Kiin2 9:14 - LAWA A BOO SONBORE

¹⁴ Zozafati a nɛgiĩ Zewu lɛ, Nimusi a nɔ̀ɔn lɛa, bɛ ga Zoramu bɔ a daa ǹ gɔn li. A bɛ́ bɛ zɛnɛɛ ǹ mɛn waáraa, bɛ̀ Zoraamu lɛ laanka Izirayeli minin tumaa na a gialaa zia biɛ Ramɔti kiwi Galaati gána nɛ. Maǹ nə́ goã bɛa zia lɛ biɛ kɔn ka Siirii gána a kii Azayeli ni.

LAWA A BOO SONBORE 2011

¹⁴ Zozafati a nɛgiĩ Zewu lɛ, Nimusi a nɔ̀ɔn lɛa, bɛ ga Zoramu bɔ a daa ǹ gɔn li. A bɛ́ bɛ zɛnɛɛ ǹ mɛn waáraa, bɛ̀ Zoraamu lɛ laanka Izirayeli minin tumaa na a gialaa zia biɛ Ramɔti kiwi Galaati gána nɛ. Maǹ nə́ goã bɛa zia lɛ biɛ kɔn ka Siirii gána a kii Azayeli ni.

Kiin2 9:14 Iomraidhean Croise

Kiin1 15:27

Isakaara tɔrɔ, Ayia a nɛgiĩ Bayesaa ga Naadaabu bɔ a daa ǹ gɔn li. Naadaabu laanka Izirayeli minin tumaa bɛ́ ǹ nə́ goã Filisiti minin kiwi Guibetɔn kɛ gialaa, ǹ nə́ die kuĩ, bɛa biikoo lɛ nɛ, Bayesaa gɔn dɔ Naadaabu ganaa á dɛ.

Kiin1 16:16

Ǹ bɛ́ ǹ nə́ ma, mà Zimri ga kii bɔ a daa ǹ gɔn li, mà á dɛ dinin, a din pinaa lɛ nɛ, ǹ giã ǹ bǎã nɛ, Omrii mɛn nə́ ke sɔraasin goledɛnaa lɛa, Izirayeli kuturu bɛ koa Izirayeli a kii lɛa.

Kiin1 16:7

Dɛnaa Lawa a boo mɛn lɛ yɔrɔ bɛ́ dia-n Bayesaa laanka a kion minin la, Anaanii a nɛgiĩ Zewu, Lawa a boo gii-dali lɛ na á bɛ pɛ, Bayesaa a sii baraan taman yii, a wɔ Dɛnaa Lawa lon ka ǹ mɛnɛn lɛn nɛ. A sii baraa mɛn zɛnaa ka Zeroboamu goã á zɛnaa lɛlɛ lɔn, a bie á Dɛnaa Lawa foo busu ka bɛ dinsɔɔ̃-n wa, a Zeroboamu a kion minin dɛ kɛ dɔ sii tá a nɛ.

Kiin1 16:9

A dí-nyali Zimri mɛn bɛ́ a ziabaa ǹ wotoron talɛɛ mìi la, bɛ ga a bɔ a daa ǹ gɔn li. Ǹ kɔn pinaa, Tirsaa kiwi, Elaa na á goã a gialaa duvɛ̃ mii liɛ a din ni kii a kion mìilandɛnaa Arsaa a piɛ.

Kiin1 22:3

Izirayeli gána a kii lɛ na á goã á pɛ a dí-nyalin manɛ kɛnɛn: «Ka á doɛ̃, mà Ramɔti kiwi lɛ, Galaati gána nɛ, mà wɔsɛn dinin wɔ nɛ. Sɛnɛ wɔ n tán wɔ́ n wɔ ba sii Siirii gána a kii lɛ la wa!»

Kiin2 10:9

Baayɛlɛ, Zewu soo, á golee a gòãn la, á pɛ zaman lɛ tumaa nɛ: Ka tá pepere! Á ke, ma din ni má ga maa dɛnaagiĩ bɔ a daa ǹ gɔn li, ma din ni má dɛ, sɛnɛ, die na á kɛn tumaa dɛ?

Kiin2 12:21

Zoasi a dí-nyalin nə́ yoo ǹ nə́ n gòãn dii ǹ ná a bɔ a daa sii yɔrɔ bɔ. Ǹ nə́ Zoasi dɛ á gã Bɛti-Miiloo kunu Silaa zii ganaa.

Kiin2 15:30

Elaa a nɛgiĩ Oze ga Remaliawu a nɛgiĩ Pekaa bɔ a daa ǹ gɔn li, á dɛ á gã, á kii baa a bǎã nɛ, bɛ̀ Oziasi a nɛgiĩ Zoatamu a kiibaa lɛ̀ fuəbaa ǹ wɔ nɛ.

Kiin2 8:28

Ahaazia lɛ laanka Akaabu a nɛgiĩ Zoramu woo ziabaa kɔn ka Siirii gána a kii Azayeli ni, Ramɔti kiwi, Galaati gána nɛ. Siirii minin lɛn gɔn nə́ Zoramu kũ, á busu da a ganaa.

Kiin2 8:29

Siirii minin lɛn gɔn nə Zoramu kũ a paǹan mɛnɛn ganaa Ramaa kiwi, bɛ̀ a bɛ́ zia lɛ biɛ kɔn ka Siirii gána a kii Azayeli lɛ nɛ, Zoramu lɛ nə́ n bɔyaa, á daa dagòã da bɛn ganaa Zizereyɛli kiwi. Zoraamu a nɛgiĩ Ahaazia lɛ, Zudaa gána a kii lɛa, bɛ daa n yii kɔ Akaabu a nɛgiĩ Zoramu lɛ ganaa Zizereyɛli, a busu lɛ taman yii.

Kiin2 9:2

Bɛ́ ń dɔ walan, Zozafati a nɛgiĩ Zewu lɛ, Nimusi a nɔ̀ɔn lɛa, n ga bɛ li. N bɛ́ re yii, n kũ n yoo ne ǹ dɔɔ̃nɔn bii n wo ne kion gialaan nɛ.

Kiin2 9:31

Zewu bɛ́ á wɔ á n die kiwi lɛ a kiɛnlɛ diɛ a kio ǹ mɛn waáraa, Zezabɛli nə́ n toa: «Bǐɛ̃ nɛ Zimirii, nsɛ mɛn bɛ n dɛnaagiĩ nyin-bɔle lɛa.»