Kiin2 8:12 - LAWA A BOO SONBORE

¹² Azayeli nə́ n toa mà wàa na á baa asɛ a dɛnaagiĩ tá wuu pii? Yiliizee ná a lɛ si kɛnɛn: «A giala, n bɛ́ re dí baraa mɛn nyɛɛ Izirayeli minin lɛn ganaa, ma á bɛ doɛ̃. Izirayeli minin kiwin mɛnɛn bɛ́, kungɔn nə́ ǹ ganaa, n tá re tɛ diɛ bɛn ganaa. N tá re ǹ nɛ tenən dii ka gɔya sa nɛ, n nə ǹ nɛnyaan bɔnboɛɛnɛn yɔyɔrɛ, n nə ǹ lɔ nɔ̀nɔ-an nɔ̀ wɔsɔ.»

LAWA A BOO SONBORE 2011

¹² Azayeli nə́ n toa mà wàa na á baa asɛ a dɛnaagiĩ tá wuu pii? Yiliizee ná a lɛ si kɛnɛn: «A giala, n bɛ́ re dí baraa mɛn nyɛɛ Izirayeli minin lɛn ganaa, ma á bɛ doɛ̃. Izirayeli minin kiwin mɛnɛn bɛ́, kungɔn nə́ ǹ ganaa, n tá re tɛ diɛ bɛn ganaa. N tá re ǹ nɛ tenən dii ka gɔya sa nɛ, n nə ǹ nɛnyaan bɔnboɛɛnɛn yɔyɔrɛ, n nə ǹ lɔ nɔ̀nɔ-an nɔ̀ wɔsɔ.»

Kiin2 8:12 Iomraidhean Croise

Kiin1 18:13

Zezabɛli bɛ́ Dɛnaa Lawa a boo gii-dalin lɛn dii, masɛ goã má sii mɛn zɛnaa bɛ gòã wuu li, ǹ bɛ pɛ maa dɛnaagiĩ-n wa? Man má Dɛnaa Lawa a boo gii-dalin lɛn paabiɛ duru kele yala paa gɔ́ɔ̃ nɛ, min poposooro. Man má goã màn-bii laanka mu koe ǹ la.

Kiin1 19:17

Bɛ̀ min woo min kanbaa Azayeli a gɔya sa ganaa, Zewu tá re bɛa dɛnaa dii. Bɛ̀ min woo min kanbaa Zewu dɔ a gɔya sa ganaa, Yiliizee tá re bɛa dɛnaa dii.

Kiin2 12:17

Ǹ goã paa mɛn boe sii la ǹ wúlu laanka sii baraa sawaa ǹ wúlu wɔ lɛa, bɛ bie á goã Dɛnaa Lawa a kion wɔ lɛa wa, a na á goã Lawa wúlu-bɔlen wɔ lɛa.

Kiin2 12:18

Bɛa biikoo lɛ li, Siirii gána a kii Azayeli daa zia da Gaati kiwi ganaa á si á nɔmɔ a ganaa. Bɛ kio, Azayeli zia lɛ bɔ, die woe diɛ Zeruzalɛmu kiwi ganaa.

Kiin2 13:22

Siirii gána a kii Azayeli goã á bɔ Izirayeli gána minin yii ni Zoakazi a yiikoonaabaa tumaa gɔ́ɔ̃ nɛ.

Kiin2 13:3

Dɛnaa Lawa foo yoo Izirayeli minin li, a na á goã ǹ we Siirii gána a kii Azayeli gɔn duduu miɛ̃ ka Azayeli a nɛgiĩ Bɛn-Adaadi ni.

Kiin2 13:7

Zoakazi a zia-baali zaman lɛ tumaa bii, ǹ mɛnɛn nə kanbaa, sùidɛnaa posooro dinsɔɔ̃ nɛ, ka ziabaa ǹ wotoro fù ni, ka zia-baali duu fù ni. A giala, Siirii gána a kii na á goã á gialakunun kɛn dɛ. A na á goã á ǹ baa ka tán tii kɛ nɛ minin nə́ tɔrɛ la ǹ gòã giulun.

Kiin2 15:16

Menaahɛmu a pàã saa lɛ kio ne, á tɔ́n zia da Tifusaa kiwi ganaa. Min mɛnɛn tumaa goã kiwi lɛ nɛ, á ǹ tumaa dɛ. Á bɔ̀n da lɛkoro lɛ-a bǎãn ganaa, a kũ Tirsaa ganaa a woo. A na á zɛnaa miɛ̃ a giala, maǹ nə́ n piã mà ǹ ba kiwi lɛ a wɔ ǹ kiɛnlɛn buĩ wa. Lɔ mɛn yii tumaa goã nɔ̀nɔ-a lɛa, á bɛ yii nɔ̀ wɔsɔ.

Kiin2 4:28

Lɔ lɛ nə́ n toa: «Má nɛ nyankɔ maa dɛnaagiĩ Yiliizee la ya? Táa má goã má pɛ n nɛ, máa n baran soɛ bɔ ma-n wa.»

Izayii 13:16

Ǹ tá re ǹ nɛnyaan tiɛɛ̃nɛn tɔtɔrɛ ǹ dinin yii ni, ǹ nə ǹ kion gɔ̀ɔ̃ mànan kokoo, ǹ giã kun ǹ lɔn nɛ ka pàã nɛ.

Izayii 13:18

Ǹ kiɛn man nɛ tenən dii, Ǹ ba nɛnyaan tiɛɛ̃nɛn makara doɛ̃ wa. Ǹ ba ǹ nɛgiĩn makara doɛ̃ wa.»

Ozee 10:14

Bɛ lɛ nɛ, bɔlɔ lɔlɔkɔn gole á re yui n zaman lɛ bii, ǹ tá re kaa duru ǹ bǎã kakan kɛn tumaa ziziɛ̃ ka Bɛti-Arbeli á ke Salaman ziziɛ̃ zia pinaa lɔn, bɛ̀ ǹ bɛ́ ǹ nə́ náa yɔyɔrɛ kɔnlɛ ka a nɛnyaanan nɛ.

Ozee 14:1

Samarii minin doamaa nɛ ǹ nə n sii baraa giɔ̀mɔ saraa, a giala maǹ nə́ n piã ka ǹ Lawa nɛ. Zia á re ǹ dii ǹ gã, ǹ tá re ǹ nɛ tiɛɛ̃nɛn yɔyɔrɛ, ǹ tá re ǹ lɔ nɔ̀naan nɔ̀ wɔsɛ.

Amɔɔsi 1:13

Dɛnaa Lawa na á pɛ kɛnɛn: Amɔn tɔrɔn kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, Galaati lɔn mɛnɛn bɛ́ nɔ̀ nɛ, ǹ nə́ bɛn nɔ̀ wɔsɔ, màn mɛn bɛ́ toɛ, ǹsɛn gána gole kɔ. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Nahumu 3:10

Sɛnɛ a dɔ a biikoo bɛ́ á dɔ, ǹ ná a minin goa, ǹ nə́ woo ǹ ne bɛ̀rɛbaa ǹ bǎã nɛ. Ǹ ná a nɛnyaanan yɔyɔrɛ ziin bɔ kɔn-a ǹ bǎã tumaa nɛ, ǹ nə́ n pã gána lɛ a nyɛɛnaandɛnan ganaa, ǹ nə́ fɔlɔbiɛn kaa ǹ min dadaran ganaa.