma din nə Dɛnaa Lawa lɛa.

Ezekieli 38:16

N tá re die maa zaman Izirayeli minin lɛn gialaa, n kɔ n lɛ ka labara bɛ́ lɔn. Bɛ n die n zɛnɛɛ biikoo giala nyɔmiɛ̃ waáraa. Ma á re nsɛ Gɔgu diɛ, n wo maa gána minin lɛn gialaa, màn mɛn bɛ́ toɛ, tɔrɔ kɔsɔn nə maa Lawabaa dɔ̃.

Ezekieli 40:46

Kion nɛ lɛ a ke a yɔrɔ n dia-n gɔsɛ a lɛ̀gɔn la, Lawa a wúlu-bɔlen wɔ n ka bɛ nɛ, ǹ mɛnɛn bɛ́ *wúlu bɔ ǹ bǎã kɛa dí nyɛɛ. *Levii tɔrɔn bii, Sadɔki tɔrɔn kɛn dininsɔɔ̃nɔn man boe la, ǹ golee Dɛnaa Lawa yɔrɔ-a ǹ dí nya nɛ.

Ezekieli 42:13

Giĩ lɛ tɔ́n nə n toa ma ganaa: «Kion nɛn mɛnɛn bɛ́ gɔsɛ a lɛ̀gɔn la, ǹ mɛnɛn dɔn bɛ́ gusin a lɛ̀gɔn la, ǹ yɔrɔ n dia nɛ Lawa a kion lɛ la, bɛn man Lawa wɔn lɛa. Sonbore, wúlu-bɔlen mɛnɛn bɛ́ n mɔrɛ Dɛnaa Lawa ganaa, bɛn doamaa nɛ ǹ na a màn sonbore sonboren kɛn bii walan. Màn sonbore sonboren mɛnɛn bɛ́ Lawa wɔn lɛa, a gɔ ǹ màn kɛ nɛ, sii baraa sawaa ǹ wúlu mànan laanka zɛ̀rɛ si Lawa la ǹ wúlu mànan kɛn nɛ, ǹ doamaa nɛ, ǹ nə ǹ tumaa kaa walan. A giala, bǎã sonbore ne.

Lawa a wúlu-bɔlen 21:15

màn mɛn bɛ́ toɛ, a baran tɔrɔ kɔsɔn lɔlɔ a din tɔrɔ wúlu-bɔlen kɛn ganaa wa. A giala, masɛ Dɛnaa Lawa din ni má bɔ má koa maa dí mìi la.

Lawa a wúlu-bɔlen 21:17

A pɛ Aarɔn nɛ: Biikoo woo biikoo, n tɔrɔ minin lɛn bii, wɔ̀lɔ̀ bɛ́ ǹ mɛn ganaa, bɛ nyan toa a n mɔrɔ *wúlu bɔ ǹ bǎã kɛ ganaa, a pɛ mà a n masɛ a màn-bii kɛ koe ma la wa.

Lawa a wúlu-bɔlen 21:21

N din Aarɔn tɔrɔn kɛn, bɛ̀ wɔ̀lɔ̀ tá ǹ mɛn ganaa, bɛ nyan toa a n mɔrɔ wúlu bɔ ǹ bǎã kɛ ganaa, a pɛ mà a n *wúlu màn koe masɛ Dɛnaa Lawa la wa. Wɔ̀lɔ̀ lɛ bɛ́ a ganaa, a doamaa bie a n mɔrɔ wúlu bɔ ǹ bǎã kɛ nɛ, a pɛ mà a n màn-bii koe masɛ la wa.

Lawa a wúlu-bɔlen 21:6

Ǹ doamaa nɛ ǹ nə n dinin kɔ maa dí la, ǹ nə n nyɛnaa ma tɔ kɛ a ziziɛ̃ nɛ. Ǹ dinin lɛn man Dɛnaa Lawa a wúlu mànan koe la. Bɛ nə ǹ Lawa lɛ a màn-bii lɛa. Bɛ lɛ taman yii, ǹ doamaa nɛ ǹ goã *yoreene.

Lawa a wúlu-bɔlen 21:8

Ka Lawa a wúlu-bɔlen lɛn kũ masɛ din wɔn lɛa. A giala, ka bɛ́ die wúlu mànan mɛnɛn koe masɛ la, ǹ dinin lɛn man a sii yɔrɔ boe. Ka ga ǹ ganaa masɛ a minin lɛa. Masɛ Dɛnaa Lawa dinmaa n yoreene. Man má ka dinin Izirayeli minin lɛn dɔn bɔ ma din wɔn lɛa, màn mɛn bɛ́ toɛ, ka goã yoreene.

Lawa a wúlu-bɔlen 22:9

Man gɔn waa ka nɛ ka boon mɛnɛn nɛ, ka kɔ bɛn lɛ, màn mɛn bɛ́ toɛ, ka baran sii baraa saa ka da ka dinin mìi ni, màn-bii sii wɔ paǹ li wa. Bɛ̀ ka masɛ a boo tii bɛa sii lɛ gɔ́ɔ̃ nɛ, ka á re giɛ̃. Masɛ Dɛnaa Lawa din ni má ka bɔ, má ka koa maa dí mìi la.

