Kiin2 7:6 - LAWA A BOO SONBORE

⁶ Dɛnaa na á goã á zɛnaa, Siirii minin nə́ màn wuu kɔn ma, ka n pɛ mà sɔraasi damata na a gialaa die ka sùin laanka ziabaa ǹ wotoron ne. Siirii minin lɛn nə́ tɔ́n pɛ kɔn nɛ: «Izirayeli gána a kii lɛ ná á Ɛti minin kiin laanka Ezipti minin kiin saa paa ganaa, mà ǹ da ziabaa wɔ ganaa.»

LAWA A BOO SONBORE 2011

⁶ Dɛnaa na á goã á zɛnaa, Siirii minin nə́ màn wuu kɔn ma, ka n pɛ mà sɔraasi damata na a gialaa die ka sùin laanka ziabaa ǹ wotoron ne. Siirii minin lɛn nə́ tɔ́n pɛ kɔn nɛ: «Izirayeli gána a kii lɛ ná á Ɛti minin kiin laanka Ezipti minin kiin saa paa ganaa, mà ǹ da ziabaa wɔ ganaa.»

Kiin2 7:6 Iomraidhean Croise

Samayeli2 10:6

Amɔn tɔrɔn lɛn nə́ yɛ, mà ǹsɛn nə́ n dinin tìĩ bɔ Davida nyin ni. Bɛ lɛ nɛ, ǹ nə́ wɔrɔ bɔ, ǹ nə́ minin dia woe Siirii minin kɛn zia-baalin goɛ Bɛti-Rehɔbu laanka Soobaa kiwi. Maǹ nə́ Siirii minin lɛn min duu fuə (20 000) goa, ǹ mɛnɛn bɛ́ tɔ we ka ǹ gòã nɛ bɛ̀ ǹ wo zia baa. Ǹ nə́ Min duu goon (1 000) goa Maakaan kii kɛa bǎã nɛ, ǹ nə́ min duu fulupaa (12 000) goa Tɔbu kiwi.

Samayeli2 5:24

Bɛ̀ ń bìn diɛ ma dan lɛn mìi ni ǹ mɛn waáraa ka gòã wuu n boe, bɛa biikoo li, n nanaa. A giala, masɛ Dɛnaa Lawa din ni má mɛ n nyɛɛnɛ, má n zia biɛ Filisiti minin lɛn ganaa.»

Kiin1 10:29

Zia da ǹ wotoro goon lɛ, n pii Ezipti gána nɛ, wɔrɔ biɛsɔrɔ (600) nɛ, sùi goon nə wɔrɔ paabiɛ ka posooro (150). Ɛti tɔrɔn kiin tumaa laanka Siirii gána kiin tumaa na á goã zia da ǹ wotoron lɛn laanka sùin lɛn pii bɛa pii-kɔlen lɛn lon a din wɔrɔ lɛ goon lɛ ganaa.

Kiin1 20:20

Didie boo a min la á dɛ. Siirii minin lɛn nə́ n gòã da baa nɛ, Izirayeli minin lɛn nə́ ǹ kio loo. Siiriii gána a kii Bɛn-Adaadi lɛ baa si sùi la á la kun ka sùidɛnan gialakunun ni.

Kiin2 19:7

Á ke, ma á die taasiɛ we Asiirii gána a kii lɛ yiri ni, á re boo miɛ, a n bɔyaa a wo a gána nɛ, bɛa boo lɛ taman yii. Ma á re toɛ a gɔya gɛ̀ wɔ a din a gána nɛ.»

Kiin2 7:5

Ǹ nə́ tɔ́n yoo wasamiɛ̃n tutu, ǹ nə́ woo Siirii minin giã ǹ bǎã lɛ nɛ, ǹ nə́ woo yǎa a lɛ ganaa, sɛnɛ min goon din goã a tan wa!

Zɔbu 15:21

Gɔ̀nɔn bìn da ǹ boo ne ǹ tá miɛ miɛ̃. Ta maǹ là nyantoro ne, basaã-kɔli gɔn nə doe ǹ ganaa.

