Korɛnti2 10:1 - LAWA A BOO SONBORE

¹ Masɛ Pooli dinmaa n kɛ pii ka nɛ, masɛ mɛn bɛ́, ǹ nə pii mà bɛ̀ ma á ka li, mà man min basiɛ̃ lɛa, sɛnɛ, mà bɛ̀ ma a ka li wa, mà man kakaarɛ ka ganaa. Man ka nyankoe ka *Krita a foo basiɛ̃ laanka a sonborebaa nɛ.

LAWA A BOO SONBORE 2011

¹ Masɛ Pooli dinmaa n kɛ pii ka nɛ, masɛ mɛn bɛ́, ǹ nə pii mà bɛ̀ ma á ka li, mà man min basiɛ̃ lɛa, sɛnɛ, mà bɛ̀ ma a ka li wa, mà man kakaarɛ ka ganaa. Man ka nyankoe ka *Krita a foo basiɛ̃ laanka a sonborebaa nɛ.

Korɛnti2 10:1 Iomraidhean Croise

Loen 45:4

Giĩ a nɛ, n gɔya sa saa n lɔɔ n ganaa, n siĩnbaa ǹ màn nɛ, n nyaǹ màn nɛ.

Zakarii 9:9

*Siɔn kiwi, bɛ̀ baa ka n we tumaa nɛ! Zeruzalɛmu minin, ka foo kɔɔ̃nbaa ǹ lɛ dɛ! Ga, n kii n die n li. A n pepere, gɔ̀lɔ̀ lɛa, a nə n din boɛɛn koe. A na á dii dundun la, dundun nɛ la, dundun dan a nɛ.

Matiə 11:29

Ma a kakaarɛ wa, ma a min puusə koe wa. Ma bɛ́ guĩ mɛn koe ka la ka bɛ lɛ si, ka maa doroo ma, piɛ̃ á re kiɛ ka ganaa.

Matiə 21:5

«Ka pɛ *Siɔn kele minin manɛ Zeruzalɛmu kiwi: Kaa kii á ke die ka li, á n din boɛɛn kɔ, á dii dundun dan la, ka a nɛ banɛɛ nɛ, dundun dan a nɛ lɛa.»

Nya ǹ dín 8:32

Giĩ lɛ bɛ́ á goã bǎã mɛn pii sɛ́wɔ lɛ nɛ, bɛ n ka kɛ nɛ: «Ká sère bɛ́ lɔn ǹ nə́ woe a bɔlɔ kuri, ka sère nɛ mɛn bɛ́ kiĩni a ka-kuruli gɔn, a dɔ n miɛ̃ a ba n lɛ buĩ á boo diɛ wa.

Rɔmu minin 10:20

Izayii sɛ din màn da á la bɛ nɛ: «Lawa mà minin mɛnɛn bɛ́ ǹ goã giɛ asɛ li wa, mà bɛn ná asɛ yɛ. Mà minin mɛnɛn bɛ́ ǹ goã nɔ̀n diɛ màn kɔ́n li wa, mà asɛ nə́ n din nyaa bɛn manɛ.»

Rɔmu minin 12:1

Dɔɔ̃nɔn lɛn, man ka nyankoe, Lawa a makara-doɛ̃ a lɛa, ka ka dinin kɔ Lawa la, *wúlu màn yiikoonaan lɛa, wúlu mànan mɛnɛn bɛ́ koa nɛ a din ni, ǹ nə́ kɔɔ̃n a ganaa. Bɛ lɛ n die goɛ̃ kaa Lawa guguru kɔ ǹ gɔn sonbore lɛa.

Rɔmu minin 15:15

Má sɛ́wɔ kɛ a paǹ tɛn kiɛ̃ ka boo kaka nɛ, a mìi n ka kɛ dinsɔɔ̃ nɛ: Ka bɛ́ màn mɛn doɛ̃ gɔrɔ ke lɛn, man ka yiri gisĩ bɛ nɛ. Lawa din bɛ́ á dí mɛn kɔ ma la, ká a din a bǐɛ̃ barka nɛ, bɛ n zii koe ma la ma á zɛnɛɛ miɛ̃.

