Korɛnti2 12:9 - LAWA A BOO SONBORE

⁹ Sɛnɛ, a na á pɛ ma nɛ: «Maa bǐɛ̃-zɛnaa kɛ dinsɔɔ̃ tá n boe, a giala, man dɔmalɛ we n ne n pàãwɛɛnaabaa gɔ́ɔ̃ nɛ.» Bɛ lɛ n toɛ kanna, ma á n din kalɛɛ maa pàãwɛɛnaabaa gɔ́ɔ̃ nɛ, ń giɛ Krita a dɔmalɛ kɛ tá n koe ma lɛ.

LAWA A BOO SONBORE 2011

⁹ Sɛnɛ, a na á pɛ ma nɛ: «Maa bǐɛ̃-zɛnaa kɛ dinsɔɔ̃ tá n boe, a giala, man dɔmalɛ we n ne n pàãwɛɛnaabaa gɔ́ɔ̃ nɛ.» Bɛ lɛ n toɛ kanna, ma á n din kalɛɛ maa pàãwɛɛnaabaa gɔ́ɔ̃ nɛ, ń giɛ Krita a dɔmalɛ kɛ tá n koe ma lɛ.

Korɛnti2 12:9 Iomraidhean Croise

Kiin2 2:15

Lawa a boo gii-dalin mɛnɛn bɛ́ giã-n Zerikoo kiwi, bɛn nə́ goã ǹ nə́ Yiliizee yɛ ǹ yɔrɔ-a, ǹ nə́ tɔ́n pɛ: «Yiri mɛn goã Yilii la bɛ lɛ n Yiliizee la.» Ǹ nə́ daa n da lɛ, ǹ nə́ kaa tán a giulun,

Loen 8:2

Dɛnaa Lawa, wɔsɛn Mìinaa, asɛ nɛ, n tɔ golebaa tán tumaa pã! N kii golebaa ǹ loe lon pã á kiɛ̃.

Izayii 11:2

Dɛnaa Lawa Yiri n die goɛ̃ la: Yiridɛnaabaa laanka sii bɔbɔ kɔn lɛ ǹ yiri n die goɛ̃ a lon, daraa ka foo tãbaa ǹ yiri ni, Dɛnaa Lawa doɛ̃ laanka a guguru kɔ ǹ yiri ni.

Izayii 43:2

Ta ma n mu zuzulu kuri, ma tá kunun n ni. Ta ma n tà kuri, mu á re n kuĩ wa. Ta ma n tɔ we tɛ bii, a re n kuĩ wa. Tɛ buə̃ lɛwɔn ba re miɛ n-a wa.

Sofonii 3:17

Dɛnaa Lawa, n Lawa ta kunun n ni. A din nə gɔ̀lɔ̀ lɛa, a n gɔ̀lɔ̀ biɛ miɛ̃, a foo n kɔɔ̃nɛ n wɔ paǹ li. A kɔn-narɛɛ n nyin dii koe n la. A n foo kɔɔ̃n lɛ dii n din taman yii,

Matiə 28:18

Yezu nə́ n zɔ̃ á dɔ, á pɛ ǹ nɛ: «Lawa pàã tumaa kɔ ma la lon, á kɔ ma la tán.

Matiə 28:20

Ma dí mɛn tumaa pɛ ka nɛ, ka ǹ daraa ǹ ganaa ǹ nə ǹ nya. Ka dɔ̃: Ma á kun ka-n baraabaraa, yǎa kanaa a nya pinaa.»

Luku 21:15

A giala, masɛ dinmaa lɛ n die boo koe ka la, kaa zɔ́ɔ kɔ́n ná a ba boe la a bɛ liere kɔ wa, masɛ n die yiridɛnaabaa dɔ koe ka la, kaa zɔ́ɔ kɔ́n ná a ba boe la a kaa boo kìi yiɛ wa.

Korɛnti1 10:13

Ka damagɔ́ɔ̃li ǹ siin mɛnɛn yɛ, bɛn man nə́ n zɛnaa minbuiinin man miɛ̃ lɛlɛndun. Lawa n bɔlɔgoondɛnaa lɛa. A re toɛ damagɔ́ɔ̃li la ka pàã yii-n wa. A din tá re pàã koe ka la, ka boo la ka damagɔ́ɔ̃li lɛ si ka ganaa, ka tɔn pàã yɛ ka soo a nɛ.

Korɛnti1 15:10

Sɛnɛ, ma bɛ́ màn mɛn lɛa kanna, man bɛ lɛa Lawa a bǐɛ̃baa pàã ganaa. A bǐɛ̃ mɛn baa ma la, bɛ goã kooro wa. A giala dinin, mà má dí nya má la dia dí-a wole gialakunun kɛn lɛn tumaa nɛ. A taãnbaa li, Lawa a bǐɛ̃ mɛn bɛ́ kun ma nɛ, bɛ pàã nɛ, ma din wɔ bie wa.

