Lawa a wúlu-bɔlen 1:3 - LAWA A BOO SONBORE

³ Bɛ̀ tɔɔ gole ne, a n die biɛ *wúlu màn tiɛ̃ lɛa, a doamaa nɛ a da ka dii gɔ̀lɔ̀ nɛ, wɔ̀lɔ ná a ba a ganaa wa. A doamaa nɛ a da nɛ kɔn yɛ ka Lawa nɛ ǹ kion lɛ a kiɛnlɛ-a, Dɛnaa Lawa tɔn lɛ kɔ, bɛa dɛnaa golee a yɔrɔ-a.

LAWA A BOO SONBORE 2011

³ Bɛ̀ tɔɔ gole ne, a n die biɛ *wúlu màn tiɛ̃ lɛa, a doamaa nɛ a da ka dii gɔ̀lɔ̀ nɛ, wɔ̀lɔ ná a ba a ganaa wa. A doamaa nɛ a da nɛ kɔn yɛ ka Lawa nɛ ǹ kion lɛ a kiɛnlɛ-a, Dɛnaa Lawa tɔn lɛ kɔ, bɛa dɛnaa golee a yɔrɔ-a.

Lawa a wúlu-bɔlen 1:3 Iomraidhean Croise

Siin Giala 22:13

Abrahamu nə́ n yii saa á ga, bɛ̀ sère gɔ̀lɔ̀ goon bɛ́ daã gòã li, gagasa kũ a bɛnɛn ganaa, a n golee ne. Abrahamu kiɛ̃ á woo bɛ lɛ bɔ, á wúlu bɔ nɛ a nɛgiĩ Izaaki bǎã nɛ, a ná a siĩ tã ka lenlen.

Siin Giala 22:2

Lawa tɔ́n pɛ nɛ: «N nɛgiĩ lɛ kũ, n nɛgiĩ goon toto Izaaki kɛ lɛ, n nə́ narɛ parsiini, n wo Moriya gána nɛ, ma bɛ́ re kelen kɛn mɛn nyɛɛ n nɛ walan, wo wúlu bɔ nɛ bɛ mìi ni, n na a siĩ tã ka lenlen.»

Siin Giala 22:8

Abrahamu ná a lɛ si, á pɛ: «Maa nɛ, Lawa din tá re bɛ yɔrɔ boe, á re wúlu sère nɛ koe.» Ǹ dinin min paa tumaa tɔ wɔ miɛ̃, ǹ nə́ woo kun.

Siin Giala 8:20

Bɛ kio, Nowee *wúlu bɔ ǹ bǎã dɔ Dɛnaa wɔ lɛa. Màn gòã siinaa mɛn tumaa laanka bàan mɛn tumaa siĩ bɛ́ n soɛ̃, á gogoon bɔ bɛn tɔrɔn tumaa bii, á ǹ kɔ Lawa la *wúlu màn lɛa, á ǹ siĩ tumaa tã wúlu bɔ ǹ bǎã lɛ nɛ.

KZS2 29:32

Ǹ màn mɛn tumaa kɔ Dɛnaa Lawa la, a kaa kun na á goã: dii gɔ̀lɔ̀ pɔsɔbaa, sère gɔ̀lɔ̀ paabiɛ, sère ten biɛpaa (200) wúlu màn tiɛ̃ lɛa,

KZS2 35:12

Ǹ nə́ wúlu màn lɛ piɛ̃ lɛ kaa a gɔrɔn màn mɛn bɛ́ toɛ ǹ kɔ zaman lɛ a sumu lɛ totoron la mà ǹ kɔ Dɛnaa Lawa la, ka a bɛ́ kiɛ̃-n Muizu a sɛ́wɔ-n lɔn. Maǹ nə́ zɛnaa miɛ̃ tɔɔ dadaran dɔn manɛ.

Loen 110:3

N zaman lɛ á die n din koe ka foo kɔɔ̃n nɛ, n zia-baalin lɛ sɔkɔn pinaa kɛ nɛ. Tɔntɔraan tá die n li, kele sonboren kɛn la, ǹ tumaa n bɔlɔbɔlɔ ka buu buruu bɛ́ lɔn.

