Lawa a wúlu-bɔlen 1:10 - LAWA A BOO SONBORE

¹⁰ Bɛ̀ tɔɔ boɛɛn nɛ a n die biɛ wúlu màn tiɛ̃ lɛa, ta sère ne hinlaa bòe ne, a doamaa nɛ a da ka a gɔ̀lɔ̀ nɛ, wɔ̀lɔ̀ ná a ba a ganaa wa.

LAWA A BOO SONBORE 2011

¹⁰ Bɛ̀ tɔɔ boɛɛn nɛ a n die biɛ wúlu màn tiɛ̃ lɛa, ta sère ne hinlaa bòe ne, a doamaa nɛ a da ka a gɔ̀lɔ̀ nɛ, wɔ̀lɔ̀ ná a ba a ganaa wa.

Lawa a wúlu-bɔlen 1:10 Iomraidhean Croise

Siin Giala 4:4

Abeli dɔ ná a tɔɔn gɔ́ɔ̃ binaa nɛn kɔnɔn waa, á ǹ baa wúlu màn lɛa, a ná a siĩ bǎã taãnan kɔ Dɛnaa la. Dɛnaa Lawa nə́ n yɔrɔ bǐɛ̃ da Abeli laanka a wúlu màn la,

Siin Giala 8:20

Bɛ kio, Nowee *wúlu bɔ ǹ bǎã dɔ Dɛnaa wɔ lɛa. Màn gòã siinaa mɛn tumaa laanka bàan mɛn tumaa siĩ bɛ́ n soɛ̃, á gogoon bɔ bɛn tɔrɔn tumaa bii, á ǹ kɔ Lawa la *wúlu màn lɛa, á ǹ siĩ tumaa tã wúlu bɔ ǹ bǎã lɛ nɛ.

Bɔ bɛ̀rɛbaa nɛ 12:5

Ka tɔɔ bɔ, wɔ̀lɔ̀ ná a ba a ganaa wa, lɛ̀ goon pia lɛa. Ka bɔ sère nɛn hinlaa bòe nɛn bii.

Ezekieli 43:22

«A lɛawaa paabaa ǹ wɔ pinaa, n die n ga butumu li, wɔ̀lɔ̀ ná a ba a ganaa wa. Ǹ die ǹ sii baraa sawaa ǹ wúlu bɔ ka bɛ nɛ wúlu bɔ ǹ bǎã lɛ lalan, ǹ na a *yoreen kɔ ka ǹ bɛ́ ǹ nə́ zɛnaa ka dii gɔ̀lɔ̀ lɛ-n lɔn.

Lawa a wúlu-bɔlen 14:10

A lɛawaa kiwisibaa ǹ wɔ pinaa, a sère nɛ gɔ̀lɔ̀n paa kũ, wɔ̀lɔ̀ ná a ba ǹ ganaa wa, ka lɛ̀ goon sère nɛ luun ni, wɔ̀lɔ̀ ná a ba a ganaa wa. A *wùsu sonbore kilo manangɔrɔ yaa ka nyɔɔ nɛ, Lawa gɔ ǹ wɔ lɛa, a bɛ dɔ saa ka nyɔɔ litiri talɛɛ nɛ.

Lawa a wúlu-bɔlen 16:3

Bɛ̀ Aarɔn tá woe kɔn yɛ ka Lawa nɛ ǹ kion kɛ nɛ, yǎa dii gɔ̀lɔ̀ goɛ̃ a gɔn, á n die bɛ biɛ sii baraa sawaa ǹ *wúlu màn lɛa, ka sère gɔ̀lɔ̀ nɛ, á n die bɛ biɛ wúlu màn tiɛ̃ lɛa.

Lawa a wúlu-bɔlen 16:5

A pɛ Izirayeli zaman lɛ nɛ, ǹ butumu màn paa kɔ la, a die a bɛn baa sii baraa sawaa ǹ wúlu màn lɛa, ka sère gɔ̀lɔ̀ goon ne, a die a bɛ baa wúlu màn tiɛ̃ lɛa.

Lawa a wúlu-bɔlen 22:19

Sɛnɛ, bɛ̀ ka tá li ma ka lɛ si, ka da ka tɔɔ lɛ a gɔ̀lɔ̀ nɛ, wɔ̀lɔ̀ ná a ba a ganaa wa: ta dii ni, ta sère ne, ta bòe ne.

Lawa a wúlu-bɔlen 23:12

A din pinaa lɛ dɔ nɛ, lɛ̀ goon sère nɛ mɛn bɛ́ wɔ̀lɔ̀ ná a ba a ganaa wa, ka bɛ kɔ masɛ Dɛnaa Lawa la *wúlu màn tiɛ̃ lɛa.

Lawa a wúlu-bɔlen 3:1

Bɛ̀ min tá die barka da Lawa nɛ ǹ wúlu boe, bɛ̀ tɔɔ golee ne, ta a sa nɛ, hinlaa ǹ dan nɛ, a da nɛ kɔn yɛ ka Dɛnaa Lawa nɛ ǹ kion kɛ yɔrɔ-a. Sɛnɛ, wɔ̀lɔ̀ doamaa bie a goã a ganaa wa.