Lawa a wúlu-bɔlen 8:35

Ka giã kɔn yɛ ǹ kion lɛ a kiɛnlɛ-a, baayɛlɛ laanka tèlò ne, yǎa lɛawaa sɔbaa. Dɛnaa Lawa dí mɛn kɔ ka la, ka bɛ nya, màn mɛn bɛ́ toɛ, a baran ka dɛ wa. Dɛnaa Lawa dí mɛn pɛ ma nɛ, a din ni ka kɛ nɛ.

Minin nimi 16:5

Bɛ kio, á pɛ Koree ne, ka Koree a kiodɛnan lɛn tumaa nɛ kɛnɛn: «Biɛ̃ baayɛlɛ, Dɛnaa Lawa tá re nyɛɛ, min mɛn bɛ́ a din wɔ lɛa, min mɛn bɛ́ *yoreene, ka min mɛn bɛ́ boe la a n mɔrɔ a ganaa. Bɛ̀ á min mɛn bɔ, á die toɛ bɛ nə n mɔrɔ a ganaa.

Minin nimi 20:12

Sɛnɛ, Dɛnaa Lawa pɛ Muizu laanka Aarɔn nɛ: «Ka bɛ́ ka waa masɛ la wa, ka masɛ a gugurubaa nyaa Izirayeli minin lɛn yɔrɔ-a wa. Bɛ lɛ n ke, gána ke masɛ ń die koe zaman lɛ la, kasɛn kɛn bie re woe ka zaman lɛ-n walan wa.»

Matiə 10:37

Min mɛn bɛ́ ǹ di hinlaa ǹ dan narɛ á la masɛ nɛ, bɛa dɛnaa doamaa bie ka masɛ-n wa; min mɛn bɛ́ a nɛgiĩ hinlaa a nɛlɔ narɛ á la masɛ nɛ, bɛa dɛnaa doamaa bie ka masɛ-n wa.

Zaã a sɛ́wɔ 12:28

Maa Díi, n din tɔ bɔ.» Lawa a boo-diɛ lɛ tɔ́n bɔ lon kɛnɛn: «Má a tɔ bɔ, man die wusii ma a tɔ bɔ doo.»

Zaã a sɛ́wɔ 14:13

Bɛa biikoo li, ka bɛ́ re màn woo màn nyankoe ka masɛ tɔ nɛ, ma á die bɛ koe ka la, màn mɛn bɛ́ toɛ, ma maa Díi a gugurubaa nyaa.

Timəə dí-pɛn 32:51

A giala, n din laanka Aarɔn nɛ ka masɛ bɔlɔ tii Meribaa mu kɛ lɛ-a Kadɛsi kiwi, Sini don. Ka masɛ a Lawabaa nyaa Izirayeli minin lɛn manɛ a pinaa wa.

Tesaloniki2 1:10

Min mɛnɛn bɛ́ a wɔn lɛa ǹ nə́ golee-n li, bɛn tá re a guguru koe, ǹ nə n kaãbaa a ganaa a daa pinaa. Ka dɔn tá re goɛ̃ kun ka bɛa dɛnan kɛn lɛn nɛ, a giala, wɔ siére mɛn pɛ ka nɛ, ká golee li.

Piɛrɛ1 4:17

Sonbore, kiri lɛ a wɔ giala-kɔ biikoo dɔ, a n die n giala koe Lawa a zaman lɛ din ganaa. Haya, bɛ̀ á re n giala koe wɔ dinin ganaa, minin mɛnɛn bɛ́ n piɛ̃ ka Lawa a Boo Tii Kɔɔ̃n lɛ nɛ, ǹ nə́ ǹ ba golee li wa, bɛn wɔa giala-nyɔmiɛ á die baraa koe!

Samayeli1 2:30

Bɛ lɛ na á toa, Dɛnaa Lawa, Izirayeli a Lawa lɛ n kɛ pii: Sonbore ne, masɛ goã má pɛ máa n kion minin laanka n tɔrɔn tá re dí nyɛɛ masɛ nɛ duduu. Sɛnɛ sisia Dɛnaa Lawa n kɛ pii: Bɛ ba masɛ bǎã-n doo wa. A giala, min mɛnɛn bɛ́ ma guguru koe, man die bɛn guguru koe. Sɛnɛ, min mɛnɛn bɛ́ ma puusə koe, bɛn tá re paan biɛ ma gɔn.

Samayeli1 3:18

Bɛ kio, Samayeli boo lɛ yii laakalaa nɛ, a ǹ kɔn duru la wa. Elii tɔ́n pɛ: «N din ni Dɛnaa Lawa lɛa, sii mɛn bɛ siĩni n din yii li, n die n bɛ zɛnaa.»

Samayeli1 6:20

Bɛti-Semɛsi minin nə́ pɛ: «Die n die boe la a golee Dɛnaa Lawa yɔrɔ-a, bɛa Lawa *yoreen kɛ lɛ? A n die woe dien li, a n bɔ wɔsɛn li.»