Korɛnti2 3:7 - LAWA A BOO SONBORE

⁷ Landa mɛn bɛ́ á n kiɛ̃ kɔlɔ ganaa sɛ́wɔ nɛ gogoon, Lawa a gugurubaa a siĩnbaa yɛ bɛa biikoo lɛ li. Muizu yɔrɔ tɛ pɛ ka yɔrɔ kɔ́n nɛ, yǎa Izirayeli minin nə́ ǹ ba boe la, ǹ tá n yiin doɛ la wa, a da yaa, bɛa tɛ-pɛ kɛ lɛ doamaa nɛ a papaã. Á ke, Landa mɛn bɛ́ a nya ǹ dí n woe ka min ni gɛ̀ ganaa, siĩnbaa kɛ miã na á yɛ bɛ nɛ.

LAWA A BOO SONBORE 2011

⁷ Landa mɛn bɛ́ á n kiɛ̃ kɔlɔ ganaa sɛ́wɔ nɛ gogoon, Lawa a gugurubaa a siĩnbaa yɛ bɛa biikoo lɛ li. Muizu yɔrɔ tɛ pɛ ka yɔrɔ kɔ́n nɛ, yǎa Izirayeli minin nə́ ǹ ba boe la, ǹ tá n yiin doɛ la wa, a da yaa, bɛa tɛ-pɛ kɛ lɛ doamaa nɛ a papaã. Á ke, Landa mɛn bɛ́ a nya ǹ dí n woe ka min ni gɛ̀ ganaa, siĩnbaa kɛ miã na á yɛ bɛ nɛ.

Korɛnti2 3:7 Iomraidhean Croise

Siin Giala 3:21

Dɛnaa Lawa tɔɔ ki zɛnaa dɔnkɛ lɛa, á wɔ Aadã laanka a lɔ ganaa.

Nehemii 9:13

Ń gisĩ Sinayii kele kɛ la, ń nə́ n toa lon ń boo da ǹ nɛ. Ń sii yɔrɔ bɔ ǹ boo peperen kɔ ǹ la, ka dí-pɛn boo taãnan nɛ, ka landa boon laanka gɔn waa ǹ boo sonboren ne.

Loen 119:174

Dɛnaa Lawa, man giɛ li, máa n din ma kirisibaa. N landa boon kɛn tá ma foo kɔɔ̃n koe parsiini.

Loen 119:97

N landa boon kɛn tá kɔɔ̃n ma ganaa parsiini. Lɛawaa tumaa li, ma nə n taasɛ ǹ nɛ.

Bɔ bɛ̀rɛbaa nɛ 24:12

Dɛnaa pɛ Muizu ni: «Dii n da masɛ li kele lɛ la, n golee kànaa. Man die kɔlɔ sɛlɛɛn kɛn lɛn koe n la, ma dí-pɛn lɛn kiɛ̃ ǹ mɛnɛn ganaa ke lɛn. N die n Izirayeli nɛnyaanan lɛn daraa ǹ ganaa.»

Bɔ bɛ̀rɛbaa nɛ 31:18

Dɛnaa bɛ́ á boo da ka Muizu ni Sinayii kele la á nya, bɛ kio kəni, á lɛ kɔ kɔn la ǹ boon kɔlɔ sɛlɛɛ màn paa lɛ kɔ la, Dɛnaa Lawa din boon mɛnɛn kiɛ̃ ka a din gɔn nɛ.

Bɔ bɛ̀rɛbaa nɛ 32:19

Ǹ bɛ́ ǹ nə́ diri giã ǹ bǎã lɛ la, Muizu yii diin nɛ nyín lɛ yɛ, ka zaman lɛ nɛ, bɛ̀ gialaa biɛ. A foo yoo parsiini, á kɔlɔ-sɛlɛɛn lɛn kũ a gɔn, á ǹ zũ, á ǹ yɔyɔrɛ tán kele lɛ genli.

Bɔ bɛ̀rɛbaa nɛ 34:1

Dɛnaa pɛ Muizu ni: «Kɔlɔ màn paa sɛlɛ, ka bibinaa wɔ màn paa kɛ lɛ bɛ́ lɔn. Ma boon mɛnɛn kiɛ̃ bibinaa wɔn kɛn lɛn ganaa, n nə́ ǹ yɔyɔrɛ ke, man die wusii, ma bɛa boon kɛn lɛn kiɛ̃ ǹ dɔn ganaa.