Korɛnti1 2:3

Bɛ lɛ nɛ, má n din nyaa ka nɛ pàãwɛɛnaa lɛa, nyɛ́ɛ n ma ganaa, ma gɔ̀nɔn yii n bìn diɛ.

Korɛnti1 4:10

Wɔsɛn man gàãnaan lɛa Krita a lɛa; kasɛn man sii-dɔ̃lin lɛa, kaa tá kun ka Krita-n gɔ́ɔ̃ nɛ. Wɔsɛn man pàãwɛɛnaan lɛa, kasɛn man pàãdɛnan lɛa. Wɔsɛn man màn kooron lɛa, maǹ kasɛn guguru koe!

Korɛnti1 4:21

Ka ǹ kɛ mɛn boe kəni? Ma da ka ganaa ka bàbàla nɛ, hinlaa ma da ka ganaa ka kɔn-narɛ ǹ foo ne, ka foo-basiɛ̃ nɛ?

Korɛnti2 10:10

A giala, maǹ pii mà maa sɛ́wɔn lɛn tá guguru, ǹ nə́ kaka. Sɛnɛ, mà bɛ̀ ma tá ka li, mà ma pàã a tɛ wa, mà ma a boo dɔ diɛ doɛ̃ wa.

Korɛnti2 10:2

Bɛ̀ má daa ka li, ka nyan ma da kakaarɛbaa ǹ sii zɛnaa ganaa ka pàã-n wa. A giala, min mɛnɛn bɛ́ taasɛ, mà man maa siin zɛnɛɛ kanaa sii dinsɔɔ̃ a lɛa, ma á boe la ma kakaarɛbaa ǹ sii zɛnaa ǹ nɛ doɛ̃.

Korɛnti2 10:7

Ka ga siin ganaa doɛ̃. Bɛ̀ bɛ nɛ, bɛ̀ min mɛn golee li mà asɛ n Krita wɔ lɛa, ǹ dɛnaa nə n yiri koa kɛ li gɔrɔ. Masɛ dɔ n Krita wɔ lɛa ka a dɔ bɛ́ lɔn.

Korɛnti2 11:21

Bɛ a pɛ á sìi diɛ masɛ ganaa: má pàã wɛɛnaa baa kaa paǹ li! Bɛ̀ min pɛ mà asɛ á n din laakalɛɛ ka sii ni, masɛ dɔ a boe la, ta á daa yaa man boo diɛ ka n pɛ mà gàãnaa n ma nɛ.

Korɛnti2 11:30

Bɛ̀ á kɔnboe man din laakalaa, màn mɛn tumaa bɛ́ maa pàã wɛɛnaabaa nyɛɛ, ma nə n din laakalɛɛ ka bɛn nɛ.

Korɛnti2 12:5

Bɛa min kɛ a lɛa, ma á boe la man din koa. Sɛnɛ, bɛ̀ masɛ a lɛa nɛ, man maa din-koa we maa pàãwɛɛnaabaa nɛ.

Korɛnti2 3:12

Bɛa foo-doa kɛ lɛ miã bɛ́ ma lon, bɛ lɛ n ke ma á waa-n ma din la.

Korɛnti2 5:20

Man boo kɛ diɛ ka nɛ Krita bǎã nɛ, ka n pɛ mà Lawa dinmaa lɛ lɛ n boe ka bíi ka masɛ lɛ nɛ: Man ka gòã kuĩ ka Krita tɔ nɛ, ka lɛ kɔ ka n dinin kaa kun ka Lawa nɛ.

Korɛnti2 6:1

Ma bɛ́ dí nyɛɛ kun ka Lawa din ni, a bǐɛ̃ mɛn baa wɔ la, man ka nyankoe máa ka nyan toa, bɛ goã kooro wa.

Korɛnti2 7:4

Ma foo á doa-n ka ganaa parsiini, ma nə n nyɛnyɛɛ ka a lɛa dɔn parsiini. Maa fuun tumaa gɔ́ɔ̃ nɛ, man piɛ̃-n ka foo tãbaa nɛ, maa foo kɔɔ̃n kɔ kiɛ̃ a bǎã la.

