Korɛnti2 10:5 - LAWA A BOO SONBORE

⁵ Min mɛn tumaa a din gole kɔ bɛ́ a la yii ni, n dinin koɛ Lawa-doɛ̃ ganaa, wɔ ǹ bɛn tumaa gisĩ. Wɔ n min tumaa a taasiɛ kuĩ wɔ á golee ne, yǎa ǹ dɔn nə Krita a boo sii.

LAWA A BOO SONBORE 2011

⁵ Min mɛn tumaa a din gole kɔ bɛ́ a la yii ni, n dinin koɛ Lawa-doɛ̃ ganaa, wɔ ǹ bɛn tumaa gisĩ. Wɔ n min tumaa a taasiɛ kuĩ wɔ á golee ne, yǎa ǹ dɔn nə Krita a boo sii.

Korɛnti2 10:5 Iomraidhean Croise

Siin Giala 8:21

Dɛnaa bɛa wúlu màn gìĩ kɔ́ɔ̃n lɛ ma, á tɔ́n pɛ a din gɔ́ɔ̃ nɛ kɛnɛn: «Ma a re lɛn pipiã bíi tán li doo duduu, minbuiin nɛ a zɛnaa ǹ sii taman yii wa. Minbuiin nɛ n yui tán ka sii baraa zɛnaa nɛ a foo-n sɛn, sɛnɛ, ma a re dɔlɔ boe màn yiikoonaa tumaa ganaa doo duduu, ka ma bɛ́ má zɛnaa lɔn wa.

Kiin2 19:22

Ma n nə́ n sɔ kɔ die-a, ń wɔ a lon baraa? Ma n nə́ n lɛn saa lon die li, ń ga a ganaa ka din koa nɛ? Izirayeli a Lawa sonbore kɛ nɛ.

Kiin2 19:28

N foo mɛn yoo masɛ li ke, n din gole kɔ ǹ boo mɛn da má ma. Man die kaaran we n nyin ni, ma karafɔ wɔ n lɛ-n, n kɔ zii mɛn lɛ ń daa, ma bɛa zii saa n nɛ, ma wo n koa.

Zɔbu 42:6

Bɛ lɛ nɛ, ma nə n gɔ́ɔ̃ bii maa da ǹ boon lɛ-a, man lɛ koe maa san ganaa ma á n gɔ́ɔ̃ bii, ma giã tan tii laanka ton li foo ziziɛ̃ gɔn.

Loen 10:4

Min baraa nə n din gole koe, a ba giɛ Lawa li wa. A taasiɛ tumaa n ka kɛ nɛ: mà Lawa banban.

Loen 139:2

N tá maa waa tán laanka maa yoo doɛ̃. N din nə n toɛ sɔsɔɔ n tá maa taasiɛ doɛ̃.

Loen 18:27

Bɛ̀ min mɛn nə́ n gɔ́ɔ̃ kaa n nɛ, n dɔ nə n gɔ́ɔ̃ kiɛ bɛa dɛnaa nɛ. Sɛnɛ, bɛ̀ min mɛn nə́ n gɔ́ɔ̃ tii n-a, n dɔ nə ǹ dɛnaa kuĩ a gɔ́ɔ̃ tìbaa li.

Loen 18:44

Ń ma kanbaa zaman kɛa kɔn lɛ babaã ganaa. Ń ma koa tɔrɔn mìi la, tɔrɔn mɛnɛn dinin bɛ́ ma a ǹ doɛ̃ wa, ń ma koa bɛn mìi la.

Bɔ bɛ̀rɛbaa nɛ 5:2

Faarahɔn pɛ: «Dɛnaa lɛ n die lɛa, ma tɔn nə n too kɔ a boo ganaa, ma toa Izirayeli nɛnyaanan nə woo? Ma a Dɛnaa doɛ̃ wa, ma a toɛ Izirayeli nɛnyaanan nə woo wa.»

Suusun 15:26

Taasiɛ baraa tìĩ n boe ne Dɛnaa Lawa nɛ. Sɛnɛ, boo sonboren man kiɛ a foo la.

Suusun 24:9

Yiriwɛɛnaa a taasiɛ tumaa n doa nɛ sii baraa ganaa. Min mɛn bɛ́ yaa we sii tumaa ganaa, a tìĩ boemaa-n min tumaa nɛ.

Izayii 2:17

Min mɛnɛn yii bɛ́ lon bɛn tá re n mìi zumii. Min mɛnɛn bɛ́ n dinin gole koe, sìi á re bɛn kuĩ. Bɛa pinaa kɛ nɛ, Dɛnaa Lawa dinsɔɔ̃ n die tɔ goleebaa yii.

Izayii 55:7

Min baraan nə ǹ sii baraan kaa. Min mɛn bɛ́ baraa zɛnɛɛ, bɛa dɛnaa na a taasiɛ baraan kaa. Ǹ tumaa doamaa nɛ ǹ wusoo ǹ da Dɛnaa Lawa li. A giala, á re makara boe ǹ ganaa. Ǹ tumaa doamaa nɛ ǹ da wɔa Lawa li, a giala, a n sii baraan toɛ kooro.

