Lawa a wúlu-bɔlen 1:4 - LAWA A BOO SONBORE

⁴ Dɛnaa Lawa bɛ́ re lɛ koe tɔɔ mɛn lɛ ganaa wúlu màn tiɛ̃ lɛa, ǹ dɛnaa die a n gɔn da bɛ lɛ mìi ni, a sii baraa sawaa ǹ wúlu màn lɛa.

LAWA A BOO SONBORE 2011

⁴ Dɛnaa Lawa bɛ́ re lɛ koe tɔɔ mɛn lɛ ganaa wúlu màn tiɛ̃ lɛa, ǹ dɛnaa die a n gɔn da bɛ lɛ mìi ni, a sii baraa sawaa ǹ wúlu màn lɛa.

Lawa a wúlu-bɔlen 1:4 Iomraidhean Croise

Bɔ bɛ̀rɛbaa nɛ 28:38

A n goɛ̃ Aarɔn nyanlɛ ganaa, màn mɛn bɛ́ toɛ, Izirayeli nɛnyaanan bɛ́ mànan mɛnɛn tumaa koe Lawa la, ǹ nə́ *gɔ̀ boe ǹ ganaa, Lawa lɛ kɔ bɛa mànan kɛn lɛn ganaa, haalɛ ta maǹ nə́ sã ǹ da Lawa yɔrɔ-a biikoo lɛ li. A n goɛ̃ a nyanlɛ-a biikoo tumaa li, màn mɛn bɛ́ toɛ, bɛa Lawa gɔ ǹ mànan kɛn lɛn nə kɔɔ̃n kɔ Dɛnaa ganaa.

Bɔ bɛ̀rɛbaa nɛ 29:10

«Da ka dii gɔ̀lɔ̀ ten lɛ nɛ kɔn yɛ ka Lawa nɛ ǹ kion lɛ a kiɛnlɛ-a. Aarɔn laanka a nɛgiĩn nə n gɔn da a mìi ni.

Bɔ bɛ̀rɛbaa nɛ 29:15

«Bɛ kio, n sère gɔ̀lɔ̀ bibinaa kɛ kũ, Aarɔn laanka a nɛgiĩn nə n gɔn da a mìi ni.

Bɔ bɛ̀rɛbaa nɛ 29:19

«Bɛ kio doo, n sère gɔ̀lɔ̀ lɛ a paabaa ǹ wɔ kɛ kũ, Aarɔn laanka a nɛgiĩn nə n gɔn da a mìi ni.

Bɔ bɛ̀rɛbaa nɛ 29:33

Ǹ dininsɔɔ̃nɔn man bɛa mànan kɛn lɛn soɛ̃, mànan mɛnɛn nə n zɛnaa, ǹ dinin bɔ a koa laanka ǹ dí kɔmala ǹ mànan lɛa, màn mɛn bɛ́ toɛ, Lawa nə ǹ sãn toa ǹ nɛ. Min kooro kɔ́n ba bɛa màn kɛ lɛ we a lɛ-n wa, a giala, màn sonbore ne.

Izayii 56:7

ma á re die ǹ ne maa kele sonbore kɛ la, ma ǹ kã ka foo kɔɔ̃n nɛ ma nyankɔ ǹ kion kɛ nɛ. Ǹ bɛ́ re *wúlu màn tiɛ̃n mɛnɛn koe ma la ka wúlu mànan kɛn nɛ *wúlu bɔ ǹ bǎã nɛ, ma á re ǹ sii. Sonbore, maǹ die maa kion lɛ bíi, «Tɔrɔn tumaa a Lawa nyankɔ ǹ kion.»

Ezekieli 45:15

Izirayeli tɔrɔn lɛn tɔɔn bii, sère hinlaa bòe biɛpaa (200) bii, ka goon bɔ, ka bɛ baa Lawa gɔ ǹ màn lɛa, hinlaa *wúlu màn tiɛ̃ lɛa, hinlaa zɔ́ɔ da Lawa nɛ ǹ wúlu màn lɛa, màn mɛn bɛ́ toɛ, Lawa zaman lɛ a sii baraan toa ǹ nɛ. Ma din Dɛnaa Lawa a da ǹ boo ne.