Loen 14:5

Ǹ nə́ ke bìn diɛ nyɛ́ɛ gunun, a giala, Lawa n kun ka min sonboren ne.

Izayii 31:1

Min mɛnɛn bɛ́ woe giɛ dɔmalɛ li Ezipti gána nɛ, bɛn wɔ n ka koe ne. Ǹ yiri nə ǹ sùin ganaa, ǹ foo n doa nɛ ǹ ziabaa ǹ wotoro damatan kɛn ganaa, ka ǹ sùi dabaa wolen ne a giala maǹ tá kaka. Sɛnɛ, ǹ nə n yɔrɔ bɔyaa ǹ nə́ dia Izirayeli a Lawa sonbore kɛ la wa, ǹ ba giɛ Dɛnaa Lawa li wa!

Izayii 36:9

N ba boe la dinin, n maa dɛnaagiĩ a dí-nyali dadaran kɛn kiɛɛrɛdɛnaa goon din da wusoo a kio-n ganaa wa, ma nə n foo doɛ Eziptin kii ganaa, màn mɛn bɛ́ toɛ n ziabaa ǹ wotoron yɛ ka sùin ni!

Zeremii 46:21

Ezipti sɔraasi tiin mɛnɛn pii, á goã giɛ bɛn walan parsiini ka tɔɔ mɛn bɛ́ ǹ tá toe. Sɛnɛ, bɛn dɔn nə́ n dɔ̀ɔ̃ wɔ nɛ, ǹ tumaa baa si kun. Ǹ dɔlɔ pinaa á die ǹ gialaa, koe lɛawaa nɛ.

Ezekieli 1:24

Ǹ bɛ́ ǹ nə́ yoo ǹ nə́ woe, má ǹ nyàa ka wuu ma. A n ka mu gole wuu bɛ́ lɔn, ka Pàãyiidɛnaa kɛa ginii bɛ́ lɔn. Ǹ wuu na á goã boe ka sɔraasi zaman gole lɛ wuu ni. Bɛ̀ ǹ nə́ golee, maǹ nə́ goã n nyàan lɛn gisĩ,

Ezekieli 10:5

Lon màn yiikoonaan lɛn dɔn nyàa ka wuu na á goã boe ka Pàãyiidɛnaa kɛa boo-diɛ lɛn bɛ́ lɔn, á woo yǎa sumu gɔ́ɔ̃ kɛ nɛ kanaa.

Sii-nyaan 9:9

Ǹ foobii n ka maǹ nə́ fɔlɔ dɔnkɛ wɔ a ganaa. Sùin bɛ́ ziabaa ǹ wotoro mɛn baɛ̃, bɛ̀ ǹ tá woe zia la, ǹ nyàa ka wuu n boe ka bɛ wuu bɛ́ lɔn.

Sii yɔrɔ-bɔlen 7:21

Ǹ bɛ́ golee ne ǹ gòãn la, ǹ nə́ bǎã lɛ da bii, didie ná a bǎã nɛ, Madiã minin lɛn tumaa nə́ n gòã da baa nɛ, ǹ nə́ baa si, bɛ̀ ǹ tá n lɛ dii.

Samayeli1 14:15

Nyɛ́ɛ wɔ Filisiti minin sɔraasin giã ǹ bǎã nɛ ka ǹ kiwin ni. Nyɛ́ɛ zaman lɛ tumaa kũ. Sɔraasin mɛnɛn nə goã giã-n bǎã lɛ nɛ ka ǹ mɛnɛn dɔn nə soo ǹ nə́ woo basaã kɔ, nyɛ́ɛ nə́ ǹ tumaa kũ. Tán bìn da. Lawa na á nyɛ́ɛ gole da ǹ ganaa.

Samayeli1 26:6

Davida nɔ̀n da Ɛti tɔrɔ Ayimelɛki la, á nɔ̀n dɔ da Seruya a nɛgiĩ Abisayii la, Zoabu n dɔɔ̃ngiĩ ke á pɛ: «Die n die woe kun ka masɛ nɛ Sayulu a giã ǹ bǎã nɛ?» Abisayii nə́ n toa mà asɛ á woe kun ni.