Kiin2 7:3 - LAWA A BOO SONBORE

³ Gɔ̀nɔn ki busu babaraadɛnaa min sii kɔn goã kiwi lɛ a kiɛnlɛ-a, bɛn nə́ pɛ kɔn nɛ: «Wɔsɛn nə giã kànaa wɔ n yii da gɛ̀ la? Wàa na á baa?

LAWA A BOO SONBORE 2011

³ Gɔ̀nɔn ki busu babaraadɛnaa min sii kɔn goã kiwi lɛ a kiɛnlɛ-a, bɛn nə́ pɛ kɔn nɛ: «Wɔsɛn nə giã kànaa wɔ n yii da gɛ̀ la? Wàa na á baa?

Kiin2 7:3 Iomraidhean Croise

Kiin2 5:1

Siirii gána a kii a sɔraasin goledɛnaa n ka Naaman nɛ. Barka goã a sii ni kii lɛ gɔn parsiini. Kii lɛ goã sàn koe ka a sii-n wa. A giala, Naaman lɛ din ni, Dɛnaa Lawa goã á gɔ̀lɔ̀baa kɔ Siirii minin la a gɔn. Sɛnɛ, Naaman lɛ, bɛa zia-baali sonbore kɛ lɛ, gɔ̀nɔn ki busu babaraa na á goã a ganaa.

Kiin2 7:4

Bɛ̀ wɔ́ pɛ, mà wɔ wo kiwi gɔ́ɔ̃ nɛ, bòo lɛ bɛ́ a nɛ, wɔ n die giɛ̃ walan. Bɛ̀ wɔ́ golee kànaa dɔ nɛ, a din gɛ̀ lɛ nɛ. Ka daa wɔ kiɛ̃ wɔ wo Siirii minin giã ǹ bǎã nɛ, bɛ̀ ǹ nə́ wɔ yii toa koo, wɔ goã le, bɛ̀ ǹ nə́ wɔ dɛ, wɔ gã le!»

Kiin2 8:4

Kii lɛ na á goã a gialaa boo diɛ ka Geazi ni, Lawa a min Yiliizee a dí-nyali ke. Kii lɛ na á goã pii ni: «Yiliizee sii dadara mɛn tumaa zɛnaa, bɛ laakalaa ma nɛ!»

Zeremii 27:13

A n siɛ lɔn n laanka n zaman tá zoɛ̃ li mà ka gã zia gɔn, bòo ne hinlaa piɛ̃ busu ni. Táa Dɛnaa Lawa na á bɛ lɛ pɛ gánan kɛn wɔ paǹ li, ǹ mɛnɛn bɛ́ re n piɛ̃ mà ǹ ba dí nyɛɛ Baabiloniin kii n wa.

Zeremii 8:14

Waa na á baa wɔ á tán kànaa? Ka wɔ n lɛ sɔkɔn wɔa kiwi tamaa wole sonboren kɛn nɛ, wɔ n yii da gɛ̀ la, a giala, wɔa Lawa, Dɛnaa Lawa n zoɛ̃ li a wɔ dɛ. A n wɔ kiɛ sèwò mii ganaa. A giala wɔ n wɔ́ sii baraa zɛnaa nɛ.

Minin nimi 12:10

Tɛmaa bara lɛ kiɛ̃ á n bɔ zìã lɛ la, bɛ̀ Miriyamu á ke gɔ̀nɔn ki busu babaraadɛnaa lɛa, á kũ á fu kɔ ka koara nɛ. Aarɔn nə́ n bɔyaa á ga Miriyamu ganaa, bɛ̀ gɔ̀nɔn ki busu babaraa á ke a ganaa.

Minin nimi 12:14

Dɛnaa Lawa tɔ́n pɛ Muizu ni: «Bɛ̀ Miriyamu lɛ a díi na á sɛ̀ kaa a yɔrɔ nɛ, bɛ̀ sìi ba goɛ̃ a ganaa a dɔ pii zii goon wa? Bɛ lɛ nɛ, ka bɔ kaa giã ǹ bǎã lɛ nɛ ka da kanaa a lɛawaa sɔbaa, bɛ kio ka tɔn nə n bɔyaa ka da a bǎã nɛ.»