Korɛnti2 12:2 - LAWA A BOO SONBORE

² A lɛ̀ fulusii n ke, má min goon dɔ̃, a n *Krita a min lɛa, a n sii-nyaa lɛa hinlaa, a n taãn lɛa hinlaa, ma a bɛ doɛ̃ wa, sɛnɛ, Lawa dinsɔɔ̃ n doɛ̃. Ǹ nə́ bɛa giĩ lɛ saa ǹ nə́ woo ne, yǎa lon gɔ́ɔ̃ giala-nyɔmɔɔ nɛ.

LAWA A BOO SONBORE 2011

² A lɛ̀ fulusii n ke, má min goon dɔ̃, a n *Krita a min lɛa, a n sii-nyaa lɛa hinlaa, a n taãn lɛa hinlaa, ma a bɛ doɛ̃ wa, sɛnɛ, Lawa dinsɔɔ̃ n doɛ̃. Ǹ nə́ bɛa giĩ lɛ saa ǹ nə́ woo ne, yǎa lon gɔ́ɔ̃ giala-nyɔmɔɔ nɛ.

Korɛnti2 12:2 Iomraidhean Croise

Kiin1 18:12

Sɛnɛ, ma bɛ́ re kiɛ̃ man bɔ n li lɔn gɔrɔ, táa Dɛnaa Lawa yiri n die n siɛ a wo n ne n wooǹ bǎã nɛ, bǎã mɛn bɛ́ masɛ n ma ba doɛ̃ wa, bɛ̀ má pɛ Akaabu ni, máa n tá kànaa, yǎa Akaabu kiɛ̃ a da bǎã kooro yaa, a n masɛ nyín boe. A da yaa a kũ maa tenmaa ganaa, man nyɛ́ɛ biɛ Dɛnaa Lawa yii ni.

Kiin1 8:27

Lawa á die boe la sonbore a tán baa a giã bǎã lɛa? Lon lɛ din laanka a golebaa nɛ, bɛ ba a giã ǹ bǎã boe wa, n tɔn kion kɛ pɛ má dɔ!

Kiin2 2:16

ǹ nə́ pɛ nɛ: «Á ke, n dí-nyalin lɛn bii, giĩ posooro kaka tan. Toa ǹ wo ga n dɛnaagiĩ lɛ li. Kɔntan Dɛnaa Lawa yiri lɛ na á saa á woo zũ kele kɔn la, hinlaa nyankɔrɔ lɛ kɔn nɛ.» Yiliizee pɛ ǹ nɛ: «Ka baran min dia wa.»

Loen 148:4

Kasɛn mɛnɛn bɛ́ lon sɔɔsɔɔ, ka loe lɔ ka a tɔ bɔ. Mun mɛnɛn bɛ́ labaran lalan, ka dɔn nə loe lɔ ka a tɔ bɔ.

Izayii 57:15

Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

Ezekieli 11:24

Lawa yiri daa ma saa á woo ma nɛ goa wolen lɛn li *Baabilonii gána nɛ. Lawa yiri na a bɛ nyaa ma nɛ sii-nyaa gɔ́ɔ̃ nɛ. Ma yii goã màn mɛn ganaa, bɛ daa á papaã á n bɔ ma lalan.

Ezekieli 43:5

Lawa yiri tɔ́n ma saa á woo ka ma nɛ sumu gɔ́ɔ̃ kɛ nɛ. Má yɛ, bɛ̀ Dɛnaa Lawa a gugurubaa á ke á kion lɛ pã.

Luku 24:51

A bɛ́ bɛa barka lɛ diɛ ǹ ganaa, á n na á n bɔ ǹ-a, á dii lon gɔ́ɔ̃ nɛ.

Zaã a sɛ́wɔ 6:56

Bɛ̀ min mɛn masɛ gɔ̀nɔn siĩ sɔ̃, á ma mà mi, man goɛ̃ kun ka bɛa dɛnaa nɛ, bɛa dɛnaa dɔ n goɛ̃ kun ka masɛ nɛ.

Nya ǹ dín 14:6

Sɛnɛ, Pooli laanka Barnabaasi bɛ́ ǹ nə́ bɛa sii kɛ lɛ dɔ̃, ǹ nə́ soo ǹ nə́ baa si ǹ nə́ woo Likawonii gána nɛ, ǹ nə́ wɔ Listrə laanka Dɛrbə kiwi, ka ǹ lɛkoro lɛ-a kiwin ni.

Nya ǹ dín 22:17

Ma bɛ́ má wusoo má daa Zeruzalɛmu, ma bɛ́ Lawa nyankoe Lawa a kion, ǹ kɔ́n pinaa, ma yii màn kɔ́n yɛ.

Rɔmu minin 16:10

Ma á fòo diɛ Apelɛsi ni, min mɛn bɛ́ á lɛ kɔ fuu ganaa Krita a lɛa. Ma á fòo diɛ Aristobulu a kion minin manɛ.

Rɔmu minin 16:3

Ma á fòo diɛ Prisili laanka Akilaasi ni. Maǹ ma miã dí nya kun wolen lɛa Yezu *Krita a dí lɛ nɛ.

Rɔmu minin 16:7

Ma á fòo diɛ Andronikisi laanka Zuniasi ni, ma din tɔrɔ minin manɛ, wɔ́ kòso dɔ zɛnaa kun. Lawa a dia dí-a wole sonboren manɛ, ǹsɛn dinin nə́ Dɛnaa lɛ wɔn baa masɛ nyɛɛnɛ.

