Korɛnti2 3:1 - LAWA A BOO SONBORE

¹ A pɛ miɛ̃ kɛ á nyɛɛ ka nɛ, mà man zoɛ̃ man din laakalaa doo? Ma laadoo tá a ganaa ka min tɛnɛn bɛ́ lɔn, ǹ sɛ́wɔ dia ka la, ǹ ma laakalaa? Hinlaa ma ka nyankɔ, ka ma laakalaa ǹ sɛ́wɔ nɛ?

LAWA A BOO SONBORE 2011

¹ A pɛ miɛ̃ kɛ á nyɛɛ ka nɛ, mà man zoɛ̃ man din laakalaa doo? Ma laadoo tá a ganaa ka min tɛnɛn bɛ́ lɔn, ǹ sɛ́wɔ dia ka la, ǹ ma laakalaa? Hinlaa ma ka nyankɔ, ka ma laakalaa ǹ sɛ́wɔ nɛ?

Korɛnti2 3:1 Iomraidhean Croise

Nya ǹ dín 18:27

Apolɔɔsi bɛ́ mà a n woe Grɛki gána nɛ, dɔɔ̃nɔn lɛn ná a sii lɛ yɛ siĩni, ǹ nə́ sɛ́wɔ dia Lawa-nyankɔlen la walan, mà bɛ̀ á dɔ ǹ li mà ǹ kũ doɛ̃. A bɛ́ á dɔ, á dɔmalɛ gigiã wɔ Lawa-nyankɔlen lɛn manɛ walan, ka bǐɛ̃baa ǹ màn kɛ nɛ, Lawa kɔ la.

Rɔmu minin 16:1

Man wɔ dɔɔ̃n lɔ Feebe a sii toɛ ka gɔn. A n di nyɛɛ Sankree a Lawa a sɔmɔ minin manɛ.

Korɛnti1 10:33

Ka zɛnaa ka masɛ bɛ́ lɔn: ma nə n doɛ, máa ma min tumaa foo kɔɔ̃n kɔ ka sii tumaa nɛ. Ma bie giɛ li mà ma din laadoon nə bǐɛ̃ kɔ wa, sɛnɛ, man giɛ min tumaa a bǐɛ̃ kɔ li, ń giɛ ǹ tá kirisibiɛ.

Korɛnti1 16:3

Bɛ̀ ma din daa ǹ mɛn waáraa, ka min mɛnɛn bɔ, ma á re bɛn diɛ, ka sɛ́wɔn nɛ ǹ gɔn, ǹ wo kaa dɔmalɛ ǹ màn lɛ koa Zeruzalɛmu.

Korɛnti1 3:10

Lawa bǐɛ̃ mɛn baa masɛ la, man má kion lɛ gòã daa ka kion-dɔle taãn wɔ bɛ́ lɔn; kanna, min kɔsɔ dɔ n màn doe a lalan. Sɛnɛ, a n kɔnboe didie nə n yiri koa a wɔ a dɔ ǹ gɔn li.

Korɛnti1 4:15

Sonbore ka á doɛ̃, ta min duu fù na á ka daraa Krita a siin ganaa, ka dí n goon toto. Masɛ din nə má Boo Tii Kɔɔ̃n kɛ pɛ ka nɛ, má kaa díi baa, má daa ka nɛ Yezu Krita ganaa.

Korɛnti2 10:12

Min mɛnɛn bɛ́ n dinin piɛ̃ gole koe, masɛ ba n zoɛ̃ kɔn ka bɛn nɛ wa. A giala, ǹ mìi we banban, maǹ nə n zoɛ̃ kɔn ka ǹ dinin ni, ǹ kɔnboe n ka ǹ dinin ni.

Korɛnti2 10:18

Ka boo taãn nɛ, min mɛn bɛ́ n din laakalɛɛ, ǹ dɛnaa a tɔ sonbore yii wa, sɛnɛ, Dɛnaa bɛ́ min mɛn laakalɛɛ, bɛ n tɔ sonbore yii.

Korɛnti2 10:8

Dɛnaa din pàã mɛn kɔ ma la, ta má n din laakalaa ka bɛ-n boɛɛnɛ, bɛa sìi diɛ ma ganaa wa. Bɛa pàã lɛ n kaa sii a wo nyɛɛnɛ ǹ giala lɛa, a bie ka ziziɛ̃ wa.

Korɛnti2 12:11

Ma á ke boo mɛn diɛ ka gàãnaa wɔ bɛ́ lɔn, ka dinin man ká ma da bɛ ganaa, bɛ̀ ka dinin doamaa nɛ, ka maa zia gii si. A giala, ta masɛ a màn kɔ́n lɛa wa, maa a nyaabaa nɛ bɛa dia dí-a wole gɔ̀lɔ̀ dadaran kɛn lɛn-a wa.

Korɛnti2 12:19

Kɔntan, ka ǹ taasɛ haalɛ bibi, mà ma nə n din biɛ min pepere lɛa kasɛn yɔrɔ-a. Haayii, maa giaáran lɛn, Krita bɛ́ giɛ màn mɛn li, wɔ ǹ bɛ pii ka nɛ Lawa yɔrɔ-a. Man bɛ tumaa zɛnɛɛ, ka dinin bǐɛ̃ kɔ a wo nyɛɛn a lɛa goleemali gɔ́ɔ̃ nɛ.

Korɛnti2 2:17

Masɛ bie pii koe Lawa a boo ganaa, ka min gigiã kɔsɔn kɛn bɛ́ lɔn wa. Haayii, Krita wɔbaa gɔ́ɔ̃ nɛ, masɛ n boo diɛ ka fubaa nɛ, ka Lawa din tɔ nɛ, a din yɔrɔ-a.

Korɛnti2 5:12

Ma bie ma dinmaa diɛ nyɛɛn wa, sɛnɛ, man zoɛ̃ máa ka foo goã kɔɔ̃n ka maa sii ni; bɛ̀ á n baa miɛ̃, min mɛnɛn bɛ́ n dinin laakalɛɛ ka kanaa siin ni, ǹ nə́ ǹ ba gɔ́ɔ̃gɔ́ɔ̃ ǹ siin lɛa wa, ka á re bɛn boo-binyəə koe ǹ la doɛ̃.