Korɛnti2 4:9 - LAWA A BOO SONBORE

⁹ maǹ boe ma yii ni, sɛnɛ, Lawa ba n boe ma li wa; maǹ ma zuĩ tán, sɛnɛ, ma a ziziɛ̃ wa.

LAWA A BOO SONBORE 2011

⁹ maǹ boe ma yii ni, sɛnɛ, Lawa ba n boe ma li wa; maǹ ma zuĩ tán, sɛnɛ, ma a ziziɛ̃ wa.

Korɛnti2 4:9 Iomraidhean Croise

Zɔbu 22:29

Lawa n min baraan n sii yɔrɔ bɔn ziziɛ̃, sɛnɛ min mɛnɛn bɛ́ n dinin gisĩ, a n bɛn kirisibiɛ.

Loen 129:2

A kũ maa tenmaa waáraa ganaa, ǹ nə́ bɔ ma yii-n parsiini, sɛnɛ, ǹ boo la ǹ nə́ sii kɔn zɛnaa ma-n wa.

Loen 22:1

LOE-saalin goledɛnaa loe mɛn lɔ, n loe ka Baayɛlɛ a Yuùn LOE kɛ bɛ́ lɔn. Davida a loe n ke.

Loen 37:28

A giala, peperebaa n kɔɔ̃n Dɛnaa Lawa ganaa. Dɛnaa Lawa ba a minin kiɛ wa, a n giɛ ǹ walan baraabaraa. Sɛnɛ, min baraa tɔrɔn kɛn, á re bɛn wɛɛ a ǹ bɔ gána lɛ nɛ.

Loen 42:11

Masɛ gù gã. Maa zɔ́ɔn kɛn man sɔ kiɛ ma la. Maǹ pii ma-n lɛawaa tumaa li, mà maa Lawa lɛ á maa?

Loen 42:5

Lɛlɛ, man má goã miɛ̃ zaman kɛ nyɛɛnɛ zɔ́n biikoo li. Man má goã woe koɛ yǎa Lawa a Kion. Maǹ nə́ goã foo kɔɔ̃nbaa ǹ loe loe, bɛ̀ ǹ Lawa tɔ bɔ. Bɛ̀ ma yiri gisĩ bɛ lɛ-n sisia, ma foo n ziziɛ̃.

Loen 9:10

Dɛnaa Lawa, n din die n fuu-yɛle a duru ǹ bǎã baa. Nɔmaa biikoo li, a n duru n din li.

Suusun 24:16

a giala min mɛn bɛ́ sii sonbore zɛnɛɛ, ta a na á mɛnaa gunyin sɔbaa, a n wusii a yoo. Sɛnɛ, min mɛn bɛ́ sii baraa zɛnɛɛ, koe n die boe bɛ ganaa.

Izayii 43:2

Ta ma n mu zuzulu kuri, ma tá kunun n ni. Ta ma n tà kuri, mu á re n kuĩ wa. Ta ma n tɔ we tɛ bii, a re n kuĩ wa. Tɛ buə̃ lɛwɔn ba re miɛ n-a wa.

Izayii 62:4

Ǹ ba re n bíi doo mà «Kiwi mɛn bɛ́ ǹ nə́ n la bɔ a ganaa» wa. Ǹ ba re n gána kɛ bíi doo mà «Kɛbɔlɔ» wa. Sɛnɛ, maǹ die n bíi «min mɛn bɛ́ kɔɔ̃n Dɛnaa Lawa ganaa.» Ǹ tá re n tán bíi: «Kɔn-wɔle sonbore.» A giala, n tá re kɔɔ̃n koe Dɛnaa Lawa ganaa, n tán lɛ dɔ á re zuũ yii.

Misee 7:8

Wɔa zɔ́ɔn lɛn, ka nyan yaa wɔ wɔ ganaa wa koe! A giala, ta wɔ́ mɛnaa, wɔ á re wusii wɔ yoo. Ta wɔ n giã-n wɔlɔ tì li, Dɛnaa Lawa din nə wɔa tɛ fúlu lɛa.

Abakuku 3:17

Á ke, gɔ́rɔ dan ba buũ koe doo wa. *Rezɛ̃ da ba nɛ koe doo wa. Nɛ ba *olivie da la doo wa. Màn-bii kɔn ba boe wurun ni wa. Sère goon din ba sèren kion wa. Dii ba zìã-n wa.

Zaã a sɛ́wɔ 15:20

Ma boo mɛn pɛ ka nɛ, ka n yiri koa a nɛ: «Bɛ̀rɛ a gole á la a dɛnaagiĩ-n wa.» Bɛ̀ ǹ nə́ fuu nyaa masɛ nɛ, maǹ die fuu nyɛɛ ka dɔn man miɛ̃; bɛ̀ maǹ maa boo sii, bɛ̀ ǹ tá re ka dɔn wɔ sii miɛ̃.

Rɔmu minin 8:35

Wàa n boe la, a Yezu Krita kurəə wɔ narɛɛ ganaa? Nɔmaa baraa á boe la ya? Haayii! Wàa n boe la kəni? Minin bɔ wɔ yii-n ni, bòo ne, doobaabaa nɛ, koe sii ni, gɛ̀ nɛ, bɛn kɔ́n ba boe la wa.

Korɛnti2 7:6

Sɛnɛ, Lawa mɛn bɛ́ foo ziziɛ̃ wolen foo taɛ̃, a din na á ma foo taã Tiiti a daa li.

Timote2 3:12

Min mɛnɛn tumaa bɛ́ li dinin, ǹ nyɛ́ɛ baa Lawa nɛ, ǹ kɔ Yezu *Krita lɛ, bɛn tumaa á re fuu yii.

Ebrəə 13:5

Wɔrɔ-narɛɛ baran goã kaa sii tumaa zɛnaa mìi lɛa wa. Màn mɛn bɛ́ ka lon, ka toa bɛ ka yii kã. A giala, Dɛnaa din na á pɛ: «Haayii! Ma a re n gɔn boe n ganaa duduu wa, ma a re n toɛ walan wa.»