Korɛnti2 9:2 - LAWA A BOO SONBORE

² Taasiɛ sonboren mɛnɛn bɛ́ ka gɔ́ɔ̃ nɛ, man ma din laakalɛɛ ka bɛn nɛ Masedoanɛ minin li kaa lɛa. Má pɛ máa a saa diɛ̃n ganaa, wɔ dɔɔ̃nɔn mɛnɛn bɛ́ Grɛki gána nɛ, máa bɛn nə́ lɛ kɔ ka dɔmalɛ lɛ nɛ. Kaa din kɔ sii ganaa miɛ̃ kɛ lɛ Lawa a sɔmɔn lɛn gigiã gù kaa.

LAWA A BOO SONBORE 2011

² Taasiɛ sonboren mɛnɛn bɛ́ ka gɔ́ɔ̃ nɛ, man ma din laakalɛɛ ka bɛn nɛ Masedoanɛ minin li kaa lɛa. Má pɛ máa a saa diɛ̃n ganaa, wɔ dɔɔ̃nɔn mɛnɛn bɛ́ Grɛki gána nɛ, máa bɛn nə́ lɛ kɔ ka dɔmalɛ lɛ nɛ. Kaa din kɔ sii ganaa miɛ̃ kɛ lɛ Lawa a sɔmɔn lɛn gigiã gù kaa.

Korɛnti2 9:2 Iomraidhean Croise

Nya ǹ dín 18:12

Galiɔn bɛ́ Grɛki gána mìi la ǹ mɛn waáraa, Zuifun nə́ kaa kun ǹ nə́ yoo Pooli gialaa. Ǹ nə́ kũ ǹ nə́ woo ne kiri wɔ ǹ bǎã nɛ.

Nya ǹ dín 24:17

«Lɛ̀ gigiã á kiɛ̃ kio, má wusoo má daa dɔmalɛ ǹ màn kɔ ma tɔrɔ minin la, má daa dɔn, má *wúlu màn bɔ má kɔ Lawa la Zeruzalɛmu.

Rɔmu minin 15:26

A giala, Masedoanɛ laanka Grɛki gána a Lawa-nyankɔlen man a gialaa wɔrɔ boboe, ǹ nə́ die koe Zeruzalɛmu wɔn kɛn la doobaabaa gɔ́ɔ̃ nɛ.

Korɛnti1 16:15

Dí goon nə ke doo, ma dɔɔ̃nɔn lɛn: Ka á doɛ̃ mà Tefanaasi laanka a kion minin man nə́ golee Lawa li bibinaanɛ Grɛki gána nɛ. A kũ bɛ lɛ ganaa, ǹ nə́ n dinin kɔ, ǹ nə́ dí nyɛɛ Lawa a sɔmɔ minin manɛ.

Korɛnti2 1:1

Masɛ Pooli n Yezu *Krita a dia dí-a wole lɛa, á kɔnpɛ ka Lawa foo sii ni. Ma laanka ma dɔɔ̃n Timote ne, wɔ n sɛ́wɔ kɛ diɛ Korɛntin Lawa a sɔmɔ minin la, ka Lawa a minin mɛnɛn tumaa bɛ́ Grɛki gána tumu ni.

Korɛnti2 7:14

Má n din laakalaa Tiiti yɔrɔ-a kaa lɛa, sɛnɛ, ka sìi da ma ganaa wa. A giala, ma goã sonbore pii ka-n baraa-n lɔn, a din yii goon ne, ma din laakalaa ǹ boo mɛn da Tiiti yɔrɔ-a, bɛ dɔ́ yɛ pepere.

Korɛnti2 7:4

Ma foo á doa-n ka ganaa parsiini, ma nə n nyɛnyɛɛ ka a lɛa dɔn parsiini. Maa fuun tumaa gɔ́ɔ̃ nɛ, man piɛ̃-n ka foo tãbaa nɛ, maa foo kɔɔ̃n kɔ kiɛ̃ a bǎã la.

Korɛnti2 8:10

Man maa taasiɛ nyɛɛ ka nɛ bɛa sii kɛ lɛ gɔ́ɔ̃ nɛ: Ka dí mɛn giala kɔ diɛ̃, a n siĩn ka kɔ bɛ lɛ. Ka dinin man ká bɛa dí kɛ lɛ bɔ bibinaanɛ, ka goã bɛ li wa, ká a sii zɛnaa dɔ giala kɔ.

Korɛnti2 8:11

Kanna kəni, ka dí kɛ nya ka nyɔmɔɔ. Ka bɔ ka yiri-n ka sonborebaa mɛn nɛ, ka wo-n miɛ̃, ka zɛnaa ka pàã yii li.

Korɛnti2 8:19

Ka bɛ din ni doo, Lawa a sɔmɔn man nə́ bɔ, mà a maa zii tɔ wɔ kun wole baa, bǐɛ̃baa ǹ dí kɛ lɛ a nyɛɛ gɔ́ɔ̃ nɛ. Wɔ ǹ bɛa dí lɛ nyɛɛ Dɛnaa dinmaa a tɔ golebaa a lɛa, taasiɛ sonbore mɛn dɔ bɛ́ wɔ gɔ́ɔ̃ nɛ, wɔ bɛ dɔ nyaa nɛ.

Korɛnti2 8:24

Ka nyaa ǹ nɛ, mà ka tá ǹ narɛ taãn-taãnɛ, ń giɛ Lawa a sɔmɔn lɛn tá doɛ̃, mà sonbore tá ma lon ka maa din laakalaa kɛ nɛ kaa lɛa.

Korɛnti2 8:8

Pàã bie ma á nyɛɛ ka-n wa. Sɛnɛ, man ka miãn din kɔ sii ganaa kɛ pii ka nɛ, máa ka dɔn nə kaa kɔn-narɛɛ kɛ a taãnbaa nyaa.

Tesaloniki1 1:7

Bɛ lɛ na á toa, kaa tɔ wɔ ǹ gɔn nə́ Masedoanɛ gána laanka Grɛki gána a golee Lawa li wolen tumaa daraa.

Ebrəə 10:24

Ka daa wɔ n yiri kɔ kɔn li, wɔ kɔn da kɔn-narɛɛ ganaa ka dí sonboren nyɛɛ nɛ.