Korɛnti2 7:11 - LAWA A BOO SONBORE

¹¹ Foo-ziziɛ̃ mɛn ka yɛ, Lawa dí mɛn nya ka bɛ nɛ, ka yii tá a sii-zɛnaa ganaa kanna! Ka yii tá a ganaa, bɛa foo-ziziɛ̃ kɛ lɛ na á toa, ka n we yii sii kɛ lɛ a zɛnaali li, ka yii kakabaa nɛ, ka kaa zia gii si nyaa! Foo-yoo baraa mɛn goã ka nɛ, sii lɛ a zɛnaali wɔ paǹ li! Ka nyɛ́ɛ mɛn baa masɛ a foo-yoo ne! Wɔa wusoo a kɔn yɛ ǹ foo mɛn goã ka nɛ! Din kɔ sii ganaa mɛn goã ka nɛ, ká dɔlɔ bɔ sii baraa-zɛnaali lɛ ganaa! Ka ǹ ká nyaa ka bɛ lɛ tumaa nɛ, mà ka gii ba sii baraa kɛ lɛ-n wa.

LAWA A BOO SONBORE 2011

¹¹ Foo-ziziɛ̃ mɛn ka yɛ, Lawa dí mɛn nya ka bɛ nɛ, ka yii tá a sii-zɛnaa ganaa kanna! Ka yii tá a ganaa, bɛa foo-ziziɛ̃ kɛ lɛ na á toa, ka n we yii sii kɛ lɛ a zɛnaali li, ka yii kakabaa nɛ, ka kaa zia gii si nyaa! Foo-yoo baraa mɛn goã ka nɛ, sii lɛ a zɛnaali wɔ paǹ li! Ka nyɛ́ɛ mɛn baa masɛ a foo-yoo ne! Wɔa wusoo a kɔn yɛ ǹ foo mɛn goã ka nɛ! Din kɔ sii ganaa mɛn goã ka nɛ, ká dɔlɔ bɔ sii baraa-zɛnaali lɛ ganaa! Ka ǹ ká nyaa ka bɛ lɛ tumaa nɛ, mà ka gii ba sii baraa kɛ lɛ-n wa.

Korɛnti2 7:11 Iomraidhean Croise

Nehemii 13:25

Má ǹ zɛ̀rɛ baa, má n lɛ baraa da ǹ kio. Ma gɔn mɛ min didi ganaa ǹ bii, má ǹ mìi ka wɔwoɛ̃. Bɛ kio, má ǹ kaa liɛ ganaa ka Lawa tɔ nɛ, máa ǹ baran toa ǹ nə ǹ nɛlɔn kɔ bɛa minin kɛn lɛn nɛgiĩn la wa, ǹ baran ǹ dɔn nɛlɔn goa ǹ nɛgiĩn laanka ǹ dinin wɔn lɛa wa.

Zɔbu 42:6

Bɛ lɛ nɛ, ma nə n gɔ́ɔ̃ bii maa da ǹ boon lɛ-a, man lɛ koe maa san ganaa ma á n gɔ́ɔ̃ bii, ma giã tan tii laanka ton li foo ziziɛ̃ gɔn.

Loen 119:139

Maa zɔ́ɔn lɛn yiri bɛ́ boe ka n boon kɛn nɛ, bɛ lɛ n ma kuĩ tɛ lɛa.

Loen 130:6

Ma nə n yii diɛ Dɛnaa Lawa la. Wɔlɔ-lɛduə̃li bɛ́ n yii diɛ lɛ̀ a waa la lɔn, ma nə n yii diɛ la á la bɛ nɛ.

Loen 145:19

A na a nyɛ́ɛbaama-n wolen foo sii zɛnɛɛ ǹ nɛ. A nə n too koe ǹ lɛ-dɛ li, a tá ǹ kirisibiɛ.

Loen 2:11

Ka dí nya Dɛnaa Lawa nɛ, bɛ̀ ka n nyɛ́ɛ biɛ nɛ. Ka a pàãdɛnaabaa dɔ̃ ka n nyɛnyɛɛ.

Loen 35:13

Sɛnɛ, ǹ bɛ́ ǹ ba lon wa, masɛ n má foo-ziziɛ̃ ǹ mɔnaa wɔ ma din-a. Má n lɛ sɔɔ, má n din gisĩ, má Lawa nyan kɛ kɔ, má kɔ, má kɔ.

Loen 38:9

Ma pàã nya, ma gù basã, man gini, a giala ma foo n busi.

Loen 42:1

LOE-saalin goledɛnaa loe mɛn lɔ. Koore a minin doro ǹ loe.