Loen 40:8

Bɛ lɛ nɛ má tɔ́n pɛ, máa màn mɛn nə n kiɛ̃ sɛ́wɔ-munii kɛ nɛ maa wɔ paǹ li,

Bɔ bɛ̀rɛbaa nɛ 12:5

Ka tɔɔ bɔ, wɔ̀lɔ̀ ná a ba a ganaa wa, lɛ̀ goon pia lɛa. Ka bɔ sère nɛn hinlaa bòe nɛn bii.

Bɔ bɛ̀rɛbaa nɛ 24:5

Bɛ kio, á tɔntɔraan bɔ Izirayeli nɛnyaanan lɛn bii, bɛn nə́ dii gɔ̀lɔ̀n bɔ, ǹ nə́ ǹ tã lenlen, wúlu mànan lɛa, ǹ nə́ ǹ kɔ Lawa la, ǹ bii kɔɔ̃n kɔ kɔn kɛ a lɛa.

Bɔ bɛ̀rɛbaa nɛ 29:18

N sère gɔ̀lɔ̀ lɛ tumaa tã wúlu bɔ ǹ bǎã lɛ nɛ, a goã *wúlu màn tiɛ̃ lɛa Dɛnaa wɔ lɛa. Wúlu màn tiɛ̃ wole ne, a gìĩ n kɔɔ̃n masɛ Dɛnaa ganaa.

Bɔ bɛ̀rɛbaa nɛ 29:4

N da Aarɔn laanka a nɛgiĩn lɛn nɛ, kɔn yɛ ka Lawa nɛ ǹ Kion lɛ a kiɛnlɛ-a, n nə ǹ zoo mu li.

Bɔ bɛ̀rɛbaa nɛ 29:42

Bɛ lɛ n die wúlu màn tiɛ̃ lɛ biɛ, ka doamaa bɛ́ ka ǹ mɛn bɔ biikoo tumaa li, lɛ̀ woo lɛ̀. Ka bɔ Dɛnaa yɔrɔ-a, kɔn yɛ ǹ kion kɛ lɛ a kiɛnlɛ-a, masɛ bɛ́ re n diɛ ka lɛ bǎã mɛn nɛ lɛn, ma boo da n nɛ.

Bɔ bɛ̀rɛbaa nɛ 32:6

A lɛawaa sonbore, ǹ yoo tán maa-n gɔrɔ, ǹ nə́ *wúlu màn tiɛ̃n bɔ, ǹ nə́ bii kɔɔ̃n kɔ kɔn wúlu mànan bɔ. Zaman lɛ giã tán á màn bii, á màn mi, bɛ kio, á yoo á sàn kɔ.

Bɔ bɛ̀rɛbaa nɛ 35:21

A kɔɔ̃n kɔ min mɛn tumaa foo ganaa, á dɔ ǹ yiri dɔ nɛ, bɛn nə́ daa ka ǹ màn bòen ne, ǹ nə́ ǹ kɔ Dɛnaa la, kɔn yɛ ka Lawa nɛ ǹ kion kɛ lɛ a dí a lɛa, a sii yɔrɔ bɔ tumaa a lɛa, mɔnaa sonboren kɛn dɔn lɛa.

Bɔ bɛ̀rɛbaa nɛ 35:29

Giĩn ni ka lɔn nɛ, Izirayeli minin mɛnɛn foo bɛ́ kɔɔ̃n ka mànan kɛn kɔ nɛ, dí lɛ a nya ǹ mànan lɛa, Dɛnaa nə́ ǹ pɛ Muizu ni, bɛn man nə́ goã die mànan koe Dɛnaa la ka nyɛnyɛɛ nɛ.

Bɔ bɛ̀rɛbaa nɛ 35:5

«Ka màn bɔ ka gɔn màn nɛ, ka kɔ Dɛnaa la. Ka bɛ zɛnaa ka dinin bii, ka bɛa màn lɛ bɔ ka foo kɔɔ̃n nɛ, ka kɔ Dɛnaa la: ta sana nɛ, ka wɔrɔ nɛ, ka zan tã nɛ.

