Korɛnti2 7:13 - LAWA A BOO SONBORE

¹³ Bɛ lɛ na á toa, ma foo taã, kaa sii-zɛnaa kɛ a lɛa. Ma bie má foo tãbaa dinsɔɔ̃ yɛ wa, foo kɔɔ̃n gole nə́ n nyəə ma-n doo, bɛ̀ ma bɛ́ má Tiiti yɛ, a foo n kɔɔ̃nɛ, mà ka tumaa ná asɛ foo taã parsiini.

LAWA A BOO SONBORE 2011

¹³ Bɛ lɛ na á toa, ma foo taã, kaa sii-zɛnaa kɛ a lɛa. Ma bie má foo tãbaa dinsɔɔ̃ yɛ wa, foo kɔɔ̃n gole nə́ n nyəə ma-n doo, bɛ̀ ma bɛ́ má Tiiti yɛ, a foo n kɔɔ̃nɛ, mà ka tumaa ná asɛ foo taã parsiini.

Korɛnti2 7:13 Iomraidhean Croise

Rɔmu minin 12:15

Ka n nyɛnyɛɛ kun ka nyɛnyɛɛ wolen ne, ka wuu pɛ kun ka wuu-pɛlen ne.

Rɔmu minin 15:32

Bɛa yɔrɔ kɛ la, man die doe ka li ka nyɛnyɛɛ gole ne, bɛ̀ Lawa golee li dɔn, ma á re susui yii ka bii.

Korɛnti1 12:26

Bɛ̀ gù goon tá nɔmaa nɛ, gù lɛ din tumaa na á nɔmaa lɛ gii kɔn. Bɛ̀ gugurubaa tá gù goon li, gù lɛ din tumaa na a nyɛnyɛɛ gii kɔn.

Korɛnti1 16:13

Ka n yii dɔraa, ka goã doa-n sɔnbɔraa nɛ goleemali gɔ́ɔ̃ nɛ. Ka toa ka goã min kakan lɛa, ka foo n tã.

Korɛnti1 16:18

A giala, ma foo basã ǹ sii gɔ́ɔ̃ nɛ, ka ǹ bɛ́ ǹ nə́ ka dɔn foo basã lɔn. Bɛa minin kɛn miãn tá kɔnboe ka ǹ tɔ bǐɛ̃ pɛ.

Korɛnti2 2:13

Sɛnɛ, ma gɔ́ɔ̃ goã bii ni, a giala, ma wo ma dɔɔ̃n Tiiti yaa wa. Bɛ lɛ na á toa, má zii nyankɔ Troasi minin la, má kiɛ̃ má woo Masedoanɛ gána nɛ.

Korɛnti2 2:3

Bɛ lɛ na á toa, má sɛ́wɔ lɛ dia ka la, ka ma bɛ́ má zɛnaa lɔn. Man ma ba li máa bɛ̀ má dɔ kaa piɛ, min mɛnɛn doamaa bɛ́ ǹ ma foo kɔɔ̃n kɔ, bɛn nə ma foo-ziziɛ̃lin baa wa. Má golee li taãnɛ, máa bɛ̀ má foo kɔɔ̃nbaa yɛ, ka dɔn tumaa a foo kɔɔ̃nbaa nɛ.

Korɛnti2 7:14

Má n din laakalaa Tiiti yɔrɔ-a kaa lɛa, sɛnɛ, ka sìi da ma ganaa wa. A giala, ma goã sonbore pii ka-n baraa-n lɔn, a din yii goon ne, ma din laakalaa ǹ boo mɛn da Tiiti yɔrɔ-a, bɛ dɔ́ yɛ pepere.

Korɛnti2 7:15

Ka bɛ́ ká a lɛ si lɔn, ká kũ doɛ̃ lɔn, ká nyɛ́ɛ baa nɛ ka gɔ̀nɔn bìn-diɛ nɛ, bɛ̀ a yiri daa bɛ nɛ, màn nə miɛ a ka narɛɛ a golebaa li.

Korɛnti2 7:6

Sɛnɛ, Lawa mɛn bɛ́ foo ziziɛ̃ wolen foo taɛ̃, a din na á ma foo taã Tiiti a daa li.

Filipi minin 2:28

Man wɛ̃ nɛ, máa ma wusoo ma dia ka li, ka foo wusoo a kɔɔ̃n kɔ kun, màn nə n bɔ masɛ dɔ a foo-ziziɛ̃ lɛ.

Timote2 1:16

Dɛnaa die a na a makara-doɛ̃ nyaa Onezifɔɔrɔ a kion minin manɛ, a giala, á goã bɛ̀ a da bɔ ma li, a ma foo taã. Maa da-kòso-n kɛ sìi da a ganaa wa.

Filemɔn 1:20

Ma dɔɔ̃n-giĩ Filemɔn, sonbore, ma nə n nyankoe, n Dɛnaa Yezu lɛ taman yii, bǐɛ̃ kɛ zɛnaa ma nɛ. Ma foo kɔɔ̃n kɔ Yezu Krita a lɛa.

Filemɔn 1:7

Ma dɔɔ̃n-giĩ Filemɔn, n dɔɔ̃nɔn narɛɛ lɛ foo kɔɔ̃nbaa gole laanka foo tãbaa sonbore kɔ ma la. Bɛa kɔn-narɛɛ lɛ na á dɔɔ̃nɔn lɛn tumaa foo kɔɔ̃n kɔ.

Piɛrɛ1 3:8

Bɛ din tumaa kio, ka toa kaa taasiɛn nə goã goon, ka toa ka sii dɔ̃ kɔn la. Ka kɔn narɛ ka Lawa a minin bɛ́ zɛnɛɛ lɔn dɔɔ̃nbaa gɔ́ɔ̃ nɛ. Ka makara bɔ kɔn ganaa, ka ka dinin boɛɛn kɔ kɔn nɛ.