Lawa a wúlu-bɔlen 16:21

Aarɔn nə n gɔnɔn paanan kaa butumu yiikoonaa lɛ mìi ni, a Izirayeli minin lɛn sii baraan tumaa pɛ a lalan, ǹ sã ǹ siin tumaa laanka ǹ Lawa bɔlɔ tii ǹ siin tumaa nɛ, á bɛn kaa butumu lɛ mìi ni. Bɛ kio, ǹ min bɔ a tɔ-a, bɛ loo a wo koa don.

Lawa a wúlu-bɔlen 16:24

Ǹ bǎã mɛn bɔ ǹ nə́ koa Lawa wɔ lɛa, a n zoo walan, a tɔn na a mɔnaan lɛn goa a ǹ wɔ. Bɛ kio, a soo kəni, a na a din laanka zaman lɛ a wúlu màn tiɛ̃ dɛ, a sii baraa sawaa ǹ wúlu bɔ a din laanka zaman lɛ a lɛa.

Lawa a wúlu-bɔlen 22:21

Bɛ̀ min tá barka da ǹ wúlu màn koe masɛ Dɛnaa Lawa la, a lɛ kɔ masɛ la ǹ màn lɛa, hinlaa a din a foo kɔɔ̃nbaa ǹ wɔ lɛa, á boe la a da ka tɔɔ gole ne, hinlaa ka tɔɔ boɛɛn nɛ. Sɛnɛ, bɛ̀ ǹ dɛnaa tá li masɛ na a lɛ si, yǎa tɔɔ lɛ goɛ̃ a din yii lɛa, wɔ̀lɔ̀ goon ná a ba a ganaa wa.

Lawa a wúlu-bɔlen 22:27

Diin nɛ nɛ, sère nɛ nɛ ka bòe nɛ nɛ, bɛ̀ ǹ mɛn yɛ, a doamaa nɛ a goã kun ka ǹ dan nɛ, yǎa lɛawaa sɔbaa. A kũ a yɛ lɛawaa kiwisibaa ǹ wɔ ganaa, bɛ̀ min tá li a da ǹ mɛn kɔ masɛ Dɛnaa Lawa la wúlu màn tiɛ̃ lɛa, ma á lɛ koe a ganaa.

Lawa a wúlu-bɔlen 3:13

Bɛ kio, a n gɔn da bòe lɛ mìi ni, a tɔn na a bɔlɔ kuru kɔn yɛ ka Lawa nɛ ǹ kion lɛ yɔrɔ-a. Bɛa biikoo li, wúlu-bɔlen lɛn min goon na a mà si, a pɛpɛsɛ̃ wúlu bɔ ǹ bǎã lɛ wàãn tumaa ganaa.

Lawa a wúlu-bɔlen 3:2

Ǹ dɛnaa nə n gɔn da bɛa tɔɔ lɛ mìi ni, a tɔn na a bɔlɔ kuru kɔn yɛ ka Lawa nɛ ǹ kion lɛ a kiɛnlɛ-a. Bɛa biikoo li, Aarɔn a nɛgiĩn wúlu-bɔlen kɛn na a mà si, ǹ pɛpɛsɛ̃ *wúlu bɔ ǹ bǎã lɛ wàãn tumaa ganaa.

Lawa a wúlu-bɔlen 3:8

Ǹ dɛnaa nə n gɔn da bɛa tɔɔ lɛ mìi ni, a tɔn na a bɔlɔ kuru kɔn yɛ ka Dɛnaa Lawa nɛ ǹ kion lɛ a kiɛnlɛ-a. Bɛa biikoo li, Aarɔn a nɛgiĩ wúlu-bɔlen lɛn na a mà si, ǹ pɛpɛsɛ̃ wúlu bɔ ǹ bǎã lɛ wàãn tumaa ganaa.