Korɛnti1 2:3

Bɛ lɛ nɛ, má n din nyaa ka nɛ pàãwɛɛnaa lɛa, nyɛ́ɛ n ma ganaa, ma gɔ̀nɔn yii n bìn diɛ.

Korɛnti1 2:5

Bɛ na á n zɛnaa miɛ̃, màn mɛn bɛ́ toɛ, kaa goleemali baran goã doa-n minbuiinin sii-doɛ̃ ganaa wa, sɛnɛ, a goã doa-n Lawa a pàãdɛnaabaa ganaa.

Korɛnti2 11:30

Bɛ̀ á kɔnboe man din laakalaa, màn mɛn tumaa bɛ́ maa pàã wɛɛnaabaa nyɛɛ, ma nə n din laakalɛɛ ka bɛn nɛ.

Korɛnti2 12:1

Á kɔnboe man din kalaa, a laanɛ a siĩn wa. Sɛnɛ, Dɛnaa toa ma siin mɛnɛn yɛ, man die bɛn boo diɛ kanna.

Korɛnti2 12:10

Bɛ lɛ-n ma á n nyɛnyɛɛ maa pàãwɛɛnaabaa ǹ siin kɛn lɛa, ka sɔ kaa ma la nɛ, ka sii kakan ma yɛ nɛ, ka bɔ ma yii-n ni, ka taasiɛn nɛ, Krita a lɛa. A giala, bɛ̀ pàã wɛɛ̃ tá ma ganaa biikoo mɛn li, bɛ lɛ n maa kakabaa biikoo lɛa kəni.

Korɛnti2 12:15

Man boe ma din ni, má n ma gɔn màn tumaa koe ka la, ka ma din tumumaa dɔ nɛ. Bɛ̀ má màn da ka narɛɛ li, ka á re nyaabiɛ ma narɛɛ ganaa?

Korɛnti2 12:5

Bɛa min kɛ a lɛa, ma á boe la man din koa. Sɛnɛ, bɛ̀ masɛ a lɛa nɛ, man maa din-koa we maa pàãwɛɛnaabaa nɛ.

Efɛɛzi minin 3:16

Lawa a min bǐɛ̃baa á gole. Bɛ lɛ nɛ, ma tá a nyankoe máa a pàã kɔ ka la ka Yiri Fu barka nɛ, ń giɛ pàã á we kaa goleemali ni.

Filipi minin 4:13

Man boe la, ma á yɔ boe bɛa sii kɛ lɛ din tumaa ganaa, ka maa pàã kɔmala wole Krita barka nɛ.

Kolɔɔsi minin 1:11

Lawa die a toa ka pàã gole kɔ, ká a din a boo sii la laanka a din a Lawabaa ǹ pàãdɛnaabaa kɛ barka nɛ, màn mɛn bɛ́ toɛ, ka sii si ma-a laanka gɔ̀lɔ̀baa yɛ fuu tumaa gɔ́ɔ̃ nɛ,

Timote1 1:14

Sonbore ne, Dɛnaa bǐɛ̃ zɛnaa masɛ nɛ á la yii ni, á goleemali laanka kɔn-narɛɛ dɔ kɔ ma la á la yii ni, maa tá kun ka Yezu Krita-n lɛ taman yii.

Ebrəə 11:34

ǹ nə́ tɛ dadaran pàã nya, ǹ nə́ kirisibaa gɔya gɛ̀ ganaa. Ǹ nə́ goã pàã wɛɛnaan lɛa, ǹ pàã gole kɔ. Ǹ nə́ giĩbaa nyaa zia la, ǹ nə́ gána kɔsɔn zia-baalin loo.

Ebrəə 4:16

Bɛ lɛ taman yii, ka daa wɔ n tá nyɛɛnɛ ka foo-doa nɛ, wɔ n mɔrɔ Lawa a kii dankan lɛ ganaa, màn mɛn bɛ́ toɛ, Bǐɛ̃dɛnaa lɛ makara bɔ wɔ ganaa, a bǐɛ̃ zɛnaa wɔ nɛ, bǐɛ̃ mɛn bɛ́ re n doe wɔ lɛ wɔ laadoo biikoo li.

Zozoe 1:9

Ma din bie má pɛ n nɛ, máa n nə n gù we yii n nə n foo taã wa ya? N baran nyɛ́ɛ baa wa, n baran toa n gù gã wa. A giala, masɛ Dɛnaa Lawa mɛn lɛ á ke n Lawa lɛa, ń bɛ́ re woe bǎã woo bǎã nɛ, masɛ tá kunun n ni.»