Korɛnti2 5:12 - LAWA A BOO SONBORE

¹² Ma bie ma dinmaa diɛ nyɛɛn wa, sɛnɛ, man zoɛ̃ máa ka foo goã kɔɔ̃n ka maa sii ni; bɛ̀ á n baa miɛ̃, min mɛnɛn bɛ́ n dinin laakalɛɛ ka kanaa siin ni, ǹ nə́ ǹ ba gɔ́ɔ̃gɔ́ɔ̃ ǹ siin lɛa wa, ka á re bɛn boo-binyəə koe ǹ la doɛ̃.

LAWA A BOO SONBORE 2011

¹² Ma bie ma dinmaa diɛ nyɛɛn wa, sɛnɛ, man zoɛ̃ máa ka foo goã kɔɔ̃n ka maa sii ni; bɛ̀ á n baa miɛ̃, min mɛnɛn bɛ́ n dinin laakalɛɛ ka kanaa siin ni, ǹ nə́ ǹ ba gɔ́ɔ̃gɔ́ɔ̃ ǹ siin lɛa wa, ka á re bɛn boo-binyəə koe ǹ la doɛ̃.

Korɛnti2 5:12 Iomraidhean Croise

Suusun 27:2

Toa min kɔsɔn nə n tɔ bɔ. Toa tiin nə zɛnaa, a nyan nə n din baa.

Korɛnti2 1:14

A giala sisia, ka ba a tumaa giala miɛ bɔrɔ wa. Sɛnɛ, Dɛnaa Yezu a wusoo a daa pinaa, ka á re n dinin kalɛɛ maa lɛa, ma dɔ á re n din kalɛɛ ka dɔn lɛa.

Korɛnti2 10:12

Min mɛnɛn bɛ́ n dinin piɛ̃ gole koe, masɛ ba n zoɛ̃ kɔn ka bɛn nɛ wa. A giala, ǹ mìi we banban, maǹ nə n zoɛ̃ kɔn ka ǹ dinin ni, ǹ kɔnboe n ka ǹ dinin ni.

Korɛnti2 10:18

Ka boo taãn nɛ, min mɛn bɛ́ n din laakalɛɛ, ǹ dɛnaa a tɔ sonbore yii wa, sɛnɛ, Dɛnaa bɛ́ min mɛn laakalɛɛ, bɛ n tɔ sonbore yii.

Korɛnti2 10:7

Ka ga siin ganaa doɛ̃. Bɛ̀ bɛ nɛ, bɛ̀ min mɛn golee li mà asɛ n Krita wɔ lɛa, ǹ dɛnaa nə n yiri koa kɛ li gɔrɔ. Masɛ dɔ n Krita wɔ lɛa ka a dɔ bɛ́ lɔn.

Korɛnti2 10:8

Dɛnaa din pàã mɛn kɔ ma la, ta má n din laakalaa ka bɛ-n boɛɛnɛ, bɛa sìi diɛ ma ganaa wa. Bɛa pàã lɛ n kaa sii a wo nyɛɛnɛ ǹ giala lɛa, a bie ka ziziɛ̃ wa.

Korɛnti2 12:11

Ma á ke boo mɛn diɛ ka gàãnaa wɔ bɛ́ lɔn, ka dinin man ká ma da bɛ ganaa, bɛ̀ ka dinin doamaa nɛ, ka maa zia gii si. A giala, ta masɛ a màn kɔ́n lɛa wa, maa a nyaabaa nɛ bɛa dia dí-a wole gɔ̀lɔ̀ dadaran kɛn lɛn-a wa.

Korɛnti2 3:1

A pɛ miɛ̃ kɛ á nyɛɛ ka nɛ, mà man zoɛ̃ man din laakalaa doo? Ma laadoo tá a ganaa ka min tɛnɛn bɛ́ lɔn, ǹ sɛ́wɔ dia ka la, ǹ ma laakalaa? Hinlaa ma ka nyankɔ, ka ma laakalaa ǹ sɛ́wɔ nɛ?

Korɛnti2 6:4

Man sii tumaa zɛnɛɛ dinin, máa ǹ dɔ̃ mà Lawa a dí-nyali n ka ma nɛ. Man fuu sii ma ganaa parsiini ka foo-kũ ni. Sii kakan nə́ ma yɛ, ka gɔ́ɔ̃ bii ni.

Filipi minin 1:26

Ma á re wusii ma da ka li doo. Bɛ̀ má daa, Yezu Krita sii mɛn zɛnaa ka nɛ masɛ pàã ganaa, sonbore á die yii ka lon ka ka dinin laakalaa ka bɛ nɛ.