Kiin2 9:7 - LAWA A BOO SONBORE

⁷ N dɛnaagiĩ Akaabu lɛ, n die n bɛa kion minin dɛ. Masɛ a dí-nyalin kɛn maa boo gii diɛ, Zezabɛli bɛn mà mɛn kaa tán, ma á die bɛa dòo boe. A maa dí-nyali gialakunun mɛnɛn dɔn mà kaa tán, ma á die bɛ dɔ dòo boe.

LAWA A BOO SONBORE 2011

⁷ N dɛnaagiĩ Akaabu lɛ, n die n bɛa kion minin dɛ. Masɛ a dí-nyalin kɛn maa boo gii diɛ, Zezabɛli bɛn mà mɛn kaa tán, ma á die bɛa dòo boe. A maa dí-nyali gialakunun mɛnɛn dɔn mà kaa tán, ma á die bɛ dɔ dòo boe.

Kiin2 9:7 Iomraidhean Croise

Kiin1 18:4

Zezaabeli bɛ́ Dɛnaa Lawa a boo gii-dalin lɛn dii ǹ mɛn wàaraa, Obadia lɛ na á goã á Lawa a boo gii-dali paabiɛ kũ á ǹ duru kele yala paa gɔ́ɔ̃ nɛ min poposooro. Á goã màn-bii laanka mu koe ǹ la.

Kiin1 21:15

Zezabɛli bɛ́ á ma, mà ǹ nə́ Naabɔti dɛdɛ ka kɔlɔn nɛ, á gã, á tɔ́n pɛ Akaabu ni: «Naabɔti bɛ́ á goã ǹ piɛ̃ mà a ba rezɛ̃ da wuru mɛn koe n la wɔrɔ ganaa wa, yoo n bɛ si n baa n wɔ lɛa sisia, a giala, Naabɔti lɛ yii ba koo doo wa, á gã.»

Kiin1 21:21

Bɛ lɛ nɛ Dɛnaa Lawa pɛ: «Man die koe boe n ganaa, man die n nafoɛ̃ ma n bɔ bii-a. Man die n bɛ̀rɛn dii ka min mɛnɛn bɛ́ ǹ ba bɛ̀rɛn lɛa wa, ma ǹ bɔ n sumu-n.

Kiin1 21:25

Min kɔn din yɛ, á n din kɔ dí baraa nya la, Dɛnaa Lawa yɔrɔ-a, ka Akaabu bɛ́ lɔn wa. A giala, a lɔ Zezabɛli lɛ na á goã sɔmɛ diɛ a zɛnaa ganaa.

Kiin2 10:10

Ka dɔ̃ kəni, mà Dɛnaa Lawa a boo goon ba re goɛ̃ kooro lɛ pã baã wa. A boo mɛn yii da Akaabu a kion minin wɔ paǹ li, bɛ goon ba re goɛ̃ kooro lɛ pã baã wa. Dɛnaa Lawa na a dí-nyali Yilii da boo mɛn pɛ ganaa, á bɛ lɛ pã.

Kiin2 10:11

Bɛ kio, min mɛnɛn tumaa bɛ́ tɔn nə ǹ tan Zizereyɛli kiwi, Akaabu a kion minin lɛa, Zewu nə́ ǹ yii dɛ. Akaabu a min dadaran tumaa nɛ, a kɔn doɛ̃ wolen ne, a wúlu-bɔlen ne, Zewu bɛn kɔn yii toa koo wa.

KZS2 22:7

Lawa bɛa yiikɔmaa lɛ baa koe lɛa Ahaazia ganaa. Sonbore, a bɛ́ á dɔ lɔn gɔrɔ, Ahaazia laanka Zoramu woo n da Nimisi a nɛgiĩ Zewu lɛ. Yǎa Dɛnaa Lawa na á Zewu bɔ á koa kii lɛa mà a Akaabu a kion minin nyin bɔ.

Zeremii 26:5

Ka n too kɔ maa dí-nyali, Lawa a boo gii-dalin kɛn lon. Má goã má ǹ dia ka la gunyin damata sɛnɛ, ka n too kɔ ǹ lon wa.

