Lawa a wúlu-bɔlen 1:9 - LAWA A BOO SONBORE

⁹ Ǹ na a nànan laanka a kèrèn pii, wúlu-bɔle lɛ goon tɔn na a tumaa tã wúlu bɔ ǹ bǎã lɛ lalan. A n wúlu màn tiɛ̃ lɛa, a tɛmaa gìĩ n kɔɔ̃n Dɛnaa Lawa ganaa.

LAWA A BOO SONBORE 2011

⁹ Ǹ na a nànan laanka a kèrèn pii, wúlu-bɔle lɛ goon tɔn na a tumaa tã wúlu bɔ ǹ bǎã lɛ lalan. A n wúlu màn tiɛ̃ lɛa, a tɛmaa gìĩ n kɔɔ̃n Dɛnaa Lawa ganaa.

Lawa a wúlu-bɔlen 1:9 Iomraidhean Croise

Siin Giala 8:21

Dɛnaa bɛa wúlu màn gìĩ kɔ́ɔ̃n lɛ ma, á tɔ́n pɛ a din gɔ́ɔ̃ nɛ kɛnɛn: «Ma a re lɛn pipiã bíi tán li doo duduu, minbuiin nɛ a zɛnaa ǹ sii taman yii wa. Minbuiin nɛ n yui tán ka sii baraa zɛnaa nɛ a foo-n sɛn, sɛnɛ, ma a re dɔlɔ boe màn yiikoonaa tumaa ganaa doo duduu, ka ma bɛ́ má zɛnaa lɔn wa.

KZS1 6:34

Aarɔn laanka a tɔrɔn sɛn man nə́ goã wúlu boe *wúlu màn tã ǹ bǎã la, ka da yon gìĩ kɔɔ̃n tã ǹ bǎã nɛ. Bǎã sonbore sonbore kɛ dɔ a sii tumaa na á goã ǹ dinin gɔn. Ka bɛ dɔ nɛ, maǹ nə́ goã sii baraa sawaa ǹ sii zɛnɛɛ Izirayeli minin wɔ paǹ li, á n kɔnpii ka gɔn waa ǹ boon kɛn tumaa nɛ, Lawa a dí-nyali Muizu nə́ ǹ kɔ.

KZS2 4:6

Á tɔn wusoo á doo kaaraa fù zɛnaa zan lɛa. Á sooro kaa gusin, á sooro dɔ kaa gɔsɛ, zoo ǹ bǎã lɛa. Ǹ bɛ́ re màn mɛn biɛ *wúlu màn tiɛ̃ lɛa, maǹ bɛn pii walan. Lawa a wúlu-bɔlen lɛn manə n zoe ka bɛa doo kaaraa kɛ lɛ a mu ni.

Loen 51:6

Má sii la, man má sii la n dinsɔɔ̃ lɛ la. Sii mɛn bɛ́ baraa n yɔrɔ-a, má bɛ lɛ zɛnaa. Bɛ lɛ n ke, ta n boo mɛn da, sonbore tá n lon, ta n dɔlɔ mɛn da ma mìi ni, zɛ̀rɛ ba n ganaa wa.

Loen 66:15

Man tɔɔ nyɔɔnaan koe n la ka sère gɔ̀lɔ̀n nɛ, man dii gɔ̀lɔ̀n dii n ni ka butumun ni. Tɛ á re ǹ kuĩ *wúlu bɔ ǹ bǎã kɛ nɛ, ǹ tɛmaa dii lon yǎa n li. Doa.

Bɔ bɛ̀rɛbaa nɛ 12:9

A siĩ kɔ́n a fumaa baran wɔ ka lɛ-n wa, ka baran kɔrɛ ka mu dɔ-n wa. Sɛnɛ, yǎa a paparɛɛ, a mìi ni, a keren ne ka a màn baaran nɛ.

Bɔ bɛ̀rɛbaa nɛ 29:18

N sère gɔ̀lɔ̀ lɛ tumaa tã wúlu bɔ ǹ bǎã lɛ nɛ, a goã *wúlu màn tiɛ̃ lɛa Dɛnaa wɔ lɛa. Wúlu màn tiɛ̃ wole ne, a gìĩ n kɔɔ̃n masɛ Dɛnaa ganaa.