Bɔ bɛ̀rɛbaa nɛ 36:3

Izirayeli nɛnyaanan nə mànan mɛnɛn bɔ, Kion sonbore lɛ a dín kɛn nyɛɛ a lɛa, ǹ nə́ bɛn tumaa si Muizu li. Sɛnɛ, minin man tɔn die baraabaraa, mànan koe ka foo kɔɔ̃n nɛ.

Bɔ bɛ̀rɛbaa nɛ 38:1

Bɛ kio, á *wúlu bɔ ǹ bǎã lɛ zɛnaa ka kaasia gɔn nɛ. A sasabaa n gùrù yii sooro, a pəməbaa n gùrù yii sooro. A gùrùn tumaa n goon. A wo lon nə gùrù yii sɔɔ.

Izayii 1:11

Dɛnaa Lawa n pii: Kaa *wúlu màn damata kɛ là n ka wàa nɛ ma ganaa? Ka bɛ́ sère kuturun mɛnɛn tiɛ̃ lenlen maa wɔ lɛa, tɔɔ kasiɛ̃ wolen nyɔɔ ke ka á koe wúlu màn lɛa, bɛn tumaa tìĩ bɔ ma yin ni kanna. Dii gɔ̀lɔ̀n mà ke, sère nɛ tenən wɔ nɛ, ka butumun wɔ nɛ, ma ba ǹ li doo wa.

Ezekieli 20:40

A giala, ka Izirayeli tɔrɔn lɛn tumaa, ka mɛnɛn tumaa bɛ́ re giɛ̃ gána lɛ nɛ, ka n die ma guguru koe maa kele kɛ la, Izirayeli a kele sasa kɛ la. Man die n diɛ ka lɛ walan sɔnbɔraanɛ. Ka bɛ́ re mànan mɛnɛn tumaa boe, wúlu màn sonboren lɛa ka kɔ ma la, ma á re lɛ koe bɛn ganaa walan. Ma din Dɛnaa Lawa a da ǹ boo ne.

Ezekieli 40:39

Tabalan nə́ goã tán wɔ ǹ kiɛnlɛ lɛ a dàã li. Màn paa na á goã gusin, màn paa na á goã gɔsɛ. Maǹ nə́ goã wúlu màn tiɛ̃ kɛ a tɔɔn dii bɛn la, sii baraa sawaa ǹ wúlu mànan nɛ, ka zɛ̀rɛ si Lawa la ǹ wɔn nɛ.

Lawa a wúlu-bɔlen 1:10

Bɛ̀ tɔɔ boɛɛn nɛ a n die biɛ wúlu màn tiɛ̃ lɛa, ta sère ne hinlaa bòe ne, a doamaa nɛ a da ka a gɔ̀lɔ̀ nɛ, wɔ̀lɔ̀ ná a ba a ganaa wa.

Lawa a wúlu-bɔlen 14:10

A lɛawaa kiwisibaa ǹ wɔ pinaa, a sère nɛ gɔ̀lɔ̀n paa kũ, wɔ̀lɔ̀ ná a ba ǹ ganaa wa, ka lɛ̀ goon sère nɛ luun ni, wɔ̀lɔ̀ ná a ba a ganaa wa. A *wùsu sonbore kilo manangɔrɔ yaa ka nyɔɔ nɛ, Lawa gɔ ǹ wɔ lɛa, a bɛ dɔ saa ka nyɔɔ litiri talɛɛ nɛ.

Lawa a wúlu-bɔlen 16:7

A butumu màn paa lɛ dɔ kũ, a da ǹ koa Dɛnaa Lawa yɔrɔ-a, kɔn yɛ ǹ kion kɛa kiɛnlɛ-a.

