Kiin2 5:17 - LAWA A BOO SONBORE

¹⁷ Naaman tɔ́n nə n toa: «N bɛ́ n nə́ n piã, zii sɛ kɔ, ǹ tán tii kɔ ma la, dundun-sùi màn paa a guĩ yii li. A giala, ma ba re wúlu mànan tiɛ̃ doo lawa kɔsɔn-a wa, ma ba re wúlu boe doo lawa kɔsɔn-a wa, bɛ̀ á n bɔ Dɛnaa Lawa nɛ.

LAWA A BOO SONBORE 2011

¹⁷ Naaman tɔ́n nə n toa: «N bɛ́ n nə́ n piã, zii sɛ kɔ, ǹ tán tii kɔ ma la, dundun-sùi màn paa a guĩ yii li. A giala, ma ba re wúlu mànan tiɛ̃ doo lawa kɔsɔn-a wa, ma ba re wúlu boe doo lawa kɔsɔn-a wa, bɛ̀ á n bɔ Dɛnaa Lawa nɛ.

Kiin2 5:17 Iomraidhean Croise

Kiin2 5:12

Damaasi kiwi a tàn kɛn, Abanaa laanka Parpari, bɛn ba soɛ Izirayeli gána a tàn tumaa-n wa? Man maa boe la man zoo walan doɛ̃ ma kaka kɔ wa?» Bɛ kio, á n bɔyaa á woo a foo n yoo ne.

Kiin2 5:18

Sɛnɛ, sii goon nə ke, Dɛnaa Lawa die a bɛa sã toa ma nɛ: Bɛ̀ maa kii lɛ tá we dì Riimɔn kɛa kion, a tá a guguru koe, a nə n doɛ masɛ nyàa ganaa, masɛ dɔ n kiɛ tán dì Riimɔn a kion lɛ nɛ. Ma bɛ́ re bɛa kaa tán kɛ lɛ we dì Riimɔn lɛ a kion, Dɛnaa Lawa die a sabara baa a bɛa sii lɛ a sã toa ma nɛ.»

Bɔ bɛ̀rɛbaa nɛ 20:24

Ka *wúlu bɔ ǹ bǎã dɔ ka tii ni masɛ wɔ lɛa, ka wúlu mànan dɛ ka ǹ tã la, ka bii kɔɔ̃n kɔ kɔn ka Lawa nɛ ǹ wúlu mànan nɛ. Ka ǹ bɔ, sèren laanka diin ni. Ma bɛ́ re bǎãn mɛnɛn nyɛɛ, ka ma guguru kɔ ǹ nɛ, ma á re die walan, ma barka da ka ganaa.

Nya ǹ dín 26:18

Man die n diɛ ǹ li n nə ǹ yii bũ, ǹ soo ǹ nə n bɔ wɔlɔ tì li, ǹ da wɔlɔ fúlu ganaa, ǹ nə n bɔ *Sɛtaan a pàã giulun ǹ da Lawa ganaa, màn mɛn bɛ́ toɛ, bɛ̀ ǹ nə́ golee masɛ li, Lawa nə n sii baraan toa ǹ nɛ, ǹ dɔn nə bǎã yɛ kun ka Lawa wɔn nɛ.»

Rɔmu minin 14:1

Min mɛn pàã bɛ́ kiɛɛrɛ golee Lawa li gɔ́ɔ̃ nɛ, ka lɛ kɔ a ganaa, ka baran liere kɔ a taasiɛn wɔ gɔn la wa.

Tesaloniki1 1:9

A giala, ká wɔ kũ lɔn bɛ̀ wɔ bɛ́ wɔ́ daa kaa piɛ, min tumaa na a laakalɛɛ. Ká dìn toa walan lɔn ká Lawa taãn kɛ guguru kɔ, Lawa yiikoonaa ke, ǹ tá bɛ dɔ pii.

Piɛrɛ1 4:3

Sonbore, ka biikoo gigiã saa lɛlɛ, ka kaa sii din tumaa zɛnaa, á kɔnpɛ ka min kooron sii-zɛnaan nɛ. Ka ǹ ká goã naarɛ biɛ, ka goã dùũ sii babaraan zɛnɛɛ, ka ǹ ká goã yɔ-mili baraan lɛa: Ka ǹ ká goã n lɛ soekɔn ka n mii baraabaraa, ka n mii bɛ̀ ka n zɔɔ̃ kɔn. Ka dì wúlu-bɔ bɔnɛɛn dɔn zɛnaa.