Kiin2 8:1 - LAWA A BOO SONBORE

¹ Yiliizee goã á Sunɛmu lɔ mɛn lɛ a nɛ yii kaa, bɛ kio, Yiliizee boo da ka bɛ nɛ á pɛ nɛ: «Yoo, n bɛ̀ re boe bǎã mɛn a gùli kɔ la, n wo walan, n din laanka n kion minin ni. A giala, Dɛnaa Lawa bòo da bɔ ganaa. Bɛa bòo lɛ á die boe Izirayeli gána lɛ nɛ, a dɔ lɛ̀ sɔbaa dinin.»

LAWA A BOO SONBORE 2011

¹ Yiliizee goã á Sunɛmu lɔ mɛn lɛ a nɛ yii kaa, bɛ kio, Yiliizee boo da ka bɛ nɛ á pɛ nɛ: «Yoo, n bɛ̀ re boe bǎã mɛn a gùli kɔ la, n wo walan, n din laanka n kion minin ni. A giala, Dɛnaa Lawa bòo da bɔ ganaa. Bɛa bòo lɛ á die boe Izirayeli gána lɛ nɛ, a dɔ lɛ̀ sɔbaa dinin.»

Kiin2 8:1 Iomraidhean Croise

Siin Giala 12:10

Bɛ kio, bòo gole daa á wɔ gána lɛ nɛ. Bòo lɛ bɛ́ á baraa kɔ á la yii ni, Abramu soo, mà asɛ n woe Ezipti gána nɛ, á giã walan boɛɛnɛ.

Siin Giala 26:1

Bòo daa á wɔ gána lɛ nɛ, bɛ ná a goon ka Abrahamu a biikoo wɔ kɛ-n wa. Izaaki soo á woo Filisitin kii Abimelɛki li Geraara kiwi.

Siin Giala 41:25

Zozɛfu tɔ́n pɛ Faarahɔn nɛ: «N narɛɛ màn paa lɛ tumaa a binyəə n goon. Lawa bɛ́ re sii mɛn zɛnɛɛ, a na á saa lɛlɛ, á bɛ lɛ da n yiri-a.

Siin Giala 41:32

Bɛ̀ ń yǎa ń narɛɛ lɛ wɔ gunyin paa, bɛ n nyɛɛ mà Lawa din a sii yɔrɔ boe ne, a n die n nanaɛ a zɛnaa dɔ li.

Siin Giala 41:54

Bòo bɛ́ re we lɛ̀ sɔbaa mɛn gɔ́ɔ̃ nɛ, bɛn nə́ n giala kɔ, ka Zozɛfu bɛ́ á pɛ lɔn. Bòo lɛ baraa kɔ gána kɔsɔn dinin tumaa nɛ, sɛnɛ, màn-bii goã Ezipti gána nɛ.

Siin Giala 47:4

Bòo lɛ na á kaka kɔ Kanaan gána-n parsiini, buu dɔ din banban doo, wɔa tɔɔn tá soɛ̃ wa. Bɛ lɛ nɛ, wɔ́ daa gùli kɔ kànaa. Bǐɛ̃ kɔ, n bǎã kɔ wɔ la Gosɛnɛ gána nɛ, wɔ giã walan.»

Samayeli2 21:1

Davida a kiibaa biikoo li, bòo babaraa kɔn bɔ lɛ̀ sɔɔ kɔn kio. Bɛ gɔ́ɔ̃ nɛ, Davida nɔ̀n da Dɛnaa Lawa la, Dɛnaa Lawa tɔ́n pɛ nɛ: «Sayulu laanka a kion minin nə gɛ̀n mɛnɛn dɛ, bɛ na á daa ka kɛ nɛ. A giala, á Gabawɔ̃ minin dɛ ǹ nə́ gã.»

Samayeli2 24:13

Gaadi woo dɔ Davida li, a ná a yɔrɔ pɛ nɛ. Man giɛ li n gána minin lɛn nə lɛ̀ sɔbaa bòo kɔ hinlaa ǹ baa si ǹ zɔ́ɔn nyɛɛnɛ mui sɔɔ bɛ̀ ǹ nə́ ǹ kio lui, hinlaa piɛ̃ busu kaka nə ǹ kũ yǎa lɛawaa sɔɔ. Kanna kəni, n taasɛ. Min mɛn masɛ dia, ma doamaa bɛ́ nɛ ma boo binyəə mɛn kɔ bɛ la, ga n bɛ pɛ ma nɛ.

Kiin1 17:1

Tisibii min, Yilii mɛn nə́ ke Galaati gána min goon lɛa, bɛ pɛ Akaabu ni: «Dɛnaa Lawa Yiikoonaa tɔ nɛ, Izirayeli a Lawa lɛ, ma bɛ́ dí nyɛɛ ǹ mɛn lɛn nɛ, lɛ̀n kɛn die giɛ̃, la ba re kiɛ wa, pele dɔ a die koe wa, bɛ̀ ma bie ma boo da wa.»

Kiin1 18:2

Yilii woo n din nyaa Akaabu ni. Bòo lɛ bɛ́ á goã woɛ̃ nɛ, Samarii kiwi,

Kiin2 4:18

Nɛnyaan lɛ daa á gole kɔ. Ǹ kɔn pinaa, a nɛnyaan lɛ a díi toa kun ka kaa-piɛ dí-nyalin ni, nɛnyaan lɛ woo a li.

