Kiin2 8:9 - LAWA A BOO SONBORE

⁹ Azayeli dɔ woo bɔ Yiliizee li. A bɛ́ woe, màn mɛn yii á ke a siĩnbaa miã ná a banban Damaasi kiwi wa, a na á woo ka bɛ nɛ a gɔn, bǐɛ̃baa ǹ màn lɛa. Bɛa mànan lɛn man kɔnpii ka nyɔɔmaa pusi a guĩ ni. Azayeli bɛ́ á dɔ, á golee Yiliizee yɔrɔ-a á pɛ: – N nɛgiĩ Bɛn-Adaadi lɛ, Siirii gána a kii lɛa, bɛ na á masɛ dia die pii n ni: «Mà asɛ á die n boe busu kɛ nɛ asɛ la?»

LAWA A BOO SONBORE 2011

⁹ Azayeli dɔ woo bɔ Yiliizee li. A bɛ́ woe, màn mɛn yii á ke a siĩnbaa miã ná a banban Damaasi kiwi wa, a na á woo ka bɛ nɛ a gɔn, bǐɛ̃baa ǹ màn lɛa. Bɛa mànan lɛn man kɔnpii ka nyɔɔmaa pusi a guĩ ni. Azayeli bɛ́ á dɔ, á golee Yiliizee yɔrɔ-a á pɛ: – N nɛgiĩ Bɛn-Adaadi lɛ, Siirii gána a kii lɛa, bɛ na á masɛ dia die pii n ni: «Mà asɛ á die n boe busu kɛ nɛ asɛ la?»

Kiin2 8:9 Iomraidhean Croise

Kiin1 14:3

N die n wo ka buuru mìi fù ni n gɔn, ka takɔlɔ laanka zoo dɔn goon ne, n kɔ la. Sii mɛn bɛ́ re wɔa nɛginin lɛ yii a tá re pii n ni.»

Kiin1 15:18

Ǹ sana gialakun mɛn laanka wɔrɔ gialakun mɛn tumaa toa Lawa guguru kɔ ǹ kion laanka kii a kion ne, Azaa tɔ́n bɛn goã. Kii Azaa lɛ bɛ́ á ǹ goa, á ná a dí-nyalin dia mà ǹ wo kɔ Siirii gána a kii Bɛn-Adaadi la giã-n Damaasi kiwi. Bɛn-Adaadi lɛ n Toabirimɔn a nɛgiĩ lɛa, Ezion a nɔ̀ɔn nɛ. Azaa bɛ́ a dí-nyalin lɛn diɛ, a na á bɔlɔ kɛ pɛ ǹ nɛ:

Kiin1 19:15

Dɛnaa Lawa pɛ nɛ: «Woo, wusoo n nə zii saa n nə n yɔrɔ dia Damaasi don li. N die n wo nyɔɔ lɔ Azayeli ganaa, n koa Siirii gána a kii lɛa.

Kiin2 1:2

Ahaazia bɔ a sanabolo kion banbaran la lon, á mɛnaa. Mɛnaa lɛ wɔ a ganaa parsiini. Bɛ lɛ nɛ, á tɔ́n minin dia mà ǹ wo nɔ̀n da Ekrɔn kiwi a dì Baali-Zebubu la, mà asɛ á die n boe a mɛnaa lɛ-n ya.

Kiin2 13:14

Busu Yiliizee kũ, bɛ lɛ dɔ n die n biɛ a gɛ̀ busu lɛa. Izirayeli gána a kii Zoasi woo a li, á wuu pɛ a mìi la, á pɛ: «Maa díi! Maa díi, ma nə n goã ka Izirayeli gána a zia wotoro ka a sùidɛnan bɛ́ lɔn.»

Kiin2 16:7

Ahaazi minin dia woe pii Asiirii gána a kii Tiglati-Falasaara-n kɛnɛn: «Masɛ nə n dí-nyali lɛa, ma nə n nɛ lɛa. Siirii gána a kii laanka Izirayeli gána kii ke, ǹ nə́ yoo masɛ gialaa, da ma si ǹ la.»

Kiin2 5:13

Sɛnɛ Naaman a dí-nyalin nə́ n zɔ̃, ǹ nə́ dɔ, ǹ nə́ n toa a ganaa kɛnɛn: «Díi, bɛ̀ Lawa a boo gii-dali lɛ na á pɛ n nɛ mà n sii zɛnaa sii mɛn nə́ ke a zɛnaa n kaka, a bɛ́ maa bɛ̀ n ba bɛ zɛnɛɛ wa? Sanparɛ a bɛ́ mà n nə n zoo kooro mà n tá re yoreen koe.»

Kiin2 5:5

Siirii gána a kii lɛ Naaman lɛ si: «Yoo n zii saa n woo! Ma á die sɛ́wɔ koe Izirayeli gána a kii lɛ la.» Naaman dɔ yoo á woo. A bɛ́ woe, á wɔrɔ laanka sana kaa a lon, wɔrɔ kilo biɛsɔɔ (300), sana kilo pɔsɔrɔ. Naaman nyaǹ bɔ ǹ mɔnaa fù dɔ kaa a lon.

Kiin2 6:21

Izirayeli gána a kii lɛ bɛ́ á ǹ yɛ, á pɛ Yiliizee ne: «Maa díi! Ma doamaa nɛ ma ǹ dɛ?»

Boo-laakalaali 3:6

Ga màn li biikoo tan, màn a papaã biikoo tan. Màn-koa biikoo tan, màn-daa biikoo tan.

Filemɔn 1:14

Sɛnɛ, ma a giɛ li ma sii kɔ́n zɛnaa a wɔ gɔn la, bɛ̀ n nə́ n lɛ kɔ wa. Maa taasiɛ n ka kɛ nɛ, bɛa bǐɛ̃ kɛ lɛ, man giɛ li n zɛnaa ma nɛ, a baran pàã sii baa wa, sɛnɛ, a bɔ n din foo ganaa.

Samayeli1 25:8

Nɔ̀n da n tɔntɔraan lɛn la, ǹ tá re pii n ni. Maa dí-nyalin kɛn kũ doɛ̃, a giala, wɔn wɔ́ daa zɔ́n pinaa! Bǐɛ̃ kɔ, bɛ̀ n tá boe la n màn mɛn kɔ n dí-nyalin lɛn laanka n nɛgiĩ Davida la, n bɛ kɔ.»

Samayeli1 9:7

Sayulu pɛ a dí-nyali lɛ nɛ: «Sɛnɛ, bɛ̀ wɔ́ woo, wɔ n die wàa koe Lawa a boo gii-dali lɛ la? A giala, màn-bii ba wɔa boroon ne doo wa, wɔa bǐɛ̃baa ǹ màn kɔn banban, wɔ́ n koe Lawa a boo gii-dali lɛ la wa. Wɔa wàa na a tan?»