Lawa a wúlu-bɔlen 10:11 - LAWA A BOO SONBORE

¹¹ Dɛnaa Lawa landa boon mɛnɛn tumaa pɛ Muizu ni, mà a ǹ pɛ ka nɛ, ka doamaa nɛ, ka boo la dɔn, ka Izirayeli minin daraa bɛn lɛn tumaa ganaa.

LAWA A BOO SONBORE 2011

¹¹ Dɛnaa Lawa landa boon mɛnɛn tumaa pɛ Muizu ni, mà a ǹ pɛ ka nɛ, ka doamaa nɛ, ka boo la dɔn, ka Izirayeli minin daraa bɛn lɛn tumaa ganaa.

Lawa a wúlu-bɔlen 10:11 Iomraidhean Croise

KZS2 15:3

Haalɛ bibi, wɔ digolo Izirayeli tɔrɔn lɛn man nə́ goã bii-a ǹ Lawa taãn na a banban wa. Lawa a wúlu-bɔle banban a tá ǹ darɛɛ wa, ǹ landa dɔ banban wa.

KZS2 17:9

Dɛnaa Lawa a dí-pɛn sɛ́wɔ nə́ ǹ gɔn ǹ nə́ woo ne. Ǹ nə́ bɔ Zudaa kiwin tumaa nɛ, ǹ nə́ Zaman lɛ darɛɛ.

KZS2 30:22

Ezekiasi Levii tɔrɔn lɛn tumaa foo taã, a giala maǹ tá Dɛnaa Lawa a siin giala miɛ parasiini. Lɛawaa sɔbaa gɔ́ɔ̃ nɛ, minin man die kiɛ̃mala ǹ zɔ́n lɛ a mànbii. Maǹ barka da Lawa nɛ ǹ wúlu mànan koe, ǹ nə́ loe loe Dɛnaa Lawa, ǹ digolon Lawa tɔ boe ne.

Nehemii 8:8

Maǹ nə́ goã Lawa a dí-pɛn sɛ́wɔ lɛ pii, bɛ̀ ǹ boo lɛ bɔyaa bɛ̀ ǹ na a giala pɛ ǹ nɛ, bɛ tɔn toa ǹ na a giala ma.

Zeremii 18:18

Minin man pii: «Ka daa wɔ boo wɔ kɔn Zeremii ganaa! Wɔa foɛ̃ Lawa a wúlu-bɔle li a wɔ daraa dí-pɛn ganaa wa, hinlaa sii-dɔ̃li li a yiri kɔ wɔ la wa. Wɔa foɛ̃ Lawa a boo gii-dali li a Lawa a boo da wɔ-n wa. Ka wɔ n tan, wɔ yoo a gialaa, wɔ boo baraa da a ganaa. Wɔ nyan nə n too kɔ a da ǹ boon li wa!»

Zeremii 2:8

Lawa a wúlu-bɔlen nə nɔ̀n da kɛnɛn wa: «Dɛnaa Lawa á maa?» Min mɛnɛn bɛ́ Lawa a dí-pɛn doɛ̃, bɛn ba ma doɛ̃ wa. Kiãn nə́ n gòãn dii ma ganaa. Lawa a boo gii-dalin man boo diɛ ka *Baali tɔ nɛ. Maǹ koe dìn lɛ, ǹ mɛnɛn bɛ́ ǹ ba boe sii kɔn la wa.

Malakii 2:7

Hiĩ, Lawa a wúlu-bɔle a nya ǹ dí n ka Lawa doɛ̃ nɛ, ka a landan tamaa nɛ. Maǹ die nɔ̀n diɛ a din la ka Lawa a dí-pɛn yɔrɔn nɛ. A din ni Dɛnaa Lawa Pàãyiidɛnaa á boo sii á pɛ wole lɛa.

Matiə 28:20

Ma dí mɛn tumaa pɛ ka nɛ, ka ǹ daraa ǹ ganaa ǹ nə ǹ nya. Ka dɔ̃: Ma á kun ka-n baraabaraa, yǎa kanaa a nya pinaa.»

Nya ǹ dín 20:27

A giala, ma màn kɔ́n duru ka la wa, sɛnɛ, má Lawa a dí nya ǹ gɔn lɛ tumaa boo da ka nɛ ka lenlen.

Timəə dí-pɛn 17:10

Ǹ bɛ́ re boo mɛn pii ka nɛ a yɔrɔ bɔ ǹ gɔn lɛa, Dɛnaa Lawa a bǎã kɛ nɛ á bɔ, ka zɛnaa a kɔnpɛ ka bɛ lɛ nɛ. Ǹ bɛ́ re ka darɛɛ sii mɛn tumaa ganaa, ka n yiri koa li ka kɔ bɛ lɛ.

Timəə dí-pɛn 17:11

Ǹ bɛ́ re ka darɛɛ dí-pɛ mɛn ganaa, ǹ bɛ́ re sii yɔrɔ bɔ ǹ gɔn mɛn nyɛɛ ka nɛ, ka zɛnaa a kɔnpɛ ka bɛ nɛ. Ǹ bɛ́ re boo mɛn pii ka nɛ, ka kɔ bɛ lɛ, ka nyan kanaa ka wo gusin hinlaa gɔsɛ wa.

Timəə dí-pɛn 24:8

Busu mɛn tumaa á ke ká gɔ̀nɔn ki busu babaraa kɛ bɛ́ lɔn, ka yiri bɔ bɛ li, màn mɛn bɛ́ toɛ, Levii tɔrɔ wúlu-bɔlen kɛn nə ka daraa màn mɛn tumaa ganaa bɛ wɔ paǹ li, ka bɛ tamaa sɔnbɔraa nɛ, ka kɔ lɛ. Ka n yiri kɔ li ka zɛnaa a kɔnpɛ ka maa gɔn waa ǹ boon kɛn nɛ má pɛ ka nɛ.

Timəə dí-pɛn 33:10

Ǹ dinin lɛn man Zakɔba tɔrɔn darɛɛ n sii yɔrɔ bɔ ǹ boon ganaa, ǹ dinin man Izirayeli minin darɛɛ n dí-pɛn ganaa. Ǹ dinin man nyɔɔ gìĩ kɔɔ̃n tiɛ̃ n yɔrɔ-a, ǹ dinin man *wúlu màn tiɛ̃ *wúlu bɔ ǹ bǎã kɛ nɛ.

Tesaloniki1 4:2

Wɔ doroon mɛnɛn kɔ ka la, á bɔ wɔa Dɛnaa Yezu li, ka á bɛn doɛ̃.