Korɛnti2 12:4 - LAWA A BOO SONBORE

⁴ Maǹ nə́ giĩ lɛ saa ǹ nə́ woo-n yǎa Lawa a piɛ. Á tɔ́n boon ma walan, a ná a boe la á wusii á pii wa, ǹ nə́ ǹ ba lɛ koe minbuiin nɛ la, mà a wusoo a pɛ wa.

LAWA A BOO SONBORE 2011

⁴ Maǹ nə́ giĩ lɛ saa ǹ nə́ woo-n yǎa Lawa a piɛ. Á tɔ́n boon ma walan, a ná a boe la á wusii á pii wa, ǹ nə́ ǹ ba lɛ koe minbuiin nɛ la, mà a wusoo a pɛ wa.

Korɛnti2 12:4 Iomraidhean Croise

Ezekieli 31:9

Man má goã má a gùrùn mɔnaa, má siĩnbaa kɔ la nɛ. Edɛn dù gɔrɔ a dan lɛn tumaa, ǹ mɛnɛn nə goã Lawa a dù gɔrɔ lɛ nɛ, bɛn yii na á goã boe li.»

Ezekieli 8:3

Á màn kɔn dia ma la ka gɔn bɛ́ lɔn, á ma kũ ma mìi ka ganaa. Bɛ kio, Lawa a sii-nyaa gɔ́ɔ̃ nɛ, Lawa yiri ma saa lon, á woo ma nɛ Zeruzalɛmu. Wɔ ǹ kiɛnlɛ mɛn bɛ́ gɔ́ɔ̃ li, a yɔrɔ n dia-n gɔsɛ a lɛ̀gɔn la, a na á ma da tán walan. Ga Lawa lɛ li ǹ dì kɛ dɔ na á goã walan, Lawa bɛ́ a goã lɛ koe ǹ mɛn lɛ ganaa duduu wa.

Luku 23:43

Yezu ná a lɛ si: «Masɛ n pii ni sonbore, pelo kɛ lɛ din ni, n tá re goɛ̃ kun ka masɛ nɛ Lawa a piɛ.»

Nya ǹ dín 8:39

Ǹ bɛ́ ǹ nə́ soo ǹ nə́ n bɔ mu lɛ li, Yiri Fu Filipi saa. Giĩ lɛ yɛ a yii-n doo wa, sɛnɛ, a ná a zii gialakun kɛ tɔ wɔ ka nyɛnyɛɛ nɛ.

Korɛnti1 13:1

Haalɛ ta má minbuiinin bɔlɔ pɛ, má lon a dia dí-a wole dinin wɔ pɛ, bɛ̀ kɔn-narɛɛ ba ma lon wa, maa boo laakalaa lɛ a màn kɔ́n lɛa wa. A n goon ka màn wuu n boe, hinlaa ka fɔlɔ màn wuu bɛ́ lɔn.

Korɛnti2 12:2

A lɛ̀ fulusii n ke, má min goon dɔ̃, a n *Krita a min lɛa, a n sii-nyaa lɛa hinlaa, a n taãn lɛa hinlaa, ma a bɛ doɛ̃ wa, sɛnɛ, Lawa dinsɔɔ̃ n doɛ̃. Ǹ nə́ bɛa giĩ lɛ saa ǹ nə́ woo ne, yǎa lon gɔ́ɔ̃ giala-nyɔmɔɔ nɛ.

Tesaloniki1 4:17

Bɛ kio, wɔsɛn mɛnɛn bɛ́ re goɛ̃ wɔ yii n koo, wɔ dɔn tá re yui labaran la kunun ǹ ni, wɔ wo n da Dɛnaa lɛ lon. Bɛa yɔrɔ lɛ la, wɔ ǹ die goɛ̃ kun ka Dɛnaa din ni yǎa duduu.

Sii-nyaan 12:5

Lɔ lɛ ná a nɛ lɛ yɛ, nɛgiĩ lɛa, bɛa nɛgiĩ kɛ lɛ n die tɔrɔ din tumaa lɛduĩ ka fɔlɔ bàlà ná a gɔn. Ǹ nə́ nɛ lɛ saa ǹ nə́ woo koa Lawa li a kii dankan nɛ.

Sii-nyaan 2:7

«Too bɛ́ min mɛn lon, Lawa a Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma! «Min mɛn bɛ́ re gɔ̀lɔ̀ biɛ, ma á re lɛ koe la, yiikoonaabaa ǹ da mɛn bɛ́ Lawa a piɛ, a bɛa nɛ bii.»