Korɛnti2 7:2 - LAWA A BOO SONBORE

² Ka bǎã kɔ ma la ka foo ne! A giala, mà ma sã min kɔ́n ganaa wa, ma min kɔ́n wɔ ziziɛ̃ wa, ma min kɔ́n bebere má a gɔn màn si la wa.

LAWA A BOO SONBORE 2011

² Ka bǎã kɔ ma la ka foo ne! A giala, mà ma sã min kɔ́n ganaa wa, ma min kɔ́n wɔ ziziɛ̃ wa, ma min kɔ́n bebere má a gɔn màn si la wa.

Korɛnti2 7:2 Iomraidhean Croise

Minin nimi 16:15

Muizu foo tɔ́n yoo taãn-taãnɛ, á pɛ Dɛnaa Lawa nɛ: «Bɛa minin kɛn lɛn bɛ́ re n goe ka mànan mɛnɛn nɛ, n baran n yɔrɔ bǐɛ̃ da bɛ la wa. Haalɛ dundun din ni, ma si ǹ la wa. Ma sii dɔ la ǹ kɔn la wa.»

Matiə 10:14

Bɛ̀ kion, hinlaa kiwi mɛn a minin nə́ n piã, ǹ yu ǹ bǎã kɔ ka la wa, hinlaa mà ǹ ba n too koe ka lon wa, ka n gòã gusuũ duduu. Bɛ kio, ka soo ka n bɔ walan.

Matiə 10:40

Bɛ̀ min mɛn nə́ ka kũ doɛ̃ bɛa dɛnaa na á masɛ kũ doɛ̃; bɛ̀ min mɛn masɛ kũ doɛ̃ bɛa dɛnaa na á masɛ a dia wole kũ doɛ̃.

Luku 10:8

«Bɛ̀ ka wɔ kiwi woo kiwi ni, yǎa bɛa minin nə n da ka lɛ sɔnbɔraanɛ, ǹ bɛ́ re màn-bii mɛn koe ka la, ka bii.

Nya ǹ dín 20:33

Masɛ yii bɔ min kɔ́n a wɔrɔ li wa, ka a sana nɛ ka a dɔnkɛ-n wa.

Rɔmu minin 16:18

A giala, bɛa minin kɛn lɛn bie dí nyɛɛ wɔa Dɛnaa Krita-n wa, maǹ dí nyɛɛ ǹ dinin nɔ̀ nɛ. Maǹ yiri baãnaanan siɛ̃, ka ǹ minin bebele ǹ boo paparɛn kɛn nɛ.

Korɛnti2 1:12

Ma á boe la man din laakalaa ka màn kɔ́n nɛ. Bɛa màn lɛ á ke: Ma gɔ́ɔ̃gɔ́ɔ̃ ǹ taasiɛ ǹ nyɛɛ ma nɛ, mà má tɔ wɔ kanaa kɛ nɛ, sanparɛ kasɛn wɔ paǹ li, ka gɔ́ɔ̃ fubaa nɛ, ka Lawa a *yoreenbaa nɛ. Ma bie má zɛnaa ka minbuiinin sii-doɛ̃-n wa. Man má zɛnaa ka Lawa a bǐɛ̃baa barka nɛ.

Korɛnti2 11:16

Man wusii pii ka-n doo: máa min kɔ́n nyan pɛ mà gàãnaa n ma-n wa. Hinlaa, ta ka ma baa gàãnaa lɛa, ka lɛ kɔ ma ganaa miɛ̃, ń giɛ ma dɔ á boe la, man din laakalaa boɛɛnɛ.

Korɛnti2 11:9

Ma bɛ́ má goã kaa piɛ, bɛ̀ ma laadoo tá wɔrɔ ganaa, ma mɛnaa kaa min kɔ́n la wa. A giala, wɔ dɔɔ̃nɔn mɛnɛn nə bɔ Masedoanɛ, ǹ nə́ daa ma laadoo màn tumaa kɔ ma la. Man din kũ sii din tumaa gɔ́ɔ̃ nɛ, máa ma nyan goã guĩ lɛa ka mìi-n wa. Man tɔn die n din kuĩ miɛ̃.

Korɛnti2 4:2

Siin mɛnɛn bɛ́ durii ni, ǹ nə́ sìi diɛ, má n piã ka bɛn nɛ. Ma a sii zɛnɛɛ ma minin yiri sã-n wa, ma a Lawa a boo lɛ bɔbɔyɛɛ wa. Haayii, man Lawa a boo a taãnbaa nyɛɛ minin ni foaãnɛ. Man giɛ li, máa min tumaa nə n foo doa ma ganaa Lawa yɔrɔ-a.

Filipi minin 2:29

A bɛ́ miɛ, ka n da lɛ ka foo kɔɔ̃n kɔ tumaa nɛ, ka dɔɔ̃n lɛa Dɛnaa wɔ gɔ́ɔ̃ nɛ. Ka doamaa-n ka guguru kɔ ǹ sii zɛnaa bɛa minin kɛn miãn manɛ, ka asɛ kɛ lɛ bɛ́ lɔn.

Kolɔɔsi minin 4:10

Aristarki mɛn bɛ́ kòso-n kun ma-n kànaa, bɛ á fòo diɛ ka nɛ. Barnabaasi n dɔɔ̃ngiĩ a nɛ Marki dɔ á fòo diɛ ka nɛ. Ka boon ma a wɔ gɔn la, bɛ̀ á daa ka li, ka kũ doɛ̃.

Tesaloniki1 2:10

Wɔ giã ǹ gɔn mɛn wɔ ka goleemali wolen bii, sɔnbɔraanɛ, pepere, sã ná a ba a-n wa, ka dinin laanka Lawa n bɛa siéren lɛa.

Filemɔn 1:12

Man wusii diɛ n la. Onezimu kooro bie ma á diɛ n la wa, sɛnɛ, Onezimu mɛn bɛ́ goon kanna ka ma din gɔ̀nɔn siĩ paǹ kɔ́n nɛ.

Filemɔn 1:17

Filemɔn, bɛ̀ n tá giɛ ma ganaa sonbore, n miã dí-nyali lɛa Yezu Krita nɛ, Onezimu lɛ kũ ka n pɛ mà masɛ Pooli ni.

Zaã2 1:10

Bɛ̀ min daa ka ganaa, a ná a da ka bɛa daraa ǹ gɔn kɛ-n wa, ka baran n yɔrɔ da la wa, ka baran fòo din da-n wa.