Kiin2 7:9 - LAWA A BOO SONBORE

⁹ Bɛ kio, ǹ nə́ pɛ kɔn nɛ kɛnɛn: «Wɔsɛn bɛ́ a gialaa sii mɛn zɛnɛɛ, a kɔnbɔ ka zɛnaa-n wa. Pelo a lɛawaa kɛ n boo kɔɔ̃n pɛ pinaa lɛa. Bɛ̀ wɔsɛn nə́ n lɛ tã, wɔ n yii da mà yǎa lɛ̀ wɛɛ, dɔlɔ tá re wɔ kuĩ. Ka daa wɔ wo kiwi lɛ nɛ, wɔ wo a boo da kii a piɛ.»

LAWA A BOO SONBORE 2011

⁹ Bɛ kio, ǹ nə́ pɛ kɔn nɛ kɛnɛn: «Wɔsɛn bɛ́ a gialaa sii mɛn zɛnɛɛ, a kɔnbɔ ka zɛnaa-n wa. Pelo a lɛawaa kɛ n boo kɔɔ̃n pɛ pinaa lɛa. Bɛ̀ wɔsɛn nə́ n lɛ tã, wɔ n yii da mà yǎa lɛ̀ wɛɛ, dɔlɔ tá re wɔ kuĩ. Ka daa wɔ wo kiwi lɛ nɛ, wɔ wo a boo da kii a piɛ.»

Kiin2 7:9 Iomraidhean Croise

Kiin2 5:4

Naaman tɔ́n woo a boo da kii-n kɛnɛn: «Á ke, nɛlɔ ten mɛn lɛ á ke boe Izirayeli gána nɛ, bɛ ná á pɛ mà kɛnɛn ka kɛnɛn.»

Kiin2 7:10

Gɔ̀nɔn ki busu babaraadɛnan lɛn nə́ daa, ǹ nə́ lɛ dia kiwi lɛ a kiɛnlɛ-lɛduə̃lin la, ǹ nə́ pɛ ǹ nɛ: «Wɔsɛn man wɔ́ woo Siirii minin giã ǹ bǎã nɛ. Min ba a-n wa, min a bìn diɛ ba boe wa. Sùin laanka dundunun dininsɔɔ̃nɔn man ke ǹ nə́ goã doa nɛ, mɔnaa kionən dɔn man ke ǹ nə́ ǹ toa walan bii-a ǹ lɛ yii lɛa.»

Kiin2 7:3

Gɔ̀nɔn ki busu babaraadɛnaa min sii kɔn goã kiwi lɛ a kiɛnlɛ-a, bɛn nə́ pɛ kɔn nɛ: «Wɔsɛn nə giã kànaa wɔ n yii da gɛ̀ la? Wàa na á baa?

Kiin2 7:6

Dɛnaa na á goã á zɛnaa, Siirii minin nə́ màn wuu kɔn ma, ka n pɛ mà sɔraasi damata na a gialaa die ka sùin laanka ziabaa ǹ wotoron ne. Siirii minin lɛn nə́ tɔ́n pɛ kɔn nɛ: «Izirayeli gána a kii lɛ ná á Ɛti minin kiin laanka Ezipti minin kiin saa paa ganaa, mà ǹ da ziabaa wɔ ganaa.»

Kiin2 7:8

Gɔ̀nɔn ki busu babaraadɛnan lɛn bɛ́ ǹ nə́ dɔ giã ǹ bǎã lɛ lɛ ganaa, ǹ nə́ kaa mɔnaa kion goon ne, ǹ nə́ màn bii, ǹ nə́ màn mi. Bɛ kio, ǹ nə́ n daa wɔrɔ laanka sana la, ka mɔnaan nɛ, bɛa mɔnaa kion lɛ gɔ́ɔ̃ nɛ, ǹ nə́ woo ǹ duru. Ǹ nə́ wusoo ǹ nə́ daa kaa mɔnaa kion lɛ a kɔsɔ dɔ nɛ, màn mɛn yii goã a gɔ́ɔ̃ nɛ, ǹ nə́ ǹ daa a yii la ǹ nə́ woo ǹ duru.

Suusun 24:16

a giala min mɛn bɛ́ sii sonbore zɛnɛɛ, ta a na á mɛnaa gunyin sɔbaa, a n wusii a yoo. Sɛnɛ, min mɛn bɛ́ sii baraa zɛnɛɛ, koe n die boe bɛ ganaa.

Izayii 41:27

Ma din Dɛnaa Lawa n má a boo da *Siɔn bibinaa nɛ, má maa dia dí-a wole dia Zeruzalɛmu máa a wo boo tii kɔɔ̃n pɛ.

Izayii 52:7

Kɛ n foo kɔɔ̃n lɛa, dia dí-a wole mɛn bɛ́ boe kelen mìi ni, a n là nyantoro boo diɛ, a n boo tii kɔɔ̃n pii, a n kirisibaa boo diɛ. A n pii Siɔn nɛ: «N Lawa lɛ n kii lɛa.»

Minin nimi 32:23

Sɛnɛ, bɛ̀ ka zɛnaa miɛ̃ wa, ka n sii liɛ Dɛnaa Lawa la. Ka dɔ̃ sɛn, mà kaa sii baraa lɛ tá ka kio.

Luku 2:10

Lon a dia dí-a wole lɛ mà ǹ ganaa: «Ka baran nyɛ́ɛ baa wa! Á ke, masɛ n má daa boo kɔɔ̃n pɛ ka nɛ, màn mɛn nə́ die gána kɛ a minin tumaa foo kɔɔ̃n koe parsiini.

Filipi minin 2:4

Min kɔ́n baran ga a dinsɔsɔɔ̃ walan ma, sɛnɛ, ka ga min kɔsɔn walan.