Bɔ bɛ̀rɛbaa nɛ 29:25

N wusoo n bɔ ǹ gɔnɔn nɛ, n tã wúlu bɔ ǹ bǎã lɛ nɛ, kun ka wúlu màn tiɛ̃ wole kɛ nɛ, ǹ gìĩ kɔɔ̃n kɔ masɛ din Dɛnaa ganaa. Wúlu màn tiɛ̃ wole ne, a gìĩ á kɔɔ̃n masɛ din Dɛnaa ganaa.

Zeremii 4:14

Zeruzalɛmu, bɛ̀ n tá giɛ kirisibaa li, baraabaa pii n bɔ n foo ne. N nə n die n taasiɛ baraan kɛn toɛ n gɔ́ɔ̃ nɛ yǎa biĩ kəni?

Ezekieli 20:28

Ma goã má n liɛ ǹ nɛ máa ma á re gána mɛn koe ǹ la, má bɛ kɔ ǹ la. Sɛnɛ, ǹ bɛ́ walan, bɛ̀ ǹ nə́ tenten yɛ sasa lon, hinlaa ta da nɛ á luu pã ka kɛkɛ, maǹ nə́ goã wúlu boe walan. Wúlu mànan mɛnɛn bɛ́ ma foo yui, ǹ nə́ bɛn kɔ walan, ǹ nə́ goã woe ka foo basã ǹ nyɔɔ gìĩ kɔɔ̃n kɛ-n walan, ǹ nə́ goã duvɛ̃ zumii walan.

Ezekieli 20:41

Ka bɛ́ pɛsiɛ̃-n gánan mɛnɛn nɛ, bɛ̀ má ka waa má ka bɔ tɔrɔ kɔsɔn kɛn bii walan má ka sɔkɔn ǹ mɛn waáraa, ma á re n diɛ ka lɛ sɔnbɔraanɛ, ka nyɔɔ gìĩ kɔɔ̃n kɛ bɛ́ lɔn, a sii n kiɛ ma foo la. Man die bɛ zɛnɛɛ ka nɛ, ma maa Lawa taãnbaa nyaa tɔrɔ kɔsɔn lɛn manɛ.

Ezekieli 40:38

Kion goon na á goã doa-n dàã lɛ ganaa, a kiɛnlɛ n dia-n gɔsɛ-a lɛ̀gɔn la kiɛnlɛ kɛ la. Maǹ nə́ goã *wúlu màn tiɛ̃n kɛn pii walan.

Lawa a wúlu-bɔlen 1:13

Ǹ na a nànan laanka a kèrèn pii, wúlu-bɔle lɛ goon tɔn nə ǹ nyaa Dɛnaa Lawa nɛ. Bɛ kio, a tɔn na a tumaa tã wúlu bɔ ǹ bǎã lɛ lalan. A n wúlu màn tiɛ̃ lɛa, a tɛmaa gìĩ n kɔɔ̃n Dɛnaa Lawa ganaa.

Lawa a wúlu-bɔlen 1:17

Ǹ bàan lɛ yu kɔn paa, ǹ nə́ ǹ ba niɛ̃ ǹ bɔ kɔn wa. Bɛ kio, wúlu-bɔle lɛ da wúlu bɔ ǹ bǎã lɛ a tɛ gɔnɔn lɛn la a tã. A n wúlu màn tiɛ̃ lɛa, a tɛmaa gìĩ n kɔɔ̃n Dɛnaa Lawa ganaa.

Lawa a wúlu-bɔlen 2:16

Ǹ bɛ́ ǹ mɛn lɛ bíi mà yiri gisĩ sii ni ǹ màn, Lawa a wúlu-bɔle bɛ lɛ tã: belee nàn lɛ kɔn nɛ, nyɔɔ lɛ kɔn nɛ, ka da yon gìĩ kɔɔ̃n lɛ tumaa nɛ. Wúlu màn tiɛ̃ nɛ, Dɛnaa Lawa wɔ lɛa.

