Kiin2 6:17 - LAWA A BOO SONBORE

¹⁷ Yiliizee Lawa nyankɔ kɛnɛn: «Dɛnaa Lawa, n dí-nyali lɛ yii bũ, màn mɛn bɛ́ toɛ a yii wɔlɔ yɛ!» Dɛnaa Lawa dí-nyali lɛ yii bũ, a yii kele lɛ yɛ a lalan yii n piɛ̃ nɛ ka sùin laanka ziabaa ǹ wotoro tɛdɛnan nɛ, ǹ nə́ Yiliizee da bii.

LAWA A BOO SONBORE 2011

¹⁷ Yiliizee Lawa nyankɔ kɛnɛn: «Dɛnaa Lawa, n dí-nyali lɛ yii bũ, màn mɛn bɛ́ toɛ a yii wɔlɔ yɛ!» Dɛnaa Lawa dí-nyali lɛ yii bũ, a yii kele lɛ yɛ a lalan yii n piɛ̃ nɛ ka sùin laanka ziabaa ǹ wotoro tɛdɛnan nɛ, ǹ nə́ Yiliizee da bii.

Kiin2 6:17 Iomraidhean Croise

Siin Giala 21:19

Lawa ná a yii bũ, á tù goon yɛ tán mu ná a nɛ. Á kiɛ̃ á woo mu bɔnaa lɛ pã, á daa mu kɔ nɛ lɛ la.

Siin Giala 32:1

Bɛa lɛawaa, Laban yoo baayɛlɛ yiisoone, á fòo da a nɛlɔn lɛn laanka a nɔ̀ɔnɔn manɛ, á lɛn bǐɛ̃ bíi ǹ li, á n bɔyaa á woo piɛ.

Siin Giala 32:2

Zakɔba dɔ́ yoo á zii saa. A bɛ́ zii la woe, Lawa a lon a dia dí-a wolen nə́ daa kaa lɛ.

Siin Giala 32:3

A bɛ́ á ǹ yɛ lɔn gɔrɔ, á n lɛ dɛ kɛnɛn: «Eh! Lawa a zia nɛn man ka kɛn nɛ.» Á bɛa bǎã lɛ bíi Maanayimu (bɛ giala mà "Zia-baali kuru paa").

Kiin2 2:11

A ǹ toa zii la sùn biɛ woe, bɛ̀ wotoro tɛdɛnaa goon laanka sùi tɛdɛnan nə́ ke ǹ nə́ daa wɔ ǹ biin ni, ǹ nə́ ǹ sawaa kɔn. Yilii dii á woo lon kurunkurun li.

Loen 104:3

N din nə n giã ǹ bǎã koɛ mu lalan lon sɔsɔɔ. Ma n labaran biɛ n wotoro lɛa, n nə n tɔ we piɛ̃ li.

Loen 104:4

Ma n piɛ̃ biɛ n dia dí-a wole lɛa, tɛ nə n dí-nyali lɛa.

Loen 119:18

Ma yii bũ, a wɔlɔ yɛ sɔnbɔraanɛ. Sii dadaran mɛnɛn bɛ́ n landa boon kɛn nɛ, ma boo la ma bɛn yɛ.

Loen 125:2

Zeruzalɛmu lɛ, kelen man a lɛnpɛnɛ. Dɛnaa Lawa dɔ na a minin lɛn lɛnpɛnɛ miɛ̃, a kũ kanna ganaa, yǎa duduu.

Loen 34:7

Masɛ n koe-yɛle goon lɛa. Ma bɛ́ má Dɛnaa Lawa bíi, á ma lɛ ma, á ma kirisibaa maa fuu-yɛ tumaa gɔ́ɔ̃ nɛ.

Loen 68:17

Basan kele! Nsɛ mɛn mìi bɛ́ gigiã, wàa na á baa, n tá miã goã boe kele kɔsɔ kɛ ganaa, Lawa din bɔ, mà asɛ n giɛ̃ la? Hiĩ Dɛnaa Lawa n die giɛ̃ la, yǎa duduu.