Lawa a wúlu-bɔlen 17:4

Sɛnɛ, bɛ̀ a da ka tɔɔ lɛ nɛ, kɔn yɛ ǹ kion kɛa kiɛnlɛ-a bɔrɔ, á kɔ Dɛnaa Lawa la a gɔ ǹ *wúlu màn lɛa, a giã ǹ bǎã kɛ yɔrɔ-a wa, a mà mɛn kaa, bɛa dɔlɔ á re n boe a ganaa. Bɛa dɛnaa kɛ lɛ, ǹ loo ǹ bɔ Izirayeli minin bii.

Lawa a wúlu-bɔlen 17:8

A pɛ ǹ nɛ dɔn, min woo min, á n Izirayeli tɔrɔ lɛa, hinlaa á n gùli lɛa giã nɛ ǹ bii, bɛ̀ a tá tɔɔ biɛ wúlu màn tiɛ̃ hinlaa wúlu màn tɔrɔ kɔsɔ lɛa,

Lawa a wúlu-bɔlen 17:9

bɛ̀ ǹ dɛnaa da nɛ kɔn yɛ ǹ kion kɛa kiɛnlɛ-a á wúlu bɔ nɛ Dɛnaa Lawa wɔ lɛa wa, ǹ bɛa min lɛ loo ǹ bɔ Izirayeli tɔrɔn bii.

Lawa a wúlu-bɔlen 23:12

A din pinaa lɛ dɔ nɛ, lɛ̀ goon sère nɛ mɛn bɛ́ wɔ̀lɔ̀ ná a ba a ganaa wa, ka bɛ kɔ masɛ Dɛnaa Lawa la *wúlu màn tiɛ̃ lɛa.

Lawa a wúlu-bɔlen 23:18

Ka da ka lɛ̀ goon sère nɛ sɔbaa nɛ, wɔ̀lɔ̀ ná a ba ǹ ganaa wa, ka dii gɔ̀lɔ̀ goon laanka sère gɔ̀lɔ̀ paa nɛ, ka ǹ ti buuru lɛ ganaa. Ka bɛa tɔɔn lɛn kɔ masɛ Dɛnaa Lawa la, wúlu màn tiɛ̃ lɛa. Ka doamaa bɛ́ nɛ ka wùsu laanka duvɛ̃ mɛn kɔ masɛ la wúlu màn lɛa, ka bɛn kaa kun ni. Ka die ka bɛa mànan lɛn tã wúlu màn lɛa, a tɛmaa gìĩ n kɔɔ̃n masɛ Dɛnaa Lawa ganaa.

Lawa a wúlu-bɔlen 3:1

Bɛ̀ min tá die barka da Lawa nɛ ǹ wúlu boe, bɛ̀ tɔɔ golee ne, ta a sa nɛ, hinlaa ǹ dan nɛ, a da nɛ kɔn yɛ ka Dɛnaa Lawa nɛ ǹ kion kɛ yɔrɔ-a. Sɛnɛ, wɔ̀lɔ̀ doamaa bie a goã a ganaa wa.

Lawa a wúlu-bɔlen 4:15

zaman lɛ a min golen nə ǹ gɔn dada a mìi-n walan, min goon tɔn na a bɔlɔ kuru Dɛnaa Lawa yɔrɔ-a.

Lawa a wúlu-bɔlen 4:23

A sii baraa mɛn zɛnaa, bɛ̀ min yɛ á pɛ nɛ, goledɛnaa lɛ doamaa nɛ a butumu bɔ, wɔ̀lɔ̀ ná a ba a ganaa wa.

Lawa a wúlu-bɔlen 4:3

Min mɛn bɛ́, ǹ nə́ bɔ ǹ nə́ koa wúlu-bɔlen kiã lɛa, bɛ̀ bɛ́ sii baraa zɛnaa, a na á zɛ̀rɛ saa á zaman lɛ tumaa gɔ nɛ. A sii baraa mɛn zɛnaa, a doamaa nɛ a dii gɔ̀lɔ̀ bɔ, wɔ̀lɔ̀ ná a ba a ganaa wa, a kɔ Dɛnaa Lawa la sii baraa lɛ a sawaa ǹ *wúlu màn lɛa.