Lawa a wúlu-bɔlen 2:2

A wo bɛ kɔ Aarɔn tɔrɔ wúlu-bɔlen kɛn la. Ǹ nə n gɔn pã bɛa wùsu lɛ laanka nyɔɔ lɛ kɔn nɛ, ǹ da yon gìĩ kɔɔ̃n lɛ tumaa saa. Wúlu-bɔle lɛ goon bɛa yiri gisĩ sii ni ǹ mànan lɛn tã *wúlu bɔ ǹ bǎã lɛ lalan. A n *wúlu màn tiɛ̃ lɛa, a tɛmaa gìĩ n kɔɔ̃n Dɛnaa Lawa ganaa.

Lawa a wúlu-bɔlen 2:9

Wúlu-bɔle yiri gisĩ sii ni ǹ wɔ bɔ bɛ lɛ nɛ, a tã wúlu bɔ ǹ bǎã lɛ la. A n wúlu màn tiɛ̃ lɛa, a tɛmaa gìĩ n kɔɔ̃n Dɛnaa Lawa ganaa.

Lawa a wúlu-bɔlen 3:11

Wúlu-bɔle lɛ die a bɛ tumaa tã wúlu bɔ ǹ bǎã lɛ lalan, Dɛnaa Lawa wɔ lɛa.

Lawa a wúlu-bɔlen 3:5

Wúlu-bɔlen lɛn nə bɛ tumaa tã wúlu bɔ ǹ bǎã lɛ a tɛ gɔn lɛ la, kun ka wúlu màn tiɛ̃ kɛ nɛ. A n wúlu màn tiɛ̃ lɛa, a tɛmaa gìĩ n kɔɔ̃n Dɛnaa Lawa ganaa.

Lawa a wúlu-bɔlen 4:31

A tɔɔ lɛ a nyɔɔ tumaa waa, ka a bɛ́ á barka da Lawa nɛ ǹ wúlu màn lɛ wɔ waa lɔn. Wúlu-bɔle lɛ bɛ tã wúlu bɔ ǹ bǎã lɛ nɛ, wúlu màn lɛa, a tɛmaa gìĩ n kɔɔ̃n Dɛnaa Lawa ganaa. Wúlu-bɔle lɛ sii baraa zɛnaali lɛ a sii baraa sawaa ǹ wúlu bɔ miɛ̃, Lawa á die a sii baraa toɛ nɛ.

Lawa a wúlu-bɔlen 6:14

Ka doamaa nɛ ka nyɔɔ kaa wùsu lɛ li ǹ yia, ka tɔn bɛ lɛ da fɔlɔ donkolon ne. Bɛ kio, ka tɔn kukuru kɔn ka da nɛ Lawa gɔ ǹ màn lɛa, a gìĩ n kɔɔ̃n Dɛnaa Lawa ganaa.

Lawa a wúlu-bɔlen 8:21

Muizu tɔɔ lɛ a nàn laanka a kèrèn pii, á ná a tumaa tã wúlu bɔ ǹ bǎã kɛ lalan. A n wúlu màn tiɛ̃ lɛa, a tɛmaa gìĩ n kɔɔ̃n Dɛnaa Lawa ganaa, á n tã a wɔ lɛa, ka a din bɛ́ á goã á pɛ Muizu-n lɔn.

Lawa a wúlu-bɔlen 8:28

Muizu wusoo á bɛa mànan lɛn si ǹ la, á ǹ tã wúlu bɔ ǹ bǎã kɛ nɛ, kun ka wúlu màn tiɛ̃ kɛ nɛ. Min koa wúlu-bɔle lɛa ǹ wúlu màn nɛ, á n tã Dɛnaa Lawa wɔ lɛa, a tɛmaa gìĩ n kɔɔ̃nɛ a ganaa.

Lawa a wúlu-bɔlen 9:14

Á ná a nàn laanka a gòãn pii, á ǹ dɔn tã wúlu bɔ ǹ bǎã lɛ lalan, kun ka wúlu màn tiɛ̃ lɛ nɛ.