Rɔmu minin 16:9

Ma á fòo diɛ Urbɛn nɛ, maa dí nya kun wole ne Krita tɔ lɛ a lɛa. Ma á fòo diɛ maa giaáragiĩ sonbore Sitakisi ni.

Rɔmu minin 8:1

Sisia kəni, min mɛnɛn bɛ́ kaa-n kun ka Yezu *Krita nɛ, dɔlɔ ba bɛn mìi-n doo wa.

Korɛnti1 1:30

Sɛnɛ, Lawa na á wɔ bíi, á wɔ kaa kun ka Yezu Krita nɛ. A din na á n baa sii-doɛ̃ lɛa, peperebaa nɛ, *yoreenbaa lɛa ka kirisibaa nɛ, wɔ nɛ.

Korɛnti2 11:11

Bɛ giala mà wàa? Man ma a ka narɛ wa? Lawa din tá doɛ̃ mà ma á ka narɛ.

Korɛnti2 13:5

Ka n dinin zɔɔ̃, ka n taasɛ ka ga a ganaa, bɛ̀ ka á goleemali gɔ́ɔ̃ nɛ. Ka á doɛ̃ mà Yezu Krita tá ka bii sɛn, ta mà lɔn? Yǎa tan, bɛ̀ ka a boe la ka a goleemali a siin zɛnɛɛ wa.

Korɛnti2 5:17

Bɛ̀ min golee Krita li, ǹ dɛnaa na á màn dii baa: a màn zizibaa nya, á ke, a n màn dii lɛa.

Korɛnti2 5:21

Sii baraa kɔ́n goã Krita li wa, sɛnɛ, Lawa na á wɔa sii baraan guĩ da a din lɛ mìi ni, ń giɛ, wɔ á min peperen biɛ asɛ din yɔrɔ-a Krita pàã ganaa.

Galaasi minin 1:22

Bɛa biikoo kɛ lɛ li, Krita a sɔmɔ min kɔ́n ba maa sii yɔrɔ doɛ̃ Zudee gána-n wa.

Galaasi minin 5:6

A giala, min mɛn bɛ́ Krita wɔ gɔ́ɔ̃ nɛ, kurii laanka kuriibaã a màn kɔ́n lɛa bɛa dɛnaa wɔ paǹ li wa. Màn mɛn bɛ́ màn lɛa, golee Yezu li ni, bɛ nə n nyaa ka miãn narɛɛ nɛ.

Efɛɛzi minin 4:10

Min mɛn bɛ́ á gisĩ, a din goon kɛ lɛ dɔ na á dii haalɛ lon sɔɔsɔɔ, ń giɛ á boe la a bǎã tumaa pã.

Timəə dí-pɛn 10:14

Ka ga le, lon laanka a golebaa tumaa nɛ, tán laanka a gɔ́ɔ̃gɔ́ɔ̃ ǹ mànan tumaa nɛ, kaa Lawa, Dɛnaa Lawa lɛ wɔn manɛ.

Tesaloniki1 4:17

Bɛ kio, wɔsɛn mɛnɛn bɛ́ re goɛ̃ wɔ yii n koo, wɔ dɔn tá re yui labaran la kunun ǹ ni, wɔ wo n da Dɛnaa lɛ lon. Bɛa yɔrɔ lɛ la, wɔ ǹ die goɛ̃ kun ka Dɛnaa din ni yǎa duduu.

Ebrəə 4:14

Wúlu-bɔlen kiã gole gole tá wɔ lon, á lon bii kuru á kiɛ̃ yǎa Lawa yɔrɔ-a: Lawa a Nɛgiĩ Yezu lɛ nɛ. Bɛ lɛ nɛ, wɔ bɛ́ pii wáa wɔ lɛ kɔ goleemali mɛn ganaa, ka daa wɔ n gɔn paraa bɛ ganaa parsiini.

Ebrəə 9:24

Sonbore, Krita bie á wɔ minbuiinin bǎã sonbore zɛnaa kɛ-n wa, bɛa minbuiinin wɔ a zɛnaa kɛ lɛ na á goã a taãn kɛ nyín kooro lɛa. Sɛnɛ, a na á wɔ lon dinmaa gɔ́ɔ̃ nɛ, màn mɛn bɛ́ toɛ, a n din nyaa kanna Lawa yɔrɔ-a wɔsɛn lɛa.

Sii-nyaan 1:10

Dɛnaa a lɛawaa pinaa, Lawa a Yiri Fu ma kũ, má lɛn gole goon ma ma kio, a wuu goã boe kaka ka bɛn lɛn bɛ́ lɔn.

Sii-nyaan 12:5

Lɔ lɛ ná a nɛ lɛ yɛ, nɛgiĩ lɛa, bɛa nɛgiĩ kɛ lɛ n die tɔrɔ din tumaa lɛduĩ ka fɔlɔ bàlà ná a gɔn. Ǹ nə́ nɛ lɛ saa ǹ nə́ woo koa Lawa li a kii dankan nɛ.

Sii-nyaan 4:2

Bɛ lɛ ganaa gɔrɔ, Lawa a Yiri Fu ma kũ á woo ma-n lon, má kii dankan goon yɛ tán, min kɔ́n nə́ giã-n la.