Korɛnti2 7:1 - LAWA A BOO SONBORE

¹ Maa giaáran lɛn, bɛa lɛ-kɔ ǹ siin kɛn lɛn là á gole wɔ ganaa. Bɛ lɛ n toɛ, sii mɛn tumaa bɛ́ gɔ̀nɔn laanka telenboen gɔgɔrɛ koe, ka daa wɔ n bɔ bɛn wɔlɔ li, wɔ n dinin *yoreen kɔ lenlen. Ka daa wɔ nyɛ́ɛ baa Lawa yii ni.

LAWA A BOO SONBORE 2011

¹ Maa giaáran lɛn, bɛa lɛ-kɔ ǹ siin kɛn lɛn là á gole wɔ ganaa. Bɛ lɛ n toɛ, sii mɛn tumaa bɛ́ gɔ̀nɔn laanka telenboen gɔgɔrɛ koe, ka daa wɔ n bɔ bɛn wɔlɔ li, wɔ n dinin *yoreen kɔ lenlen. Ka daa wɔ nyɛ́ɛ baa Lawa yii ni.

Korɛnti2 7:1 Iomraidhean Croise

KZS2 19:9

A dí-pɛ mɛn pɛ ǹ nɛ, bɛ á ke: «Ka n die sii zɛnɛɛ ka nyɛ́ɛ baa Dɛnaa Lawa yii-n ni, peperebaa nɛ ka foo goon toto ne.

Loen 119:9

Bɛ̀ min tá tɔn ten, a n siɛ lɔn a sii-zɛnaa goã *yoreen ne? Dɛnaa, n din boo mɛn da, yǎa a n yiri koɛ bɛ li.

Loen 19:9

Dɛnaa Lawa a minin doroo ǹ boon lɛn man pepere, ǹ tá min foo kɔɔ̃n koe. Dɛnaa Lawa a dí-pɛ lɛ n ka tɛ fúlu ni, a tá min yiri fúli.

Loen 51:10

Ma makara dɔ̃ ǹ boo da ma nɛ, ma foo á re kɔɔ̃n koe a la yii ni. N masɛ mɛn yɔyɔrɛ, toa ma foo kɔɔ̃n kɔ!

Suusun 16:6

Min mɛn bɛ́ bɔlɔgoondɛnaa lɛa, a sãn tá re n toɛ nɛ. Min mɛn bɛ́ nyɛ́ɛ biɛ Dɛnaa Lawa yii ni, a nə n wɔlɔ lui sii baraa ganaa.

Suusun 20:9

Die n boe la a pɛ: «Má n gɔ́ɔ̃ baa fu. Maa sii baraan nə́ n pii ǹ nə́ n bɔ ma ganaa.»

Suusun 30:12

«Min tɛnɛn man taasɛ mà sɔ̀n ba ǹsɛn ganaa wa, a da yaa ǹ gɔ̀ pii ǹ nə́ bɔ ǹ dinin ganaa wa.

Suusun 8:13

Sii baraa tìĩ a bɔ ma nyin ni, n nyɛɛbaa Dɛnaa Lawa yii-n lɛa. Din koa nɛ, bɔlɔ baraa nɛ, sii bɔbɔnɛɛ laanka soɛ nɛ, bɛn tìĩ n boe-n ma nɛ.

Boo-laakalaali 11:10

Taásiɛ bɔ n bɔ n foo ne, baraa wɔlɔ lui n gɔ̀nɔn ganaa. A giala, tɔntɔraabaa lɛ n kiɛ̃ fufuu, ka wɔlɔ fulii biikoo bɛ́ lɔn.

Izayii 1:16

Ka n zoo, ka *gɔ̀ bɔ ka dinin ganaa. Kaa sii bɔbɔnɛɛn kɛn, ka bɛn pii ka ǹ bɔ ma yɔrɔ-a, ka kaa sii baraan kɛn kaa.

Izayii 55:7

Min baraan nə ǹ sii baraan kaa. Min mɛn bɛ́ baraa zɛnɛɛ, bɛa dɛnaa na a taasiɛ baraan kaa. Ǹ tumaa doamaa nɛ ǹ wusoo ǹ da Dɛnaa Lawa li. A giala, á re makara boe ǹ ganaa. Ǹ tumaa doamaa nɛ ǹ da wɔa Lawa li, a giala, a n sii baraan toɛ kooro.

Zeremii 13:27

Áh! Má n naarɛbaa kɛ yɛ, n foo kɔɔ̃n lɛ dian kɛn nɛ, n sìi da ǹ kɔrɔbaa kɛ nɛ, kelen la, wurun ni. Má n dì bɔbɔnɛɛn kɛn yɛ. Wàa koe n ka kɛ nɛ Zeruzalɛmu ganaa? N ba li n nə n din *yoreen kɔ wa? Yǎa biĩ kəni?