Zakarii 13:7

Dɛnaa Lawa Pàãyiidɛnaa a da ǹ boo á ke: «Gɔya sa, n yii bũ maa tɔɔn-lɛduə̃li kɛ li, ma giaára ke. Tɔɔn-lɛduə̃li lɛ məə, màn mɛn bɛ́ toɛ, sèren lɛn nə n pɛsɛ̃ bǎã yii ni, ma tɔn da ǹ nɛ binbisinin dɛ.»

Minin nimi 15:3

ka die ka *wúlu màn tiɛ̃n hinlaa barka da ǹ wúlu mànan bɔ bɛ̀ ka ǹ kɔ masɛ la. Ka ǹ bɔ lɛ-kɔ lɛ pã wɔ lɛa, hinlaa ka dinin nə bɔ ka foo-a ka kɔ, hinlaa ka ǹ bɔ kaa zɔ́nɔn wɔ lɛa. Ka die ka dii bɔ, hinlaa ka sère bɔ, hinlaa bòe, bɛa wúlu màn kɛ lɛ miã wɔ lɛa, a gìĩ ń kɔɔ̃n Dɛnaa Lawa ganaa.

Minin nimi 28:11

«Mui gogoonmaa a giala kɔ pinaa, ǹ dii gɔ̀lɔ̀ paa baa wúlu màn tiɛ̃ lɛa ǹ kɔ Dɛnaa Lawa la, ka sère gɔ̀lɔ̀ goon laanka lɛ̀ goon sère nɛ sɔbaa nɛ, wɔ̀lɔ̀ ná a ba ǹ kɔn ganaa wa.

Minin nimi 28:7

Ǹ doamaa nɛ ǹ duvɛ̃ litiri goon ka talɛɛ ti baayɛlɛ sère nɛ lɛ ganaa, ǹ bɛa wúlu bɔ ǹ duvɛ̃ kakaarɛ kɛ lɛ kɔ Dɛnaa Lawa la bǎã sonbore kɛ nɛ.

Minin nimi 28:8

Ǹ sère nɛ lɛ a paabaa ǹ wɔ kɛ sɛ kɔ Dɛnaa Lawa la wasamiɛ̃nɛ. Wúlu mànan mɛnɛn nə n ti baayɛlɛ wɔ lɛ ganaa, ǹ bɛn lɛn ti kɛ lɛ dɔ ganaa. A n wúlu màn tiɛ̃ lɛa, a gìĩ kɔɔ̃n Dɛnaa Lawa ganaa.

Korɛnti2 2:15

A bɛ́ miɛ̃, wɔ ǹ ka nyɔɔ gìĩ kɔɔ̃n bɛ́ lɔn, Krita n koe Lawa la *wúlu màn lɛa. Wɔ ǹ bɛ lɛ lɛa kirisibaalin laanka papaã wolen dɔn yii li.

Efɛɛzi minin 5:2

Ka goã kɔn-narɛɛ gɔ́ɔ̃ nɛ, ka *Krita din bɛ́ á wɔ narɛ lɔn, yǎa á n din kɔ wɔ a lɛa, *wúlu màn gìĩ kɔɔ̃n-a lɛa, á n kɔɔ̃n Lawa ganaa.

Timəə dí-pɛn 12:27

Kaa wúlu màn tiɛ̃n kɛn, ǹ siĩ laanka ǹ mà nɛ, ka die ka bɛn kɔ kaa Lawa, Dɛnaa Lawa a *wúlu bɔ ǹ bǎã kɛ lalan. Bɛ̀ wúlu mànan manɛ Lawa wɔ lɛa, ka bɛn mà kaa kaa Lawa, Dɛnaa Lawa a wúlu bɔ ǹ bǎã lɛ lalan, ka ǹ siĩ sɔ̃.

Filipi minin 4:18

Ka màn mɛn tumaa dia ma la, má yɛ, á la ma lɛ-n dinin. Epafroditi bɛ́ á daa kaa dɔmalɛn lɛn kɔ ma la, màn kɔ́n wɛɛ ba ma-a doo wa. Kaa bǐɛ̃baa ǹ mànan lɛn man ka wúlu bɔ ǹ màn gìĩ kɔɔ̃n bɛ́ lɔn, ka Lawa bɛ́ lɛ koe wúlu mɛn ganaa, a ń kɔɔ̃n a ganaa.