Korɛnti2 7:10 - LAWA A BOO SONBORE

¹⁰ A giala, Lawa bɛ́ foo-ziziɛ̃ mɛn li, bɛ lɛ n min a giã ǹ gɔn bɔyɛɛ, a wo da kirisibaa nɛ, a ná a ba bǎã koe gɔ́ɔ̃ bii la wa. Sɛnɛ, wɔ dinin minbuiinbaa ǹ foo-ziziɛ̃n kɛn man woe wɔ-n gɛ̀ ganaa.

LAWA A BOO SONBORE 2011

¹⁰ A giala, Lawa bɛ́ foo-ziziɛ̃ mɛn li, bɛ lɛ n min a giã ǹ gɔn bɔyɛɛ, a wo da kirisibaa nɛ, a ná a ba bǎã koe gɔ́ɔ̃ bii la wa. Sɛnɛ, wɔ dinin minbuiinbaa ǹ foo-ziziɛ̃n kɛn man woe wɔ-n gɛ̀ ganaa.

Korɛnti2 7:10 Iomraidhean Croise

Siin Giala 30:1

Raseli bɛ́ á yɛ, mà asɛ a nɛ yii Zakɔba-n wa, á foo wuu pɛ ǹ gololɔ lɛ li. Á pɛ Zakɔba nɛ: «Nɛnyaanan kɔ ma la, bɛ bie wa, man giɛ̃ dɛ!»

Samayeli2 12:13

Bɛ kio, Davida pɛ Natan nɛ: «Má sii babaraa la Dɛnaa Lawa la.» Natan tɔ́n pɛ Davida nɛ: «A bɛ́ miɛ̃, Dɛnaa Lawa nə́ n sii baraa lɛ toa n nɛ. N ba re giɛ̃ wa.»

Samayeli2 13:4

Bɛ́ tɔ́n nɔ̀n da Amnɔn la: «Wàa na á baa, n din kii a nɛ n pɛrɛ kɛnɛn, lɛawaa woo lɛawaa li? N ba a mìi pii masɛ-n wa?» Amnɔn tɔ́n pɛ nɛ: «Ma dɔɔ̃ngiĩ Abusalɔn ǹ miãnɛn Tamaara sii n ma ganaa. Ma yii na á bɔ li.»

Samayeli2 17:23

Ayitofɛli bɛ́ á yɛ, mà ǹ ba asɛ a doree lɛ a sii zɛnɛɛ wa, á ná a mànan kaa a dundun la, á zii saa á woo piɛ, a din a kiwi. Bɛ kio, a ná a sii tumaa yɔrɔ bɔ a kion minin li, á soo á woo ǹ bɔlɔ da biɛ nɛ. A gɛ̀ kio, ǹ nə ǹ di bĩ yala mɛn nɛ, man ná a dɔ gere bĩ walan.

Kiin1 21:4

Zizereyɛli min Naabɔti bɛ́ á pɛ mà asɛ ba ǹ digolon kíɛ̃ koe Akaabu la wa, Akaabu woo piɛ ka foo ziziɛ̃ laanka foo yoo ne. A bɛ́ á dɔ piɛ, á waa tán á n yɔrɔ bɔyaa á dia kɛ gɔ̀nɔn la, a màn kɔn bii wa.

Loen 38:18

Ma á ke die mɛnɛɛ sonbore, maa là-paparɛɛ bɛ́ a nyɛɛ wa.

Suusun 15:13

Foo kɔɔ̃n nə yɔrɔ kiɛ, sɛnɛ, foo ziziɛ̃ n yiri lɔlɛkɔn.

Suusun 15:15

Doobaa a lɛawaa tumaa n baraa. Sɛnɛ, Lawa barka da min mɛn ganaa, lɛawaa tumaa n zɔ́n lɛa bɛ gɔn.

Suusun 17:22

Foo kɔɔ̃n tá boe la a busu nya, sɛnɛ foo ziziɛ̃ n pǎã wɛɛ diɛ.

Suusun 18:14

Foo tãbaa nə n doe busulə lɛ. Sɛnɛ, bɛ̀ a foo ziziɛ̃, die n siɛ a da lon?

Boo-laakalaali 7:3

Taásiɛ á soɛ yaa nɛ. Taásiɛ n yɔrɔ kɔsɛ, sɛnɛ, a n min doree.

Zeremii 31:9

Maǹ wusii die bɛ̀ ǹ tá wuu pii, ǹ nə́ gòã kũ diɛ ma ganaa. Man miɛ ǹ nyɛɛnɛ ma á woe ǹ ne tà lɛ-a, piɛ̃-n ka mu ni. Zii mɛn bɛ́ foo n doa nɛ a ganaa, ma á re toɛ ǹ kɔ bɛ lɛ, màn mɛn bɛ́ toɛ, ǹ nyan bɔ ǹ mɛnaa wa. A giala, man Izirayeli a díi lɛa, Efrayimu n maa nɛgiĩ bibinaa lɛa.

Ezekieli 7:16

Min mɛnɛn bɛ́ re liɛ, bɛn tá re baa sii ǹ wo kelen la. Ǹ tá re puri ka kɔlɔn bɛ́ lɔn, ǹ sii baraa taman yii.