Zeremii 4:14

Zeruzalɛmu, bɛ̀ n tá giɛ kirisibaa li, baraabaa pii n bɔ n foo ne. N nə n die n taasiɛ baraan kɛn toɛ n gɔ́ɔ̃ nɛ yǎa biĩ kəni?

Lawa a wúlu-bɔlen 13:58

Bɛ̀ mɔnaa lɛ nɛ, ta mɔnaa wùsu hinlaa dɔnkɛ nɛ, hinlaa ta ki màn mɛn nɛ, bɛ̀ á pii, sulii lɛ nə́ n bɔ a ganaa, a wusoo a pii doo, a tɔn yoreen kɔ.

Matiə 12:33

«Min nə da doɛ̃ a nɛ li. Da sonbore n nɛ sonbore koe, da baraa dɔ n nɛ baraa koe.

Matiə 5:48

Bɛ lɛ taman yii, ka toa ka lɛ pã ka ka Di Lawa lɛ bɛ́ piɛ̃-n lɔn.

Matiə 5:8

Min mɛnɛn gɔ́ɔ̃ bɛ́ fu, Lawa á re barka diɛ bɛn ganaa, a giala ǹ tá re Lawa yii!

Nya ǹ dín 9:31

Bɛa biikoo kɛ li, Lawa a sɔmɔ minin mɛnɛn bɛ́ bǎã tumaa nɛ, Zudee gána nɛ, Galilee gána nɛ ka Samarii gána nɛ, bɛn nə́ goã yii-nyɛɛ la. Ǹ nə́ goã kɔn foo taɛ̃, ǹ nə́ n doe kɔn lɛ, ǹ nə́ goã tɔ we ka nyɛ́ɛbaa Dɛnaa yii-n ni. Lawa a Yiri Fu barka nɛ, màn na á goã miɛ ǹ li á woe nyɛɛnɛ.

Rɔmu minin 5:20

Dí-pɛn man nə́ daa, màn mɛn bɛ́ toɛ, sii baraa mɔnaa. Sɛnɛ, sii baraa bɛ́ á mɔnaa bǎã mɛn nɛ, Lawa a bǐɛ̃baa mɔnaa walan á la yii ni.

Korɛnti1 6:20

Lawa ka pii, á ka giɔ̀mɔ saraa. A bɛ́ miɛ̃, ka ka gɔ̀nɔn lɛ baa Lawa tɔ gole kɔ ǹ màn lɛa.

Korɛnti2 1:20

Sonbore ne, a din nə Lawa a lɛ-kɔ ǹ sii tumaa a «Hiĩ» diɛ lɛ piɛ̃. Yezu Krita a lɛa nɛ, wɔ á pii wáa «a n miɛ̃», wɔ n Lawa tɔ gole koe ne.

Efɛɛzi minin 2:3

Wɔ tumaa n wɔ́ goã ka bɛn lɛn bɛ́ lɔn, wɔ ǹ wɔ́ goã wɔa sii zɛnɛɛ wɔa minbuiinbaa ǹ foo sii babaraan li. Wɔ gɔ̀nɔn laanka wɔ yiri bɛ́ giɛ màn mɛn li, wɔ ǹ bɛ zɛnɛɛ. Wɔa minbuiinbaa kɛ lɛ a lɛa nɛ, wɔ́ goã kɔnboe ka Lawa a foo-yoo kɛ lɛ nɛ, ka gialakunun tumaa wɔ bɛ́ lɔn.

Tesaloniki1 3:13

A die a ka foo taã, màn mɛn bɛ́ toɛ, wɔa Dɛnaa Yezu a daa pinaa kun ka a wɔn nɛ, ka boo la ka golee Díi Lawa yɔrɔ-a *yoreen ne, kaa sii lɛ n piɛ̃ nɛ.

Tesaloniki1 4:7

Lawa bie á wɔ bíi gɔgɔrɛbaa taman yii wa, a na á wɔ bíi yoreenbaa taman yii.

Tesaloniki1 5:23

Lawa dinmaa mɛn bɛ́ là nyantoro koe, a din die a toa ka a wɔn baa ka ka paǹ yii ni. Ka yiri ni, ka telenboen laanka ka gɔ̀nɔn tumaa nə n tamaa sɔnbɔraanɛ, zɛ̀rɛ baran goã ka ganaa wɔa Dɛnaa Yezu Krita a daa pinaa wa.

Ebrəə 12:23

Ka n ká n mɔrɔ zaman kɛ ganaa zɔ́n zɛnɛɛ, bɛn man ka Lawa a nɛgiĩ bibinaan bɛ́ lɔn, ǹ tɔn nə́ kiɛ̃ nɛ lon gɔ́ɔ̃ nɛ. Ká n mɔrɔ Lawa ganaa, a din mɛn bɛ́ min tumaa a kiri-kuruli lɛa. Ká n mɔrɔ min sonboren telenboenən ganaa, min mɛnɛn lɛn lɛ bɛ́ piɛ̃ nɛ.

