Kiin2 8:20 - LAWA A BOO SONBORE

²⁰ Zoraamu a biikoo li, Edɔn gána nə́ ǹ gòãn dii Zudaa gána a pàã ganaa, á n din gɔn tɔ kii koa.

LAWA A BOO SONBORE 2011

²⁰ Zoraamu a biikoo li, Edɔn gána nə́ ǹ gòãn dii Zudaa gána a pàã ganaa, á n din gɔn tɔ kii koa.

Kiin2 8:20 Iomraidhean Croise

Siin Giala 27:40

N tá re liɛ n gɔya sa ganaa. N tá re dí nyɛɛ n diɛ̃ lɛ nɛ, sɛnɛ, n tá re n gɔn sii la. A bɛ́ re guĩ mɛn diɛ n mìi ni, n tá re n mìi boe bɛ li, n tá re n bɔlɔ boe a biɛ nɛ.

Samayeli2 8:14

Á minin bɔ á ǹ koa Edɔmu. A na á ǹ koa Edɔmu minin lɛn tumaa mìi la, ǹ tumaa nə́ n bɔyaa ǹ nə́ Davida a dí-nyalin baa. Davida goã woe bǎã mɛn tumaa nɛ, Dɛnaa Lawa na á goã gɔ̀lɔ̀baa koe la miɛ̃.

Kiin1 22:47

Min mɛnɛn nə goã wo dì la ǹ kɔrɔbaa zɛnɛɛ, Zozafati ǹ di Azaa a biikoo li, bɛn gialakunun mɛnɛn nə n si, ǹ nə́ goã, Zozafati bɛn yii papaã á ǹ bɔ gána lɛ nɛ.

Kiin1 22:48

Bɛa biikoo li kii goã koa nɛ Edɔmu gána mìi la wa. Gánadɛnaa dinsɔɔ̃ na á goã a tan, Zudaa n kii bɔ á koa.

Kiin2 14:7

Amasiya lɛ din na á goã á Edɔn minin dɛ yìsi nyankɔrɔ basa kɛ nɛ. A min mɛnɛn dɛ, giĩ duu fù ni (10 000). Zia lɛ gòã wuu li, á Selaa kiwi si á nɔmɔ a ganaa. Á ná a tɔ kɔ mà Yokiteli. Bɛa tɔ lɛ tá tɔn na a tan á da dɔ pelo ganaa.

Kiin2 3:26

Moabu gána a kii yii bɛ́ a ganaa, zia lɛ pàã la nɛ, á giĩ gɔya zia-baali biɛsɔbaa (700) kũ á ǹ kaa kun ka a din ni, mà maǹ boe ǹ zɔ̀ɔn lɛn bii kiɛ̃ woe Edɔmu gána a kii li, sɛnɛ ǹ nə́ fɔ̃ li.

Kiin2 3:27

Moabu gána a kii lɛ gɔn binaa mɛn bɛ́ nɛginin lɛa, a kiibaa lɛ doamaa nɛ a n doe a ganaa, á bɛ kũ á wúlu bɔ nɛ kiwi lɛ a kungɔn la. Moabu minin lɛn foo yoo Izirayeli minin lɛn li parsiini, Izirayeli minin lɛn nə́ n wɔlɔ lui Moabu gána a kii lɛ ganaa, ǹ nə́ n bɔyaa ǹ nə́ woo ǹ gána nɛ.

Kiin2 3:9

Bɛ kio, Izirayeli gána a kii ni, ka Zudaa gána a kii laanka Edɔmu gána a kii yoo ǹ nə́ zii saa. Ǹ bɛ́ ǹ nə́ dɔ lɛawaa sɔbaa zii la, ǹ mu nya ǹ ganaa. Mu goã a tan sɔraasi lɛn tá mii wa, tɔɔn mɛnɛn dɔn nə goã koe ǹ lɛ, a goã a tan bɛn dɔn tá mii wa.

Kiin2 8:22

A laanka bɛ yii ni, Edɔn gána lɛ gòãn man nə́ goã dii ni Zudaa gána a pàã lɛ ganaa, á daa kaa pelo lɛ. Libnaa kiwi dɔ goã á ǹ goã dii bɛa biikoo lɛ li.