Galaasi minin 4:13

Ka á doɛ̃ taãnɛ, mà ma bɛ́ Boo Tii Kɔɔ̃n kɛ pii ka-n bibinaanɛ, mà busu a lɛa nɛ.

Galaasi minin 5:2

Masɛ Pooli n pii ka nɛ, máa bɛ̀ ka toa ǹ nə́ ka kuru, Krita là kɔ́n ba yii ka ganaa doo wa.

Efɛɛzi minin 3:1

Bɛ lɛ taman yii, masɛ Pooli n Lawa nyankoe ka a lɛa. Masɛ n kòso-n Yezu *Krita taman yii, maa dí nya kasɛn tɔrɔ kɔsɔn nɛ kɛ a lɛa.

Efɛɛzi minin 4:1

Masɛ n kòso nɛ lɛa, maa Dɛnaa Yezu a dí-nyalibaa a lɛa. Man ka nyankoe, máa ka giã doɛ̃, a kɔnpɛ ka Lawa á ka bíi ǹ mìi kɛ nɛ.

Filipi minin 4:5

Ka sii zɛnaa ka foo-basiɛ̃-n min tumaa nɛ. Dɛnaa lɛ a daa a sɔsɔɔ doo wa.

Kolɔɔsi minin 1:23

Sii goon dinsɔɔ̃ n ke, ka doamaa-n ka goã doa-n golee Lawa li gɔ́ɔ̃ nɛ, ka baran toa min ka na, a ka bɔ kaa foo-doa kɛ ganaa wa, ka foo-doa mɛn lɛ yɛ Boo Tii Kɔɔ̃n kɛ a miɛ gɔ́ɔ̃ nɛ. Bɛa Boo Tii Kɔɔ̃n kɛ lɛ, á n pɛ kanaa min din tumaa nɛ, Lawa na á masɛ Pooli dia bɛ lɛ nyɛɛ.

Tesaloniki2 3:17

Ma din Pooli gɔn na á fòo-diɛ kɛ kiɛ̃. Ma gɔn bǎã n ka bɛ nɛ, maa sɛ́wɔn dinin tumaa nɛ; ma din a sɛ́wɔ kiɛ̃ nɛ.

Filemɔn 1:19

Masɛ dinmaa Pooli n bǎã kɛ kiɛ̃, ka ma din gɔn nɛ, ma á nyɛɛ n nɛ, máa ma á re sarɛɛ. Mìi ba la, masɛ nyaa n nɛ, mà maa giɔ̀mɔ tá n ganaa wa, a giala bɛa giɔ̀mɔ lɛ, n dinmaa nɛ.

Filemɔn 1:9

Sɛnɛ, ma a re zɛnɛɛ miɛ̃ wa, màn mɛn bɛ́ soɛ, man die n nyankoe ka sii goon ne, wɔ bii gɔ́ɔ̃ ǹ kɔn-narɛɛ kɛ a lɛa. Masɛ Pooli nə n nyankoe, masɛ mɛn bɛ́ giĩ gole lɛa, ka bɛ dɔ nɛ, man kòso-n sisia Yezu Krita a lɛa,

Piɛrɛ1 2:11

Ma dɔɔ̃n narɛɛ wolen lɛn, kasɛn mɛnɛn bɛ́ gùlin laanka tiin lɛa kanaa kɛ nɛ, man ka nyankoe, ka ka dinin kũ dùũ sii babaraan kɛn ganaa, dùũ siin mɛnɛn bɛ́ zia biɛ biikoo tumaa li telenboen ganaa.

Sii-nyaan 1:9

Masɛ Zaã, man ka dɔɔ̃n lɛa, man kun ka nɛ kaa fuun gɔ́ɔ̃ nɛ, ma nə́ n yii diɛ *Lawa a kiibaa kɛ a daa la, ma nə foo kuĩ, a giala man doa kɔn Yezu ni kun ka nɛ. Man gùli lɛa Patmɔsi gána nɛ, mu nə ǹ mɛn lɛ da bii, a giala mà man Lawa a boo diɛ, ka taãn pɛ kɛ nɛ Yezu nyaa ma nɛ.