Kiin2 7:1 - LAWA A BOO SONBORE

¹ Yiliizee nə́ n toa: «N too kɔ Dɛnaa Lawa a boo ganaa! Dɛnaa Lawa mà biɛ̃ kɛnɛn yirəə, *wùsu sonbore kilo fulupaa tá re n siɛ̃ wɔrɔ gogoon, *ɔrzi kilo fuəwensii tá re n siɛ̃ wɔrɔ gogoon Samarii pii ni.»

LAWA A BOO SONBORE 2011

¹ Yiliizee nə́ n toa: «N too kɔ Dɛnaa Lawa a boo ganaa! Dɛnaa Lawa mà biɛ̃ kɛnɛn yirəə, *wùsu sonbore kilo fulupaa tá re n siɛ̃ wɔrɔ gogoon, *ɔrzi kilo fuəwensii tá re n siɛ̃ wɔrɔ gogoon Samarii pii ni.»

Kiin2 7:1 Iomraidhean Croise

Kiin1 22:19

Misee nə́ n toa kəni: – Haya le! N too kɔ Dɛnaa Lawa a boo ganaa. Má Dɛnaa Lawa yɛ giã nɛ a kii dankan la, lon a dí-nyalin tumaa ǹ golee ne a genli, a gusin laanka a gɔsɛ.

Kiin2 20:16

Izayii tɔ́n pɛ Ezekiasi ni: – N too kɔ Dɛnaa Lawa a boo ganaa:

Kiin2 4:42

Ǹ kɔn pinaa, giĩ goon bɔ Baalisalisaa kiwi, á daa *ɔrzi buuru mìi fuə kɔ Lawa a boo gii-dali Yiliizee la. A da buuru mɛn lɛ kɔ la, maǹ nə́ da ka ɔrzi dii ni. Á *belee burun dɔ kɔ la boroo ne. Yiliizee nə́ n toa a dí-nyali ganaa mà a gii minin lɛn manɛ ǹ sɔ̃.

Kiin2 6:25

Samarii kiwi nɔmaa á bòo kɔ. Ǹ nə́ goã ǹ nə́ kiwi lɛ kũ taãn-taãnɛ a tɔ-a, yǎa dundun mìi goon giɔ̀mɔ woo dɔ wɔrɔ we pɔkiwisi, nɔɔ dɔ a màn yii goon woo dɔ wɔrɔ we sooro.

Kiin2 6:33

A Yiliizee toa tɔn boo gialaa diɛ, bɛ̀ dia dí-a wole lɛ á ke á daa a li. Kii lɛ pɛ Yiliizee ne: «Á ke, kɛa koe kɛ tumaa n boe Dɛnaa Lawa li. Man boe la man yiri koa wàa ganaa a li doo?»

Kiin2 7:16

Bɛ kio, zaman lɛ tɔ́n soo, ǹ nə́ woo Siirii minin mànan kokoo ǹ giã ǹ bǎã lɛ nɛ. Wùsu sonbore kilo fulupaa boo la á yɛ wɔrɔ gogoon, ɔrzi kilo fuəwensii dɔ boo la á yɛ wɔrɔ gogoon, ka Dɛnaa Lawa goã á pɛ lɔn.

Loen 46:5

Sɛnɛ, tà kɔn tan, a gòãn nə́ Lawa a kiwi kɛ foo kɔɔ̃n koe, Lon a Lawa Gole a giã ǹ bǎã sonbore kɛ lɛ.

Bɔ bɛ̀rɛbaa nɛ 14:13

Muizu pɛ zaman lɛ nɛ: «Ka baran nyɛ́ɛ baa wa. Ka golee kiĩni ka ga Dɛnaa a minin kirisibaa ǹ sii kɛ ganaa a n die zɛnɛɛ ka-n pelo. Sonbore, ka yii bɛ́ Ezipti minin mɛnɛn ganaa pelo ke, ka yii ba re ǹ yii doo duduu wa.

Bɔ bɛ̀rɛbaa nɛ 16:12

«Má Izirayeli nɛnyaanan zùũzùũ sii lɛ ma. A pɛ ǹ nɛ kɛnɛn: Wɔlɔ nyin giɛ̃ biikoo li, ǹ tá re siĩ soɛ̃, baayɛlɛ, ǹ tá re màn bii ǹ kã, ǹ tá re doɛ̃ mà ma din Dɛnaa lɛ nə ǹ Lawa lɛa.»

Bɔ bɛ̀rɛbaa nɛ 8:23

Wɔ doamaa nɛ wɔ lɛawaa sɔɔ zii tɔ wɔ don bii, wɔ wo wúlu màn lɛ bɔ, wɔ kɔ wɔa Dɛnaa Lawa la walan. Wɔ á re zɛnɛɛ ka a din bɛ́ re pii wɔ-n lɔn.»

Izayii 1:10

Kasɛn Zudaa a kiãn kɛn, ka n ka Sodɔmu kiãn bɛ́ lɔn: Ka n too kɔ Dɛnaa Lawa a da ǹ boon li. Kasɛn Zudaa minin, ka n ka Gomɔɔrɔ minin bɛ́ lɔn: Ka n too kɔ Dɛnaa Lawa a boo li, ka n too kɔ wɔa Lawa a doroon li!

Ezekieli 37:4

Á tɔ́n pɛ ma nɛ: – Maa a boo gii da wen lɛn manɛ n pɛ ǹ nɛ: «We laan lɛn, ka n too kɔ Dɛnaa Lawa a boo li.

Zaã a sɛ́wɔ 6:9

mà nɛginin goon tá kànaa, *ɔrzi buuru sooro tá a gɔn, ka zɔ̀ màn paa nɛ. Sɛnɛ, mà bɛ n wàa ǹ bǐɛ̃ koe bɛa min gigiã kɛ ganaa?

Zozoe 3:5

Bɛ kio, Zozoe pɛ zaman lɛ-n kɛnɛn: «Ka *gɔ̀ bɔ ka dinin ganaa, a giala, biɛ̃, Dɛnaa Lawa á die kaãbaa ǹ siin zɛnɛɛ ka bii.»

Sii-nyaan 6:6

Má lɛn goon ma boe màn yiikoonaa pàãdɛnaa sii kɛ bii, a n pii: «*Belee kilo goon kɔ pinin goon dí nyɛɛ tumaa a saraa lɛa, n *ɔrzi kilo sɔɔ kɔ pinin goon dí nyɛɛ tumaa saraa lɛa. Sɛnɛ, n nyan nyɔɔ laanka duvɛ̃ giɔ̀mɔ bɔyaa wa.»

Samayeli1 11:9

Min mɛnɛn nə goã ǹ nə́ daa boo lɛ pɛ, ǹ nə́ pɛ bɛn manɛ mà ǹ wo pɛ Zaabɛsi minin manɛ kɛnɛn Galaati Gána nɛ: «Biɛ̃, wasa bɛ́ re parɛɛ taãnɛ ǹ mɛn waáraa, ka á re dɔmalɛ yii.» Ǹ nə́ kiɛ̃ ǹ nə́ daa pɛ Zaabɛsi minin manɛ. Zaabɛsi minin foo kɔɔ̃n kɔ.

Samayeli1 15:1

Samayeli pɛ Sayulu ni: – Dɛnaa Lawa na á goã á masɛ din dia, má nyɔɔ lɔ n ganaa, ń kii baa Lawa a zaman Izirayeli minin lɛn mìi la. Bɛ lɛ n ke sisia, Dɛnaa Lawa bɛ́ re boo mɛn diɛ, n too kɔ bɛ ganaa.