Korɛnti2 2:3 - LAWA A BOO SONBORE

³ Bɛ lɛ na á toa, má sɛ́wɔ lɛ dia ka la, ka ma bɛ́ má zɛnaa lɔn. Man ma ba li máa bɛ̀ má dɔ kaa piɛ, min mɛnɛn doamaa bɛ́ ǹ ma foo kɔɔ̃n kɔ, bɛn nə ma foo-ziziɛ̃lin baa wa. Má golee li taãnɛ, máa bɛ̀ má foo kɔɔ̃nbaa yɛ, ka dɔn tumaa a foo kɔɔ̃nbaa nɛ.

LAWA A BOO SONBORE 2011

³ Bɛ lɛ na á toa, má sɛ́wɔ lɛ dia ka la, ka ma bɛ́ má zɛnaa lɔn. Man ma ba li máa bɛ̀ má dɔ kaa piɛ, min mɛnɛn doamaa bɛ́ ǹ ma foo kɔɔ̃n kɔ, bɛn nə ma foo-ziziɛ̃lin baa wa. Má golee li taãnɛ, máa bɛ̀ má foo kɔɔ̃nbaa yɛ, ka dɔn tumaa a foo kɔɔ̃nbaa nɛ.

Korɛnti2 2:3 Iomraidhean Croise

Korɛnti1 4:21

Ka ǹ kɛ mɛn boe kəni? Ma da ka ganaa ka bàbàla nɛ, hinlaa ma da ka ganaa ka kɔn-narɛ ǹ foo ne, ka foo-basiɛ̃ nɛ?

Korɛnti2 1:15

Man má n foo doa ka ganaa taãn-taãnɛ. Bɛ lɛ-n má tɔ́n lɛ kɔ, máa bɛ̀ ma á woe Masedoanɛ gána nɛ, máa ma á re boe ka li, bɛ̀ má n bɔyaa doo, ma da golee ka li. Bɛ̀ a na á n baa miɛ̃, bɛ̀ a n die foo kɔɔ̃n kɔ biɛ ka ganaa gunyin paa. Ka bɛ nɛ, bɛ̀ ka n die n doe ma lɛ, ka maa Zudee zii tɔ-wɔ kɛ nɛ.

Korɛnti2 1:23

Lawa n maa siére lɛa; bɛ̀ má soɛ bɔ, a ma nyin papaã. Man máa ma a die ka yii wɛ̃ wa, bɛ lɛ-n má pɛ máa ma a die Korɛnti bɔrɔ wa.

Korɛnti2 12:11

Ma á ke boo mɛn diɛ ka gàãnaa wɔ bɛ́ lɔn, ka dinin man ká ma da bɛ ganaa, bɛ̀ ka dinin doamaa nɛ, ka maa zia gii si. A giala, ta masɛ a màn kɔ́n lɛa wa, maa a nyaabaa nɛ bɛa dia dí-a wole gɔ̀lɔ̀ dadaran kɛn lɛn-a wa.

Korɛnti2 12:21

Ma bɛ́ re die boe ka li, nyɛ́ɛ tá ma ganaa, máa Lawa nyan ma kiɛɛrɛ kɔ ka yɔrɔ-a, ma wuu pɛ kaa min damata a sii ganaa wa. Ǹsɛn mɛnɛn nə sii baraa zɛnaa lɛlɛ, ma ba li ma wusoo ma da ǹ yaa miɛ̃ wa. Man zoɛ̃ máa ǹ nə n gɔ́ɔ̃ binyəə, ǹ nə́ n bɔ ǹ gɔgɔrɛbaa nɛ, ka ǹ din kũ doɛ̃baã nɛ, ka ǹ kɔrɔbaa ǹ sii kɔsɔn nɛ.

Korɛnti2 13:10

Bɛ lɛ n toɛ, ma bɛ́ tɔn sɔsɔɔ ka ganaa, ma á siɛ lɛlɛ má n sɛ́wɔ kɛ diɛ ka la, ń giɛ bɛ̀ má daa ka li biikoo mɛn li, ma nyan sii zɛnaa ka-n ka baraabaa-n wa. Dɛnaa pàã mɛn kɔ ma la, a bie á kɔ ma la, mà ma dɔlɔ bɔ-n ka ganaa wa, sɛnɛ, mà a pàã kɔ ka la.

Korɛnti2 2:9

A giala, ma sɛ́wɔ mɛn dia ka la, a mìi n ke: man má zɔɔ̃ li máa man da ka gɔ́ɔ̃ li, ma dɔ̃ bɛ ka á tɔn ma lɛ sii ka sii tumaa nɛ.

Korɛnti2 7:12

Ta bɛ nɛ, ma bɛ́ má sɛ́wɔ kɛ dia ka la, min mɛn bɛ́ á sii la, ma bie má dia bɛa lɛa wa, a sii la min mɛn dɔ la, ma dia bɛ dɔ a lɛa wa. Sɛnɛ, man máa ma sii bɛ́ kaka ka ganaa lɔn, ka boo la ka bɛa foaãbaa dɔ̃ Lawa yɔrɔ-a.

Korɛnti2 7:16

Ma nə n nyɛnyɛɛ parsiini, a giala, ma á boe la man foo doa ka ganaa sii tumaa gɔ́ɔ̃ nɛ.

Korɛnti2 7:6

Sɛnɛ, Lawa mɛn bɛ́ foo ziziɛ̃ wolen foo taɛ̃, a din na á ma foo taã Tiiti a daa li.

Korɛnti2 7:8

Taãn nɛ, ma bɛ́ má sɛ́wɔ mɛn dia ka la, ta á ka foo ziziɛ̃, ma a n gɔ́ɔ̀ bii ka bɛ-n doo wa. Má n gɔ́ɔ̃ bii lɛlɛ, bɛ̀ ma bɛ́ má dɔ̃, máa maa sɛ́wɔ kɛ lɛ ka foo ziziɛ̃ biikoo kɔ́n li.

Korɛnti2 8:22

Ma dɔɔ̃n kɔsɔ dɔ á ke, ma á diɛ kunun ǹ ni. Biikoo gigiã li, má a sii gɔsɛ, á n din nyaa din kɔ sii ganaa wole lɛa biikoo tumaa li. Sɛnɛ kanna, a din kɔ sii ganaa la lɛlɛ wɔ nɛ, a giala, á waa ka la parsiini.

Galaasi minin 5:10

A laanka bɛ tumaa nɛ, ma foo á doa-n Dɛnaa ganaa kaa wɔ paǹ li. Ma á doɛ̃, máa ka a re zii kɔsɔ siɛ wa. Sɛnɛ, min mɛn bɛ́ ka yiri lɔlɛkɔn, ta ǹ dɛnaa n màn mɛn lɛa, Lawa á re dɔlɔ boe a ganaa.

Tesaloniki2 3:4

Wɔ́ foo tãbaa yɛ Dɛnaa li kasɛn wɔ gɔn la; a giala, wɔ bɛ́ pii ka nɛ wáa ka sii mɛn zɛnaa, ka n bɛ zɛnɛɛ, a din lɛ-n kaa tɔn a gialaa zɛnɛɛ.

Filemɔn 1:21

Ma bɛ́ sɛ́wɔ kɛ kiɛ̃, ma á waa-n la taãn-taãnɛ, máa ma bɛ́ n nyankoe ka sii mɛn nɛ, máa n tá re bɛ zɛnɛɛ ma nɛ. Ma á doɛ̃ dinin máa n tá re zɛnɛɛ, a kiɛ̃ maa taasiɛ la.