Lawa a wúlu-bɔlen 10:1 - LAWA A BOO SONBORE

¹ Nadaabu laanka Abiu n Aarɔn a nɛgiĩn lɛa. Ǹ kɔn pinaa, didie ná a da yon gìĩ kɔɔ̃n tã ǹ fɔlɔ tàãn saa, á tɛ nàn kaa a nɛ, á da yon gìĩ kɔɔ̃n da la. Bɛa zɛnaa kɛnɛn ke, tɛ soree ne, ǹ nə́ daa-n Dɛnaa Lawa yɔrɔ-a. A da yaa, Dɛnaa Lawa pɛ ǹ nɛ mà ǹ zɛnaa miɛ̃ wa.

LAWA A BOO SONBORE 2011

¹ Nadaabu laanka Abiu n Aarɔn a nɛgiĩn lɛa. Ǹ kɔn pinaa, didie ná a da yon gìĩ kɔɔ̃n tã ǹ fɔlɔ tàãn saa, á tɛ nàn kaa a nɛ, á da yon gìĩ kɔɔ̃n da la. Bɛa zɛnaa kɛnɛn ke, tɛ soree ne, ǹ nə́ daa-n Dɛnaa Lawa yɔrɔ-a. A da yaa, Dɛnaa Lawa pɛ ǹ nɛ mà ǹ zɛnaa miɛ̃ wa.

Lawa a wúlu-bɔlen 10:1 Iomraidhean Croise

Kiin1 18:38

Bɛ kio, Dɛnaa Lawa tɔ́n tɛ dia, á daa wúlu màn lɛ kũ kɔnlɛ ka gɔn lɛ nɛ, kɔlɔn lɛn nɛ ka tán bǎã kooro ne. Mu mɛn dɔ goã nyankɔrɔ lɛ nɛ, tɛ lɛ bɛ dɔ piɛ̃.

Loen 141:2

Toa maa nyankɔ dii n din li, ka nyɔɔ gìĩ kɔɔ̃n bɛ́ lɔn. Ma gɔn tá n la, ma gɔn si, ka wasamiɛ̃n a *wúlu màn bɛ́ lɔn.

Bɔ bɛ̀rɛbaa nɛ 24:1

Lawa goã á pɛ Muizu ni: «Dii n da masɛ Dɛnaa li, n din ni, Aarɔn nɛ, Nadaabu ni ka Abiu ni, ka Izirayeli nɛnyaanan lɛn *min gole pɔsɔbaa nɛ. Ka daa ka golee sɔsɔɔ, ka n kuməə tán.

Bɔ bɛ̀rɛbaa nɛ 24:9

Muizu dii kele lɛ la bɛ kio, ka Aarɔn nɛ, ka Nadaabu laanka Abiu ni, ka Izirayeli a min gole pɔsɔbaa kɛ nɛ.

Bɔ bɛ̀rɛbaa nɛ 27:3

N bǎã lɛ a ton kaa ǹ tasanan zɛnaa ka zan tã nɛ, ka a ton goa ǹ lasan nɛ, ka a mà pɛsɛ̃ ǹ tàanan nɛ, a siĩ fɔ̃ ǹ bàlàn nɛ, ka tɛ nàn kaa ǹ mànan nɛ.

Bɔ bɛ̀rɛbaa nɛ 28:1

«Lawa mà Muizu ganaa: N gologiĩ Aarɔn laanka a nɛgiĩn bɔ Izirayeli minin bii, n nə ǹ koa n din li, màn mɛn bɛ́ toɛ, ǹ masɛ a dí nya. Aarɔn din laanka a nɛgiĩn kɛn nɛ: Nadaabu ni ka Abiu ni, Eleyazaara nɛ ka Itamaara nɛ.

Bɔ bɛ̀rɛbaa nɛ 31:11

minin bɔ a koa ǹ nyɔɔ kɛ nɛ, ka màn gìĩ kɔɔ̃n mɛn bɛ́ re n tiɛ̃ kion sonbore lɛ nɛ. Ma din màn mɛn pɛ n nɛ, ka tá re dí lɛ tumaa nyɛɛ a kɔnpɛ bɛ nɛ ka te.»

