Lawa a wúlu-bɔlen 1:7 - LAWA A BOO SONBORE

⁷ Bɛ kio, Lawa a wúlu-bɔle Aarɔn a nɛgiĩn kɛn nə tɛ koa wúlu bɔ ǹ bǎã lɛ nɛ, ǹ gɔn kaa a nɛ.

LAWA A BOO SONBORE 2011

⁷ Bɛ kio, Lawa a wúlu-bɔle Aarɔn a nɛgiĩn kɛn nə tɛ koa wúlu bɔ ǹ bǎã lɛ nɛ, ǹ gɔn kaa a nɛ.

Lawa a wúlu-bɔlen 1:7 Iomraidhean Croise

Siin Giala 22:9

Lawa bǎã mɛn lɛ nyaa nɛ, ǹ bɛ́ ǹ nə́ dɔ walan, Abrahamu *wúlu bɔ ǹ bǎã dɔ, á gɔn lɛ kaa la. A ná a nɛgiĩ Izaaki lɛ yii, á da gɔn lɛ lalan wúlu bɔ ǹ bǎã lɛ nɛ.

Kiin1 18:33

Bɛ kio, á gɔn kaa wúlubɔ ǹ bǎã lɛ la, á dii gɔ̀lɔ̀ lɛ dɛ á kakã á kaa la.

KZS1 21:26

Davida Dɛnaa Lawa a *wúlu bɔ ǹ bǎã lɛ dɔ á wúlu màn tiɛ̃ laanka zɔ́ɔ da Lawa nɛ ǹ wúlu mànan kɔ. Á Dɛnaa Lawa nyankɔ, Dɛnaa Lawa ná a lɛ si ka tɛ nɛ á bɔ lon á gisĩ wúlu bɔ ǹ bǎã lɛ la.

KZS1 6:34

Aarɔn laanka a tɔrɔn sɛn man nə́ goã wúlu boe *wúlu màn tã ǹ bǎã la, ka da yon gìĩ kɔɔ̃n tã ǹ bǎã nɛ. Bǎã sonbore sonbore kɛ dɔ a sii tumaa na á goã ǹ dinin gɔn. Ka bɛ dɔ nɛ, maǹ nə́ goã sii baraa sawaa ǹ sii zɛnɛɛ Izirayeli minin wɔ paǹ li, á n kɔnpii ka gɔn waa ǹ boon kɛn tumaa nɛ, Lawa a dí-nyali Muizu nə́ ǹ kɔ.

KZS2 7:1

Bɛ kio, Salomɔn bɛ́ á Lawa nyankɔ á nya, tɛ bɔ lon á daa wúlu màn tiɛ̃n laanka wúlu mànan lɛn kũ. Dɛnaa Lawa daa Lawa a kion lɛ pã ka a gugurubaa nɛ.

Nehemii 13:31

Ǹ bɛ́ gɔn mɛn boe Lawa gɔ ǹ wɔ lɛa, má wusoo má bɛa bɔ da a giala la, á kɔnpɛ ka a bɔ biikoon ne, kɔnlɛ ka màn lɛ bibinaan kɛn nɛ. «Maa Lawa, n yiri koa ma nɛ, bǐɛ̃ kɛ taman yii, má zɛnaa.»

Lawa a wúlu-bɔlen 6:8

A wúlu bɔ ǹ *wùsu sonbore kɛ a gɔn yii goon bɔ, ka a nyɔɔ kɛ a gɔn yii goon ne, ka da yon gìĩ kɔɔ̃n kɛ tumaa-n la, a tã wúlu bɔ ǹ bǎã kɛ lalan. Yiri gisĩ sii ni ǹ màn nɛ, a tɛmaa gìĩ n kɔɔ̃n Dɛnaa Lawa ganaa.

Lawa a wúlu-bɔlen 9:24

Dɛnaa Lawa tɛ kɔn dia, á daa wúlu màn tiɛ̃ laanka màn nyɔɔn lɛn kũ a lalan. Zaman lɛ tumaa bɛ yɛ. Foo kɔɔ̃nbaa gɔn, ǹ nə́ n lɛ dɛdɛ, ǹ nə́ nana ǹ nə́ kakaa tán ǹ yɔrɔ la.

Malakii 1:10

Bɛ̀ kaa min goon na á woo Lawa a kion kɛa kiɛnlɛn tã á soɛ. Ka a re woe tɛ koɛ wúlu bɔ ǹ bǎã kɛ-n kooro wa. A bɛ miɛ̃ kaa yɛ ka ma yiin din ba foo kɔɔ̃n goon din lɛa ma ganaa wa, ka bɛ́ wúlu bɔ ǹ mànan mɛnɛn dɔn koe ma la, man pii ka nɛ, ma ba ǹ li wa, masɛ Dɛnaa Lawa Pàãyiidɛnaa mà miɛ̃.