Lawa a wúlu-bɔlen 4:15

zaman lɛ a min golen nə ǹ gɔn dada a mìi-n walan, min goon tɔn na a bɔlɔ kuru Dɛnaa Lawa yɔrɔ-a.

Lawa a wúlu-bɔlen 4:20

A dii gɔ̀lɔ̀ mɛn dɛ a din a sii baraa taman yii, a bɛ́ á bɛ baa lɔn, a kɛ lɛ dɔ baa miɛ̃. Wúlu-bɔle lɛ doamaa nɛ, a ǹ sii baraa sawaa ǹ wúlu bɔ miɛ̃, Lawa á die ǹ sii baraan toɛ ǹ nɛ.

Lawa a wúlu-bɔlen 4:24

A n gɔn da butumu lɛ mìi ni, a tɔn na a bɔlɔ kuru wúlu màn tiɛ̃ kɛa tɔɔ dɛ ǹ bǎã nɛ, Dɛnaa Lawa yɔrɔ-a. Sii baraa sawaa ǹ wúlu màn nɛ.

Lawa a wúlu-bɔlen 4:26

Tɔɔ lɛ a nyɔɔ tumaa, a bɛ tã wúlu bɔ ǹ bǎã kɛ lalan, ka a bɛ́ á barka da Lawa nɛ ǹ wúlu màn lɛ wɔ baa lɔn. Wúlu-bɔle lɛ doamaa nɛ, a goledɛnaa lɛ a sii baraa sawaa ǹ wúlu bɔ miɛ̃, Lawa á die a sii baraa lɛ toɛ nɛ.

Lawa a wúlu-bɔlen 4:29

A n gɔn da bɛa tɔɔ lɛ mìi ni, a tɔn na a bɔlɔ kuru wúlu màn tiɛ̃ kɛ a tɔɔn dɛ ǹ bǎã nɛ.

Lawa a wúlu-bɔlen 4:31

A tɔɔ lɛ a nyɔɔ tumaa waa, ka a bɛ́ á barka da Lawa nɛ ǹ wúlu màn lɛ wɔ waa lɔn. Wúlu-bɔle lɛ bɛ tã wúlu bɔ ǹ bǎã lɛ nɛ, wúlu màn lɛa, a tɛmaa gìĩ n kɔɔ̃n Dɛnaa Lawa ganaa. Wúlu-bɔle lɛ sii baraa zɛnaali lɛ a sii baraa sawaa ǹ wúlu bɔ miɛ̃, Lawa á die a sii baraa toɛ nɛ.

Lawa a wúlu-bɔlen 4:33

A n gɔn da bɛa tɔɔ lɛ mìi ni, a tɔn na a bɔlɔ kuru a sii baraa a lɛa, wúlu màn tiɛ̃ kɛ a tɔɔn dɛ ǹ bǎã nɛ.

Lawa a wúlu-bɔlen 4:35

Á tɔɔ lɛ a nyɔɔ tumaa waa, ka ǹ bɛ́ ǹ nə́ barka da Lawa nɛ ǹ sère nɛ lɛ wɔ waa lɔn. Wúlu-bɔle lɛ bɛ tã wúlu bɔ ǹ bǎã lɛ nɛ, kun ka Dɛnaa Lawa gɔ ǹ wɔ kɛ nɛ, bɛ̀ ǹ tã. Wúlu-bɔle lɛ doamaa nɛ a sii baraa zɛnaali a sii baraa sawaa ǹ wúlu bɔ miɛ̃, Lawa á die a sii baraa lɛ toɛ nɛ.

Lawa a wúlu-bɔlen 4:4

A wo ka dii gɔ̀lɔ̀ lɛ-n kɔn yɛ ǹ kion kɛa kiɛnlɛ-a bɔrɔ, Dɛnaa Lawa yɔrɔ-a. A n gɔn da dii gɔ̀lɔ̀ lɛ mìi ni, a tɔn na a bɔlɔ kuru walan Dɛnaa Lawa yɔrɔ-a.