Bɔ bɛ̀rɛbaa nɛ 37:29

Á minin bɔ a koa ǹ nyɔɔ sonbore kɛ zɛnaa, ka màn gìĩ kɔɔ̃n yoreen ne, tã ǹ wɔ lɛa. Nyɔɔ dí-nyali sonbore na á bɛa dí nya.

Bɔ bɛ̀rɛbaa nɛ 38:3

Á wúlu bɔ ǹ bǎã lɛ a màn bisinin tumaa zɛnaa: ton kaa ǹ tasanan nɛ, ka ton goa ǹ lasan nɛ, mà pɛsɛ̃ ǹ tàanan kɛn nɛ, siĩ fɔ̃ ǹ banbaalanan nɛ ka tɛ nàn kaa ǹ mànan nɛ, bɛa màn bisinin kɛn lɛn, á ǹ zɛnaa ka zan tã nɛ.

Bɔ bɛ̀rɛbaa nɛ 40:27

yǎa a màn gìĩ kɔɔ̃n kaa a nɛ, á tã, ka Dɛnaa din bɛ́ á pɛ-n lɔn.

Bɔ bɛ̀rɛbaa nɛ 6:23

Aarɔn Elizabɛti saa lɔ lɛa, Aminaadaabuu a nɛlɔ nɛ, Nasɔn ǹ miãnɛn nɛ. Á Nadaabu laanka Abiu, ka Eleyazaara laanka Itamaara yɛ la.

Bɔ bɛ̀rɛbaa nɛ 8:27

Dɛnaa dí nya á kɔnpɛ ka Muizu a gòã kuĩ diɛ lɛ nɛ. Nyuun sɔn-dɔlen lɛn nə́ n bɔ Faarahɔn ganaa, ka a kiodɛnan nɛ, ka a gána minin ni. Nyuunun lɛn giala kɔ́n din goã wa.

Zeremii 19:5

Ǹ nə́ *wúlu bɔ ǹ bǎã dɔ dì *Baali wɔ lɛa. Maǹ nə ǹ nɛnyaanan tiɛ̃ wúlu màn lɛa walan. A da yaa, ma bɛa zii kɔ ǹ la wa, a taasiɛ dɔ bin da ma yiri-n wa.»

Zeremii 32:35

Inɔn nyankɔrɔ basa nɛ, ǹ nə́ *wúlu bɔ ǹ bǎã dɔ dì Baali wɔ lɛa. Ǹ nə́ ǹ nɛgiĩn laanka ǹ nɛlɔn tã *wúlu màn lɛa dì Molɛki ganaa. A da yaa ma bɛa nɔ̀n da ǹ la wa, a taasiɛ din da ma yiri-n wa. Bɛa sii bɔbɔnɛɛn lɛn zɛnaa Zudaa minin dɔn kaa sii baraa zɛnaa nɛ.

Zeremii 44:15

Min mɛn tumaa goã giã-n Ezipti gána nɛ Patɔrɔsi kiwi, giĩn mɛnɛn tumaa goã doɛ̃ mà ǹsɛn lɔn tá da yon gìĩ kɔɔ̃n tiɛ̃ dì soreen wɔ lɛa, bɛn tumaa goã ǹ tan, ka lɔ damata nɛ. Ǹ nə́ pɛ Zeremii ni:

Zeremii 44:8

Ka ǹ ma foo yui ká kaa zɛnaa ǹ siin ni. A giala, ka ǹ da yon gìĩ kɔɔ̃n tiɛ̃ dì soreen manɛ Ezipti gána nɛ. Ka ǹ li ka papaã lenlen ka n bɔ gána lɛ nɛ, ka sii a kɔnboe baa kanaa a gánan tumaa yɔrɔ-a lɛn baraa bíi laanka sìi a paǹ li?

Zeremii 7:31

Inɔn a nyankɔrɔ basa kɛ nɛ, ǹ nə́ *wúlu bɔ ǹ bǎã koa walan a tɔ n Tofɛti. Maǹ nə ǹ nɛgiĩn laanka ǹ nɛlɔn tiɛ̃ wúlu màn lɛa walan. A da yaa, ma bɛa zii kɔ min kɔn la wa. Ma bin nə n taasɛ ka bɛ n duduu wa.