Loen 69:9

N din a lɛa nɛ dɔn, ma á tii lɛa ma dɔɔ̃nɔn gɔn, ma á min kɔsɔ lɛa ma din dannɛn gɔn.

Suusun 14:16

Sii-dɔ̃li n nyɛ́ɛ biɛ sii baraa nɛ a nə́ n nyɛnɛɛ nɛ. Sɛnɛ, baãnaa n woe nyɛɛnɛ, a n waa nɛ a din la.

Suusun 28:14

Min mɛn bɛ́ yiri boe a din li, bɛ wɔ na á bǐɛ̃ kɔ. Sɛnɛ, laa sii-a wole wɔ n ka koe ne.

Loe kɔɔ̃n kɔɔ̃n 8:6

Ma tɔ kiɛ̃ n foo ganaa, toa n goã ma dinsɔɔ̃ nɛ, a giala, kɔn-narɛɛ lɛ pàã n kaka. N bɛ́ min mɛn narɛ, a toɛ n nə ǹ dɛnaa toa walan wa. Kɔn-narɛɛ n ka tɛ gigiri bɛ́ lɔn, a ná a nimi wa.

Izayii 26:8

Sonbore, Dɛnaa Lawa, n bɛ́ ń zii mɛn nyaa wɔ nɛ, wɔ n koe lɛ, wɔ foo n doa nɛ n din ganaa. Sii mɛn bɛ kɔɔ̃n wɔ ganaa, wɔ n tɔ bɔ, wɔ n taasɛ ka n din ni.

Izayii 66:2

Bɛa mànan kɛn tumaa, ma din gɔn nɛ á ǹ zɛnaa. Ǹ tumaa n ma din wɔn lɛa. Masɛ Dɛnaa Lawa a da ǹ boo ne. Sɛnɛ, ma yii bɛ́ doa-n min mɛn la ka makara-doɛ̃ nɛ, nɔmaa-wɔle kɛ nɛ, a foo n ziziɛ̃ nɛ, ka min mɛn bɛ́ n too koe maa boo ganaa, a n nyɛ́ɛ biɛ ma yii ni.

Marki 3:5

Ǹ baãnaabaa lɛ taman yii, Yezu foo busu ǹ li, á n yii saa á ga ǹ ganaa, a yɔrɔ kɔsɛ parsiini. Á tɔ́n pɛ giĩ lɛ nɛ: «N gɔn lɛ bɔ kɔn.» Á bɔ kɔn, a gɔn wusoo á bǐɛ̃ kɔ.

Zaã a sɛ́wɔ 2:17

A kialandɛnan yiri gisĩ a nɛ, mà a kiɛ̃maa tá Lawa a boo-n kɛnɛn: «Sonbore, ma bɛ́ n kion lɛ narɛ ka yɔrɔ mɛn nɛ, bɛ n ma kuĩ ka tɛ bɛ́ lɔn.»

Nya ǹ dín 17:16

Pooli bɛ́ n yii diɛ Silaasi laanka Timote la Atɛni, a foo goã ziziɛ̃-n parsiini bɛa kiwi kɛ a lɛa, a giala á yɛ, mà kiwi lɛ piɛ̃maa-n ka dì ni.

Rɔmu minin 11:20

Sonbore ne. Maǹ nə́ ǹ kuru a giala, ǹ golee Lawa li wa. Nsɛ dɔ n doa nɛ, golee Lawa li barka nɛ. N baran toa din gole kɔ wɔ n foo-n wa. Sɛnɛ, nyɛ́ɛ baa Lawa nɛ.

Rɔmu minin 14:18

Min mɛn bɛ́ dí nyɛɛ Krita nɛ bɛa yɔrɔ kɛ lɛ la, bɛa dɛnaa n kɔɔ̃n Lawa ganaa, ka minbuiinin dɔn nɛ.

Rɔmu minin 3:5

Sɛnɛ, bɛ̀ wɔa bɔlɔgoonbaãdɛnaabaa tá Lawa a bɔlɔgoondɛnaabaa nyɛɛ, wɔa bɔlɔgoonbaãdɛnaabaa lɛ sɛ a soɛ wa? Á siĩn doo Lawa dɔlɔ bɔ wɔ ganaa bɛa lɛa? Bɛ a kɔkɔrɔ wa? Man bɛa nɔ̀n-diɛ kɛ we á kɔnpii minbuiinin taasiɛ nɛ.

Korɛnti1 12:25

A na á zɛnaa miɛ̃, màn mɛn bɛ́ toɛ, toɛ̃-kɔn baran yɛ gɔ̀nɔn lɛ-n wa, sɛnɛ, gùn lɛn tumaa yiri goã kɔn li.