Lawa a wúlu-bɔlen 5:6

A sii baraa mɛn zɛnaa, a doamaa nɛ a sère hinlaa bòe dan bɔ bɛa lɛa, a kɔ Dɛnaa Lawa la, a sii baraa lɛ a sawaa ǹ *wúlu màn lɛa. Lawa a wúlu-bɔle lɛ doamaa nɛ, a bɛ lɛ dɛ a sii baraa lɛ a sawaa ǹ wúlu màn lɛa.

Lawa a wúlu-bɔlen 6:7

Lawa gɔ ǹ màn lɛ a bɔ ǹ gɔn nə́ ke: Aarɔn a nɛgiĩ wúlu-bɔlen kɛn doamaa nɛ, ǹ golee wúlu bɔ ǹ bǎã lɛ yɔrɔ-a, ǹ wúlu màn lɛ kɔ Dɛnaa Lawa la.

Lawa a wúlu-bɔlen 8:14

Bɛ kio, ǹ bɛ́ re dii gɔ̀lɔ̀ mɛn biɛ sii baraa sawaa ǹ wúlu màn lɛa, Muizu pɛ, mà ǹ bɛ baã ǹ da nɛ. Aarɔn laanka a nɛgiĩn lɛn nə́ n gɔn dada bɛa dii gɔ̀lɔ̀ lɛ mìi ni.

Lawa a wúlu-bɔlen 8:18

Bɛ kio, ǹ bɛ́ re sère gɔ̀lɔ̀ mɛn biɛ wúlu màn tiɛ̃ lɛa, Muizu pɛ mà ǹ bɛ baã ǹ da nɛ. Aarɔn laanka a nɛgiĩn nə́ n gɔn dada sère gɔ̀lɔ̀ lɛ mìi ni,

Lawa a wúlu-bɔlen 8:22

Bɛ kio, á pɛ ǹ nɛ, mà ǹ da ka sère gɔ̀lɔ̀ paabaa ǹ wɔ kɛ nɛ, min koa wúlu-bɔle lɛa ǹ wɔ lɛa. Aarɔn laanka a nɛgiĩn nə́ n gɔn dada bɛa sère gɔ̀lɔ̀ lɛ mìi ni.

Lawa a wúlu-bɔlen 9:7

Bɛ kio, Muizu tɔ́n pɛ Aarɔn nɛ: N zɔ̃ n dɔ *wúlu bɔ ǹ bǎã lɛ nɛ, n sii baraa sawaa ǹ wúlu màn laanka wúlu màn tiɛ̃ kɛ a tɔɔ dɛ, n nə n din laanka n zaman lɛ a sii baraan sawaa nɛ. Bɛ kio, n zaman lɛ a sii baraa sawaa ǹ wúlu bɔ ka zaman lɛ a Lawa gɔ ǹ màn kɛ nɛ, ka Dɛnaa Lawa bɛ́ á pɛ lɔn.

Minin nimi 15:25

Lawa a wúlu-bɔle die a sii baraa sawaa ǹ wúlu bɔ Izirayeli zaman lɛ tumaa a lɛa, ǹ sii baraa á re n toɛ ǹ nɛ. A giala ǹ bie ǹ nə́ sii baraa lɛ zɛnaa woon wa, ka bɛ dɔ nɛ, ǹ nə́ daa ka ǹ Lawa gɔ ǹ màn nɛ Dɛnaa Lawa yɔrɔ-a, ka wúlu màn tiɛ̃n laanka ǹ sii baraa sawaa ǹ wúlu màn nɛ, ǹ sã lɛ taman yii.

