Korɛnti2 7:8 - LAWA A BOO SONBORE

⁸ Taãn nɛ, ma bɛ́ má sɛ́wɔ mɛn dia ka la, ta á ka foo ziziɛ̃, ma a n gɔ́ɔ̀ bii ka bɛ-n doo wa. Má n gɔ́ɔ̃ bii lɛlɛ, bɛ̀ ma bɛ́ má dɔ̃, máa maa sɛ́wɔ kɛ lɛ ka foo ziziɛ̃ biikoo kɔ́n li.

LAWA A BOO SONBORE 2011

⁸ Taãn nɛ, ma bɛ́ má sɛ́wɔ mɛn dia ka la, ta á ka foo ziziɛ̃, ma a n gɔ́ɔ̀ bii ka bɛ-n doo wa. Má n gɔ́ɔ̃ bii lɛlɛ, bɛ̀ ma bɛ́ má dɔ̃, máa maa sɛ́wɔ kɛ lɛ ka foo ziziɛ̃ biikoo kɔ́n li.

Korɛnti2 7:8 Iomraidhean Croise

Busii pɛ 3:32

Ta a na á fuu da n mìi ni, a n wusii doo a n narɛ, a giala a bǐɛ̃baa á gole.

Zaã a sɛ́wɔ 16:6

Ma bɛ́ má bɛ lɛ pɛ ka nɛ, bɛ lɛ na á yɔrɔ-kɔsiɛ da ka ganaa parsiini.

Zaã a sɛ́wɔ 21:17

A sɔɔbaa ǹ wɔ, á wusoo á pɛ nɛ doo: «ZAÃ a nɛgiĩ Simɔn, n tá masɛ narɛ?» Yezu a wusoo á pɛ Piɛrɛ nɛ kɛ lɛ a gunyin sɔɔbaa ǹ wɔ mà a tá asɛ narɛ ya, bɛ́ Piɛrɛ yɔrɔ kɔsɛ. Á tɔ́n pɛ Yezu ni: «Dɛnaa, n tá sii din tumaa doɛ̃, n tá doɛ̃ mà masɛ tá n narɛ!» Yezu tɔ́n pɛ nɛ: «Ga masɛ a sèren lɛn walan.

Korɛnti2 7:11

Foo-ziziɛ̃ mɛn ka yɛ, Lawa dí mɛn nya ka bɛ nɛ, ka yii tá a sii-zɛnaa ganaa kanna! Ka yii tá a ganaa, bɛa foo-ziziɛ̃ kɛ lɛ na á toa, ka n we yii sii kɛ lɛ a zɛnaali li, ka yii kakabaa nɛ, ka kaa zia gii si nyaa! Foo-yoo baraa mɛn goã ka nɛ, sii lɛ a zɛnaali wɔ paǹ li! Ka nyɛ́ɛ mɛn baa masɛ a foo-yoo ne! Wɔa wusoo a kɔn yɛ ǹ foo mɛn goã ka nɛ! Din kɔ sii ganaa mɛn goã ka nɛ, ká dɔlɔ bɔ sii baraa-zɛnaali lɛ ganaa! Ka ǹ ká nyaa ka bɛ lɛ tumaa nɛ, mà ka gii ba sii baraa kɛ lɛ-n wa.

Korɛnti2 7:12

Ta bɛ nɛ, ma bɛ́ má sɛ́wɔ kɛ dia ka la, min mɛn bɛ́ á sii la, ma bie má dia bɛa lɛa wa, a sii la min mɛn dɔ la, ma dia bɛ dɔ a lɛa wa. Sɛnɛ, man máa ma sii bɛ́ kaka ka ganaa lɔn, ka boo la ka bɛa foaãbaa dɔ̃ Lawa yɔrɔ-a.

Korɛnti2 7:6

Sɛnɛ, Lawa mɛn bɛ́ foo ziziɛ̃ wolen foo taɛ̃, a din na á ma foo taã Tiiti a daa li.

Korɛnti2 7:7

A daa kɛ dinsɔɔ̃ bie á ma foo taã wa, sɛnɛ, ka bɛ́ ká a dinmaa foo taã ka yɔrɔ mɛn nɛ, á bɛ dɔ pɛ ma nɛ. Ka yiri bɛ́ a ganaa, mà ka wusoo ka ma yɛ ka yɔrɔ mɛn nɛ, á bɛ dɔ pɛ ma nɛ, kaa foo-ziziɛ̃ ǹ gɔn nɛ, ka ka bɛ́ zoɛ̃ mà ka maa zia gii si lɔn. Bɛ lɛ n toɛ, kanna, ma foo wusoo á kɔɔ̃n kɔ doo á la lɛlɛ wɔ nɛ.

Korɛnti2 7:9

Sɛnɛ kanna, ma nə n nyɛnyɛɛ. Kaa foo-ziziɛ̃ kɛ a lɛa bie wa, sɛnɛ, kaa foo-ziziɛ̃ mɛn bɛ́ á kaa giã ǹ gɔn bɔyaa ka yɔrɔ kɔsɔ nɛ, bɛa lɛa nɛ. A giala, Lawa bɛ́ foo-ziziɛ̃ mɛn li, ka n ká bɛ lɛ wɔ. Bɛ lɛ n ke, masɛ wɔ paǹ li, ma sii baraa kɔ́n zɛnaa ka-n ma.

Sii-nyaan 3:19

«Min mɛn bɛ́ kɔɔ̃n ma ganaa, man doree ka ma we ne. N gù kaa, n wusoo n sii baraan kio.