Lawa a wúlu-bɔlen 4:23

A sii baraa mɛn zɛnaa, bɛ̀ min yɛ á pɛ nɛ, goledɛnaa lɛ doamaa nɛ a butumu bɔ, wɔ̀lɔ̀ ná a ba a ganaa wa.

Lawa a wúlu-bɔlen 4:3

Min mɛn bɛ́, ǹ nə́ bɔ ǹ nə́ koa wúlu-bɔlen kiã lɛa, bɛ̀ bɛ́ sii baraa zɛnaa, a na á zɛ̀rɛ saa á zaman lɛ tumaa gɔ nɛ. A sii baraa mɛn zɛnaa, a doamaa nɛ a dii gɔ̀lɔ̀ bɔ, wɔ̀lɔ̀ ná a ba a ganaa wa, a kɔ Dɛnaa Lawa la sii baraa lɛ a sawaa ǹ *wúlu màn lɛa.

Lawa a wúlu-bɔlen 5:15

Bɛ̀ min mɛn sã á woo Dɛnaa Lawa gɔn màn wɔlɔ li, ǹ dɛnaa na á sii babaraa zɛnaa. Ǹ dɛnaa doamaa nɛ a sère gɔ̀lɔ̀ bɔ a tɔɔn bii, wɔ̀lɔ̀ ná a ba a ganaa wa, a da kɔ Dɛnaa Lawa la. Sère gɔ̀lɔ̀ lɛ giɔ̀mɔ doamaa nɛ a wɔrɔ giala garamu lɛ kɔn bɔ, a n kɔnpii ka kion sonbore kɛ a màn zɔɔ̃ ǹ wɔ nɛ. Bɛa sère gɔ̀lɔ̀ lɛ n zɛ̀rɛ si ǹ wúlu màn lɛa.

Lawa a wúlu-bɔlen 9:2

Á pɛ Aarɔn nɛ: Ga diin nɛ banɛɛn laanka sère gɔ̀lɔ̀ goon li, wɔ̀lɔ̀ ná a ba ǹ kɔn ganaa wa. N die n diin nɛ banɛɛn lɛ baa sii baraa sawaa ǹ *wúlu màn lɛa, n sère gɔ̀lɔ̀ lɛ baa wúlu màn tiɛ̃ lɛa, Dɛnaa Lawa yɔrɔ-a.

Malakii 1:14

Koe n die boe koɛɛ̃n-wɔle ganaa, ǹ mɛn bɛ́ tɔɔ kaka ná a tɔɔn bii, a lɛ-kɔ taman yii á tɔɔ wɔ̀lɔ̀dɛnaa kuĩ die koe ma la wúlu màn lɛa. Koe bɔ bɛ-a, a giala mà man kii gole lɛa tɔrɔ tumaa n nyɛ́ɛ biɛ ma pàã nɛ. Masɛ Dɛnaa Lawa Pàãyiidɛnaa n kɛ pii.

Minin nimi 15:5

Bɛ̀ sère nɛ nɛ, ka tá biɛ wúlu màn tiɛ̃ lɛa, hinlaa barka da ǹ wúlu màn lɛa, ka duvɛ̃ litiri goon ka talɛɛ ti a ganaa.

Minin nimi 19:2

«Ma n gɔn waa ka nɛ ka dí-pɛ lɛ a landa siin mɛnɛn nɛ, bɛn nə́ ke: Ka pɛ Izirayeli minin lɛn manɛ, ǹ da dii dan tã kəwuu kɔ ka la, dii dan mɛn nə́ ke wɔ̀lɔ̀ goon ná a ba a ganaa wa, ǹ nə́ ǹ tɔn zǔu dɔ da a ganaa wa.

Minin nimi 6:14

A da ka a Lawa gɔ ǹ màn nɛ a kɔ Lawa la: lɛ̀ goon sère nɛ gɔ̀lɔ̀n mɛn nə́ ke wɔ̀lɔ̀ ná a ba a ganaa wa, wúlu màn tiɛ̃ lɛa, lɛ̀ goon sère nɛ luun mɛn nə́ ke wɔ̀lɔ̀ ná a ba a ganaa wa, sii baraa sawaa ǹ wúlu màn lɛa, ka sère gɔ̀lɔ̀ mɛn nə́ ke wɔ̀lɔ̀ ná a ba a ganaa wa, barka da ǹ wúlu màn lɛa.

Zaã a sɛ́wɔ 1:29

Bɛ lɛ a lɛawaa, ZAÃ Yezu yɛ die a li, á tɔ́n pɛ: – Ka ga, Lawa sère nɛ mɛn kɔ á ke. A din lɛ n kanaa minin sii baraa sawɛɛ á boe ǹ ganaa.

Piɛrɛ1 1:19

Sɛnɛ, Lawa na á ka bɔ bɛ nɛ ka Krita mà kɛ barka nɛ, mà mɛn bɛ́ soɛ màn tumaa nɛ. Bɛa Krita lɛ na á gã ka sère nɛ bɛ́ lɔn, wɔ̀lɔ̀ laanka gɔ̀ ná a ba-a wa, bɛ̀ ǹ dɛ *wúlu màn lɛa.