Lawa a wúlu-bɔlen 4:32

Bɛ̀ ǹ dɛnaa n li a da ka sère ne, a sii baraa lɛ a sawaa ǹ wúlu màn lɛa, a doamaa nɛ a da ka sère dan nɛ, wɔ̀lɔ̀ ná a ba a ganaa wa.

Lawa a wúlu-bɔlen 5:15

Bɛ̀ min mɛn sã á woo Dɛnaa Lawa gɔn màn wɔlɔ li, ǹ dɛnaa na á sii babaraa zɛnaa. Ǹ dɛnaa doamaa nɛ a sère gɔ̀lɔ̀ bɔ a tɔɔn bii, wɔ̀lɔ̀ ná a ba a ganaa wa, a da kɔ Dɛnaa Lawa la. Sère gɔ̀lɔ̀ lɛ giɔ̀mɔ doamaa nɛ a wɔrɔ giala garamu lɛ kɔn bɔ, a n kɔnpii ka kion sonbore kɛ a màn zɔɔ̃ ǹ wɔ nɛ. Bɛa sère gɔ̀lɔ̀ lɛ n zɛ̀rɛ si ǹ wúlu màn lɛa.

Lawa a wúlu-bɔlen 5:18

Ǹ dɛnaa doamaa nɛ, a sère gɔ̀lɔ̀ bɔ a tɔɔn bii, a giɔ̀mɔ n zɛ̀rɛ si ǹ wúlu màn kɛ wɔ boe, a da kɔ Lawa a wúlu-bɔle la. A sã á sii baraa mɛn lɛ zɛnaa a ná a dɔ̃ wa. Bɛ̀ wúlu-bɔle lɛ ná a sii baraa sawaa ǹ wúlu bɔ, Lawa á re a sii baraa toɛ nɛ.

Lawa a wúlu-bɔlen 6:2

Sii nyaa ǹ zii kɛ pɛ Aarɔn laanka a nɛgiĩn manɛ: *Wúlu màn tiɛ̃ lɛ a bɔ ǹ gɔn nə́ ke: A bɛ́ n wúlu màn tiɛ̃ lɛa, a doamaa nɛ a goã *wúlu bɔ ǹ bǎã lɛ a tɛ la, a saa tèlò ganaa a wo baayɛlɛ yaa, tɛ n kuĩ a ganaa miɛ̃.

Lawa a wúlu-bɔlen 6:8

A wúlu bɔ ǹ *wùsu sonbore kɛ a gɔn yii goon bɔ, ka a nyɔɔ kɛ a gɔn yii goon ne, ka da yon gìĩ kɔɔ̃n kɛ tumaa-n la, a tã wúlu bɔ ǹ bǎã kɛ lalan. Yiri gisĩ sii ni ǹ màn nɛ, a tɛmaa gìĩ n kɔɔ̃n Dɛnaa Lawa ganaa.

Lawa a wúlu-bɔlen 7:16

Bɛ̀ min na a lɛ kɔ Lawa la lɛ piɛ̃ ka wúlu màn mɛn nɛ, hinlaa ta a din dùũ wɔ nɛ, a siĩ nə n soɛ̃ a din pinaa. Sɛnɛ bɛ̀ a gialakun goã, ǹ tá boe la, ǹ bɛ sɔ̃ a lɛawaa.

Lawa a wúlu-bɔlen 8:18

Bɛ kio, ǹ bɛ́ re sère gɔ̀lɔ̀ mɛn biɛ wúlu màn tiɛ̃ lɛa, Muizu pɛ mà ǹ bɛ baã ǹ da nɛ. Aarɔn laanka a nɛgiĩn nə́ n gɔn dada sère gɔ̀lɔ̀ lɛ mìi ni,

Lawa a wúlu-bɔlen 8:21

Muizu tɔɔ lɛ a nàn laanka a kèrèn pii, á ná a tumaa tã wúlu bɔ ǹ bǎã kɛ lalan. A n wúlu màn tiɛ̃ lɛa, a tɛmaa gìĩ n kɔɔ̃n Dɛnaa Lawa ganaa, á n tã a wɔ lɛa, ka a din bɛ́ á goã á pɛ Muizu-n lɔn.

