Korɛnti2 13:1 - LAWA A BOO SONBORE

¹ Maa gunyin sɔɔbaa ǹ wɔ n ke, má n die die kaa piɛ. «Sii tumaa n die n yɔrɔ boe ka siére paa hinlaa sɔɔ a boo ne», ka Lawa a sɛ́wɔ bɛ́ á pɛ lɔn.

LAWA A BOO SONBORE 2011

¹ Maa gunyin sɔɔbaa ǹ wɔ n ke, má n die die kaa piɛ. «Sii tumaa n die n yɔrɔ boe ka siére paa hinlaa sɔɔ a boo ne», ka Lawa a sɛ́wɔ bɛ́ á pɛ lɔn.

Korɛnti2 13:1 Iomraidhean Croise

Kiin1 1:14

Á ke, n bɛ́ re goɛ̃ kii lɛ li ǹ mɛn wàaraa, tɔn boo diɛ nɛ, ma dinmaa lɛ tá re we n kio, ma n boo lɛ pã.

Kiin1 21:10

Ka min paa kaa tán a yɔrɔ-a, min mɛnɛn nə́ ke min kɔrɔn lɛa. Bɛa min kɔrɔn kɛn lɛn die ǹ nə n koa nɛ, ǹ pɛ mà a na á Lawa laanka kii piɛ̃ bɔ. Bɛ kio, ka kũ ka soo ne, ka dɛdɛ ka kɔlɔn nɛ, a gã.»

Kiin1 21:13

Min paa kɔn daa giã tán Naabɔti yɔrɔ-a, min kɔrɔn manɛ. Bɛa min kɔrɔ paa lɛ yoo, ǹ tá n koɛ ka Naabɔti ni zaman lɛ yɔrɔ-a, ǹ nə́ pii: «Naabɔti na á Lawa laanka kii piɛ̃ bɔ.» Bɛ kio, ǹ nə́ tɔ́n Naabɔti kũ, ǹ nə́ soo-n kiwi lɛ nɛ, ǹ nə́ dɛdɛ ka kɔlɔn nɛ, á gã.

Minin nimi 35:30

Gɛ̀-dɛ sii tumaa gɔ́ɔ̃ nɛ, gɛ̀-dɛle lɛ ba n dii, bɛ̀ siére didi ná a boo da wa. Ka a boe la ka gɛ̀ dɔlɔ bɔ min ganaa, siére goon dinsɔɔ̃ a da ǹ boo taman yii wa.

Matiə 18:16

Sɛnɛ, bɛ̀ á n piã, wusoo n min paa hinlaa min sɔɔ kũ, n nə ǹ kaa kunun n ni, màn mɛn bɛ́ toɛ, "Sii lɛ din tumaa nə n yɔrɔ bɔ siére paa hinlaa sɔɔ yɔrɔ-a", ka Lawa a boo bɛ́ pii lɔn.

Korɛnti2 12:14

Á ke ma á zoɛ̃ doo, ma da kaa piɛ ká a sɔɔbaa ǹ wɔ nɛ. Ma a re goɛ̃ guĩ lɛa ka mìi-n wa. Man giɛ ka dinin li, ma bie giɛ kaa wɔrɔ li wa. A taãnbaa li, nɛnyaanan bie giɛ wɔrɔ li ǹ nə ǹ díin laadoo zɛnaa-n ma, sɛnɛ, díin man giɛ li ǹ nə ǹ nɛnyaanan laadoo saa nɛ.

Timəə dí-pɛn 17:6

Sɛnɛ, ka toa ka boo ma siére paa hinlaa sɔɔ lɛ-n, ka tɔn nə ǹ dɛnaa dɛ a gã. Ka nyan toa ka dɛ min goon toto lɛ gɔ́ɔ̃ ǹ boo li wa.

Timəə dí-pɛn 19:15

Siére goon toto a boe la a yoo min gialaa mà a na á gɛ̀ dɛ, mà a na á sii baraa zɛnaa, hinlaa mà a na á sã wa. Haalɛ ta sii mɛn tɔrɔ din ni ǹ dɛnaa zɛnaa, a yɔrɔ doamaa nɛ a n bɔ siére paa hinlaa sɔɔ a da ǹ boo li.