Kiin2 8:7 - LAWA A BOO SONBORE

⁷ Ǹ kɔn pinaa, Yiliizee woo Damaasi kiwi. Siirii gána a kii Bɛn-Adaadi goã lon wa. Ǹ ná a boo da a yii ni, ǹ nə́ pɛ nɛ: «Lawa a min lɛ daa yǎa kànaa.»

LAWA A BOO SONBORE 2011

⁷ Ǹ kɔn pinaa, Yiliizee woo Damaasi kiwi. Siirii gána a kii Bɛn-Adaadi goã lon wa. Ǹ ná a boo da a yii ni, ǹ nə́ pɛ nɛ: «Lawa a min lɛ daa yǎa kànaa.»

Kiin2 8:7 Iomraidhean Croise

Siin Giala 14:15

A ná a minin lɛn tala kɔn kuru gigiã, ǹ nə́ bɔ ǹ nə́ kɔ zɔ́ɔn lɛn lɛ tèlò basa li. Ǹ nə́ ǹ loo yǎa Hobaa, Damaasi a gɔsɛ a lɛ̀gɔn la, ǹ nə́ ǹ dɛ.

Kiin1 11:24

Davida bɛ́ á goã á Adadezɛɛrɛ a sɔraasin dɛ, Rezɔn lɛ minin kũ á ǹ kaa kun ka a din ni, á piã wolen goledɛnaa baa. Maǹ nə́ woo Damaasi kiwi, ǹ nə́ giã walan, Damaasi kiwi mìi la.

Kiin1 13:1

Sɛnɛ, Dɛnaa Lawa boo da ka a boo gii-dali goon ne, á n toa Zudaa gána nɛ á woo Betɛli. A bɛ́ doe Betɛli, bɛ̀ Zeroboamu n da yon giĩ kɔɔ̃n tiɛ̃ *wúlu bɔ ǹ bǎã nɛ.

Kiin1 15:18

Ǹ sana gialakun mɛn laanka wɔrɔ gialakun mɛn tumaa toa Lawa guguru kɔ ǹ kion laanka kii a kion ne, Azaa tɔ́n bɛn goã. Kii Azaa lɛ bɛ́ á ǹ goa, á ná a dí-nyalin dia mà ǹ wo kɔ Siirii gána a kii Bɛn-Adaadi la giã-n Damaasi kiwi. Bɛn-Adaadi lɛ n Toabirimɔn a nɛgiĩ lɛa, Ezion a nɔ̀ɔn nɛ. Azaa bɛ́ a dí-nyalin lɛn diɛ, a na á bɔlɔ kɛ pɛ ǹ nɛ:

Kiin1 20:1

Siiriii gána a kii Bɛn-Adaadi ná a sɔraasin tumaa lɛ sɔkɔn. Kii pɔsɔɔwenpaa na á goã kun ka Bɛn-Adaadi lɛ nɛ. Sùin laanka zia da ǹ wotoron dɔn nə́ goã a lon. Á woo kɔ Samarii kiwi lɛ, á zia da a ganaa.

Kiin1 20:34

Bɛ kio, Bɛn-Adaadi pɛ nɛ: «Ma di goã á bǎãn mɛnɛn si n di la, man bɛn koe n la. N die n pii kɔ ǹ bǎã doa Damaasi kiwi, ka ma di goã á doa lɔn Samarii kiwi.» Akaabu na a lɛ si mà lɛ kɔ kɔn la n die yii asɛ tɔn nə n gɔn bɔ-a a woo. Akaabu lɛ kɔ kɔn la doa kɔn nɛ, á toa á woo.

Kiin2 1:2

Ahaazia bɔ a sanabolo kion banbaran la lon, á mɛnaa. Mɛnaa lɛ wɔ a ganaa parsiini. Bɛ lɛ nɛ, á tɔ́n minin dia mà ǹ wo nɔ̀n da Ekrɔn kiwi a dì Baali-Zebubu la, mà asɛ á die n boe a mɛnaa lɛ-n ya.

Kiin2 2:15

Lawa a boo gii-dalin mɛnɛn bɛ́ giã-n Zerikoo kiwi, bɛn nə́ goã ǹ nə́ Yiliizee yɛ ǹ yɔrɔ-a, ǹ nə́ tɔ́n pɛ: «Yiri mɛn goã Yilii la bɛ lɛ n Yiliizee la.» Ǹ nə́ daa n da lɛ, ǹ nə́ kaa tán a giulun,

Kiin2 5:20

Geazi lɛ, Lawa a min Yiliizee a dí-nyali lɛa, bɛ́ taasɛ kɛnɛn: «Maa dɛnaagiĩ bɛ́ á Siirii min Naaman kɛ lɛ toa walan nanaa, a giala, a da ka bǐɛ̃baa ǹ mànan mɛnɛn nɛ, maa dɛnaagiĩ nə́ n piã ǹ nɛ. Dɛnaa Lawa Yiikoonaa lɛ tɔ taman yii, masɛ n die koe a kio lɛ, ma wo màn si la.»