Nya ǹ dín 6:15

Kiri-wɔlen mɛnɛn tumaa goã bǎã lɛ nɛ, bɛn yii na á goã doa nɛ a din la, ǹ ná a yɔrɔ yɛ tɛ pii ka lon a dia dí-a wole wɔ bɛ́ lɔn.

Rɔmu minin 10:4

Sonbore, dí-pɛn lɛ piɛ̃ n ka *Krita nɛ. Bɛ̀ min mɛn golee Krita li, Lawa n bɛa Dɛnaa kuĩ min pepere lɛa.

Rɔmu minin 4:15

Lawa a dí-pɛn lɛn man dɔlɔ diɛ min mìi ni, a giala, dí-pɛn bɛ́ ǹ ba bǎã mɛn nɛ wa, dí-pɛn bɔlɔ-tii dɔ banban.

Rɔmu minin 5:20

Dí-pɛn man nə́ daa, màn mɛn bɛ́ toɛ, sii baraa mɔnaa. Sɛnɛ, sii baraa bɛ́ á mɔnaa bǎã mɛn nɛ, Lawa a bǐɛ̃baa mɔnaa walan á la yii ni.

Rɔmu minin 7:10

Dí-pɛ mɛn doamaa bɛ́ nɛ, a wo wɔ da nyin nyabaã nɛ, bɛ nə́ n bɔyaa á woe wɔ diɛ gɛ̀ nɛ.

Rɔmu minin 7:22

Ma gɔ́ɔ̃ nɛ, Lawa a dí-pɛn man kɔɔ̃n ma ganaa.

Rɔmu minin 7:5

Sonbore, wɔ bɛ́ wɔ goã tɔ we, á n kɔnpii wɔ dinin dùũ ni ǹ mɛn waáraa, wɔ n wɔ́ goã dùũ sii babaraan pàã giulun, bɛn nə́ wɔ diɛ sii baraa zɛnaa ganaa. Dí-pɛn lɛn dinin man nə́ bɛa dùũ sii babaraan kɛn lɛn yii kaa. Haya kəni, siin mɛnɛn bɛ́ wɔ diɛ gɛ̀ nɛ, wɔ n wɔ́ goã bɛn zɛnɛɛ.

Korɛnti1 13:10

Sɛnɛ, bɛ̀ sii lɛ-piɛ̃ zɛnaa daa biikoo mɛn li, lɛ-doa bɛ́ sii mɛn la, bɛ á re nyɛɛ.

Korɛnti2 3:3

Boo taãn nɛ, ka n sɛ́wɔ lɛa, *Krita din kiɛ̃, masɛ n má daa koa. A bie á kiɛ̃ ka sɛ́wɔ kiɛ̃ ǹ mu-n ma, sɛnɛ, a na á kiɛ̃ ka Lawa yiikoonaa a Yiri Fu ni. A bie á kiɛ̃ kɔlɔn ganaa wa, sɛnɛ, a na á kiɛ̃ minbuiinin foo ne.

Korɛnti2 3:6

A din na á pàã kɔ ma la, mà ma lɛ kɔ kɔn la dii kɛ lɛ nyaa minin ni ǹ dɔ̃. Bɛa lɛ kɔ kɔn la dii kɛ lɛ bie landa sɛ́wɔ wɔ lɛa wa, sɛnɛ, Yiri Fu wɔ nɛ. A giala, Landa á min dii, sɛnɛ, Yiri Fu sɛn yiikoonaabaa koe min la.

Korɛnti2 3:8

Siĩnbaa ba re yii Yiri Fu a nya ǹ dí ni a la bɛ-n wa? Hiĩ, á yii a nɛ a la nɛ!