Lawa a wúlu-bɔlen 9:2

Á pɛ Aarɔn nɛ: Ga diin nɛ banɛɛn laanka sère gɔ̀lɔ̀ goon li, wɔ̀lɔ̀ ná a ba ǹ kɔn ganaa wa. N die n diin nɛ banɛɛn lɛ baa sii baraa sawaa ǹ *wúlu màn lɛa, n sère gɔ̀lɔ̀ lɛ baa wúlu màn tiɛ̃ lɛa, Dɛnaa Lawa yɔrɔ-a.

Zakarii 13:7

Dɛnaa Lawa Pàãyiidɛnaa a da ǹ boo á ke: «Gɔya sa, n yii bũ maa tɔɔn-lɛduə̃li kɛ li, ma giaára ke. Tɔɔn-lɛduə̃li lɛ məə, màn mɛn bɛ́ toɛ, sèren lɛn nə n pɛsɛ̃ bǎã yii ni, ma tɔn da ǹ nɛ binbisinin dɛ.»

Malakii 1:14

Koe n die boe koɛɛ̃n-wɔle ganaa, ǹ mɛn bɛ́ tɔɔ kaka ná a tɔɔn bii, a lɛ-kɔ taman yii á tɔɔ wɔ̀lɔ̀dɛnaa kuĩ die koe ma la wúlu màn lɛa. Koe bɔ bɛ-a, a giala mà man kii gole lɛa tɔrɔ tumaa n nyɛ́ɛ biɛ ma pàã nɛ. Masɛ Dɛnaa Lawa Pàãyiidɛnaa n kɛ pii.

Minin nimi 15:3

ka die ka *wúlu màn tiɛ̃n hinlaa barka da ǹ wúlu mànan bɔ bɛ̀ ka ǹ kɔ masɛ la. Ka ǹ bɔ lɛ-kɔ lɛ pã wɔ lɛa, hinlaa ka dinin nə bɔ ka foo-a ka kɔ, hinlaa ka ǹ bɔ kaa zɔ́nɔn wɔ lɛa. Ka die ka dii bɔ, hinlaa ka sère bɔ, hinlaa bòe, bɛa wúlu màn kɛ lɛ miã wɔ lɛa, a gìĩ ń kɔɔ̃n Dɛnaa Lawa ganaa.

Minin nimi 15:8

Bɛ̀ dii gɔ̀lɔ̀ nɛ, ka tá biɛ wúlu màn tiɛ̃ lɛa, hinlaa wúlu màn lɛa, ka n lɛ-kɔ lɛ piɛ̃ nɛ, hinlaa ka n biɛ barka da ǹ wúlu màn lɛa,

Minin nimi 19:2

«Ma n gɔn waa ka nɛ ka dí-pɛ lɛ a landa siin mɛnɛn nɛ, bɛn nə́ ke: Ka pɛ Izirayeli minin lɛn manɛ, ǹ da dii dan tã kəwuu kɔ ka la, dii dan mɛn nə́ ke wɔ̀lɔ̀ goon ná a ba a ganaa wa, ǹ nə́ ǹ tɔn zǔu dɔ da a ganaa wa.

Minin nimi 23:19

Lawa bie min lɛa, a tɔn soɛ bɔ wa! A bie minbuiin nɛ lɛa, a tɔn wusoo a kio-n wa! A ba boo diɛ, bɛ̀ a ná a ba a lɛ piɛ̃ wa! A boo diɛ a n lɛ bɔ wa!

Minin nimi 23:27

Balaaki wusoo á pɛ Balaamu ni: «Da kiɛ̃ kəni, ma n kũ ma wo n ne bǎã kɔsɔ nɛ. Kɔntan, Lawa á die lɛ koe la, a n toa bɛa bǎã lɛ nɛ, n lɛn baraa bii zaman kɛ lɛ li maa lɛa.»

