Kiin2 8:5 - LAWA A BOO SONBORE

⁵ Yiliizee goã á gere lɛ yii kaa lɔn, Geazi na á goã a gialaa bɛ lɛ yɔrɔ pii kii lɛ nɛ. A toa bɛa boo lɛ diɛ, Yiliizee goã á lɔ mɛn lɛ a nɛ yii kaa, bɛa lɔ lɛ daa kii lɛ nyankɔ, a kion laanka a wurun sii taman yii. Geazi nə́ n toa: «Maa dɛnaagiĩ kii ganaa, lɔ lɛ á ke, a nɛginin lɛ dɔ á ke, Yiliizee nə ǹ mɛn lɛ yii kaa.»

LAWA A BOO SONBORE 2011

⁵ Yiliizee goã á gere lɛ yii kaa lɔn, Geazi na á goã a gialaa bɛ lɛ yɔrɔ pii kii lɛ nɛ. A toa bɛa boo lɛ diɛ, Yiliizee goã á lɔ mɛn lɛ a nɛ yii kaa, bɛa lɔ lɛ daa kii lɛ nyankɔ, a kion laanka a wurun sii taman yii. Geazi nə́ n toa: «Maa dɛnaagiĩ kii ganaa, lɔ lɛ á ke, a nɛginin lɛ dɔ á ke, Yiliizee nə ǹ mɛn lɛ yii kaa.»

Kiin2 8:5 Iomraidhean Croise

Kiin1 20:1

Siiriii gána a kii Bɛn-Adaadi ná a sɔraasin tumaa lɛ sɔkɔn. Kii pɔsɔɔwenpaa na á goã kun ka Bɛn-Adaadi lɛ nɛ. Sùin laanka zia da ǹ wotoron dɔn nə́ goã a lon. Á woo kɔ Samarii kiwi lɛ, á zia da a ganaa.

Kiin2 4:12

Yiliizee pɛ a dí-nyali Geazi ni: «Lɛ dia Sunɛmu lɔ lɛ la.» Geazi lɛ dia la, á daa golee a yɔrɔ-a.

Kiin2 4:35

Yiliizee yoo lon á goã n gòãn boe kɔn kion lɛ nɛ, bɛ kio, á wusoo á woo n lɛ bɔ tán nɛnyaan lɛ la. Nɛginin lɛ tɔ́n haatisəə da gunyin sɔbaa, á n yii bũ.

Kiin2 6:12

A sɔraasin nyɛɛnaandɛnaa lɛ goon ná a lɛ si á pɛ: «Maa dɛnaagiĩ kii, min bie wa. Lawa a boo gii-dali Yiliizee mɛn lɛ á ke Izirayeli gána nɛ, bɛ nɛ. N bɛ́ boo mɛn diɛ n waa ǹ kion, Yiliizee tá boe la a bɛ dɔ̃ a pɛ Izirayeli gána a kii lɛ nɛ.»

Kiin2 6:26

Ǹ kɔn pinaa, a Izirayeli gána a kii lɛ toa tɔ we kiɛ̃ kiwi a kungɔn la, lɔ goon nə́ n lɛ dɛ a ganaa: «Maa dɛnaagiĩ kii, da ma la!»

Kiin2 8:6

Yǎa kii lɛ tɔn nɔ̀n da lɔ lɛ la. Lɔ lɛ bɔ ka boo lɛ nɛ á pɛ nɛ. Bɛ kio, kii lɛ lɔ lɛ a sii wɔ nyɛɛnaandɛnaa goon gɔn, á pɛ nɛ: «Màn mɛn tumaa bɛ́ lɔ lɛ wɔ lɛa, toa bɛ wusoo a dɔ a ganaa. Lɔ lɛ soo á n bɔ gána lɛ nɛ ǹ mɛn pinaa, a saa bɛa pinaa kɛ lɛ ganaa a da kaa pelo lɛ, lɔ lɛ a wurun nə là mɛn yii wɔ, á toa bɛ lɛ yii dɔ a ganaa.»

Loen 145:1

Davida a Lawa tɔ bɔ ǹ loe n ke. Maa Lawa, n din nə maa kii lɛa. Man die n din guguru koe, man die barka diɛ n din ni miɛ̃ duduu.

Suusun 16:9

Minbuiin nɛn manə ǹ zii boe, sɛnɛ, Dɛnaa Lawa n tɔ wɔ bǐɛ̃ koe.

Boo-laakalaali 9:11

Má yɛ doo kanaa kɛ nɛ: min mɛnɛn bɛ́ ǹ baa si miã banban wa, baa-si a gɔ̀lɔ̀baa bie bɛn wɔ lɛa, biikoo tumaa li wa. Min mɛnɛn bɛ́ ǹ kakabaa miã banban wa, zia a gɔ̀lɔ̀baa bie bɛn wɔ lɛa, biikoo tumaa li wa. Min mɛnɛn bɛ́ ǹ sii-doɛ̃ miã banban wa, lɛ-a ǹ bii yɛ bie bɛn wɔ lɛa, biikoo tumaa li wa. Min mɛnɛn bɛ́ ǹ yiri miã banban wa, naforo bie bɛn wɔ lɛa, biikoo tumaa li wa. Min mɛnɛn bɛ́ ǹ doɛ̃ miã banban wa, sii lɛ bie koo bɛn gɔn biikoo tumaa li wa. A giala, biikoo laanka sii tá parɛɛ ǹ tumaa ganaa.

Rɔmu minin 8:31

Wɔ n die pii mà wàa kəni? Bɛ̀ Lawa tá kun wɔ nɛ, die n die boe wɔ la?

Uruti 2:3

Á woo ɔrzi bún lɛ bɔ wuru kɔn nɛ, ɔrzi-kurulin lɛn basa la. A mìi kɔɔ̃n kɔ, á woo yaa bɛ̀ bǎã lɛ n Elimelɛkin tanlɛ min Boazi wɔ lɛa.

Samayeli1 26:17

Sayulu Davida lɛn gɔ́ɔ̃ dɔ̃, á tɔ́n pɛ: «Maa nɛgiĩ Davida, n din lɛn gɔ́ɔ̃ nɛ?» Davida ná a lɛ si: «Maa dɛnaagiĩ kii, ma din lɛn gɔ́ɔ̃ nɛ.»