Zonaasi 3:10

Ǹ goã siin mɛnɛn zɛnɛɛ bɛ kio, Lawa yɛ mà maǹ wusii n boe ǹ sii baraan kio. Bɛ lɛ nɛ á makara bɔ ǹ ganaa, a goã mà a n die dɔlɔ mɛn boe ǹ ganaa a dɔ wusoo ka a kio ne, a bɔ doo wa.

Zonaasi 3:8

Boroon doamaa nɛ ǹ goã minbuiinin laanka tɔɔn ganaa, ǹ nə n lɛ dɛ Lawa ganaa ka ǹ parsiini. Didie nə n taasɛ a wusoo a sii baraan kio, kakaarɛbaa ǹ siin mɛnɛn bɛ́ a gɔn lɛa, a bɛn kaa.

Zonaasi 4:9

Lawa tɔn pɛ nɛ: «Sonbore tá n lon n foo yoo da kɛ lɛ a gɛ̀ taman yii?» Zonaasi ná a lɛ si: «Sonbore tá ma lon ma foo yoo taãn-taãnɛ, yǎa a doe gɛ̀ ganaa.»

Matiə 26:75

Yezu boo mɛn pɛ Piɛrɛ nɛ, Piɛrɛ yiri gisĩ a nɛ: «Koo laan bɛ̀ a wuu pɛ, n din kɛ lɛ á re n piɛ̃ ka masɛ nɛ, a dɔ gunyin sɔɔ.» Piɛrɛ soo kanaa, á wuu pɛ parsiini.

Luku 15:10

Masɛ n pii ka nɛ, bɛ̀ sii baraa-zɛnaali goon toto wusoo a sii baraan kio á golee Lawa li, bɛa yɔrɔ kɛ lɛ la, nyɛnyɛɛ tá Lawa a dia dí-a wolen li lon, bɛa dɛnaa lɛ a lɛa.»

Luku 18:13

Wusuru-sili lɛ sɛ na á goã golee ne tiãlɛa, a yii din ba we á n mìi siɛ lon wa. Sɛnɛ, a na á goã n foo bii dii, a nə́ n lala diɛ bɛ̀ á n pii: «Lawa, makara bɔ masɛ-a, masɛ n sii baraa-zɛnaali lɛa.»

Nya ǹ dín 11:18

Min mɛnɛn bɛ́ n too koe Piɛrɛ lon, ǹ bɛ́ ǹ nə́ boo kɛ ma, ǹ foo waa. Ǹ nə́ barka da Lawa-n kɛnɛn: «Á ke, Lawa zii kɔ tɔrɔ kɔsɔn kɛn dɔn la, ǹ nə́ wusoo ǹ sii baraan kio, ǹ nə́ golee Lawa li. Bɛa tɔ wɔ ǹ gɔn bɔyaa kɛ nə ǹ kiɛ yiikoonaabaa taãn-taãn nɛ.»

Nya ǹ dín 3:19

Ka wusoo kaa sii baraan kio ka da Lawa ganaa, màn mɛn bɛ́ toɛ, Lawa kaa sii baraan tuturu.

Korɛnti2 12:21

Ma bɛ́ re die boe ka li, nyɛ́ɛ tá ma ganaa, máa Lawa nyan ma kiɛɛrɛ kɔ ka yɔrɔ-a, ma wuu pɛ kaa min damata a sii ganaa wa. Ǹsɛn mɛnɛn nə sii baraa zɛnaa lɛlɛ, ma ba li ma wusoo ma da ǹ yaa miɛ̃ wa. Man zoɛ̃ máa ǹ nə n gɔ́ɔ̃ binyəə, ǹ nə́ n bɔ ǹ gɔgɔrɛbaa nɛ, ka ǹ din kũ doɛ̃baã nɛ, ka ǹ kɔrɔbaa ǹ sii kɔsɔn nɛ.

Korɛnti2 7:9

Sɛnɛ kanna, ma nə n nyɛnyɛɛ. Kaa foo-ziziɛ̃ kɛ a lɛa bie wa, sɛnɛ, kaa foo-ziziɛ̃ mɛn bɛ́ á kaa giã ǹ gɔn bɔyaa ka yɔrɔ kɔsɔ nɛ, bɛa lɛa nɛ. A giala, Lawa bɛ́ foo-ziziɛ̃ mɛn li, ka n ká bɛ lɛ wɔ. Bɛ lɛ n ke, masɛ wɔ paǹ li, ma sii baraa kɔ́n zɛnaa ka-n ma.

Ebrəə 12:17

Ka á doɛ̃, bɛ kio, a bɛ́ mà a n giɛ li ǹ mɛn waáraa, mà ǹ di Izaaki Lawa bǐɛ̃ bíi asɛ li, ǹ di nə́ n piã nɛ. A boo la doo duduu, á bɛa sii kɛ lɛ bɔyaa wa, a laanɛ a ná a nyankɔ ka yii mu ni.

Samayeli1 30:6

Nyɛ́ɛ gole goã Davida ganaa, a giala, minin lɛn man nə́ goã pii, mà ǹ dɛ ka kɔlɔ nɛ. Didie foo na á goã busi parsiini bɛ̀ á n yiri kɔ ka a nɛgininin laanka a nɛlɔn nɛ. Sɛnɛ, Dɛnaa Lawa barka nɛ, Davida a Lawa lɛ, Davida foo wusoo á taã.