Minin nimi 23:3

Balaamu pɛ Balaaki ni: «Giã n *wúlu màn tiɛ̃ genli, masɛ nə n wɔlɔ lui. Kɔntan, Dɛnaa Lawa á re die masɛ li. Bɛ̀ á boo mɛn da ma nɛ, ta bɛa boo kɛ lɛ n lɔn, ma á re pii n ni.» Bɛ kio, Balaamu kiɛ̃ á woo tenten kɔn la.

Minin nimi 23:30

Balaaki dɔ́ zɛnaa ka Balaamu pɛ-n lɔn. Bɛ kio, á wúlu bɔ ka dii gɔ̀lɔ̀ goon laanka sère gɔ̀lɔ̀ goon ne, wúlu bɔ ǹ bǎã lɛ a gogoonmaa la.

Minin nimi 28:11

«Mui gogoonmaa a giala kɔ pinaa, ǹ dii gɔ̀lɔ̀ paa baa wúlu màn tiɛ̃ lɛa ǹ kɔ Dɛnaa Lawa la, ka sère gɔ̀lɔ̀ goon laanka lɛ̀ goon sère nɛ sɔbaa nɛ, wɔ̀lɔ̀ ná a ba ǹ kɔn ganaa wa.

Minin nimi 28:19

Ka dii gɔ̀lɔ̀ paa kɔ Dɛnaa Lawa la wúlu màn tiɛ̃ lɛa, ka sère gɔ̀lɔ̀ goon laanka lɛ̀ goon sère nɛ sɔbaa nɛ, wɔ̀lɔ̀ ná a ba ǹ kɔn ganaa wa.

Minin nimi 28:31

Bɛa wúlu mànan kɛn lɛn tumaa n die kiɛkun ka baraabaraa a wúlu màn tiɛ̃ kɛ nɛ, ka wúlu màn kɛ nɛ ka n tii a ganaa. Tɔɔn mɛnɛn bɛ́ wɔ̀lɔ̀ ná a ba ǹ ganaa wa, ka die ka wúlu lɛ bɔ ka bɛn nɛ, kun ka wúlu bɔ ǹ duvɛ̃ mɛn kɔnbɔ a n da kunun ǹ ni.»

Minin nimi 29:13

A lɛawaa bibinaa li, ka dii gɔ̀lɔ̀ fulusɔɔ baa wúlu màn tiɛ̃ gìĩ kɔɔ̃n lɛa, ka sère gɔ̀lɔ̀ paa laanka lɛ̀ goon sère nɛ fulusii ni, ka ǹ kɔ masɛ Dɛnaa Lawa la. Ka baran toa wɔ̀lɔ̀ goã ǹ kɔn ganaa wa.

Minin nimi 29:2

Ka die ka dii gɔ̀lɔ̀ goon baa wúlu màntiɛ̃ gìĩ kɔɔ̃n lɛa, ka sère gɔ̀lɔ̀ goon laanka lɛ̀ goon sère nɛ sɔbaa nɛ, ka ǹ kɔ Dɛnaa Lawa la. Ka baran toa wɔ̀lɔ̀ goã ǹ kɔn ganaa wa.

Luku 1:35

Lon a dia dí-a wole lɛ tɔ́n na a lɛ si á pɛ: «Lawa a Yiri Fu n die gisĩ n la, Lon a Lawa gole n die a din pàã gisĩ n la. Bɛ lɛ taman yii, n bɛ́ die nɛ mɛn yii, maǹ die bíi "Lawa wɔ", ka bɛ dɔ-n doo "Lawa a Nɛgiĩ".

Zaã a sɛ́wɔ 1:36

A bɛ́ á ga Yezu ganaa tɔ we kiɛ̃, á pɛ: «*Lawa a sère nɛ lɛ á ke.»

Zaã a sɛ́wɔ 10:7

Yezu wusoo á pɛ doo: «Man taãn pii ka nɛ, masɛ n sèren kiɛnlɛ lɛa.

Zaã a sɛ́wɔ 10:9

«Masɛ n kiɛnlɛ lɛa. Bɛ̀ min mɛn nə́ bɔ ka masɛ nɛ á tɔ́n wɔ kion, ka sèren bɛ́ boe ka kiɛnlɛ-n lɔn bɛ̀ ǹ tɔn wɔ kion, bɛa dɛnaa á die kirisibiɛ. Á die we bɛ̀ a soo, á die a too ǹ màn-bii dɔ yii.