Izayii 59:7

Ka gòã yii n fuu sii baraa zɛnaa ganaa. Ka nə n nanaɛ̃ woe yii tì-an mà kiɛ. Ka ǹ sii baraa zɛnaa dinsɔɔ̃ taasɛ. Ka bɛ boe bǎã mɛn tumaa nɛ, kakaarɛbaa laanka basaã nɛ.

Izayii 60:14

Min mɛnɛn nə fuu nyaa n nɛ, bɛn nɔ̀ɔnɔn tá re n mɔrɛɛ n ganaa, ǹ mìi n kuməə ne. Min mɛnɛn nə n baa màn kooro lɛa, bɛn tá re n musin koɛ tán-a n yɔrɔ-a. Ǹ tá re n bíi: «Dɛnaa Lawa a kiwi, Izirayeli a Lawa sonbore a *Siɔn.»

Zeremii 23:29

«Maa boo kɛ bie ka tɛ bɛ́ lɔn wa? A bie ka yele bɛ́ lɔn gɛ̀fu yui wa?» Dɛnaa Lawa a da ǹ boo ne.

Zeremii 4:14

Zeruzalɛmu, bɛ̀ n tá giɛ kirisibaa li, baraabaa pii n bɔ n foo ne. N nə n die n taasiɛ baraan kɛn toɛ n gɔ́ɔ̃ nɛ yǎa biĩ kəni?

Ezekieli 17:24

Bɛa biikoo li kəni, da mɛn tumaa bɛ́ don, ǹ tá re doɛ̃ mà ma din nə Dɛnaa Lawa lɛa. Da mɛn nə́ ke lon, ma din nə boe ma daa. Ǹ mɛn nə́ ke tán, ma din nə siɛ ma da lon. Da mɛn yii bɛ́ koo, ma din nə dii. Da mɛn bɛ́ á gã, ma din nə wusii ma a yii kaa. Masɛ Dɛnaa Lawa, bɛ̀ má boo mɛn da, man bɛ lɛ zɛnɛɛ.»

Matiə 15:19

A giala, taasiɛ naarɛn lɛn man boe a foo ne, bɛn lɛn man diɛ gɛ̀ dɛ ganaa, ka naarɛbaa nɛ, ka kɔrɔbaa nɛ, ka wurumubaa nɛ, ka soɛ-bɔ nɛ, ka min kɔsɔ tɔ ziziɛ̃ nɛ.

Luku 1:51

Sɛnɛ, min mɛnɛn bɛ́ n dinin gole koe, Lawa n die a din a pàãdɛnaabaa ǹ gɔn kɛ siɛ lon, a da ǹ bii a ǹ sasawaa.

Rɔmu minin 1:21

Ta ǹ nə́ Lawa dɔ̃, ǹ na a guguru kɔ Lawa lɛa wa, ǹ barka dɔ da-n wa. Ǹ taasiɛn nə́ kooro baa, ǹ nə́ n piã ka sii giala miɛ nɛ, ǹ gɔ́ɔ̃ tii.

Rɔmu minin 1:5

A din lɛ pàã ganaa, Lawa na á bǐɛ̃ baa masɛ la, á ma baa dia dí-a wole lɛa. Mà ma dí nya Yezu ni, ma tɔrɔ kɔsɔn tumaa nyɛɛnaan sabɔ, ǹ Lawa bɔlɔ si, ǹ goleemali wɔ.

Rɔmu minin 16:26

Sɛnɛ sisia, bɛa sonbore lɛ bɔ kanaa. Lawa a boo gii-dalin sɛ́wɔn nə́ nyaa, kanna, Lawa nyabaã lɛ din dùũ barka nɛ, bɛa sonbore lɛ bɔ kanaa, tɔrɔ kɔsɔn kɛn dɔn tumaa dɔ̃, màn mɛn bɛ́ toɛ, ǹ lɛ kɔ Boo Tii Kɔɔ̃n lɛ ganaa, ǹ Lawa bɔlɔ si.

Rɔmu minin 7:23

Sɛnɛ, man yii ma din ni, ma yiri bɛ́ dí-pɛn mɛnɛn li ke, pàã kɔsɔ na a tan, á n zia biɛ bɛa dí-pɛn kɛn lɛn ganaa. Bɛa pàã kɛ lɛ n ma biɛ sii baraa a bɛ̀rɛ lɛa, sii baraa mɛn bɛ́ ma gɔ̀nɔn nɛ.

Korɛnti1 1:19

Ka boo taãn nɛ, ǹ nə́ kiɛ̃ Lawa a sɛ́wɔ nɛ: «Masɛ Lawa á re yiridɛnan yiri ziziɛ̃, ma á re màn-dɔ̃len màn-doɛ̃ nyɛɛ.»

