Korɛnti2 13:4 - LAWA A BOO SONBORE

⁴ Taãn nɛ, maǹ nə́ dere gɔn ganaa pàãwɛɛnaabaa gɔ́ɔ̃ nɛ, sɛnɛ, a yii n koo Lawa a boo sii la pàã ganaa. Masɛ dɔ n pàãwɛɛnaa lɛa maa tá kun ka Krita gɔ́ɔ̃ nɛ, sɛnɛ, maa sii-zɛnaa gɔ́ɔ̃ nɛ kasɛn wɔ paǹ li, ma yii n koo kun ka a din ni Lawa a boo sii la pàã ganaa.

LAWA A BOO SONBORE 2011

⁴ Taãn nɛ, maǹ nə́ dere gɔn ganaa pàãwɛɛnaabaa gɔ́ɔ̃ nɛ, sɛnɛ, a yii n koo Lawa a boo sii la pàã ganaa. Masɛ dɔ n pàãwɛɛnaa lɛa maa tá kun ka Krita gɔ́ɔ̃ nɛ, sɛnɛ, maa sii-zɛnaa gɔ́ɔ̃ nɛ kasɛn wɔ paǹ li, ma yii n koo kun ka a din ni Lawa a boo sii la pàã ganaa.

Korɛnti2 13:4 Iomraidhean Croise

Zaã a sɛ́wɔ 10:18

Min bie sii ma la wa dɛ. Man boe ma din ni ma á koe. Pàã tá ma lon ma bɔ ma din ni ma kɔ, pàã tá ma lon dɔn ma wusoo ma si. Maa Díi dí mɛn pɛ ma nɛ, a din lɛ n bɛ nɛ.»

Nya ǹ dín 2:36

Izirayeli minin tumaa doamaa nɛ ǹ dɔ̃ taãn-taãnɛ mà ǹ Yezu mɛn dere gɔn-a ke lɛn, mà Lawa na á bɛ lɛ baa minbuiin tumaa a Dɛnaa laanka a Nyin-sili lɛa.

Nya ǹ dín 3:16

Giĩ lɛ golee Yezu tɔ mɛn li, bɛa tɔ kɛ lɛ pàã na á giĩ kɛ kaka kɔ. Giĩ kɛ lɛ, ka yii ná a ganaa, ka n doɛ̃ dɔn. Yezu tɔ kɛ lɛ á golee li, bɛa tɔ kɛ lɛ na á ná a bɔlɔkabaa nya ka lenlen, ka ka dinin tumaa yii bɛ́ a ganaa lɔn.

Rɔmu minin 1:4

a na á goã Lawa a Nɛgiĩ dɔ lɛa. Lawa a Yiri Fu na á bɛ nyaa, ka pàã gole ne, ka bɛa Yezu lɛ a yii-kaa a bɔ geren bii barka nɛ.

Rɔmu minin 14:9

A giala, *Krita lɛ na á gã, a yii kaa, màn mɛn bɛ́ toɛ, a geren laanka yiikoonaan Dɛnaa baa.

Rɔmu minin 6:4

Bɛa batɛmu kɛ lɛ barka nɛ, wɔ n wɔ́ gã kun ka Yezu ni, ǹ nə́ wɔ bĩ kun ka a din ni. Sɛnɛ, wɔ Di Lawa bɛ́ a ná a yii kaa á bɔ geren bii, ka a din pàã gole kɛ nɛ, wɔsɛn dɔn yii á boe la a kaa, wɔ tɔ wɔ ǹ gɔn dii saa.

Korɛnti1 1:25

Bɛ lɛ taman yii, Lawa a sii mɛn bɛ́ gàãnaabaa lɛa minbuiinin yii li, bɛ n sii-doɛ̃ lɛa, á la minbuiinin sii-doɛ̃ nɛ. Minbuiinin bɛ́ giɛ Lawa a sii mɛn ganaa pàãwɛɛnaabaa ǹ sii lɛa, bɛ pàã á gole á la minbuiinin pàãdɛnaabaa nɛ.

Korɛnti1 15:43

Bɛ̀ ǹ nə́ da yala-n, a n bɔbɔnɛɛ, pàã ná a ba a lon wa. Bɛ̀ a yii kaa, a n goɛ̃ siĩni, a n kaka.

Korɛnti1 2:3

Bɛ lɛ nɛ, má n din nyaa ka nɛ pàãwɛɛnaa lɛa, nyɛ́ɛ n ma ganaa, ma gɔ̀nɔn yii n bìn diɛ.

Korɛnti1 6:14

Lawa na á Dɛnaa bɔ geren li, á da yiikoonaabaa nɛ. Á re wɔ dɔn boe geren li, a wɔ kaa yiikoonaabaa nɛ ká a din pàã nɛ.

Korɛnti2 10:10

A giala, maǹ pii mà maa sɛ́wɔn lɛn tá guguru, ǹ nə́ kaka. Sɛnɛ, mà bɛ̀ ma tá ka li, mà ma pàã a tɛ wa, mà ma a boo dɔ diɛ doɛ̃ wa.

Korɛnti2 12:10

Bɛ lɛ-n ma á n nyɛnyɛɛ maa pàãwɛɛnaabaa ǹ siin kɛn lɛa, ka sɔ kaa ma la nɛ, ka sii kakan ma yɛ nɛ, ka bɔ ma yii-n ni, ka taasiɛn nɛ, Krita a lɛa. A giala, bɛ̀ pàã wɛɛ̃ tá ma ganaa biikoo mɛn li, bɛ lɛ n maa kakabaa biikoo lɛa kəni.

Korɛnti2 13:9

Bɛ̀ ma á pàãwɛɛnaa lɛa, kasɛn nə́ kaka, ma foo á kɔɔ̃nɛ. Maa Lawa nyankɔ ǹ mìi á ke: Man máa ka min lɛ-piɛ̃ wolen baa goleemali gɔ́ɔ̃ nɛ.

Filipi minin 3:10

Ma bɛ́ giɛ màn mɛn li, man máa ma Krita dɔ̃. Man giɛ li ma a yii kaa a bɔ geren li ǹ pàã kɛ yɛ, ma gii goã a fuun kɛn nɛ, man baa ka a din bɛ́ lɔn a gɛ̀ gɔ́ɔ̃ nɛ;

Ebrəə 5:7

Yezu lɛ bɛ́ kanaa ǹ mɛn waáraa, Lawa mɛn bɛ́ boe la, a na a kirisibaa gɛ̀ ganaa, a na á bɛ lɛ nyankɔ ka lɛn gole ne, ka yii mu ni. Lawa ná a lɛ si a doroo Lawa-n lɛ a lɛa.

Piɛrɛ1 3:18

Sonbore, Krita dinmaa lɛ na á gã minbuiinin sii baraan lɛa, gunyin goon toto. Asɛ pepere lɛ gã, ka minbuiin bɛ́ lɔn, min pepere baãnaan lɛa, sɛnɛ, a yii wusoo á kaa á n bɔ geren bii ka Yiri Fu barka nɛ, màn mɛn bɛ́ toɛ, a ka nyaa Lawa nɛ.

Piɛrɛ1 3:22

Yezu Krita lɛ woo lon dɔn, á giã-n Lawa gusin. Lon a dia dí-a wolen ne, ka lon màn goledɛnan laanka a pàãdɛnan tumaa na a din lɛ bɔlɔ sii.