Ebrəə 12:28

Wɔ dinin man wɔ gána yɛ, a kiɛ̃ duduu wa. Ka daa wɔ barka da Lawa nɛ. Ka daa wɔ dí nya nɛ ka yɔrɔ kɛ nɛ, kɔɔ̃n a ganaa, bɛ n ka a guguru kɔ nɛ, ka a nyɛ́ɛ baaman nɛ.

Ebrəə 4:1

Lawa a lɛ-kɔ lɛ n wɔ dɔn wɔ lɛa, wɔ á re boe la, wɔ wɔ bɛa bǎã lɛ nɛ wɔ n susu. Ka daa wɔ n dinin kũ, màn mɛn bɛ́ toɛ, kaa min kɔ́n baran fɔ̃ bɛa susui kɛ lɛ li wa.

Ebrəə 6:9

Sɛnɛ, dɔɔ̃n sonboren lɛn, ta wɔ á boo diɛ kɛnɛn, kasɛn wɔ gɔn la wɔ á waa-n la, wáa ka tá zii lɛ a sonbore kɛ la, kirisibaa ǹ wɔ lɛ.

Zaaki 4:8

Ka n mɔrɔ Lawa ganaa, a dɔ á die n mɔrɛ ka dɔn ganaa. Sii baraa-zɛnaalin lɛn, ka n gɔn pii ka bɔ sii baraa nɛ. Gɔ́ɔ̃ paa dɛnan lɛn, ka n gɔ́ɔ̃ kaa dɛ!

Piɛrɛ1 1:15

Sɛnɛ, kaa bíi wole lɛ bɛ́ *yoreen lɔn, ka dɔn nə toa ka goã min yoreenən lɛa miɛ̃ kaa sii tumaa zɛnaa gɔ́ɔ̃ nɛ.

Piɛrɛ1 1:17

Ka n Lawa bíi Díi bɛ̀ ka tá a nyankoe, sɛnɛ, ka n yiri koa a nɛ, mà a n kiri kuri min gogoonmaa la, á kɔnpii ka a nya ǹ dí ni, a bɔkɔnlɛ we wa. Bɛ lɛ taman yii, biikoo gialakun mɛn bɛ́ tɔn ka gɔn, ka n zɛnɛɛ kanaa, ka tɔ wɔ ka nyɛ́ɛbaa a yii-n ni.

Piɛrɛ1 1:22

Kasɛn mɛnɛn bɛ́ ka lɛ kɔ Lawa a sonbore boo kɛ ganaa, ka yoreen kɔ ka bɛ nɛ, sisia kəni, ka á boe la sonbore, ka ka dɔɔ̃nɔn narɛ. Ka kɔn narɛ taãn-taãn ka ka foo din tumaa nɛ.

Piɛrɛ1 2:11

Ma dɔɔ̃n narɛɛ wolen lɛn, kasɛn mɛnɛn bɛ́ gùlin laanka tiin lɛa kanaa kɛ nɛ, man ka nyankoe, ka ka dinin kũ dùũ sii babaraan kɛn ganaa, dùũ siin mɛnɛn bɛ́ zia biɛ biikoo tumaa li telenboen ganaa.

Piɛrɛ1 5:10

Sɛnɛ, ka bɛ́ fuu yii biikoo boɛɛn kɛ gɔ́ɔ̃-n ke, bɛ kio, bǐɛ̃ tumaa zɛnaali Lawa mɛn bɛ́ á ka bíi, mà ka kaa wɔ gii yɛ a din a gugurubaa nyabaã wole kɛ nɛ, kaa kaa-kun Krita-n lɛ barka nɛ, bɛa Lawa lɛ dinmaa n die ka gòãn doɛ doo, a ka foo taã, a pàã kɔ ka la, a ka kaa gòãn koa ǹ bǎã sonbore ne.

Zaã1 1:7

Sɛnɛ, bɛ̀ wɔ á tɔ we wɔlɔ fúlu li, ka Lawa din bɛ́ wɔlɔ fúlu li lɔn, wɔ á re kaa-kun sonbore yii ka wɔ miãn nɛ. A Nɛgiĩ Yezu mà kɛ n wɔ *yoreen koe, a wɔ bɔ wɔa sii baraa tumaa nɛ.

Zaã1 1:9

Sɛnɛ, bɛ̀ wɔ á wɔa sii baraan pii Lawa nɛ, a din nə bɔlɔgoondɛnaa lɛa, a n pepere dɔn. Á re wɔa sii baraan toɛ wɔ nɛ, a wɔ yoreen kɔ sii baraa tumaa ganaa.

Zaã1 3:3

Bɛa foo-doa kɛ miã bɛ́ min mɛn nɛ Krita a lɛa, bɛ nə n din *yoreen koe, ka Krita bɛ́ yoreen lɔn.