Kiin2 6:12

A sɔraasin nyɛɛnaandɛnaa lɛ goon ná a lɛ si á pɛ: «Maa dɛnaagiĩ kii, min bie wa. Lawa a boo gii-dali Yiliizee mɛn lɛ á ke Izirayeli gána nɛ, bɛ nɛ. N bɛ́ boo mɛn diɛ n waa ǹ kion, Yiliizee tá boe la a bɛ dɔ̃ a pɛ Izirayeli gána a kii lɛ nɛ.»

Kiin2 6:24

Biikoo kɔn daa á kiɛ̃, Siirii gána a kii Bɛn-Adaadi ná a sɔraasin tumaa sɔkɔn, á woo Samarii kiwi lɛnpɛnɛ.

Kiin2 8:6

Yǎa kii lɛ tɔn nɔ̀n da lɔ lɛ la. Lɔ lɛ bɔ ka boo lɛ nɛ á pɛ nɛ. Bɛ kio, kii lɛ lɔ lɛ a sii wɔ nyɛɛnaandɛnaa goon gɔn, á pɛ nɛ: «Màn mɛn tumaa bɛ́ lɔ lɛ wɔ lɛa, toa bɛ wusoo a dɔ a ganaa. Lɔ lɛ soo á n bɔ gána lɛ nɛ ǹ mɛn pinaa, a saa bɛa pinaa kɛ lɛ ganaa a da kaa pelo lɛ, lɔ lɛ a wurun nə là mɛn yii wɔ, á toa bɛ lɛ yii dɔ a ganaa.»

Izayii 7:8

A giala, Damaasi ke Siirii a kiwi gole lɛa, Resini n kiã lɛa walan. Kànaa ka lɛ pɔsɔrɔ ka sooro, Efrayimu á re yui, a re tɔrɔ biɛ doo wa.

Zeremii 40:5

Zeremii bɛ́ a nɛn á woe wa, Nebuzaradan tɔn pɛ nɛ: «N tá boe la n nə n bɔyaa n wo Ayikaamu a nɛgiĩ Gedalia li, ke Safan a nɔ̀ɔn lɛa, Baabiloniin kii baa Zudaa gána a gánadɛnaa lɛa. Ń boe la n wo giã bɛ li kun ka zaman lɛ nɛ, hinlaa, bɛ̀ bǎã mɛn kɔɔ̃n kɔ n ganaa, n wo walan.» Bɛ kio, bǎã-lɛduə̃lin goledɛnaa lɛ màn-bii kɔ Zeremii la zii tɔ lɛ taman yii. Á da zii ka bǐɛ̃baa ǹ mànan nɛ á toa á woo.

Nya ǹ dín 17:6

Ǹ bɛ́ ǹ nə ǹ yɛ wa, ǹ nə́ tɔ́n Zaazɔn laanka dɔɔ̃n Lawa-nyankɔlen kɔnɔn baã ǹ nə́ woo ǹ ne kiwi lɛ a pàãdɛnan yɔrɔ-a, ǹ nə́ pɛ: «Kɛa minin kɛn lɛn ǹ nə́ kanaa din tumaa lɔlɔkɔn, maǹ nə́ daa kànaa dɔ-n sisia.

Timəə dí-pɛn 33:1

Lawa a boo gii-dali Muizu barka mɛn da Izirayeli minin lɛn ganaa á tɔ́n gã, bɛ n ka kɛ nɛ.

Sii yɔrɔ-bɔlen 16:2

Ǹ nə́ pɛ Gaazaa minin manɛ mà Sansɔn daa kànaa. Ǹ nə́ woo wɔlɔ lɛnpɛnɛ, ǹ nə́ kuu kɔ a ganaa kiwi lɛ a kiɛnlɛ-a, tèlò tumu gɔ́ɔ̃ nɛ. Tèlò tumu lɛ gɔ́ɔ̃ nɛ, ǹ nə́ giã kiĩni. Maǹ nə́ goã pii ǹ dinin gɔ́ɔ̃ nɛ mà ǹsɛn man die n yii diɛ, bɛ̀ wɔlɔ fúlu, ǹsɛn nə tɔn dɛ.