Lawa a wúlu-bɔlen 16:1

Aarɔn a nɛgiĩ min paa mɛn wo kɔn yɛ ka Dɛnaa Lawa nɛ ǹ kion kɛ yɔrɔ-a ka tɛ soree ne, bɛn nə́ gã. Bɛn lɛn gɛ̀ kio, Dɛnaa Lawa boo da ka Muizu ni

Lawa a wúlu-bɔlen 16:12

a tɛ nàn bɔ *wúlu bɔ ǹ bǎã kɛ nɛ, lɛ kɔ kɔn la ǹ goo lɛ yɔrɔ-a, da yon gìĩ kɔɔ̃n tã ǹ fɔlɔ tàãn kɛ piɛ̃, ka da yon gìĩ kɔɔ̃n wùsu ni, a gɔn paa piɛ̃, a da ǹ nɛ kion bii kuru kɔn-a ǹ mɔnaa kɛ nyɛɛnɛ.

Lawa a wúlu-bɔlen 22:9

Man gɔn waa ka nɛ ka boon mɛnɛn nɛ, ka kɔ bɛn lɛ, màn mɛn bɛ́ toɛ, ka baran sii baraa saa ka da ka dinin mìi ni, màn-bii sii wɔ paǹ li wa. Bɛ̀ ka masɛ a boo tii bɛa sii lɛ gɔ́ɔ̃ nɛ, ka á re giɛ̃. Masɛ Dɛnaa Lawa din ni má ka bɔ, má ka koa maa dí mìi la.

Lawa a wúlu-bɔlen 9:24

Dɛnaa Lawa tɛ kɔn dia, á daa wúlu màn tiɛ̃ laanka màn nyɔɔn lɛn kũ a lalan. Zaman lɛ tumaa bɛ yɛ. Foo kɔɔ̃nbaa gɔn, ǹ nə́ n lɛ dɛdɛ, ǹ nə́ nana ǹ nə́ kakaa tán ǹ yɔrɔ la.

Minin nimi 26:61

Nadaabu laanka Abiu sɛn nə gã, bɛ̀ ǹ bɛ́ ǹ nə́ woo ka tɛ soore ne Dɛnaa Lawa yɔrɔ-a.

Minin nimi 4:18

Ka baran zɛnaa, Keyati tɔrɔn tanlɛn minin lɛn nə gã ǹ nə n bɔ Levii tɔrɔ gialakun lɛ bii wa.

Timəə dí-pɛn 17:3

Ǹ dɛnaa á die woe lawa kɔsɔn guguru koe a kaa tán bɛn giulun, á re kiɛ tán wasa din giulun, mui ni ka lon gɔ́ɔ̃ nɛ ǹ mànan tumaa nɛ. A da yaa, ma bɛ pɛ ka-n wa.

Timəə dí-pɛn 4:2

Ma bɛ́ gɔn waa ǹ boo mɛn pii ka nɛ, ka baran màn da bɛ li wa, ka nyan màn dɔ bɔ lɛ wa. Kaa Lawa, Dɛnaa Lawa nə n gɔn waa ma nɛ ka boon mɛnɛn nɛ, má ǹ pɛ ka nɛ, ka bɛn lɛn tamaa.

Ebrəə 9:4

Nyɔɔ gìĩ kɔɔ̃n tã ǹ bǎã sanadɛnaa kɛ na á goã walan, ka *lɛ kɔ kɔn la ǹ goo kɛ nɛ. Maǹ nə́ sana yo, ǹ nə́ kaa bɛa goo lɛ paǹ tumaa la. Bɛa goo lɛ gɔ́ɔ̃ nɛ, sana donkolon na a tan, Lawa goã á màn-bii mɛn kɔ Izirayeli minin la don bii, a tɔ n «maánə», bɛ ná a nɛ. Aarɔn a bàlà mɛn goã á luu pã, bɛ dɔ n Goo lɛ nɛ, ka kɔlɔ-sɛlɛɛn mɛnɛn bɛ́, Lawa a lɛ kɔ kɔn la ǹ boon kɛn nə́ kiɛ̃ nɛ ǹ ganaa.