Korɛnti1 5:2

Ka n tɔn piɛ̃-n ka din-koa nɛ! A n kɔnboe ka pã ka foo-ziziɛ̃ nɛ. Min mɛn bɛ́ á sii kɛ lɛ zɛnaa, bɛ̀ ka doamaa nɛ ka bɛ loo ka bɔ ka bii.

Korɛnti2 13:7

Man Lawa nyankoe máa ka nyan sii baraa kɔ́n zɛnaa wa, ma bie bɛa sii-zɛnaa kɛ nyɛɛ maa boo sii la lɛa wa, sɛnɛ, man zoɛ̃ máa ka sii bǐɛ̃ zɛnaa ǹ dí nya, haalɛ ta masɛ a boe sii kɔ́n la ka yii li wa.

Korɛnti2 2:6

Kaa min gigiã bɛ́ á dɔlɔ bɔ bɛa min lɛ ganaa, bɛ́ á boe.

Korɛnti2 6:4

Man sii tumaa zɛnɛɛ dinin, máa ǹ dɔ̃ mà Lawa a dí-nyali n ka ma nɛ. Man fuu sii ma ganaa parsiini ka foo-kũ ni. Sii kakan nə́ ma yɛ, ka gɔ́ɔ̃ bii ni.

Korɛnti2 7:1

Maa giaáran lɛn, bɛa lɛ-kɔ ǹ siin kɛn lɛn là á gole wɔ ganaa. Bɛ lɛ n toɛ, sii mɛn tumaa bɛ́ gɔ̀nɔn laanka telenboen gɔgɔrɛ koe, ka daa wɔ n bɔ bɛn wɔlɔ li, wɔ n dinin *yoreen kɔ lenlen. Ka daa wɔ nyɛ́ɛ baa Lawa yii ni.

Korɛnti2 7:7

A daa kɛ dinsɔɔ̃ bie á ma foo taã wa, sɛnɛ, ka bɛ́ ká a dinmaa foo taã ka yɔrɔ mɛn nɛ, á bɛ dɔ pɛ ma nɛ. Ka yiri bɛ́ a ganaa, mà ka wusoo ka ma yɛ ka yɔrɔ mɛn nɛ, á bɛ dɔ pɛ ma nɛ, kaa foo-ziziɛ̃ ǹ gɔn nɛ, ka ka bɛ́ zoɛ̃ mà ka maa zia gii si lɔn. Bɛ lɛ n toɛ, kanna, ma foo wusoo á kɔɔ̃n kɔ doo á la lɛlɛ wɔ nɛ.

Korɛnti2 7:9

Sɛnɛ kanna, ma nə n nyɛnyɛɛ. Kaa foo-ziziɛ̃ kɛ a lɛa bie wa, sɛnɛ, kaa foo-ziziɛ̃ mɛn bɛ́ á kaa giã ǹ gɔn bɔyaa ka yɔrɔ kɔsɔ nɛ, bɛa lɛa nɛ. A giala, Lawa bɛ́ foo-ziziɛ̃ mɛn li, ka n ká bɛ lɛ wɔ. Bɛ lɛ n ke, masɛ wɔ paǹ li, ma sii baraa kɔ́n zɛnaa ka-n ma.

Korɛnti2 9:2

Taasiɛ sonboren mɛnɛn bɛ́ ka gɔ́ɔ̃ nɛ, man ma din laakalɛɛ ka bɛn nɛ Masedoanɛ minin li kaa lɛa. Má pɛ máa a saa diɛ̃n ganaa, wɔ dɔɔ̃nɔn mɛnɛn bɛ́ Grɛki gána nɛ, máa bɛn nə́ lɛ kɔ ka dɔmalɛ lɛ nɛ. Kaa din kɔ sii ganaa miɛ̃ kɛ lɛ Lawa a sɔmɔn lɛn gigiã gù kaa.

Efɛɛzi minin 4:26

Bɛ̀ ka foo yoo, ka nyan sii baraa zɛnaa wa. Ka nyan toa ka foo goã yoo ne a wasa mɛ-n wa.

Efɛɛzi minin 5:11

Ka baran kaa sii kaa kun ka wɔlɔ tì a sii kooron kɛn nɛ wa, ka bɛa sii kooron kɛn lɛn kaa wɔlɔ fúlu li dinin.

