Korɛnti2 11:9 - LAWA A BOO SONBORE

⁹ Ma bɛ́ má goã kaa piɛ, bɛ̀ ma laadoo tá wɔrɔ ganaa, ma mɛnaa kaa min kɔ́n la wa. A giala, wɔ dɔɔ̃nɔn mɛnɛn nə bɔ Masedoanɛ, ǹ nə́ daa ma laadoo màn tumaa kɔ ma la. Man din kũ sii din tumaa gɔ́ɔ̃ nɛ, máa ma nyan goã guĩ lɛa ka mìi-n wa. Man tɔn die n din kuĩ miɛ̃.

LAWA A BOO SONBORE 2011

⁹ Ma bɛ́ má goã kaa piɛ, bɛ̀ ma laadoo tá wɔrɔ ganaa, ma mɛnaa kaa min kɔ́n la wa. A giala, wɔ dɔɔ̃nɔn mɛnɛn nə bɔ Masedoanɛ, ǹ nə́ daa ma laadoo màn tumaa kɔ ma la. Man din kũ sii din tumaa gɔ́ɔ̃ nɛ, máa ma nyan goã guĩ lɛa ka mìi-n wa. Man tɔn die n din kuĩ miɛ̃.

Korɛnti2 11:9 Iomraidhean Croise

Nehemii 5:15

Sɛnɛ pàãdɛnan mɛnɛn nə goã masɛ nyɛɛnɛ, bɛn man nə́ goã zaman lɛ nɔmiɛ̃, ǹ nə́ màn-bii laanka duvɛ̃ sii ǹ la, ka wɔrɔ pupusi dɔ nɛ. Haalɛ ǹ dí-nyalin dinin man nə́ goã pàã nyɛɛ zaman lɛ nɛ. Sɛnɛ masɛ, nyɛ́ɛ baa Lawa yii-n lɛ taman yii, ma bɛ miã zɛnaa wa.

Nya ǹ dín 18:3

Pooli laanka Akilaasi bɛ́ ǹ nə́ goã dí tɔrɔ goon nyɛɛ, mɔnaa kion zɛnaa ǹ dí ke, á woo giã ǹ li, á dí nya kunun ǹ ni.

Nya ǹ dín 18:5

Silaasi laanka Timote bɛ́ ǹ nə́ bɔ Masedoanɛ gána nɛ ǹ nə́ daa, Pooli boo la á n din kɔ Lawa a boo lɛ a pɛ ganaa taãn-taãnɛ. A n pii Zuifun lɛn manɛ, mà Lawa pɛ mà á re Nyin-sili mɛn diɛ, mà Yezu ni.

Nya ǹ dín 20:33

Masɛ yii bɔ min kɔ́n a wɔrɔ li wa, ka a sana nɛ ka a dɔnkɛ-n wa.

Rɔmu minin 15:26

A giala, Masedoanɛ laanka Grɛki gána a Lawa-nyankɔlen man a gialaa wɔrɔ boboe, ǹ nə́ die koe Zeruzalɛmu wɔn kɛn la doobaabaa gɔ́ɔ̃ nɛ.

Korɛnti1 16:17

Ma foo á kɔɔ̃nɛ Tefanaasi a lɛa, ka Fortunatusu ni, ka Akayikusu ni, ǹ da ma li kɛ taman yii. Ǹ nə́ ma dɔ̀ɔ̃ pii ka dòo.

Korɛnti2 6:4

Man sii tumaa zɛnɛɛ dinin, máa ǹ dɔ̃ mà Lawa a dí-nyali n ka ma nɛ. Man fuu sii ma ganaa parsiini ka foo-kũ ni. Sii kakan nə́ ma yɛ, ka gɔ́ɔ̃ bii ni.

Korɛnti2 9:12

A giala, bɛa dí kɛ lɛ ka á nyɛɛ, a bie Lawa a zaman dinsɔɔ̃ laadoo bǐɛ̃ koe wa, sɛnɛ, a n toɛ doo, barka gigiã nə n da Lawa nɛ.

Filipi minin 2:25

Má ga a ganaa, máa a n siĩni ma wusoo ma wɔ dɔɔ̃n Epafroditi dia ka li, asɛ mɛn bɛ́ á dí nya, á zia baa kun ma nɛ, ká dia mà a da ma laadoo mànan kɔ ma la.

Tesaloniki1 2:6

Wɔ bin ga tɔ li min kɔ́n li wa, haalɛ ka li, haalɛ min kɔsɔn li.

Tesaloniki1 2:9

Dɔɔ̃nɔn lɛn, wɔ dí mɛn nya, wɔ nɔmaa mɛn dɔ wɔ, táa ka dinin yiri tá bɛ nɛ. Wɔ n wɔ́ dí nya penleen laanka tèlò ne, màn mɛn bɛ́ toɛ, wɔ baran goã guĩ lɛa ka kɔ́n mìi ni, wɔa Lawa a Boo Tii Kɔɔ̃n kɛ a pɛ ka-n biikoo li wa.

Ebrəə 11:37

Ǹ nə́ ǹ dɛ kɔlɔn nɛ, ǹ nə́ ǹ wɔsɔ ka kàka nɛ, ǹ nə́ ǹ yayawaa ka gɔya nɛ ǹ nə́ gã. Maǹ nə́ goã bibiə̃ la, sère ki hinlaa bòe ki dɔnkɛn man nə́ goã ǹ ganaa, doobaabaa goã ǹ mìi ni, ǹ nə́ goã fuu yii, ǹ nə́ nɔmiɛ.