Minin nimi 15:28

Bɛa sii baraa kɛ lɛ, ǹ dɛnaa ná a bie á zɛnaa woon wa, Lawa a wúlu-bɔle die a na a sawaa ǹ sii zɛnaa Dɛnaa Lawa yɔrɔ-a, a lɛa. Lawa a wúlu-bɔle lɛ die a sii baraa sawaa ǹ sii lɛ zɛnaa a lɛa, a sã á die n toɛ nɛ.

Minin nimi 25:13

Bɛa lɛ kɔ kɔn la kɛ lɛ n die goɛ̃ a din wɔ lɛa, ka a tɔrɔn nɛ. A din lɛ kɔ kɔn la kɛ lɛ n die toɛ, wúlu bɔ ǹ dí goã ǹ wɔ lɛa miɛ̃ duduu. A giala, á nyaa mà a Lawa lɛ sii á kaka a gɔn, ka bɛ dɔ nɛ, á Izirayeli minin lɛn sii baraa sawaa ǹ sii zɛnaa.»

Minin nimi 8:10

N die n Levii tɔrɔn lɛn wɔlɔ kunu kɔ Dɛnaa Lawa yɔrɔ-a, Izirayeli minin lɛn die ǹ nə ǹ gɔn da ǹ la.

Minin nimi 8:12

Levii tɔrɔn lɛn die, ǹ nə n gɔn da dii gɔ̀lɔ̀n lɛn mìi ni. Muizu die a dii gɔ̀lɔ̀ lɛ goon baa sii baraa sawaa ǹ wúlu màn lɛa, a kɔsɔ kɛ tã Lawa wɔ lɛa, Levii tɔrɔn sii baraa sawaa ǹ wɔ lɛa.

Rɔmu minin 12:1

Dɔɔ̃nɔn lɛn, man ka nyankoe, Lawa a makara-doɛ̃ a lɛa, ka ka dinin kɔ Lawa la, *wúlu màn yiikoonaan lɛa, wúlu mànan mɛnɛn bɛ́ koa nɛ a din ni, ǹ nə́ kɔɔ̃n a ganaa. Bɛ lɛ n die goɛ̃ kaa Lawa guguru kɔ ǹ gɔn sonbore lɛa.

Rɔmu minin 3:25

Minin bɛ́ kɔn gòã kuĩ lɔn ka tɔɔ nɛ, Lawa dɔ na á Yezu kɔ miɛ̃ *wúlu màn lɛa, á gɛ̀ wɔ. Lawa na á bɛ zɛnaa á nyaa mà asɛ á pepere. A laanɛ á goã minbuiin nɛn sii sii a ganaa lɛlɛ, a ná a ba ǹ sii baraa diɛ sii li wa.

Rɔmu minin 5:11

Ka bɛ din yii ni, wɔ foo á kɔɔ̃nɛ, a giala, wɔa Dɛnaa Yezu Krita na á daa wɔ bii kɔɔ̃n kɔ kɔn ka Lawa nɛ, wɔ ba Lawa a zɔ́ɔn lɛa doo wa.

Filipi minin 4:18

Ka màn mɛn tumaa dia ma la, má yɛ, á la ma lɛ-n dinin. Epafroditi bɛ́ á daa kaa dɔmalɛn lɛn kɔ ma la, màn kɔ́n wɛɛ ba ma-a doo wa. Kaa bǐɛ̃baa ǹ mànan lɛn man ka wúlu bɔ ǹ màn gìĩ kɔɔ̃n bɛ́ lɔn, ka Lawa bɛ́ lɛ koe wúlu mɛn ganaa, a ń kɔɔ̃n a ganaa.

Ebrəə 10:4

A giala, dii gɔ̀lɔ̀n laanka butumu mà a boe la, a sii baraan nya duduu wa.

Zaã1 2:2

A din na á n din baa *wúlu màn lɛa, ń giɛ, wɔsɛn sii baraan tá n toɛ wɔ nɛ. Wɔsɛn dininsɔɔ̃nɔn wɔn lɛa bie wa, sɛnɛ kanaa din tumaa wɔn lɛa nɛ.