Galaasi minin 3:10

Sɛnɛ, min mɛnɛn bɛ́ n foo doɛ dí-pɛn ganaa, mà ǹsɛn nə pepere kɔ Lawa yɔrɔ-a, koe á re boe bɛn ganaa. A giala, á kiɛ̃-n Lawa a sɛ́wɔ nɛ: «Min mɛn bɛ́ a re koe bɛa dí-pɛ kɛ lɛ a boon lɛ a ǹ lɛ pã wa, bɔ̀n na á bɛa dɛnaa yɛ!»

Galaasi minin 3:21

Dí-pɛn lɛn man zia biɛ kɔn ka Lawa a lɛ-kɔ kɛ-n kəni? Haayii, ǹ ba zia biɛ kɔn wa! Sonbore, dí-pɛn nə́ n kɔ. Bɛ̀ pàã nə ǹ lon ǹ nə́ nyin nyabaã koe minbuiinin la, bɛ̀ min tá boe la, a pepere kɔ Lawa yɔrɔ-a ǹ pàã ganaa.

Timəə dí-pɛn 4:13

A ná a lɛ kɔ kɔn la ǹ boon lɛn pɛ ka nɛ, boo fù kɛ lɛ, á n gɔn waa ka nɛ, mà ka kɔ ǹ lɛ. Á ǹ kiɛ̃ kɔlɔ-sɛlɛɛ màn paa dɔ ganaa.

Timəə dí-pɛn 4:8

Tɔrɔn mɛnɛn bɛ́ gigiã ka wɔ bɛ́ lɔn, ǹ mɛn a landa boon laanka a sii yɔrɔ bɔ ǹ boon man pepere ka dí-pɛn kɛn tumaa bɛ́ lɔn, ma á ǹ pii ka yii-n pelo?

Timəə dí-pɛn 5:22

Dɛnaa Lawa na á bɛa boon lɛn pɛ ka nɛ ka lɛn gole ne, tɛ bii, tɛmaa bii, ka wɔlɔ tì gole ne. Ka mɛnɛn tumaa goã kele lɛ gòã lasa la, a na á boon kɛn lɛn da ka dinin manɛ, a màn kɔsɔ ti a ganaa wa. Bɛ kio, á boon lɛn kiɛ̃ kɔlɔ-sɛlɛɛ màn paa la, á ǹ kɔ ma la.

Timəə dí-pɛn 9:15

Má tɔ́n nə n bɔyaa, máa man gisĩ n boe kele lɛ la, tɔn tɛ lɛa girigiri. Kɔlɔ-sɛlɛɛ màn paa mɛn bɛ́ lɛ kɔ kɔn la ǹ boon lɛn nə́ goã kiɛ̃ nɛ ǹ la, bɛn man nə́ goã ma gɔnɔn paanan nɛ.

Ebrəə 12:18

Min bɛ́ boe la, a n gɔn da Sinayii kele mɛn ganaa, kasɛn bie ka n mɔrɔ bɛ ganaa, ka Izirayeli minin wɔ bɛ́ lɔn wa. Ǹsɛn man nə́ n mɔrɔ bɛa kele lɛ ganaa, bɛ̀ tɛ gole n la, ka wɔlɔ tì gole ne, ka piɛ̃ gole ne,

Ebrəə 3:3

Sonbore, gugurubaa tá a wɔ lɛa á la Muizu ni, ka gugurubaa bɛ́ kion-dɔle wɔ lɛa lɔn, á la kion lɛ dinmaa nɛ.

Ebrəə 9:4

Nyɔɔ gìĩ kɔɔ̃n tã ǹ bǎã sanadɛnaa kɛ na á goã walan, ka *lɛ kɔ kɔn la ǹ goo kɛ nɛ. Maǹ nə́ sana yo, ǹ nə́ kaa bɛa goo lɛ paǹ tumaa la. Bɛa goo lɛ gɔ́ɔ̃ nɛ, sana donkolon na a tan, Lawa goã á màn-bii mɛn kɔ Izirayeli minin la don bii, a tɔ n «maánə», bɛ ná a nɛ. Aarɔn a bàlà mɛn goã á luu pã, bɛ dɔ n Goo lɛ nɛ, ka kɔlɔ-sɛlɛɛn mɛnɛn bɛ́, Lawa a lɛ kɔ kɔn la ǹ boon kɛn nə́ kiɛ̃ nɛ ǹ ganaa.