Kiin2 9:17 - LAWA A BOO SONBORE

¹⁷ Bǎã-lɛduə̃li mɛn goã doa nɛ Zizereyɛli kiwi a kungɔn la, bɛ Zewu a sɔraasin yɛ die, á n toa: «Ma yii á sɔraasi kɔnɔn ganaa.» Zoramu nə́ n toa: «Sùidɛnaa goon bɔ n dia, a wo nɔ̀n da ǹ la, mà bǐɛ̃ nɛ?»

LAWA A BOO SONBORE 2011

¹⁷ Bǎã-lɛduə̃li mɛn goã doa nɛ Zizereyɛli kiwi a kungɔn la, bɛ Zewu a sɔraasin yɛ die, á n toa: «Ma yii á sɔraasi kɔnɔn ganaa.» Zoramu nə́ n toa: «Sùidɛnaa goon bɔ n dia, a wo nɔ̀n da ǹ la, mà bǐɛ̃ nɛ?»

Kiin2 9:17 Iomraidhean Croise

Samayeli2 13:34

Abusalɔn nə́ n gòã da baa nɛ. Ǹ tɔntɔraa mɛn koa mà a bǎã lɛduə̃, bɛ nə́ n yii saa á ga. Zii mɛn bɛ́ a kio, dia-n woe kele kɛ la, bɛ̀ zaman gigiã á ke boe walan die.

Samayeli2 18:24

Bɛa biikoo li, bɛ̀ Davida á giã-n tán kiwi lɛ a wɔ ǹ kiɛnlɛ màn paa kɛ bii. Wɔlɔ-lɛduə̃li woo dii kungɔn la kiɛnlɛ baãbii, á n yii saa á ga, bɛ̀ giĩ goon bɛ́ baa sii a dinsɔɔ̃.

Kiin1 2:15

Adoniya tɔ́n pɛ kɛnɛn: «N dinmaa lɛ á doɛ̃, bɛ̀ a na á goã, bɛ̀ kiibaa lɛ n doe masɛ din ganaa. Izirayeli gána kuturu yii na á goã masɛ la, mà ma kii baa. Sɛnɛ, kiibaa lɛ ma lɛ bɔ á da, á kiɛ̃ á woo ma dɔɔ̃ngiĩ li. A na á kiibaa lɛ yɛ ka Dɛnaa Lawa foo sii ni.

Kiin2 7:14

Ǹ nə́ tɔ́n sùin lɛn kũ, ka ziabaa ǹ wotoro màn paa nɛ, kii lɛ minin dia ǹ nɛ Siirii sɔraasin lɛn basa la. A bɛ́ ǹ diɛ, a ná á pɛ ǹ nɛ mà ǹ wo ga!

Kiin2 9:11

Zewu soo á woo a dɛnaagiĩ a dí-nyalin lɛn li, ǹ nə́ nɔ̀n da la: Bǐɛ̃ tan? Wàa na á baa kɛa gàãndɛnaa kɛ daa n li? Á ǹ lɛ si: Ka dininmaan tá giĩ lɛ laanka a da ǹ boo doɛ̃.

Kiin2 9:16

Bɛ kio, Zewu wɔ a wotoro ne, á woo Zizereyɛli. Zoramu dɔ goã busu koe tán walan lɛ nɛ. Zudaa gána a kii Ahaazia daa n yii kɔ a ganaa.

Kiin2 9:18

Sùidɛnaa lɛ woo ǹ li á pɛ mà kii n nɔ̀n diɛ mà bǐɛ̃ nɛ? Zewu ná a lɛ si kɛnɛn: «Ta bǐɛ̃ nɛ, ǹ mɛn na a bǎã nɛ? Kiɛ̃ n kɔ ma kio lɛ.» Bǎã-lɛduə̃li lɛ tɔn pɛ: Dí-pɛli lɛ woo yǎa á dɔ ǹ li, sɛnɛ, a ba n bɔyɛɛ á die wa.

Kiin2 9:19

Kii lɛ sùidɛnaa kɔsɔ dia, a dɔ woo yǎa ǹ li, á n toa: «Kii n nɔ̀n diɛ, mà bǐɛ̃ nɛ?» Zewu ná a lɛ si kɛnɛn: «Ta bǐɛ̃ nɛ, ǹ mɛn na a bǎã nɛ? Kiɛ̃ n kɔ ma kio lɛ.»

Izayii 56:10

Izirayeli a wɔlɔ-lɛduə̃lin tumaa n yii tere-an lɛa. Ǹ ba sii kɔn doɛ̃ wa. Ǹ tumaa n gin lɛ tere-an lɛa, ǹ ba boe la ǹ tá gisĩ dinin wa. Maǹ waa-n tán ǹ nə́ n narɛ. Nyuù n kɔɔ̃nɛ ǹ ganaa.

Izayii 62:6

Zeruzalɛmu, má bǎã-lɛduəlin koa n kungɔnɔn la. Penleen ka tèlò-n, ǹ ba re n lɛ tiɛ̃ wa. «Kasɛn lɛ̀ waa ma yii n koo wolen lɛn, ka ǹ Dɛnaa Lawa yiri gisĩ Zeruzalɛmu ni, ka nyan nə n susu duduu wa!

Samayeli1 16:4

Dɛnaa Lawa boo mɛn pɛ, Samayeli bɛ zɛnaa. Á dɔ Bɛtlehɛmu kiwi. Kiwi lɛ a min golen nə́ n da lɛ, bɛ̀ ǹ gɔ̀nɔn tá bìn diɛ. Ǹ nə́ nɔ̀n da la: «Bǐɛ̃ nɛ, ń daa a ganaa?» Á ǹ lɛ si mà hiĩ, mà bǐɛ̃ nɛ.

Samayeli1 17:22

Davida nə́ n yu ka a guĩ ni, min mɛn bɛ́ guĩn lɛduĩ, á toa bɛ gɔn. Bɛ kio, á baa si á woo zia bǎã lɛ nɛ. A dɔmaa nɛ, á woo fòo da ǹ golon lɛn manɛ.