Korɛnti2 8:12

A giala, bɛ̀ n màn kɔ ka yiri sonbore ne, màn mɛn bɛ́ n gɔn ń bǐɛ̃ baa nɛ, Lawa n bɛ sii, ǹ mɛn bɛ́ a ba n gɔn wa, a laadoo ba bɛ ganaa wa.

Korɛnti2 9:7

Didie tumaa lɛ kɔ lɔn, a màn kɔ a kɔnpɛ bɛ nɛ. A kɔ bɔ a din ni, a nyan pàã baa wa. A giala, bɛ̀ min màn kɔ ka foo kɔɔ̃n nɛ, Lawa n bɛa dɛnaa narɛ.

Efɛɛzi minin 2:18

Sonbore ne, a din Yezu Krita lɛ pàã nɛ, wɔ Zuifun laanka tɔrɔ kɔsɔn tá boe la, wɔ golee Díi Lawa yɔrɔ-a, ka Yiri Fu goon toto a dɔmalɛ nɛ.

Efɛɛzi minin 5:27

A na á zɔɔ̃ li, mà Lawa a sɔmɔ lɛ goã asɛ din yɔrɔ-a, ka a nɛniɛ tii bɛ́ lɔn, a siĩnbaa tumaa gɔ́ɔ̃ nɛ, a gɔ̀nɔn nə́ zɔzɔnɔ, *gɔ̀ ná a ba a ganaa wa, wɔ̀lɔ̀ kɔ́n dɔ ná a ba a ganaa wa.

Timəə dí-pɛn 12:27

Kaa wúlu màn tiɛ̃n kɛn, ǹ siĩ laanka ǹ mà nɛ, ka die ka bɛn kɔ kaa Lawa, Dɛnaa Lawa a *wúlu bɔ ǹ bǎã kɛ lalan. Bɛ̀ wúlu mànan manɛ Lawa wɔ lɛa, ka bɛn mà kaa kaa Lawa, Dɛnaa Lawa a wúlu bɔ ǹ bǎã lɛ lalan, ka ǹ siĩ sɔ̃.

Timəə dí-pɛn 15:21

Sɛnɛ, bɛ̀ wɔ̀lɔ̀ tá tɔɔ lɛ mɛn-a, bɛ̀ a n simii hinlaa a yii na á tã, hinlaa ta wɔ̀lɔ̀ tɔrɔ kɔsɔ mɛn nɛ, ka nyan bɛ kɔ kaa Lawa, Dɛnaa Lawa la *wúlu màn lɛa wa.

Timəə dí-pɛn 17:1

Bɛ̀ wɔ̀lɔ̀ tá dii hinlaa sère ganaa, ta wɔ̀lɔ̀ tɔrɔ mɛn nɛ, ka nyan toa ka bɛ kɔ kaa Lawa, Dɛnaa Lawa la *wúlu màn lɛa wa. A giala, bɛ n sii bɔbɔnɛɛ lɛa kaa Lawa, Dɛnaa Lawa yii li.

Ebrəə 7:26

Wɔ laadoo bɛ́ wúlu-bɔlen kiã mɛn ganaa, bɛ n ka Yezu ni. A n siĩni; zɛ̀rɛ laanka sii baraa kɔ́n ba a ganaa wa. A sii kɔ́n dɔ ba kun ka sii baraa-zɛnaalin wɔ-n wa. Lawa saa lon a ná a gole kɔ, á la lon màn tumaa nɛ.

Ebrəə 9:14

Sanparɛ Krita mà ke kəni! Krita mɛn bɛ́ á n din kɔ Lawa la, wúlu màn yoreen lɛa, ka Yiri Fu nyabaã wole barka nɛ, bɛ á boe la, a wɔ foon pii, a wɔ si bɔ̀nbaa ǹ sii zɛnaan la, màn mɛn bɛ́ toɛ, wɔ dí nya Lawa Yiikoonaa kɛ nɛ.