Kiin2 4:36

Yiliizee lɛ dia Geazi la, á pɛ: «Lɛ dia Sunɛmu lɔ kɛ lɛ la.» Geazi lɛ dia lɔ lɛ la. Á daa Yiliizee li, Yiliizee pɛ nɛ: «N nɛ lɛ si.»

Kiin2 4:38

Yiliizee wusoo á daa Gilgaali. Bɛa biikoo li, bɛ̀ bòo n gána lɛ nɛ. Ǹ kɔn pinaa, a Lawa a boo gii-dali zaman lɛ toa giã-n tán Yiliizee nyɛɛnɛ, Yiliizee pɛ a dí-nyali ni: «Dɔn gole da tɛ lan, n kiri mu bɔ màn kɔn-a, Lawa a boo gii-dali zaman lɛ wɔ lɛa.»

Kiin2 7:20

A na á n zɛnaa dí-nyali lɛ-n miɛ̃ sonbore. Zaman lɛ tɔtɔrɔ la tán kiɛnlɛ-a, á gã.

Kiin2 8:2

Lawa a min lɛ boo mɛn pɛ lɔ lɛ nɛ, lɔ lɛ bɛ zɛnaa. Á yoo á kiɛ̃ a lɛ-a, a din laanka a kion minin ni, á woo lɛ̀ sɔbaa gùli kɔ Filisiti minin gána nɛ.

Loen 105:16

Dɛnaa Lawa bòo gole wɔ gána lɛ gɔ́ɔ̃ nɛ, màn-bii ná a banban.

Loen 107:34

Á boe la a tán sonbore bɔyaa a baa fu ka yìsi bɔ ǹ bǎã nɛ, bǎã lɛ a minin baraabaa taman yii.

Zeremii 25:29

Á ke, man dɔlɔ boe kiwi kɛ ganaa má bɔ má koa maa wɔ lɛa. Man die kasɛn toɛ walan dɔlɔ baã? Haayii! Ka a re goɛ̃ dɔlɔ baã wa. Man yui zia-n ka ganaa, masɛ Dɛnaa Lawa Pàãyiidɛnaa a da ǹ boo ne.

Lawa a wúlu-bɔlen 26:26

Bɛ̀ má ka nu ka màn-bii ni ǹ mɛn waáraa, lɔ fù á re paɛ̃ kùsì goon toto ganaa, ǹ nə ǹ màn-bii zɛnaa la. Lɔn lɛn tá re màn-bii lɛ zoɛ̃, bɛ̀ ǹ tɔn kɔ ka la. Ka á re bɛ lɛ bii, sɛnɛ, ka a re kiɛ̃ wa.

Amɔɔsi 4:6

Ma din nə má toa bòo wɔ kaa kiwin tumaa nɛ, ma din nə má toa màn-bii wɛɛ̃ kɔ kaa kionən tumaa nɛ. Sɛnɛ a laan bɛ yii ni, ka wusoo ka daa ma li wa. Dɛnaa Lawa a da ǹ boo ne.

Azee 1:11

Má lɛ̀ gere kɔ gána lɛ nɛ, kaa kele mìin ni, má lɛ̀ gere da kaa *belee wuru-n, rɛzɛ̃ wɔ nɛ ka *olivie wɔ nɛ. Màn mɛn tumaa bɛ́ boe tán la minbuiin nɛ ka tɔɔn wɔ lɛa, ka ka bɛ́ dí mɛn din tumaa nyɛɛ ka ka gɔn nɛ, ma lɛ̀ gere kɔ bɛ tumaa ganaa.

Luku 21:11

Tán bìn-diɛ dadaran tá re n zɛnɛɛ. Busu baraan laanka bòo á re we bǎã gigiã nɛ. Nyɛ́ɛ da ǹ siin ni, ka sii giala pɛ ǹ màn dadaran tá re boe lon gɔ̀nɔn ganaa.

Luku 21:22

A giala, bɛa biikoo lɛ n die goɛ̃ Lawa a gɛ̀ dòo bɔ ǹ lɛawaan lɛa. Màn mɛn tumaa nə n kiɛ̃ sɛ́wɔ nɛ, bɛ doamaa nɛ a n zɛnaa bɛa lɛawaan kɛn lɛn nɛ.

Luku 4:25

Man pii ka-n taãn-taãnɛ, Lawa a boo gii-dali Yilii a biikoo li, la bɛ́ n piɛ̃ lɛ̀ sɔɔ ka mui sɔrɔ a ná a kiɛ wa, bòo wɔ, lɔ giɔɔrɔ goã mɔnaa-n Izirayeli gána nɛ.

Nya ǹ dín 11:28

Ǹ goon mɛn tɔ bɛ́ Agabusu, Yiri Fu nyaa bɛ nɛ á pɛ, mà bòo gole á die we kanaa paǹ din tumaa nɛ. Sonbore, bɛa bòo lɛ wɔ Klodo a kiibaa wasa nɛ.

Uruti 1:1

Sii yɔrɔ-bɔlen bɛ́ pàã la ǹ mɛn waáraa, bòo gole kɔn bɔ gána lɛ nɛ. Zudaa tɔrɔn bǎã nɛ, Bɛtlehɛmu kiwi, giĩ goon ne, a laanka a lɔ nɛ, ka a nɛgiĩ min paa nɛ, ǹ nə́ yoo mà maǹ woe gùli koe Moabu gána nɛ.