Loen 91:11

A giala, á re pii a lon a dia dí-a wolen manɛ, mà ǹ nə n tamaa bǎã tumaa nɛ.

Loen 91:15

Bɛ̀ á lɛ dia ma la, ma á re n nyii la. Bɛ̀ fuu yɛ, ma á re goɛ̃ kun ni. Ma á re boe ma da, ma gugurubaa kɔ la.

Izayii 42:7

N tá re yii tere-an yii buĩ, n kòso nɛn kaa n nə ǹ bɔ kòso ne. Min mɛnɛn bɛ́ wɔlɔ tì li kòso kion, n tá re bɛn woɛ n soo ǹ ne.

Zakarii 1:8

«Bɛa tèlò lɛ nɛ, má giĩ goon yɛ á dii sùi tã la. A n golee-n dan bii ni, ǹ luu n tì, nyankɔrɔ basa nɛ. Sùi kɔsɔn man a kio: A tãtãn nɛ, a pupurun ni, ka a fufun ni.»

Minin nimi 22:31

Bɛ kio, Dɛnaa Lawa Balaamu yii na, á Dɛnaa Lawa a lon a dia dí-a wole lɛ yɛ doa-n zii la, gɔya sa ná a gɔn, a ná a ba a kii-n wa. Balaamu nə́ n zuməə, á na, á kaa tán a lɛ la.

Matiə 26:53

N ba doɛ̃ mà masɛ á boe la ma pɛ maa Díi Lawa nɛ, mà a n dɔ ma lɛ wa? Bɛ̀ masɛ golee li, á boe la a lon a dia dí-a wole kuru dadara fulupaa dia masɛ la sisia, ǹ zia da maa lɛa.

Nya ǹ dín 26:18

Man die n diɛ ǹ li n nə ǹ yii bũ, ǹ soo ǹ nə n bɔ wɔlɔ tì li, ǹ da wɔlɔ fúlu ganaa, ǹ nə n bɔ *Sɛtaan a pàã giulun ǹ da Lawa ganaa, màn mɛn bɛ́ toɛ, bɛ̀ ǹ nə́ golee masɛ li, Lawa nə n sii baraan toa ǹ nɛ, ǹ dɔn nə bǎã yɛ kun ka Lawa wɔn nɛ.»

Efɛɛzi minin 1:18

A die a ka yiin bũ, a din bɛ́ ka bíi mìi mɛn ganaa, ka boo la ka bɛ yɛ. A bɛ́ bǐɛ̃ sonboren mɛnɛn dɔn koɛ ka nɛ, kun ka a zaman tumaa nɛ, a die a toa ka bɛn là dɔ̃.

Ebrəə 1:14

Lon a dia dí-a wolen kɛn tumaa n yirin dininsɔɔ̃nɔn lɛa, dí nyɛɛ Lawa nɛ, ǹ nə́ n doe kirisibaa-yɛlen kɛn lɛ.

Sii-nyaan 19:11

Má lon yɛ a lɛ n buĩ ni, má tɔ́n sùi fu yɛ bii-a. Min mɛn bɛ́ á dii la, a tɔ n "Bɔlɔgoondɛnaa", ǹ nə́ bíi dɔn mà "Taãnɛ". A n kiri kuri, a n zia biɛ ka peperebaa nɛ.

Sii-nyaan 19:14

Lon a zia-baalin nə́ dii sùi fufun la, ǹ nə́ koe lɛ, ka dɔnkɛ fufu yii nɔnɔɔ nə́ ǹ ganaa, gɔ̀ ná a ba a wa.

Sii-nyaan 3:7

Sɛ́wɔ kɛ kiɛ̃ n dia Filadɛlfiin Lawa a sɔmɔ a lon a dia dí-a wole la: «Masɛ mɛn bɛ́ sonbore lɛa, man taãn lɛa, Davida a goo nɛ n ma gɔn, bɛ̀ má kiɛnlɛ tã, min kɔ́n ba boe la a bũ wa, bɛ̀ má bũ, min kɔ́n ba boe la a tã wa, ma bɛ́ màn mɛn pii, á ke: