Lawa a wúlu-bɔlen 10:10 - LAWA A BOO SONBORE

¹⁰ A giala, màn mɛn bɛ́ Lawa wɔ lɛa, màn mɛn bɛ́ a ba a wɔ lɛa wa, ka doamaa nɛ ka boo la ka bɛa bɔkɔnlɛ wɔ, ka boo la ka màn gɔgɔrɛ dɔ laanka màn *yoreen a bɔkɔnlɛ wɔ.

LAWA A BOO SONBORE 2011

¹⁰ A giala, màn mɛn bɛ́ Lawa wɔ lɛa, màn mɛn bɛ́ a ba a wɔ lɛa wa, ka doamaa nɛ ka boo la ka bɛa bɔkɔnlɛ wɔ, ka boo la ka màn gɔgɔrɛ dɔ laanka màn *yoreen a bɔkɔnlɛ wɔ.

Lawa a wúlu-bɔlen 10:10 Iomraidhean Croise

Zeremii 15:19

Dɛnaa Lawa boo mɛn da ma nɛ, á ke: Bɛ̀ n wusoo n daa ma li, ma á re wusii ma n saa maa dí ni. Boon mɛnɛn bɛ́ là ba ǹ ganaa wa, bɛ̀ n bɛn toa walan, ń tá boo peperen diɛ, ma á re wusii ma n baa maa boo gii-dali lɛa. Zudaa minin doamaa nɛ ǹ da nsɛ ganaa, sɛnɛ nsɛ doamaa bie n wo ǹ li wa.

Ezekieli 22:26

Ǹ Lawa wúlu-bɔlen nə́ maa dí-pɛ kɛ ziziɛ̃, ǹ nə́ sàn kɔ ka maa màn sonboren ne. Màn mɛn bɛ́ maa wɔ lɛa, màn mɛn dɔ bɛ́ a ba maa wɔ lɛa wa, ǹ bɛa bɔkɔnlɛ wɔ wa. Sii *yoreen laanka a gɔgɔrɛ nɛ, ǹ bɛ dɔ a bɔkɔnlɛ nyaa minin man wa. Ǹ nə́ n yii tã maa susu ǹ piin kɛn ganaa, minin nə́ nɔmaa ǹ nə́ sàn kɔ ka ma nɛ kiwi lɛ nɛ.

Ezekieli 44:23

Màn mɛn bɛ́ Lawa wɔ lɛa, màn mɛn bɛ́ a ba a wɔ lɛa wa, màn *yoreen laanka màn gɔgɔrɛ nɛ, ǹ tá re maa zaman lɛ darɛɛ bɛn bɔkɔnlɛ ganaa.

Lawa a wúlu-bɔlen 11:47

Màn gɔgɔrɛ laanka a yoreen ne, siĩ mɛn bɛ́ n soɛ̃, ka ǹ mɛn bɛ́ a ba n soɛ̃ wa, a n toɛ min nə bɛn bɔkɔnlɛ dɔ̃.

Lawa a wúlu-bɔlen 13:43

Wúlu-bɔle die a ga a ganaa. A paǹ mɛn lɛ bɛ́ busi, bɛ̀ a bǎã yoo tã kəwuu ni, a baãbii hinlaa a nyanlɛ ganaa, bɛ̀ á n baa ka gɔ̀nɔn ki busu babaraa nɛ,

Lawa a wúlu-bɔlen 14:57

Bɛ̀ gɔ̀ tá min ganaa hinlaa màn ganaa, hinlaa bɛ̀ ǹ tá yoreene, bɛa landa lɛ n toɛ min bɛ dɔ̃. A din landa lɛ na a tan, gɔ̀nɔn ki busu babaraa wɔ paǹ li.

Tiitii 1:15

Min mɛnɛn bɛ́ *yoreen ne, màn tumaa n yoreen bɛn gɔn. Sɛnɛ, min mɛnɛn bɛ́ gɔgɔrɛ, ǹ nə́ ǹ ba lɛ koe goleemali dɔ ganaa wa, màn kɔ́n ba yoreen bɛn gɔn wa. A giala, mà gɔgɔrɛbaa nə́ ǹ yiri tã, á ǹ taasiɛ dɔ si.