Korɛnti1 3:19

A giala, kanaa kɛ a sii-doɛ̃ n gàãnaabaa lɛa Lawa yii li. Taãn nɛ, ka a n pɛ Lawa a sɛ́wɔ-n lɔn, «Sii-dɔ̃lin sii-zɛnaan bɛ́ kan mɛn koe, Lawa n die ǹ kuĩ ka bɛa kan lɛ-n gɔrɔ.»

Korɛnti2 11:20

Ka ǹ lɛ koe mà ǹ ka lɛduə̃ ka bɛ̀rɛn bɛ́ lɔn, ǹ ka bebere ǹ ka gɔn mànan si ka la, ǹ ka yiri sã, ǹ ga ka ganaa màn bɔnboɛɛnɛn lɛa, ǹ ka dɛ ka yɔrɔ-a.

Korɛnti2 9:13

Ka bɛ́ n doe min mɛnɛn lɛ, ǹ gigiã á re Lawa tɔ gole koe. Ka bɛ́ dí nyɛɛ ka bɔlɔgoondɛnaabaa-n ka yɔrɔ mɛn nɛ, *Krita a Boo Tii Kɔɔ̃n kɛ gɔ́ɔ̃ nɛ, bɛ á re toɛ, ǹ barka da Lawa nɛ. Ka bɛ́ ka gɔn mànan gii kɔn-a ǹ nɛ, a n doe min kɔsɔn dɔn ganaa, ǹ tá re barka diɛ Lawa-n bɛ dɔ a lɛa.

Timəə dí-pɛn 15:9

Haya! Ka yiri bɔ, ka nyan toa ka taasiɛ kooron wɔ ka pɛ mà lɛ̀ sɔbaabaa ǹ wɔ lɛ, giɔ̀mɔ toa ǹ lɛ̀ lɛa, mà bɛ́ dɔ á nya wa. Ka baran n saa bɛa taasiɛ kɛ li, ka n yii baraa bɔ ka dɔɔ̃n doobaa li, ka nu ka màn nɛ wa. Bɛ̀ ká bɛ zɛnaa, bɛ̀ a n lɛ dɛ Dɛnaa Lawa ganaa, a n die sii baraa biɛ ka mìi ni.

Filipi minin 4:7

Là nyantoro mɛn bɛ́ á kiɛ̃ minbuiinin doɛ̃ tumaa la, Lawa á re bɛ koe ka la, á re ka foo laanka ka yiri lɛduĩ Yezu *Krita wɔbaa gɔ́ɔ̃ nɛ.

Tesaloniki2 2:4

Minbuiinin bɛ́ màn mɛn tumaa guguru koe, a n die n gòãn doɛ kɔn ka bɛ din tumaa nɛ, a zia da ǹ ganaa, yǎa a dinmaa die giɛ̃ tán Lawa a Kion, a pii mà asɛ n Lawa lɛa.

Tesaloniki2 2:8

Bɛa biikoo li, Lawa a Zɔ́ɔ lɛ á die n din nyɛɛ, sɛnɛ, bɛ̀ Dɛnaa Yezu soo lɔn gɔrɔ, a n die a din lɛ dii a yɔyɔrɛ ka a lɛ gɔ́ɔ̃ ǹ piɛ̃ nɛ, a toa a papaã duduu ka a din a gugurubaa kɛ a daa nɛ.

Ebrəə 4:12

Sonbore, Lawa a boo lɛ n boo yiikoonaa lɛa, pàã dɔ tá a nɛ, á lɛ boe á la gɔya paǹan paanan lɛbɔle tumaa nɛ. A n we min ni taãn-taãnɛ, yǎa a telenboen laanka yiri toɛ̃ kɔn, yǎa a gù kòròn laanka sɛwɔ toɛ̃ kɔn. A n min dùũ laanka a taasiɛ bǐɛ̃ boe kɔn lɛ ka a baraa nɛ.

Ebrəə 5:9

A daraa fuu gɔ́ɔ̃-n lɛ bɛ́ á nya, Yezu a sii tumaa lɛ pã, á n baa kirisibaa nyabaã wole kɛ a kɔle lɛa, a bɔlɔ-silin tumaa nɛ.

Piɛrɛ1 1:2

Díi Lawa din na á ka bɔ, á kɔnpɛ ka a din a saa lɛlɛ a sii yɔrɔ bɔ nɛ, á ka bɔ á ka koa ka gɔrɔn, a Yiri barka nɛ, màn mɛn bɛ́ toɛ, ka Yezu Krita bɔlɔ si, a mà lɛ *gɔ̀ bɔ ka ganaa. Lawa die a bǐɛ̃ gigiã zɛnaa ka nɛ, a là nyantoro gigiã dɔ kɔ ka la.

Piɛrɛ1 1:22

Kasɛn mɛnɛn bɛ́ ka lɛ kɔ Lawa a sonbore boo kɛ ganaa, ka yoreen kɔ ka bɛ nɛ, sisia kəni, ka á boe la sonbore, ka ka dɔɔ̃nɔn narɛ. Ka kɔn narɛ taãn-taãn ka ka foo din tumaa nɛ.