Kiin2 9:27 - LAWA A BOO SONBORE

²⁷ Zudaa gána a kii Ahaazia bɛ́ á bɛ yɛ, á Bɛti-Gan zii saa á baa si á woo. Sɛnɛ, Zewu ná a kio loo á pɛ mà ǹ na a dɔ dɛ! Ǹ nə́ tɔ́n dɛ a wotoro ne, ǹ nə́ busu da a ganaa, bɛ á zɛnɛɛ, bɛ̀ a n zii la woe Guuru kele la kunu Yiibleyamu kiwi ganaa. Á baa si á woo Megidoo, á gã walan.

LAWA A BOO SONBORE 2011

²⁷ Zudaa gána a kii Ahaazia bɛ́ á bɛ yɛ, á Bɛti-Gan zii saa á baa si á woo. Sɛnɛ, Zewu ná a kio loo á pɛ mà ǹ na a dɔ dɛ! Ǹ nə́ tɔ́n dɛ a wotoro ne, ǹ nə́ busu da a ganaa, bɛ á zɛnɛɛ, bɛ̀ a n zii la woe Guuru kele la kunu Yiibleyamu kiwi ganaa. Á baa si á woo Megidoo, á gã walan.

Kiin2 9:27 Iomraidhean Croise

Kiin1 21:2

Ǹ kɔn pinaa, Akaabu pɛ Naabɔti ni: «N rezɛ̃ da wuru lɛ kɔ ma la ma baa dù we kaa ǹ bǎã lɛa, a giala, a ba sɔsɔɔ maa piɛ ganaa wa. Ma á re rezɛ̃ da wuru kɔsɔ koe a dòo. Bɛ á siĩni á la kɛ nɛ. Hinlaa bɛ̀ n tá li, ma á boe la ma wɔrɔ kɔ n la, a giɔ̀mɔ lɛa.»

Kiin1 4:12

Ayiwudu a nɛgiĩ Baanaa na á goã Tanaaki laanka Megidoo mìi la, ka Bɛti-Seyan gána tumaa nɛ, gána lɛ n boe Zarɛtan genli, Zizereyɛli kiwi a gusin a lɛ̀gɔn la, a wo Abeli-Mewolaa kiwi yaa, a kiɛ̃ a woo yǎa a Yokmeyaa kiwi niɛ̃.

Kiin2 10:4

Nyɛ́ɛ nə́ ǹ kũ parsiini, ǹ nə́ tɔ́n pɛ kɔn nɛ: «Á ke, kii min paa din boo la ǹ nə́ golee a nyɛɛn wa, wɔsɛn dininmaan kɛn man die boe la wɔ golee?»

Kiin2 11:1

Ataalii lɛ, Ahaazia ǹ dan lɛa, a bɛ́ á yɛ mà a nɛgiĩ lɛ gã, á yoo á kii lɛ tɔrɔn tumaa bɔ̀n baa.

Kiin2 12:1

Zoasi bɛ́ kii biɛ, bɛ̀ a lɛ̀ sɔbaa nɛ.

Kiin2 12:21

Zoasi a dí-nyalin nə́ yoo ǹ nə́ n gòãn dii ǹ ná a bɔ a daa sii yɔrɔ bɔ. Ǹ nə́ Zoasi dɛ á gã Bɛti-Miiloo kunu Silaa zii ganaa.

Kiin2 14:19

Ǹ nə́ goã ǹ nə́ ga Amasiya lɛ a dɛ ǹ gɔn li Zeruzalɛmu kiwi, á tɔ́n baa si á woo Lakiisi. Sɛnɛ ǹ ná a basa bɔ ǹ nə́ woo dɛ Lakiisi lɛ nɛ.

Kiin2 21:23

Kii Amɔn lɛ a dí-nyalin nə́ ga a bɔ a daa ǹ gɔn li, ǹ nə́ dɛ a piɛ, a kii kion.

Kiin2 8:29

Siirii minin lɛn gɔn nə Zoramu kũ a paǹan mɛnɛn ganaa Ramaa kiwi, bɛ̀ a bɛ́ zia lɛ biɛ kɔn ka Siirii gána a kii Azayeli lɛ nɛ, Zoramu lɛ nə́ n bɔyaa, á daa dagòã da bɛn ganaa Zizereyɛli kiwi. Zoraamu a nɛgiĩ Ahaazia lɛ, Zudaa gána a kii lɛa, bɛ daa n yii kɔ Akaabu a nɛgiĩ Zoramu lɛ ganaa Zizereyɛli, a busu lɛ taman yii.

Suusun 13:20

Bɛ̀ n koa kun ka sii-dɔ̃li ni, ma n sii-dɔ̃li biɛ. Bɛ̀ n koa kun baãnaa nɛ, n tá re nɔmaa we.

Minin nimi 16:26

Muizu pɛ zaman lɛ nɛ: «Ka n zɔ̃ ka n bɔ bɛa min baraan kɛn lɛn mɔnaa zìãn ganaa, ka baran toa ka n gɔn da ǹ màn kɔn ganaa wa. Bɛ bie wa, ka dɔn man die giɛ̃ bɛa min baraan kɛn lɛn sii baraan lɛn tumaa taman yii.»

Korɛnti2 6:17

Bɛ lɛ a lɛa nɛ, Dɛnaa pɛ: «Ka n bɔ ǹ li ka goã ka gɔrɔn, màn mɛn bɛ́ a yoreen ma, ka nyan wo bɛ wɔlɔ li wa, masɛ din tá re ka kuĩ doɛ̃.

Zozoe 17:11

Isakaara tɔrɔn laanka Asɛɛrɛ tɔrɔn bǎã nɛ, Bɛti-Seyan kiwi laanka a lɛkoro lɛ-a bǎãn man nə́ dɔ Manaasee tɔrɔn lɛn ganaa, Yibuleyamu laanka a lɛkoro lɛ-a bǎãn nɛ, Dɔɔrɔ kiwi ni, Ɛn-Dɔɔrɔ nɛ, Tanaaki ni, Megidoo kiwi laanka a lɛkoro lɛ-a bǎãn nɛ, kiwi sɔɔ.

Sii yɔrɔ-bɔlen 1:27

Manaasee tɔrɔn nə boo la ǹ nə́ Bɛti-Seyan kiwi minin laanka a kio kiwin kɛn minin loo wa. Tanaki kiwi laanka a kio kiwin ni, Dɔɔrɔ kiwi laanka a kio kiwin ni, Zibleyia kiwi laanka a kio kiwin ni, Megidoo kiwi laanka a kio kiwin ni, ǹ bɛn kɔn a minin loo wa. Kanaan minin nə́ wusoo ǹ nə́ n zɔ̃ ǹ nə́ giã bɛa gána lɛ nɛ.

Sii yɔrɔ-bɔlen 5:19

KIIN nə́ daa zia baa, Kanaan kii nə́ zia baa Tanaaki kiwi, Megidoo tà lɛ-a. Haalɛ wɔrɔ goone, ǹ saa zia la ǹ nə́ daa-n wa.