Filipi minin 2:12

A bɛ́ miɛ̃, maa giaáran lɛn, ka bɛ́ ká ma lɛ si biikoo tumaa li, bɛ̀ ma bɛ́ kun ka nɛ, a n siĩni kanna dɔn, ka ma lɛ si a la bɛ nɛ, maa tanbaã kɛ gɔ́ɔ̃ nɛ. Ka dí nya, ka n bìn diɛ nyɛ́ɛbaa Lawa-n gɔ́ɔ̃ nɛ, kaa bǐɛ̃-kɔ a lɛa.

Tesaloniki1 4:6

Min kɔ́n baran wɔ ǹ miã lon bɛa sii lɛ gɔ́ɔ̃ nɛ, a pɛ mà a n woe ǹ miã wɔ wɔlɔ li wa. Wɔ́ pɛ ka-n lɛlɛ, wɔ́ n gɔn waa ka-n taãn-taãnɛ, wáa min mɛnɛn bɛ́ bɛa siin lɛn zɛnɛɛ, Dɛnaa á re dɔlɔ boe ǹ ganaa.

Timote1 5:20

Ǹ mɛnɛn bɛ́ sii baraan zɛnɛɛ, yiɛ ǹ ganaa min tumaa yɔrɔ-a, màn mɛn bɛ́ toɛ nyɛ́ɛ gialakunun kũ.

Timote2 2:15

N doa n yɛ Lawa yɔrɔ-a dí-nyali sonbore lɛa, dí-nyali mɛn bɛ́ a sìi koe a nya ǹ dí ganaa wa, á n sonbore boo kɛ pii ka a peperebaa nɛ.

Tiitii 3:8

Bɛ lɛ n boo taãn lɛa, min nə́ boe la, a n foo doa a ganaa. Man giɛ li, máa n bɛ lɛ pɛ n laa parsiini, ń giɛ golee Lawa li wolen tá n tele, ǹ dí sonboren nyali taãnan baa. Màn mɛn bɛ́ siĩni, a là n minbuiinin ganaa, bɛ lɛ n ka bɛ nɛ.

Ebrəə 4:1

Lawa a lɛ-kɔ lɛ n wɔ dɔn wɔ lɛa, wɔ á re boe la, wɔ wɔ bɛa bǎã lɛ nɛ wɔ n susu. Ka daa wɔ n dinin kũ, màn mɛn bɛ́ toɛ, kaa min kɔ́n baran fɔ̃ bɛa susui kɛ lɛ li wa.

Zaaki 3:17

Sɛnɛ, Lawa bɛ́ sii-doɛ̃ mɛn koe, bɛ̀ bɛ tá min mɛn lon, bibinaa nɛ, a bɛ miã sii gɔgɔrɛ kɛ zɛnɛɛ wa, bɛa sii-doɛ̃ lɛ n die ka là nyantoro ne. Ǹ dɛnaa a sii n basiɛ̃ nɛ, a n giɛ minin lɛ a kaa kun li. Ǹ dɛnaa a makara-doɛ̃ n gole, a n sii sonbore zɛnɛɛ parsiini. Ǹ dɛnaa ba n gɔ́ɔ̃ lonlankoe wa, a bɔlɔ paa pii min ni wa.

Piɛrɛ1 1:17

Ka n Lawa bíi Díi bɛ̀ ka tá a nyankoe, sɛnɛ, ka n yiri koa a nɛ, mà a n kiri kuri min gogoonmaa la, á kɔnpii ka a nya ǹ dí ni, a bɔkɔnlɛ we wa. Bɛ lɛ taman yii, biikoo gialakun mɛn bɛ́ tɔn ka gɔn, ka n zɛnɛɛ kanaa, ka tɔ wɔ ka nyɛ́ɛbaa a yii-n ni.

Piɛrɛ1 2:2

Ka n baa ka nɛnyaan tiɛɛ̃nɛn bɛ́ lɔn, ǹ bɛ́ giɛ nyɔ li lɔn, ka dɔn nə ga Lawa a boo sonbore kɛ li miɛ̃, màn mɛn bɛ́ toɛ, ka gole kɔ bɛa boo lɛ barka nɛ, ka wo dɔ kirisibaa ganaa.

Zude 1:23

ka ǹ kirisibaa, ka ǹ gòã bɔ biɛ̃ ǹ tɛ kɛ lɛ. Ka makara bɔ gialakunun kɛn dɔn ganaa. Sɛnɛ, ka zɛnaa ka nyɛ́ɛ-n ka ganaa, màn mɛn bɛ́ toɛ, ka baran ǹ sɔ̀n bɔnɛɛ kɛ saa wa.

Sii-nyaan 3:19

«Min mɛn bɛ́ kɔɔ̃n ma ganaa, man doree ka ma we ne. N gù kaa, n wusoo n sii baraan kio.