Matiə 23:35

Bɛ lɛ n toɛ, ka digolon nə Lawa bɔlɔ-silin mɛnɛn dɛ kooro, a saa Lawa bɔlɔ-sili Abeli a dɛ biikoo ganaa a wo Baraaki a nɛgiĩ Zakarii a dɛ biikoo yaa, ǹ nə ǹ mɛn dɛ Lawa a kion, Lawa laanka a wúlu-bɔlen kɔn yɛ ǹ bǎã laanka *wúlu bɔ ǹ bǎã bii ni, bɛ lɛ din tumaa a dɔlɔ á die kasɛn kɛn lɛn kuĩ.

Rɔmu minin 12:19

Ma dɔɔ̃nɔn lɛn, ka dinin baran kaa gɛ̀ dòo bɔ wa, sɛnɛ, ka toa Lawa bɔ, a giala, a tá kiɛ̃ nɛ: «Masɛ din nə gɛ̀ dòo boe, masɛ din nə dòo sarɛɛ. Dɛnaa a da ǹ boo ne.»

Rɔmu minin 13:4

Goledɛnaa lɛ n dí nyɛɛ Lawa nɛ, màn mɛn bɛ́ toɛ, a n da bǐɛ̃ zɛnaa ganaa. Sɛnɛ, bɛ̀ n tá sii baraa zɛnɛɛ, n doamaa nɛ n nyɛ́ɛ baa pàãdɛnaa nɛ, a giala, dɔlɔ bɔ ǹ pàã lɛ bie a gɔn kooro wa. A n Lawa a dí-nyali lɛa, á Lawa a foo-yoo ǹ dɔlɔ diɛ sii babaraa-zɛnaalin mìi ni.

Timəə dí-pɛn 32:35

Ma din nə gɛ̀ dòo boe, ma din nə dòo sarɛɛ. Bɛ̀ ǹ nə́ sã ǹ nə́ wɔ ma lon ǹ mɛn pinaa, ǹ bɔ̀n baa pinaa na á dɔ. Sii mɛn nə n yɔrɔ bɔ ǹ wɔ lɛa, bɛa re n lɔloɛ wa.

Timəə dí-pɛn 32:43

Tɔrɔn lɛn, ka n nyɛnyɛɛ kun ka Dɛnaa a zaman nɛ. A giala, a n die a dí-nyalin lɛn gɛ̀ dòo boe, a n die dɔlɔ diɛ a zɔ́ɔn lɛn mìi ni. Sɛnɛ, á re a gána lɛ laanka a minin lɛn sii baraan sawɛɛ.

Ebrəə 10:30

Sonbore, Lawa mɛn boo kɛ da, wɔ á bɛ doɛ̃: «Ma din nə gɛ̀ dòo boe, ma din nə dòo sarɛɛ.» Á pɛ doo: «Ma din Dɛnaa á re kiri kuri maa zaman la.»

Sii-nyaan 18:20

Lon mànan lɛn, ka n nyɛnyaa a ziziɛ̃ kɛ a lɛa! Lawa a minin ni, ka a dia dí-a wolen ne, ka a boo gii-dalin ni, ka n nyɛnyaa! A giala a bɛ́ á sii baraa mɛn zɛnaa ka nɛ, Lawa na á bɛ lɛ a kiri kuru la.

Sii-nyaan 19:2

A kiri-kurii n taãnɛ, a n pepere! Naarɛbaali gole mɛn bɛ́ á goã kanaa tumaa yiri ziziɛ̃, ka a din kũ doɛ̃baã sii ni, á kiri wɔ bɛ ganaa. Á dɔlɔ bɔ a ganaa, a giala mà á Lawa dí-nyalin dɛ lɛlɛ ǹ nə́ gã.»

Sii-nyaan 2:20

«Sɛnɛ, ma lɛ bɛ́ n li ka sii mɛn nɛ, bɛ á ke: Lɔ kɔrɔ Zezabɛli a sii á kúu biɛ n nɛ, asɛ lɔ mɛn bɛ́ n din biɛ Lawa a boo gii-dali lɛa. A din nə maa dí-nyalin siɛ̃, mà ǹ nə n dinin kɔ kɔrɔbaa la, ǹ dì wúlu bɔ ǹ siĩn dɔn sɔ̃.